هذيان!
12-20-2010, 10:14 PM
السلام عليكم ورحمة الله وبركاته
نحكي عليكم يوميات للحاج قدوره والحاجة خدوجة لما خطبو لولدهم عمر وزوجوه
وهى على ثلاثة اجزاء
(1)
استيقظ الحاج كعادته يومياً مع الفجر توضأ وذهب للمسجد للصلاة في المسجد بالقرية
وعند انتهاء الصلاة توجه الى الفرن فوجد الفرن مقفل وعندها عرف ليش السبب ليش المصلين شوية
امممممممم اتاري الجماعة عارفين الكوشة مسكرة وهم بان حق ربي عليهم مش يصلوا هم يبوا يشدوا طابور الخبزة لانها عقاب النهار ما تلاقاها الا في المحلات
وزائدة سعرها
وروح يخمم شنو الصغار بيفطروا ويؤكل السعي
******
روح للحوش ودف الباب بكراعه ونادى بصوت عالى
الحاج يا هووووووووه اسمعي.. ما هو الحاج قاعد من متاعين زمان عيب ينادى مراته بسماها ...
خدوجة نعم يصبحك بالخير يا حاج .. وشبحت فيه لقت في يده الشكارة فاضية.. حي شنو بتفطروا اليوم؟
الحاج تي ه تي ه ما فيش خبزة بايتة ؟
خدوجة اللي شريناها امس فتتها امبارح للسعي
الحاج باهي باهي يلقى اليوم السعي مايتعشى
خدوجة احني توه في السعي !!! الصغار شنو بيفطروا ؟
الحاج ديري زميتة وشاهي حلو منعنع يفطروا بيه
مشت خدوجة للكوجينة وتت الفطرو وجت وجو الصغيويرة وشبحو الفطور والعيون يفنصن في الزميتة !!
قالو في فم واحد والله ما فاطرين وين انصاف التن والهريسة
الحاج اهي ههه سبقككم السعي انتم كولوا زميتة
الصغار قلبوا وجوهم وطلعوا للمدرسة وكل واحد فتش ربع جنيه يفطر بيه من المدرسة
الحاج وخدوجة يفطروا ويعبد الحاج في زميتة قاللها اني ماشي للسوق الخضرة تبي حاجة؟
خدوجة لا ما نبوا شي لكن دير في بالك بنمشوا لحوش ولد عمك مرعي بيش نشوفوا البنت كان صار نخطبوها للولد
الحاج قولي نخطبوها مش نشوفوها شنو اول مرة تشوفيها
خدوجة تي سمعت ان البنت الصغيرة خير منهم كلهن بنمشي نوازي
الحاج شنو شنو دلاع هو والا زواج
خدوجة هكي كل الناس يديروا شني غير احني خيرنا ما نوازوا
الحاج باهي باهي الدنيا جابت العجب قبل الناس تدور في العيلة وتوه يدورا في زين
يالاه فيها خيرة
الحاج امشي في حاله للسوق والحويجة قعدت تضم في الحوش
الى اللقاء في حوش مرعي
غداً
انتظروني
نحكي عليكم يوميات للحاج قدوره والحاجة خدوجة لما خطبو لولدهم عمر وزوجوه
وهى على ثلاثة اجزاء
(1)
استيقظ الحاج كعادته يومياً مع الفجر توضأ وذهب للمسجد للصلاة في المسجد بالقرية
وعند انتهاء الصلاة توجه الى الفرن فوجد الفرن مقفل وعندها عرف ليش السبب ليش المصلين شوية
امممممممم اتاري الجماعة عارفين الكوشة مسكرة وهم بان حق ربي عليهم مش يصلوا هم يبوا يشدوا طابور الخبزة لانها عقاب النهار ما تلاقاها الا في المحلات
وزائدة سعرها
وروح يخمم شنو الصغار بيفطروا ويؤكل السعي
******
روح للحوش ودف الباب بكراعه ونادى بصوت عالى
الحاج يا هووووووووه اسمعي.. ما هو الحاج قاعد من متاعين زمان عيب ينادى مراته بسماها ...
خدوجة نعم يصبحك بالخير يا حاج .. وشبحت فيه لقت في يده الشكارة فاضية.. حي شنو بتفطروا اليوم؟
الحاج تي ه تي ه ما فيش خبزة بايتة ؟
خدوجة اللي شريناها امس فتتها امبارح للسعي
الحاج باهي باهي يلقى اليوم السعي مايتعشى
خدوجة احني توه في السعي !!! الصغار شنو بيفطروا ؟
الحاج ديري زميتة وشاهي حلو منعنع يفطروا بيه
مشت خدوجة للكوجينة وتت الفطرو وجت وجو الصغيويرة وشبحو الفطور والعيون يفنصن في الزميتة !!
قالو في فم واحد والله ما فاطرين وين انصاف التن والهريسة
الحاج اهي ههه سبقككم السعي انتم كولوا زميتة
الصغار قلبوا وجوهم وطلعوا للمدرسة وكل واحد فتش ربع جنيه يفطر بيه من المدرسة
الحاج وخدوجة يفطروا ويعبد الحاج في زميتة قاللها اني ماشي للسوق الخضرة تبي حاجة؟
خدوجة لا ما نبوا شي لكن دير في بالك بنمشوا لحوش ولد عمك مرعي بيش نشوفوا البنت كان صار نخطبوها للولد
الحاج قولي نخطبوها مش نشوفوها شنو اول مرة تشوفيها
خدوجة تي سمعت ان البنت الصغيرة خير منهم كلهن بنمشي نوازي
الحاج شنو شنو دلاع هو والا زواج
خدوجة هكي كل الناس يديروا شني غير احني خيرنا ما نوازوا
الحاج باهي باهي الدنيا جابت العجب قبل الناس تدور في العيلة وتوه يدورا في زين
يالاه فيها خيرة
الحاج امشي في حاله للسوق والحويجة قعدت تضم في الحوش
الى اللقاء في حوش مرعي
غداً
انتظروني