المساعد الشخصي الرقمي

مشاهدة النسخة كاملة : [استعدادات رمضانية بالادوات واللوازم المطبخية] من مطبخ أمـ ساره



أمـ ساره
07-16-2012, 04:58 PM
http://www.libyan-kitchen.com/gallery/images/tool.gif





السلام عليكم ورحمة الله وبركاته


هذه بعض الأدوات واللوازم الي نستخدمها في رمضان

منها الجديد ومنها القديم ومنها قديمة بس أول استخدام ان شاء الله


بصراحة نحب نشري أدوات وماعين المطبخ بس دائماً نحاول ما ناخذ الا اللازم

أو ناخذ شيء نستفيد منها في عدة أشياء ثانية مش لغرض واحد بس





طواجين السيليكون شريتهم للحاجات الباردة بس مش للفرن


http://i1159.photobucket.com/albums/p637/the_faithe/Ramadan9.gif

http://i1159.photobucket.com/albums/p637/the_faithe/Ramadan10.gif

وأيضا اشتريت2 طواجين دائرية الخاصة بالبيتزا ولوح تقطيع اللحم والخضرة حتى هم 2

وشريت 2 من أكياس شوي اللحم والدجاج بالفرن لأني نستعمل فيهم بكثرة فلازم يكونوا عندي

وأيضاً طنجرة للشربة تنفع للتقديم فقط وهي شاريتها من قبل بس ما استعملتها



http://i1159.photobucket.com/albums/p637/the_faithe/Ramadan2.gif

http://i1159.photobucket.com/albums/p637/the_faithe/Ramadan1.gif


وشريت طاجين مستطيل حافاته طويلة ومعاه بالصور آلة صنع البسكويت والبيتيفور

من زمان ندور فيها الي هي معدن مش بلاستيك

ومعاهم في الصورة 2 مصفاة نستخدم في الكبيرة للدقيق والصغيرة لهبلة حاجات منها للشاهي

http://i1159.photobucket.com/albums/p637/the_faithe/Ramadan4.gif




وأيضاً الآلة العزيزة على قلبي وهي ست البيت

وفرحانة بيها هلبة لأنها أحسن من الأولى الي عطلت

حتى راجلي يضحك علي واني نتفرج عليها طول الوقت

فيها مميزات حلوة عجبتني ان شاء الله انزلها لكم بالتفصيل

في موضوع مستقل

http://i1159.photobucket.com/albums/p637/the_faithe/Ramadan5.gif


http://i1159.photobucket.com/albums/p637/the_faithe/Ramadan8.gif


وهذه قلاية البطاطا الي بملعقة زيت بس شاريتها من فترة بسيطة

واستخدمتها وعجبتني هلبة لأن معاها كتاب فيه بعض الوصفات


http://i1159.photobucket.com/albums/p637/the_faithe/Ramadan6.gifhttp://i1159.photobucket.com/albums/p637/the_faithe/Ramadan6.gif


http://i1159.photobucket.com/albums/p637/the_faithe/Ramadan7.gif





وهذه أيضاً حاجة عزيزة على قلبي وكلا ما نطلع ونلقى نوعية كويسة نشريها طول

وهي الحافضات لأنها عملية جداً وتنظم الثلاجة والفريز هلبة هلبة

هي عبارة عن 10 قطع بس انا صورت الاحجام الي موجودة بس


http://i1159.photobucket.com/albums/p637/the_faithe/Ramadan3.gif



ان شاء الله تعجبكم حاجاتي

وفيه حاجات ثانية نستعمل فيها لكن مش جديدة

ان شاء الله لو لقيت وقت ننزلها قريب

وكل رمضان وانتم بخير يارب وهانين ومتهنين


كل عام وانتم بخير وخياتي

وهي نستنوا في أدوات مطبخكم ولوازم رمضان عندكم

سواء جديد او قديم المهم ورونا شنو داسين علينا

مغتربة 7
07-16-2012, 05:09 PM
ماشاء الله اداوات يهبلوا
ان شاء الله تبيديهم بالهني
واطيبي فيهم احلى اكل لعيلتك
كل عام وانتب بالف خير

مشتاقة للجنة
07-16-2012, 05:20 PM
السلام عليكم ورحمة الله وبركاته
كل عام وانتي بخير حبوبه وينعاد عليك بالصحة والسلامة يارب

ومبارك عليك اماعينك يلي يهبلو وتتهني بيهم وتطبخي فيهم أحلى وأشهى الوصفات يارب

بس عندي استفسار عن الطواجين السيليكون أنا عندي منهم بس بصراحة ماحبيتهمش في الكيكات وانتي قلتي للحاجات الباردة شن هي ياغالية
ياريت بالتفصيل ولو في كيكة معينة تستعمليها ليهم ياريت تكتبيلي طريقتها

بارك الله فيك

آمال
07-16-2012, 05:41 PM
ماشاااء الله يا أم سارة
بصراحة عجبوني عجبووووووووني
وكلك ذوق
تبيدهم بالهناء ان شاء الله

om_adnan
07-16-2012, 05:53 PM
ماشاء الله كل حاجاتك حلوة,اكثر حاجة عجبتنى طواجين البايركس لان معاهم الواقى ,يعنى من الفرن للطاولة على طول,شفتى كيف المرأة الليبية بسيطة وهذا مايميزها نفرحوا بكل حاجة,ربى يمتعك بست البيت وادير فيها أحلى الاكلات.

الصابرة
07-16-2012, 06:36 PM
ماشاءالله عليك وعلى اختيارتك
ان شاءالله ربي تتهني فيهم ويباركلك فيهن
ونبي نسئلك حبيبة قلاية البطاطا منين واخذتيها
وكم سعرها ليا هلبة كنت اندور فيها

luba
07-16-2012, 07:03 PM
مشكوووورة هلبه ام سارة افدتيني بمشترياتك
لانه لما بنمشي زيارة حناخد كيفهم وخاصة الطواجين الفخار بالسلال متاعهم
لقطه حلوة وعمليه واجد
وكلك دوق وفكرتيني بأكياس الفرن نسيتهم ربي يفكرك بالشهادة
ليك وللموضوع التقييم

بنت حواء
07-16-2012, 08:31 PM
ماشاء الله ياأم سارة لوازم كاملة وحلوة ومريحة وتهببببببل
عندك الحق تتفرجي على ست البيت كل شوية :d لأنها حاااااااااجة روعة
تبيديهم بالهنا ان شاء الله
ورمضان مبارك عليك وكل عام وأنت بألف خير

أمـ ساره
07-16-2012, 08:38 PM
مغتربة

الله يسلمك ويبارك فيك وخيتي ويهنيك يارب

مشكورة على كلامك العسل ياعسل



مشتاقة للجنة

اسمك حلو ماشاءالله وربي ينولنا الجنة ونعيمها أجمعين

بالنسبة للأكلات الباردة قصدي بيها زي التشيز كيك أو الكراميل الجاهز أو الكاسترد بعد ما يبرد شوي

أو الجيلي بأنواعه وفيه هلبة حاجات ان شاء الله تشوفيها في مسابقات رمضان هالعام وتستفيدي منها




أم رميصاء

الله يسلمك ويبارك فيك وخيتي ويهنيك يارب وهذا من ذوقك الحلو حبيبة





أم عدنان

صحيتي حبيبة على كلامك الحلو ومرورك الأحلى ربي يسلمك ويخليك

وخيتي ويبارك فيك يارب



الصابرة

الله يسلمك ويبارك فيك ويهنيك يارب

بالنسبة لقلاية الزيت خذيتها من هومر الي في طريق الخدمات بسوق الجمعة

قبل كوبري الترسانة على اليمين وهو الوكيل نفسه

والله سعرها بالضبط ما نذكره تقريبا فوق 120 بشوي




لوبا

الله يسلمك حبيبة ويبارك فيك ويهنيك ومشكورة على مرورك

وكلامك الحلو زيك وربي يوقضنا بالشهادة جميعاً يارب

أمـ ساره
07-16-2012, 08:40 PM
بنت حواء

الله يسلمك حبيبة ويبارك فيك ويهنيك ومشكورة على مرورك

وينعاد علينا وعليك وعلى الليبين كل بالخير والصحة والآمان يارب

نورتينا بمرورك وردك الحلوين حوبة

ترهونيه حره
07-18-2012, 11:14 PM
تبيديهم بالهناء والعافيه واحلى حاجه ست البيت والقطع اللى معها
حبيت نسالك عن القلايه بملعه زيت تنصحينى بشرائها او لا

حبيبتهم
07-18-2012, 11:18 PM
ماشاء الله

ان شاء الله تبيديهم بالهني

نسمه ليبيه
07-19-2012, 12:24 AM
مبارك عليك وكل عام وانت بخير تقريبا نفس حاجاتى الجديده بس انا زدت عليك بصحون المحلبيه كل عام نحب نجددهم

أمـ ساره
07-19-2012, 01:05 AM
ترهونية حرة

الله يسلمك ويهنيك وخيتي ويبارك فيك

شوفي اني عجدبتني هلبة بصراحة جربت فيها البطاطا

صوابع ومكعبات والفلفل الحلو والقرعة والبصل

وأيضا الدجاج لكن اللحم والسمك ما جربتهم


وهي يجي معاها كتيب تعليمات على كل طريقة للخضار واللحم

واكثر كمية للبطاطا المكعبات كيلو الا ربع

والباقي تاخذ نصف كيلو او اقل شوي

والمدة اطول شوي من القلي العادي لكن حطيها

وانسيها الخضرة لين اتصفر وتتسكر بروحها


وبالنسبة لي نقدر نزيد في المدة حسب رغبتي في الخضرة كيف نضجها


وان شاء الله انزل عليها موضوع عليها ونشرح طريقة استخدامي ليها لو ربي كتب

أمـ ساره
07-19-2012, 01:09 AM
حبيبتهم

الله يسلمك وخيتي ويهنيك ويبارك فيك

ومشكورة على مرورك العطر




نسومة الحلوة

نورتيني وخيتي بمرورك وردك الحلوين

اني المحلبية ما ناكلها لا اني ولا زوجي مرات بس اندير في الكستاردا أو الكراميل الجاهز

ومش كل يوم ومتكلفة بيها عزوزتي بصراحة

jolia
07-27-2012, 05:37 AM
تبيديهم بهناك وطول عمرك

خواطر حساسة
12-09-2012, 01:09 PM
روووعه