المساعد الشخصي الرقمي

مشاهدة النسخة كاملة : [ مشاركة في مسابقة الحلويات المعسلة ] صندوق الهدية بالمكسرات من مطبخ لوبا



luba
07-19-2012, 08:22 PM
http://www.libyan-kitchen.com/gallery/images/jyj.gif

السلام عليكم ورحمة الله وبركاته

صندوق الهدية بالمكسرات

http://www.libyan-kitchen.com/gallery/images/la335jfj.jpg



مقادير العجينة :

3\4 تلات ارباع كوب زبدة دائبة بحرارة الغرفة - 3 ملاعق زيت

بيضة - ملعقة سكر - نصف كوب عطر ( او نصف كوب ماء مخلط مع عطر او زهر او ورد )

ملعقة صغيرة بيكنج بودر - رشة ملح- دقيق للعجن ( حوالي 2 كوب يزيد او ينقص )

http://www.libyan-kitchen.com/gallery/images/la324.jpg

الحشو :

اللي تفضليه من المكسرات وهدي الخلطة انت تتحكمي في كمياتها
بالنسبة ليا خلطتي


http://www.libyan-kitchen.com/gallery/images/la327qzq.jpg


كاكاوية محمصة ومرحية في فرامة اللحم العيون المتوسطه

لوز محمص ومجروش ( ضربته بالشوبك في كيس نايلون );)

قليل من جوز الهند وسكر العادي

وملعقتين او حسب الحلاوة اللي تبيها شربات

واضفت عليه ماء فيه قطرات من ماء الورد ( او الموجود عندك من المنكهات )

يجب تكون الحشوة زي العجينة الرطبه لو جفت زيدي ماء او شربات


http://www.libyan-kitchen.com/gallery/images/la328eee.jpg

الشربات:
تقيله تكون 2 كوب سكر وواحد نصف كوب ماء
نحبها تكون فيها قرمشة شويه
ولو تبيها رطبه هلبه خلي شرباتك خفيفة

http://www.libyan-kitchen.com/gallery/images/la314vgv.jpg


طريقة العجن :

توضع الزبدة والزيت والبيضة والسكر وتخلط كويس تم نضيف باقي مكونات العجين
لازم تكون العجينة متماسكه وناعمة عشان تقدري تفرديها يعني مش رطبة

http://www.libyan-kitchen.com/gallery/images/la325oso.jpg

http://www.libyan-kitchen.com/gallery/images/la326ovo.jpg


نفرد العجينه ونقطعها مربعات او دوائر بالطاسه حسب الحجم اللي تبيه

http://www.libyan-kitchen.com/gallery/images/la329rpr.jpg




نحط الحشوة في المربع او الدائرة ونرفع الزوايا بالنسبه للمربع ونضمهم مع بعض

او ترفعي حواف الدائرة واتبتي كل حافتين متقابلات مع بعض

ونتبتوهم بنصف حبة لوز


http://www.libyan-kitchen.com/gallery/images/la330krk.jpg





وننقشها وطبعا هدا المنقاش تطبيقي من الاخت زينب محمد بارك الله فيها ومعاه تجيني
النقشه رقيقة وحلوة غير الحكه اللي استعملتها صغيرة

http://www.libyan-kitchen.com/gallery/images/la331ana.jpg



وهدا الرابط طريقة صنع المنقاش من زينب محمد (http://www.libyan-kitchen.com/kitchen/showthread.php?74-%DD%DF%D1%C9-%D8%D1%ED%DE%C9-%D5%E4%DA-%E3%E4%DE%C7%D4-%28-%E3%E1%DE%D8-%29-%C7%E1%CD%E1%E6%ED%C7%CA-%E1%DA%ED%E6%E4-%C7%D1%ED%E4%C7%D3-%E6-%DF%E1-%C7%E1%E3%DB%CA%D1%C8%C7%CA)

نحطهم في فرن ساخن علي حرارة 175 مئوية

http://www.libyan-kitchen.com/gallery/images/la332pwp.jpg


ونحمرهم من فوق


http://www.libyan-kitchen.com/gallery/images/la333pmp.jpg


ونحطهم في الشربات وهما الحلويات ساخنه ونخليهم حوالي دقيقتين او اقل ونرفعهم


http://www.libyan-kitchen.com/gallery/images/la334yvy.jpg


http://www.libyan-kitchen.com/gallery/images/la337nqn.jpg



وهدي هديتي ليكم بمناسبة الشهر الكريم وكل عــــــــــــام وانتن بخير وكل ليبيا بخير وهني

http://www.libyan-kitchen.com/gallery/images/la336glg.jpg

مغتربة 7
07-19-2012, 08:45 PM
http://www.libyan-kitchen.com/gallery/images/la335.jpg
شن ها الرعايش يالوبا شن درنالك:(

بسم الله ماشاء حلى ياخد العقل
تسلم الايادي الى تلتف بالحرير
مشاركة فى غاية الروووووووعة
تستاهلي احلى نجمااااااااااااااااااااااات

أمـ ساره
07-19-2012, 09:02 PM
عندك الحق يا مغتربة

رعااااااااااايش شن درنالها يا حبيبتي

ماشاء الله لاقوة الا بالله

سلمت ايدياتك الحلوة لوبا

والله جت في خاطري يا بنت كيف بندير هي

المشكلة تبي وقت هلبة حتى بنطبقها


مشارك مميزة كالعادة حبوبة وتستحقي النجيمات

والتقيييم مش راضي يقيم

بنت حواء
07-19-2012, 09:53 PM
ماشاء الله تبارك الرحمان عليك يالوبا
صنيديقات حليواااااات وأكيد طعمهم رهيب
ماشاء الله كان غير في من ياكل هالحلويات باهي
أصلا إبداعات في يومين؟؟ ماشاء الله
سلم يدياتك وبالتوفيق و 5 نجوووووووم

luba
07-19-2012, 10:54 PM
غي غي وام سويره بعيد السو عليكم من الرعايش وتسلمن علي المرور و التقييم وياريتك بحداي ام ساره نبعتلك كم صندوق

luba
07-19-2012, 10:55 PM
بنوته شكرا لمرورك ياغالية مش في يومين درتهم احنا المشرفات لينا بها علم من مدة طويلة

om_adnan
07-20-2012, 12:46 AM
ماشاء الله تبارك الرحمن,فعلا على قولت مغتربه,انامل تلتف فى حرير.

حبيبتهم
07-20-2012, 01:53 AM
تسلم ايديك

اليوم النت تاعب ومتعبني معاه
الرد اللي نكتبه في اي موضوع مايوصلش

الصابرة
07-20-2012, 03:13 AM
ماشاءالله على ايدياتك اللي تلتف حرير وربي يبارك فيك يارب
وفعلا اسم على مسمى صندوق الهدية حتى الواحد يرفعه للناس يرفع حاجة حلوة
لك احلى تقييم ونجمات

ترهونيه حره
07-20-2012, 01:21 PM
تسلم ايدك

المصراتيه
07-20-2012, 01:28 PM
ماشاءالله لا قوه الا بالله
تهبببببببببل طعم وشكل
تسلم يدياتك
موفقه ان شاءالله

آمال
07-20-2012, 05:05 PM
ماشااااء الله بارك الله فيك

luba
07-20-2012, 05:12 PM
منورات الموضوع يا احلي بنات علي الشبكة المعلوماتية كلها واهلين بالغايبين انستينا مصراتية

نسيبة
08-11-2012, 03:39 AM
سلمت يداك غالية تستحق 5 نجوم

barney
08-11-2012, 05:12 AM
ماشاء الله اصنيديق ايهبل وانويزك ويفتح العين لمغمضه سلم ايدياتك يا مبدعه وفعلا ع قولت المغتربه شن هالرعايش ههههههههههههههه
لكن من الرعشه ابنعطوك 5 انجوم ولو كان فيه اكثر موش اخسارة فيك

طباخة تحت التدريب
01-15-2013, 09:11 PM
تسلم الايادي
شكلها يجنن

ميرولاكى
01-16-2013, 12:38 AM
تسلم الاياااااااااااااادى الحلوووووووووووووووه
شكلها مش عااااااااااااااااادى
صحتين وعافيه

luba
01-24-2013, 04:18 PM
الله يسلمكم ونورتوا الموضوع ربي يدوم علينا اللمة الطيبة بارك الله فيكم

ام تغريد
01-25-2013, 12:01 AM
ما شاء الله عليك لوبا شكلهم طالعات من ايدياتك زي العسل

جو في خاطري واني ماعنديش روح مع المعسل لكن وين بنلقاه توا

محبة الكروشيه
01-25-2013, 12:28 PM
ما شاء الله
سلمت يداك:o

نسمه ليبيه
04-08-2013, 06:55 PM
يسلموا ايديك

احلى هديه

أم عبادة الليبية
04-09-2013, 10:46 PM
تسلم ايدك لوبا حلوة , وطريقتها سهلة جدا , تم التقييم .

http://www.libyan-kitchen.com/gallery/images/la334yvy.jpg

ام جنى
04-12-2013, 04:30 AM
مشاء الله اكيد رح انجربها

luba
04-13-2013, 12:18 AM
اسعدني مروركم ولو طبقتوها و عجبتكم نتمنوا انشوفوا التطبيقات

بارك الله فيكم

بنت الاشراف
04-20-2013, 10:25 AM
ماشاء الله تسلم إيديك

قهوة مزبوطة
04-21-2013, 08:09 PM
ما شاء الله يالوبا تسلم ايدك وتلتف في الحرير على الأبداع

luba
04-22-2013, 03:10 AM
الله يسلمكم وينجيكم اسعدني مروركم