[ باي صلصة التفاح او فطيرة التفاح ] من مطبخ لوبا

[luba]

السلام عليكم ورحمة الله


http://www.libyan-kitchen.com/gallery/images/goodbie.gif


تارت صلصة التفاح ( فطيرة التفاح )


http://www.libyan-kitchen.com/gallery/images/la213.jpg

مقادير العجينة :

2ونص كوب دقيق - 1 كوب زبدة متلجة ( ضروري متلجة )

حوالي 7 او اقل ملاعق باردة جدا من الماء

نصف ملعقة صغيرة ملح وملعقة كبيرة سكر


طريقة العجن :

نخلط الزبدة مع الدقيق والملح والسكر بروس صوابعنا ( زي الزميته المفرفشة) بعد مزجها كويس


http://www.libyan-kitchen.com/gallery/images/la197.jpg


نحركها بين كف اليدين يعني تحتريب ( الحركه هادي نديروا فيها مرات في تبويخ الكسكسي )


http://www.libyan-kitchen.com/gallery/images/la198.jpg


لين تتكون حبوب رقيقة او صغيرة ونصب عليها الماء البارد جدا بالملعقة

ولكن بدون عجن مهمه النقطه هادي هيا والماء البارد والزبدة الباردة

نجمعهم تجميع باليد مع الضغط الخفيف عليها وتكويرها باليد لتتجمع

نحطوها ساعتين او ليلة كاملة في التلاجة


صلصة التفاح :

3 تفاح مقشر ومقطع مربعات - ملعقة صغيرة نشا - وسكر حسب الرغبة - وقرفة حسب الرغبة
وملعقة صغيرة زبدة

http://www.libyan-kitchen.com/gallery/images/la196.jpg

تخلط مع بعضها وتوضع علي نار هادئه تمتزج المكونات وتصير تقيلة والتفاح رطب جدا

http://www.libyan-kitchen.com/gallery/images/la199.jpg

نرش الطاولة دقيق ونفرد عليها العجينة بالشوبك

http://www.libyan-kitchen.com/gallery/images/la200.jpg

ونرفعها علي الشوبك لو كان كبير القالب ونفردها

اني قوالب الكب كيك حطيتها وقصيت حواشيها بالمقص تخلي من الحواف حوالي
5 سم او اقل

http://www.libyan-kitchen.com/gallery/images/la201.jpg


برمت الحواف للداخل وقصيتها مائلة

http://www.libyan-kitchen.com/gallery/images/la202.jpg

وشكلتهم و تقبتها بالشوكة من جميع الجهات

http://www.libyan-kitchen.com/gallery/images/la203.jpg




http://www.libyan-kitchen.com/gallery/images/la204.jpg


قصيتها بقالب تاني وفتحت فيها فتحات لخروج البخار


http://www.libyan-kitchen.com/gallery/images/la205.jpg


بعد نغطيها بالعجينة انلف طرف داخل وطرف نخليه برة وحدة بوحدة

http://www.libyan-kitchen.com/gallery/images/la206.jpg

وهدا شكلها وتفضل عملها في القالب كبير تطلع شكلها رووعة


http://www.libyan-kitchen.com/gallery/images/la207.jpg

هدا الشكل باصابع اليدين السهم اللي في داخل القالب نتني اصبع السبابة ونحطه مكان السهم ويقابله من
الخارج روس اصابع السبابة والابهام مع الضغط المتوسط وتشكيلها


http://www.libyan-kitchen.com/gallery/images/la208.jpg

وهدا شكلها


http://www.libyan-kitchen.com/gallery/images/la209.jpg



وهده بحافة الموس الخارجيه غير الحادة وندير خطوط مايلة


http://www.libyan-kitchen.com/gallery/images/la210.jpg


وندهنها صفار بيض وحليب ونرشها بالسكر المحبب
نضعها في الفرن الرف الوسط علي حرارة 190 درجة مئوية
وان شاء الله تعجبكم


http://www.libyan-kitchen.com/gallery/images/la211.jpg


http://www.libyan-kitchen.com/gallery/images/la212.jpg



http://www.libyan-kitchen.com/gallery/images/la214.jpg


كانت عجينة اكتر من رائعة مقرمشة و خفيفة وتقدروا اديروها مع الحار متل الدجاج وكدلك الخضروات كالسبانخ والجبن

[الصابرة]

ماشاءالله تارت اكثر من رائع وشرح واضح ومفصل سلمت يمناك
وطبعا بما اني الاولي نقيت وخذيت ولك تقييييييييييمي حبيبة
http://www.libyan-kitchen.com/gallery/images/la212.jpg

[ترهونيه حره]

ماشاء الله تارت حلو
وشكلهم احلى سلمت
يداك واحلى تقييم

[om_adnan]

بصراحة ابدعتى,ما شاء الله,بارك الله فيك على الشرح الواضح ,صدفة غريبة حتى انا حنزل مفن بالتفاح بس مش ليك ,هل درجة حرارة الفرن تكون مرتفعة شوى والا عادى لانهم قوالب صغيرة ,نعرف انه ممكن تحطيها فى الفريز.,عشرة على عشرة لولو مع مرتبة الشرف.

[حبيبتهم]

السلام عليكم

ماشاء الله تبارك الله

الحق حاجة روعة ربي يسلم الايادي المبدعة

والقرفة مع التفاح مش عادية تهبل تطلع عليه 100%

انا العجينة هذي امجربتها بالمالح
كيش بالدجاج طلعت روعة


وتسلمي

[بنت حواء]

ماشاء الله عليك يالوبا تارتات حليوات وشكلهم تححححفة وبالتفاح امممممم
سلمت يداك و 5 نجوووووووم

[آمال]

ابدعت يا لوبا

والشرح واضح
ما شااااء الله

[شروق الشمس]

ماشاء الله
تارت جميل
يسلموا ايديك
دائما وصفات رائعه

[luba]

شكرا لمروروكم واضافاتك الحلوة والمشجعه

ومعلوماتكم وتاكيداتكم علي تجربتها من بعض منكن

لو درتوها زي ماشرحت عمركم ما تستغنوا عليها اصبحت عندي مهمه

لانها عجينه روووووعه

ام عدنان عدلت الموضوع فوق وشكرا لتنبيهي بارك الله فيك

[أم ميوسة]

لوبا تارت تفاح مش عادي

شكله جنان وانا ماعنديش الروح معاه

تسلم ايدياتك حبيبة ابدعتب

احلى تقييم ليك

[الساجدة لله]

تسلم الايادي ياغالية فعلا التارت مميز ومش عادي ماشاء الله

[luba]

ام ميوسة والساجدة انتم المميزين ومش عاديين
لمجهوداتك وعطائكم في المنتدي شكرا لمروركم اللي نور الصفحة

[دانة ليبيا]

تارت اكثر من روعة
تسلم ايديك وصحتين علي قلوبكم

[المصراتيه]

ماشاءالله لا قوه الا بالله
ياعيني علي اللمسات الحلوه
ماشاءالله كانت اكتر من روعه وعجينتك نفس عجينتي ولكن حنجرب طريقتك بالكامل ان شاءالله
تسلم يدياتك ويعطيك الصحه
تستاهلي احلي تقيــم

[luba]

اهلين بالغاليات نورتوا الموضوع وياميمي
هدا قليل جدا مما عندك
بارك الله في كل من مر ورفع المعنويات وقيم وشاركني الموضوع

[نسمه ليبيه]

ماشاء الله تبارك الله قمة الروعه واللذاذه
يسلموا ايديك ولعيونك تقييمى

[أمـ ساره]

ماشاء الله لا قوة الا بالله

تارت ايهبل ويحي في الخاطر لوبا

مش عارفة وين كان الموضوع مختفي عني

ان شاء الله نجربه قريب للحفظ أكيد

بس بنسألك لو بنغير الحشوة لنوع فواكه ثاني شنو يكون ؟؟

تستاهلي أحلى تقيييم لو مشي وأحلى نجووووووم

[luba]

بارك الله فيكم علي المرور السمح نسومه وام ساره

ام ساره تقدري تحطي كوكتيل الفواكه او فراوله او كرز الاحمر ومرات تقدري اديري
كرميل بالحليب المكتف مع حبات موز
او توفي بالفواكه
بارك الله فيكم علي مروركم العطر

[نسمه ليبيه]

لحظه ..لحظه لوبا

شن حسك قلتى؟

تعالى هنا وين ماشيه؟:confused:

كراميل وحليب مكثف وموز؟؟؟؟؟؟؟ اشرحيلى بالتفصيل لان الثلاثى هذا عشقى الابدى:p

[luba]

لحظه ..لحظه لوبا

شن حسك قلتى؟

تعالى هنا وين ماشيه؟:confused:

كراميل وحليب مكثف وموز؟؟؟؟؟؟؟ اشرحيلى بالتفصيل لان الثلاثى هذا عشقى الابدى:p



هدا يا عزيزتي مرات اندير فيها الطريقة هادي بين طبقات الكيكه بنتها تهبل مسميتها كيكة العيد الكبيرة :rolleyes:
في ليبيا اندير فيها في العيد الكبير

تاخدي حليب مكتف نضيفله كاكاو علي حسب ماترغبيه

تخليه يركرك علي نار هادية جدا مع التحريك كل مرة لمدة تقريبا 45 دقيقة او اكتر كل مرة ارفعي وشوفي كتافته بعد يبرد في الملعقه

وبعدين خلطيه مع مكعبات او شرائح تكون سميكه شوي من الموز وافرديهم علي عجينة الباي وغطيه وطيبيه وفي الطريقة التانية تقدري حتي اطيبي العجينة في

الطاجين قبل وبعدين تصبي الخليط هدا في وسطها بعد اطيب ومش لازم تغطية بعجينة تانية وادا تبي تغطيه حطي عجينة تانية وحمريها تحمير من بعيد

وبس لازم بعدين تخليها تبرد قبل تقطعيها علي خاطر الكراميل يشد

[بنت الاشراف]

تبارك الرحمن لوبا يسلموا إيدياتك لك تقييمى

[زوبة الطيوبة الحبوبة]

يسلموا هالايديات يالوبا وجاري التطبيق
شكلها يهبل ولك تقييمي..

[luba]

اهلين بالغاليات نورتوا الموضوع بارك الله فيكم علي مروروكم الرااائع

زوبة قولي حتي رايك وصوريهم في يوم ممكن حتتعلمي وتقدري اتنزليهم ولو تبي مساعدة تفضلي

كل البنات يساعدوك ان شاء الله

[نسيبة]

تسلم ادياتك حبوبة لك احلى تقيييم

[luba]

بارك الله فيك نسيبة اسعدني تواجدك

[luba]

للرفع