[استعدادات رمضانية بالادوات واللوازم المطبخية] من مطبخ الصابرة

[الصابرة]

http://www.libyan-kitchen.com/gallery/images/tool.gif





السلام عليكم
انا بنقدم حاجاتي لشهر رمضان
اني ماعنديش جديد
كهربائياتي نستخدم فيهم من فترة طويلة من اول ماتزوجت
ودائما نظريتي الفايدة في القلة والله اعلم

هذه ست البيت ومعاها 6 قطع

http://www.allibya.me/uploads/hawaly_13422457421.jpg (http://www.allibya.me/)


الميزة الرائعة في ست البيت اللي عندي تقدري تشغلي حاجتين في نفس الوقت

http://www.allibya.me/uploads/hawaly_13422447528.jpg (http://www.allibya.me/)

وهذه قلاية البطاطا بتاعت نصف كيلو زيت حجم صغير لا استغنى عنها

http://www.allibya.me/uploads/hawaly_13422447516.jpg (http://www.allibya.me/)

وهذا مضربي الحبيب خفاقي الكهربائي

http://www.allibya.me/uploads/hawaly_134224475210.jpg (http://www.allibya.me/)

http://www.allibya.me/uploads/hawaly_13422457425.jpg (http://www.allibya.me/)

وهذه شواية كهربائية اكيد مهمة في رمضان

http://www.allibya.me/uploads/hawaly_13422457426.jpg (http://www.allibya.me/)

وهذه طواجين حرارية بايركس

http://www.allibya.me/uploads/hawaly_13422457427.jpg (http://www.allibya.me/)

http://www.allibya.me/uploads/hawaly_13422457428.jpg (http://www.allibya.me/)

وهذه طنجرة وكسكاس لان اللي عندي خلاص قدم استقالته

http://www.allibya.me/uploads/hawaly_13422457429.jpg (http://www.allibya.me/)

وهذا طقم من الفضة اهداه لي راجلي من كثر مايعرف اني اعشق مثل هذه الاشياء

http://www.allibya.me/uploads/hawaly_134224574210.jpg (http://www.allibya.me/)

وهذه اكواب شاي

http://www.allibya.me/uploads/hawaly_13422459961.jpg (http://www.allibya.me/)

وهذا اكواب عصير تغيير فقط

http://www.allibya.me/uploads/hawaly_13422459962.jpg (http://www.allibya.me/)

لو لاحظتم ليس جديد كثير
فكهربائياتي والحمدلله مازالت باحسن حال
وبالنسبة للاطباق وغير ذلك فعندي والحمدلله
لم اشتري الا ماينقصني
مثل الطنجرة والكسكاس واكواب الشاي
ام بالنسبة للاكواب العصير لي فترة طويلة لم اشتري
فحبيت اجدد عشان الشهر الكريم
اما بالنسبة للطواجين البايركس لان كان لدي
طواجين فخار للاسف انكسرن
وان شاءالله يارب تكوني زيي ماتاخذوش غير اللي ناقصكم
لانه شهر كريم فلا نضيع بركته باسرفنا وتبديرنا
واعاده الله على الجميع والخير والبركة
وكل عام وانتم بخير

[آمال]

ماشاااااء الله ألله ايبارك تبيدهم بالهناء أخية

ادواتك عجبتني
اريد أن أسئل عن الشواية هل هي جيدة عجبتني أريد أن اشتريها لكن لا يشكرون فيها
ما رأيك أنت

[الصابرة]

ان شاءالله اختي ام رميصاء
والله بالنسبة ليا ليها 3 سنوات معي مش عادية ومافيهاش دخان بسبب الماء الذي يسكب في الاسفل وبصراحة واهم شئ انك لما تشوي مستحيل حد يعرف
عشان الجيران وغير ذلك مرات في ايام الشتاء نشوي بيها في المطبخ مع الشفاط مستحيل تقعد رائحة في البيت هذا رأيي فيها بامانة والله وشويها قريب جدا للفحم بس من غير نكهة الفحم

[om_adnan]

وعليك السلام الصابرة
وان شاءالله يارب تكوني زيي ماتاخذوش غير اللي ناقصكم

أكثر جملة عجبتنى فى موضوعك,لان الشراء لمجرد الشراء والتباهى ظاهرة متفشية وخسارة انها تكون باسم الشهر الفضيل,وطبعا الف مبروك على الحاجات الجديدة,و ان شاء الله تشربى احلى قهوة فى احلى طقم..بصراحة ذوق.

[الصابرة]

الله يبارك فيك اختي ام عدنان ...سلمك يارب ....
وازيدك من الشعر بيت مرات تلقي الوحدة تشري وعندها خير ربي كله ولما تقوليلها خيرك تشري ناقصك حاجة
تقولك كيف فلانة تشري واني لا.. نقوللها حتى مش ناقصك حاجة ترد عليك برد يقهر.. هيا خير مني في شنو
يساحبوا الخيرة في الشراء مايسحبوش الخيرة عند ربي بالعمل الحسن وبدل ماشرت حاجات زايدات عليها
كانت عطتهم لحد محتاج واستفادت من الدعاء والاجر عند ربي
سامحوني اطلت بالكلام لان هذا الموضوع بالفعل مضايقني ومصدقت حد فتح الموضوع
بارك الله فيك ام عدنان

[حبيبتهم]

ماشاء الله تبارك الله تبيديهم بالهني والصحة

عجبتيني والله انك ماتشري الا اللي تحتاجيه ماشاء الله عليك فالحة وناشطة وعندك ذوق ربي يزيدك من فضله

[مغتربة 7]

ماشاء الله تبارك الرحمن
ان شاء الله تبيديهم بالهني وتتهني بيهم يارب
ينعاد عليك بالخير يارب

[الصابرة]

ان شاءالله حبيبتهم
سلمك يارب ويبارك فيك
...........
وخيتي غروبة ان شاءالله يارب
وينعاد عليك وعلى الجميع يارب

[luba]

تبيديهم بالهني والصحة وكلهم حلوين القديم والجديد
شكرا لانك افدتينا بأدواتك وكلماتك
لك تقييمي يالغالية

[لوتي]

تستاهلي أحلى نجوم ماشاء الله عليك تبيديهم بالهني والصحة عليك ربي يحفظك ويرزقك كل ما تتمني وصدقتي في فكرة الشراء الناس قرب الشهر الفضيل تلقيهم زاحمين في محلات الماعين وفيهم من عنده وماهوش مستحق لكن علي قولتك فلانة قيش أحسن

[الصابرة]

سلمك يارب ونجيك يا وخيتي لوبا
وصحيتي على التقييم
.....
الله يبارك فيك على النجوم يالوتي
وصحيتي على الدعوة الحلوة وامين يارب
واسعدني مرورك.... ربي يحفظك

[أمـ ساره]

ماشاء الله صابرة ادوات ولوازم حلوة

طواسي الشاي زي الي عندي الزبط

تبيديها بالهني وخيتي وربي يبارك لك فيهم

ورمضانك مبارك وخيتي

[الصابرة]

الله يبارك فيك ....ويعطيك الصحة ....وراحة البال علي الشهر المبارك

والطواسي طالما واخدة زيهم معناها حلوات لان ذوقك اكيد رائع

وان شاءالله ماتتعبي هلبة في الشهر الكريم يارب

[دادي]

تبيديهم بالهناء ويبارك فيك
والله كلامها هذا ديمة تقول فيه ليا لدرجةلما نبي نشري حاجة نبداء انفكر في كلامها ونشوفها ناقصتني او لا عشان ماتعاركنيش
وتبوا الحق كلامها صح
لكن هاتي من يقدر ايدير زيها

[بنت حواء]

ماشاء الله ياصابرة كل حاجاتك حلوة الكهربائية وغيرها
وطرحك للصور والتعليق رائع ونصيحتك على التبذير مهمة فعلا
تبيديهم بالهنا وربي يخليلك زوجك ويسعدكم دنيا وآخرة
سلم يدياتك وبارك الله فيك

[الصابرة]

صحيتي يادادي لكن حسستيني اني بعبع واني مانبي غير انك اديري الحاجة اللي ترضي ربي
الله يبارك فيك يارب
..................
اخجلتيني اختي بنت حواء وبارك الله فيك
امين يارب وان شاءالله ربي يعطيك ماتتمني

[ترهونيه حره]

مبارك عليك الشهر وانشاء الله تبيديهم بالهناوالعافيه لك تقييمى

[الصابرة]

الله يبارك فيك اختي ترهونية حرة واسعدني مرورك

[بنية بوها]

تبيديهم بالهني وربي يدوم عليك

[الصابرة]

امين يارب
اسعدني مرورك

[نورية المصراتية]

ماشاء الله عليك .. رربي يحفظك

[المصراتيه]

ماشاءالله
كلهن حلوات تبيديهن بالهني ان شاءالله
وعجبنييييي الطاقم يهببببل سلم راجلك يعيش ويجيبلك ان شاءالله
وكل عام وانتي بالف خير

http://www.allibya.me/uploads/hawaly_134224574210.jpg

[أم خديجه]

بارك الله فيك
عجبوني اتبيديهم بالهناء
اقنينات فناجين القهوي ايعش وايجيبلك
وان شاء الله كل عام وانت بخير
رمضان كريم عليكم وعلينا

[زوبة الطيوبة الحبوبة]

رمضانك مبارك ان شاء الله اختي الصابرة ... وتعيشي وتشري وان شاء الله تبيديهم بالخير والصحة والهناء وفعلاً كلامك صح اللي مش لازم بلاش منه ..

[الصابرة]

امين يارب
ومشكورات وخياتي اسعدني مروركن

[بنت أبوها]

http://www.libyan-kitchen.com/kitchen/images/icons/icon1.png


ماشاء الله ولاقوة الا بالله