[ الصورة النهائية الثالثة للسفرة الرمضانية ] من مطبخ لوبا

[luba]

السلام عليكم ورحمة الله

http://www.libyan-kitchen.com/gallery/images/gdfdi.gif
تفضلوا معاي علي السفرة يامرحب بيكن


http://www.libyan-kitchen.com/gallery/images/la372.jpg


عشانا فروبي بالموز والتفاح

مشروب سفن اب

بسيسة وتمر

شربة ليبية

اسياخ الدجاج المقلية

تطبيقي المكرونة الشعيرية بالخلطة لي زينب محمد

ومرقة المكرونة وسلطة خضراء

وبيتزا وحدة ملفوفة والتانية كيف الساندويش
http://www.libyan-kitchen.com/gallery/images/la373.jpg

كل مرة يختفي الخيار من السلطة والاسياخ هدا ولدي ماتمشي السفرة للمفرش الا تعيط منه

[barney]

ماشاء الله بالصحيحه انشاء الله اسفيرة اقنينه
مطرح مايسري يمري ومطرح ما يبني يأسس صحه وحسن وعوافي

[الصابرة]

صحيحة على قلبك وقلب راجلك وصغارك يارب
ربي يهنيكم يارب
سفرة حلوة اكيد زيك
وربي يبارك فيك على الشربة اللي سترتني قدام ضيوفي
بشهادة راجلي لاني ماناكلش فيها في الشهر الكريم

[مغتربة 7]

http://www.libyan-kitchen.com/gallery/images/la373.jpg

صحتين فطوركم حبيبتي لوبا
سفيرة تحل العين المغمضة ماشاء الله
تسلم الايادي الى تلتف بالحرير
الى التقييييييييييم طول

[بنت حواء]

ماشاااااااء الله فطووووور ولاأحلى مممممممم جعت :p
نحب نعرف حاجة:
كيف الفروبي والمشروب مع الشوربة وكله في وقت واحد؟
يعني ماديروش فاصل بين الفروبي والشوربة؟ قصقصة :o
سلم يدياتك وبالصحة عليكم

[نعاجية حرة]

يعطيك الصحـــــــــــة

[om_adnan]

وعليك السلام لوبا....احلى سفره لان فيها الحاجات اللى نحبهم,ماشاء الله,تستحقى التقيم كله,اكيد رمضان السنه له نكهه خاصه فى بيتك مع المنتدى,ان شاء الله العمر كله.

[أمـ ساره]

ماشاء الله لوبا

سفيرة تحل العين المغمضة

سلمت ايدياتك الحلوة

وبالهني على قلوبكم

أحلى نجيمااااااااااااات

[luba]

شكرا لمروركم الحلو واللي نور السفرة
وشكرا علي التقييم

الصابرة اهم شي عجبتكم والحمد لله اللي سترك مع ضيوفك فالحة ماينخاف عليك

بنت حواء موتيني ضحك في فاصل اكيد
واحني في الفاصل ناخدو الصغار ونحطوهم في دارهم
يلعبوا وبعدين يكملوا معانا اكل لانه ناكل علي المفرش في الارض
اللي عندي شرقي بقوة مايحب الطاولات والكراسي مع انهم ديما موجودات
واني عكسه تماما

[ميسون]

تسلم الايادي صحتين موفقه

[لوتي]

سفيرة واااو وتشوف ربي يعطيك الصحة تستاهلي النجوووم

[ام هداية]

صحتين ليكم وتاكلوا بالصحة والهناء وديما سفرة عامرة بيكم يسلموا ايدياتك

[ام تغريد]

تبارك الله علي سفيرتكتحل العين المغمضة

سفيرة تجي في الخاطر كلك دوق يا حلو

[أم ميوسة]

سفيرة تهبل لوبا ما شاء الله

بالدات المكرونة الشعرية خطرتيها عليه يعطيك الصحة

لوبا كل سفرة تصوريها احلى من التانية

أحلى تقييم رمضاني ليك

[أم أيوب]

صحيحتين على قلب من كلاها

وصحيحتين على قليبه وليدك ربي يحفظه لكي

المرة الجاية اعزمينييييييييييييييييييييييييي

[sweet nona]

يسلموووووووووووووووووووووووووو هلايدين واحلى تقييم

[المصراتيه]

ماشاءالله عليك لبوني
فطورك كله حلوه وعجبتني البيتزا الملفوفه جايه رقيقه تهبل
كان امنزلتيها قوليلي
صحتين وان شاءالله كل عام

[نسمه ليبيه]

صحتين ليكم

وصحتين بالزايد لوليدك اللى يلقط نجيه ياربي

يسلموا ايديك لوبا

[أم عبادة الليبية]

ماشاء الله سفيرة قنينة , تسلم اليد اللي دارتها , صحة وهنا على قلوبكم .

http://www.libyan-kitchen.com/gallery/images/la372.jpg

[حنو الجروشى]

السلام عليكم
اعجبنى المنتدى وهذه اول مشاركة لى .

سفرة حلوة

[نسيبة]

سفير ةمقومة حبوبة ماشاء الله عليك ان شاء الله ديما عامرة بكم لك احلى نجمات