المساعد الشخصي الرقمي

مشاهدة النسخة كاملة : [مشاركة في ملف الأرز ] مقلوبة الارز بطريقة سهلة من مطبخ الصابرة



الصابرة
07-26-2012, 12:25 AM
السلام عليكم

http://www.libyan-kitchen.com/gallery/images/untitled14.gif
المقلوبة اللي درتها سهلة هيا مش مقلوبة الاصلية
اني الحمدلله نعرف اندير المقلوبة المتعارف عليها
وتجي معاي تمام
لكن عندي قريباتي وصحباتي مشوبات من دورتها فخطرت عليا الفكرة هذه

.....الطريقة.....

لعمل المرق ....

نسلق لحم الدجاج مع بهارات الارز وبصل مقطع كبير
حتى النضج نصفي المرق
نضع في طنجرة سمن وزيت وملح والقليل من الكركم
ثم نضيف الارز ونقلب ثم نضيف المرق ونغطي على الارز حتى النضج
عمل الارز مثل الارز المحبب او الارز بالخلطة

http://www.allibya.me/uploads/hawaly_13432533191.jpg (http://www.allibya.me/)

نقلي بطاطا وباذنجان والدجاج نخلطه ببهارات ( فلفل اكحل / فلفل احمر مرحي / ملح / حرارات) ونقليه

http://www.allibya.me/uploads/hawaly_13432533192.jpg (http://www.allibya.me/)

طريقة ترتيب المقلوبة

....الاولى....

نضع الدجاج في صحن عميق ثم البطاطا ثم الباذنجان ثم الارز ونضغط قليلا على الارز
ونغطي الصحن بالصحن اللي بنقدم فيه الارز

http://www.allibya.me/uploads/hawaly_13432533193.jpg (http://www.allibya.me/)

http://www.allibya.me/uploads/hawaly_13432533194.jpg (http://www.allibya.me/)

http://www.allibya.me/uploads/hawaly_13432533205.jpg (http://www.allibya.me/)

....الثانية....

نضع الدجاج ثم نضع البطاطا ونرفعها قليلا على الجوانب ثم نضع كمية قليلة من الارز ثم طبقة باذنجان ثم باقي الارز
مع الضغط قليلا على الارز



http://www.allibya.me/uploads/hawaly_13432533206.jpg (http://www.allibya.me/)
معليش ماقلبتش الصحن لاني نبي نرفعه معاي لحوش العيلة قلبته عندهم
http://www.allibya.me/uploads/hawaly_13432533207.jpg (http://www.allibya.me/)

وهكذا اتقولي دايرة مقلوبة من الالف الى الياء والطعمة لاتختلف هلبة عليها

http://www.allibya.me/uploads/hawaly_13432533208.jpg (http://www.allibya.me/)

ممكن تضيفي على المكونات بصل مقلي

عهود
07-26-2012, 12:43 AM
مشاءالله عليك طريقة مبين عليها صنة وبنة وعاد من ايدين الصابرة الحلوات
مشاءالله ربي يحفضك
يسلموو ايديك ومشكورة حبيبة
واحلى تقييم

الصابرة
07-26-2012, 12:47 AM
صحيتي وخيتي عهود على التقييم
واسعدني مرورك

أمـ ساره
07-26-2012, 01:04 AM
ماشاء الله لاقوة الا بالله

مقلوبة اتهبل وتجي في الخاطر

سلمت ايدياتك الحلوة صابرة

وبالهني والعافية على قلب من كلاها

تستاهلي أحلى نجيمات

حبيبتهم
07-26-2012, 01:28 AM
السلام عليكم

طالعة من تحت ايديك حلوة

لكن اكيد في اختلاف في الطعم
لان المقلوبة بطريقتها الاصلية بعد اتحطي الخضرة المقلية واللحم والرز بتصبي مرقة وبتكملي تطيب الارز
الخضرة بتتشرب نكهة المرقة
اما بطريقتك الخضرة ماعندهاش كيف تشرب نكهة المرقة

واعذريني على فلسفتي وكلامي

الصابرة
07-26-2012, 01:35 AM
مشكورة وخيت ام سارة وبارك الله فيك
وخيتي حبيبتهم خذي راحتك عارفة الكلام اللي قلتيه لكن والله مافي اختلاف هلبة في الطعمة

luba
07-26-2012, 05:57 AM
تسلمي علي المشاركة اللي بتحل مشاكل هلبه بنات يسمعوا بالمقلوبة
مرات ندير فيها هدي الطريقة لما نكون مستعجلة
طالعين منك عشرة علي عشرة منورة هلبه بمشاركاتك وافكارك ربي مايحرمنا منك يارب
ويعطيك ماتتمني جاري التقييم اكيد اكيد

الصابرة
07-26-2012, 06:50 AM
مشكورة حبيبتي لوبا واسعدني مرورك ربي يبارك فيك

مغتربة 7
07-26-2012, 09:10 AM
http://www.allibya.me/uploads/hawaly_13432533208.jpg

ربي يحفظك لينا يا مبدعتنا
رووووووووووعة ماشاء الله
الى التقيييييييييم طول

بنت حواء
07-26-2012, 01:30 PM
ماشاء الله على (الرز المقلوب) :o
طالع تححححفة شكله أحلى من المقلوبة الحقيقية
وهذي ميزته ساهل وتقدري تشكلي زي ماتبي
سلم يدياتك وبالصحة عليكم
و 5 نجووووووووم

om_adnan
07-26-2012, 03:51 PM
الصابره فعلا فكرتك انها اسهل طريقة للمقلوبه,انا هذه معتمده عندى ودائما تعجب ضيوفى,انا بالاضافة نأخذ طنجره نقلى فيها بصل جوانح وبعدين انضيف له فلفل حلو احمر وشويه حار ومرات فقاع ونقلى كويس ونرش عليهم ملح وفلفل ونصفيهم من الزيت اللى ممكن نستعمله على الرز يعطى نكهه,الزيت ايكون ملعقة مش واجد ,وانحط الطاجين بعد ما ستفته والرز ايكون حاجة بسيطه ويستوى او حتى اول ما تطفئ عليه,المهم ما يكونش ناشف,فى الفرن حاجه ١٠ دقائق ونزينها باللوز يمى يمى مع تبوله او فتوش,جزاك الله خيرا.

لوتي
07-26-2012, 07:24 PM
فعلا طريقة ساهلة وتحل أزمة في عصر السرعة يسلمووو وليك أحلى نجوووم

أم أيوب
07-27-2012, 06:00 AM
يسلمو يا صابرة مقلوبتك تهبل

تصدقي هدي طريقتنا في تجهيز المقلوبة وما نعرفش طريقة غيرها خخخخخخخخخخخ

مشاركة مميزة

barney
07-27-2012, 06:18 AM
ماشالله عليك يا الصابرة ديمه الحاجه نشبحها صعبه ولما اديريها انت انحسها ساهله ربي يحفظك وايسلم ايدياتك

الصابرة
07-29-2012, 12:37 AM
مشكورات وخياتي وربي يبارك فيكن
حبيبتي ام عدنان معلومات تهبل ربي يحفظك واكيد بنجربها
اخجلتيني وخيتي بارني والله كلك ذوق