[مشاركة في المسابقة المفتوحة للمقبلات الرمضانية] شربة ليبية (لسان العصفور ) من مطبخ لوبا

[luba]

http://i1263.photobucket.com/albums/ii635/jijiy1985/juj.gif





السلام عليكم ورحمة الله وبركاته

الشربة الليبية ( شربة لسان العصفور )

http://www.libyan-kitchen.com/gallery/images/la367iqi.jpg

كل وحدة وليها طريقتها

هدي الطريقة تعلمتها من امي الغالية رغم تجاربي لطرق عدة
لكن هدي المعتمدة

المقادير :

بصلة متوسطة مفرومة ناعم - لحم احمر او دجاج مقطع مربعات -

ربع كوب او اكتر قليلا معدنوس مفروم ناعم

حبوب شربة لسان العصفور حوالي ملعقة ونصف

زيت زيتون وقليل من السمن - ملعقة متوسطة طماطم معجون ( حكة )

ربع ملعقة صغيرة فلفل اسود - ملعقة صغيرة فلفل احمر - نصف ملعقة صغيرة ملح



الطريقة :

نحط الطنجرة علي النار وفيها الزيت والسمن

نحمس فيه البصل لين يدبل شوية ونحط عليه اللحم ونحرك مع البصل


http://www.libyan-kitchen.com/gallery/images/la354pop.jpg


نخليه لين يتغير لونه ونصيف المعدنوس والفلفل الاسود والطماطم والفلفل البودرة

http://www.libyan-kitchen.com/gallery/images/la355.jpg

والملح ونقليهم مع بعض كويس لين تشمي صنة حلوة تحسيها نشفت

او شوية منها بدي يلصق في الطنجرة ( مش شياط لا )

http://www.libyan-kitchen.com/gallery/images/la356.jpg

نصب المية ونخليها تغلي علي حسب نوع اللحم

http://www.libyan-kitchen.com/gallery/images/la357ofo.jpg

ومع الدجاج نضيف في 5 حبات حلبة من الاول

وبعد يطيب اللحم نصب عليها الحبوب

http://www.picamatic.com/show/2009/10/17/01/02/5576177_423x317.JPG

ونخلوها 10 دقايق او اكتر شويه

وفي الاخير نحط عليها نعناع جاف مرحي (خسارة ماكانش عندي )

ونسكر النار طول ونغرفها في الصحون

http://www.libyan-kitchen.com/gallery/images/la366ioi.jpg

وان شاء الله تعجبكم طريقتي

ملاحظة :

لما اضيفي الحبوب لازم تقدم علي طول
لانه حبوب الشربة تمتص الطبيخة وتصيرلك كبيرة وخاترة
صارتلي ولكن كان عندي ظرف انه نصب الحبوب بكري
او تقللي الكمية متاع حبوب الشربة لما اطيبيها بكري

[om_adnan]

وعليك السلام لوبا....احلى شربة من احلى ام,اهم مرحلة اللى حكيتى عليها تأخذ وقت فى القلى,تخلى شربتك مضمونه,سلم إيديك,ربى إيخلى ليك الوالده,طريقتى زيك,ولما انطفى عليها إنضيف شوية قرفة وفلفل اكحل ,وعصرة ليمون بيش ما تخثرش.

[أم عبدالرحمن]

يسلموا ايديك.... ذكرتينى بشربة ماما.... حتى هي تحرق لها....
بس هى اضيف فى المعدنوس مع حبوب الشربة والنعناع بعد ماتطفى عليها
انا شربتي نخلط فيها كلها نية ومن غير زيت واخر شئ المعدنوس دقيقتين ونطفى عليها ونحط والنعناع

[luba]

ام عدنان وام عبد الرحمان شكرا لمرورك واضافاتكم المفيدة والمهمة
وكل واحد طلع عنده طريقة ماشاء الله

[مغتربة 7]

http://www.libyan-kitchen.com/gallery/images/la366ioi.jpg

ماشاء الله على الشريبة بنة وصنة
واتجي فى الخاطر
تسلم الايادي الى تلتف بالحرير
مشاركة رائعة وتستحق التقييييييييييييم

[بنت حواء]

ماشاء الله شريبة تاخذ العقل هممممممم :p
تستاهل التمييز والتقييم
سلمت يداك ولك 5 نجوووووووووم

[شروق الشمس]

ماشاء الله
شريبه اقنينه
الله يعطيك الصحة
و صحيحه عليكم

[أمـ ساره]

ماشاء الله لوبا شريبة تقيم القلب

اني ما نحب نضيف المعدنوس الي بعد ما نطفيء

وطريقتك زي طريقة عزوزتي وهي تضيف لها طماطم مرحي


سلمت ايدياتك الحلوة

وبالهني والعافية

أحلى نجيمات

[الساجدة لله]

تسلم الايادي ياغالية شريبة تهبل ماشاء الله

[الصابرة]

ربي يبارك فيك
بصراحة اني في رمضان مستحيل انحطها في فم
رغم انها عروس السفرة
لكن مرات لما اتكون عندي عزومة انديرها بالبركة
مع اني اندير في طريقة امي الا انها بعيدة بعد السماء عن الارض عنها
لكن توا بنجربها بطريقتك يالوبا خصوصا ان المقادير واضحة
بارك الله فيك حبوبة
واحلى نجوم

[luba]

اهلين بكل من نووور موضوعي تيلموا علي المرور
واضافاتكم الحلوة وتعليقاتكم الرائعة ربي مايحرمنا من يعض

[jolia]

بارك الله فيك

[حبيبتهم]

تسلم ايديك

نفس طريقتي غير اني انحط في الفلفل الاسود في الاخير لما بنطفي عليها ومعاه نعناع جاف

[luba]

شكرا علي المرور اللي نور الصفحه

[ام جنى]

شوربه رايقه سلم ايديك ما تختلف عن طريقتى حتى انا طريقه امى ونحبها ان شاء الله انزل طريقه ست الكل قريب

[luba]

اهلين بي ام جني نورتينا ونراجوا في شريبتك