[ سندوتشات ارجل سرطان البحر ] من مطبخ لوبا

[luba]

السلام عليكم ورحمة الله وبركاته





http://www.libyan-kitchen.com/gallery/images/hbhmgh.gif

سندوتشــــات أرجل ســــرطان البــــحر

http://www.libyan-kitchen.com/gallery/images/la256.jpg

السرطان المستخدم لونه احمر ونستعمل الرجلين والمخالب


نقدروا نطبخوا السرطان كامل علي النار في ماء او


نحطوه علي البخار في الكسكاس

اني اشتريته مرة وحدة وكان مقسم نصفين بدون الوسط يعني رجليه فقط كما في الصورة

http://www.libyan-kitchen.com/gallery/images/9olo.jpg


وطبخته علي الكسكاس وكانت ريحته قوية وكأنك في وسط البحر

بعدها تكسري الرجلين الي نصفين بايديك زي ماتكسري العصا طبعا هدي خليتها علي زوجي

وتسحبي اللحم من الرجلين

تاكليه بدون شي او تخلطيه مع حشوة او تفتتيه واضيفيلة بصل اخضر وثوم

او في طبيخة غير ينحط في الاخير

وهو لحمه طري وسريع الطبخ

بعد طلعنا الرجلين نحطوهم في سندوتشات

http://www.libyan-kitchen.com/gallery/images/la253.jpg

وبعدين لقيت الجاهز وبديت نستعمل فيه

السندوتشات حشوتها سلاطة وهريسة وماكترت فيه حشو علي خاطر تطلع بنته

http://www.libyan-kitchen.com/gallery/images/la254.jpg

وهو قنين جربوه ان شاء الله يعجبكم
انتظروني في وصفات اخري من ارجل سرطان البحر

http://www.libyan-kitchen.com/gallery/images/la255.jpg


http://www.libyan-kitchen.com/gallery/images/la257.jpg

[لوتي]

بصراحة معمريش دايقاته لكن شندويتشاتك منظرهم روووعة تسلم إيدك تستاهلي النجوووم
لوبا زعما زي شنو بنتهم

[الساجدة لله]

تسلم الايادي ياغالية سندوتش يهبل ماشاء الله

انا ندير فيه المحفوظ السلطعون بصراحة طعمته وااااااو

[بنت حواء]

سندويتشات تشهي نموووووت في الأكلات البحرية وشهيتيني فيهم
سلمت يداك

[ضحى]

ماشاء الله يسلموا إيديك

[om_adnan]

http://www.libyan-kitchen.com/gallery/images/la257.jpgوعليك السلام لوبا....سندوشات درجة أولى ,سلم إيديك,خذيت صحن انجربه,من قبل أكليته من غير خبز,اكيد فيه طعمه زايدة مع الهريسة, ليك أحلى تقيم.

[الصابرة]

ماشاءالله عليك وربي يحفظك
اني عمري ما كليته ديمة نلقى في المعلب لكن انخاف منه لكن شكلي بنجربه ... شهيتيني
سلمت دياتك ولك احلى تقييم ونجوم

[دادي]

http://www.karom.net/up/uploads/13253390343.gifولك احلى النجمات والتقييم

[luba]

بنته قريبة من الجمبري وتسلموا كلكم علي المرور ربي مايحرمني منكن ومن طلتكن