[استفسار] مشكلة في اضافة موضوع جديد

[عطر ليبيا]

كتبت مشاركة ونبي نشارك بيها لكن تطلع الرسالة هادي

حدثت الأخطاء التالية عند الإرسال

النص الذي أدخلته كبير جداً (89814 حرف). الرجاء أجعلة أقصر إلى 40000 حقل كحد أقصى.

ارجو الرد عليا بسرعة قبل انفصال التيار الكهربي ويضيع كل اللي كتبته

[luba]

اهلين بيك يجب استخدام الانتقال لي الوضع المتطور بدل الرد السريع وادا موضوعك فيه صور يجب تصغيرها بواسطة الرسام وكل هده المواضيع التصغير وغيرها تلقيها في الدعم الفني مواضيع متبته

[أمـ ساره]

أول شيء وخيتي انسخي الموضوع في ملف نصي (تكست) واحفظيه

حتى لو هرب الضيء تلقيه محفوظ ان شاء الله

وثاني شيء

موضوعك طويل وأحرفه هلبة

لذلك فقسميه على 2 اكتبي لحد ما يقبل عدد الاحرف والي هي 4000

وبعدين ديري اضافة رد بالانتقال للوضع المتطور وكملي فيه باقي الموضوع

وان شاء الله نشوفوا موضوعك قريب أختي

[عطر ليبيا]

والله حاولت لن عيوني تعبوا ومافيش فايدة

لما قسمت الموضوع زي ماقالتلي الأخت أم سارة طلعتلي رسالة تقولي رسالتك قصيرة جدا

الباين ماعنديش نصيب نشارك معاكم

شكرا عالجهود المبدولة في المنتدى

والسلام عليكم

[أمـ ساره]

حبيبة الرسالة تطلع لك لما بتضيفي الموضوع أو الرد

لو الرد لازم تستخدمي الانتقال للوضع المتطور حت يمشي ردك

ولو الموضوع غريبة لأن هلبة ينزلوا في مواضيع وما فيه مشكلة

ان شاء الله تحاولي وتنجحي اختي

نحن نبو نكسبوك معانا

[زينب محمد]

عطر

كلامك غريب

ليش نحن عادي نزلوا في مواضيع

شوفي مواضيعي طويلة ورغم هذا مفيش مشكلة تنزل عادي

فيه خطأ منك

حاولي تكتبي الموضوع وحدة وحدة هني

وبعدين حطي الروابط

حاولي ما تأيسيش

[om_adnan]

شفتى يا عطر ليبيا,كلنا نتمنوا انشوفوا مشاركاتك,وبالعكس دائما حاولى حتى تصلى الى ما تريدى,وعلى قولت زينب لا تيأسى,ابدا بحاجه بسيطه,ونحن بإنتظارك,خوذى راحتك أختى.

[همسة حنان]

علي حسب مافهمت توا مشكلتك انت والله اعلم في العنوان حاولي تتاكدي من العنوان يعني مايكونش فيه مسافة من الاول لان اني من بداياتي تعرضت لهكي مشاكل وطلعت نفس الشي في العنوان

[الصابرة]

مشكورات الاخوات ماقصرن