المساعد الشخصي الرقمي

مشاهدة النسخة كاملة : [تجهيزات واستعدادات العروس المطبخية] من مطبخ موودة



موودة
08-03-2012, 05:08 PM
السلام عليكم

طبعا كنت فى موضوع للسيدة شاطئ بلا رمال وحبيت موضوعها وساعدنى وهذا الموضوع:



[ دعوة للاجابة والاستفادة ]ما هو أكثر جهاز من اجهزتك المنزلية أستفدتي منه أو ندمتي على شرائه؟ (http://www.libyan-kitchen.com/kitchen/showthread.php?2769-%D8%AF%D8%B9%D9%88%D8%A9-%D9%84%D9%84%D8%A7%D8%AC%D8%A7%D8%A8%D8%A9-%D9%88%D8%A7%D9%84%D8%A7%D8%B3%D8%AA%D9%81%D8%A7%D 8%AF%D8%A9-%D9%85%D8%A7-%D9%87%D9%88-%D8%A3%D9%83%D8%AB%D8%B1-%D8%AC%D9%87%D8%A7%D8%B2-%D9%85%D9%86-%D8%A7%D8%AC%D9%87%D8%B2%D8%AA%D9%83-%D8%A7%D9%84%D9%85%D9%86%D8%B2%D9%84%D9%8A%D8%A9-%D8%A3%D8%B3%D8%AA%D9%81%D8%AF%D8%AA%D9%8A-%D9%85%D9%86%D9%87-%D8%A3%D9%88-%D9%86%D8%AF%D9%85%D8%AA%D9%8A-%D8%B9%D9%84%D9%89-%D8%B4%D8%B1%D8%A7%D8%A6%D9%87%D8%9F)



واكيد استفدت منه خاصا انى لقيت اجماع بعدم الأستفادة من قلاية البطاطا وعصارة الفواكه

وانا من قبل شريت الأجهزة هذه ومشعارفة شن ناقصنى فيهن ونبيكن اخواتى تساعدونى

http://www.libyan-kitchen.com/gallery/images/201208bwb.jpg

http://www.libyan-kitchen.com/gallery/images/201208vuv.jpg

http://www.libyan-kitchen.com/gallery/images/201208mgm.jpg

http://www.libyan-kitchen.com/gallery/images/201208axa.jpg

http://www.libyan-kitchen.com/gallery/images/201208dld.jpg

http://www.libyan-kitchen.com/gallery/images/201208pmp.jpg

http://www.libyan-kitchen.com/gallery/images/2012080301.jpg

http://www.libyan-kitchen.com/gallery/images/201208gkg.jpg


ومش بس الكهربائيات حتى لوازم المطبخ و الزجاج والصحون وادوات مطبخية

انا شريت جزء ونبيكن تقولولى شنو المهم اللى لازم نشريه

موودة
08-03-2012, 05:17 PM
على فكرة فيه الات مانعرف حتى كيف نستخدمهن هههههه بعدين ساهل

انا خاطرى فى غسالة صحون لكن الميزانية توة ماتسمحش

يمكن بعدين بعد الزواج تو نوفرولها

أمـ ساره
08-03-2012, 05:24 PM
ماشاء الله مودة

أدوات كلها مفيدة وتساعدك هلبة وخيتي

تبيديها بالهني ان شاء الله

بالنسبة لطريقة استعمالها ما تحيري هنا في المنتدى

فيه هلبة وصفات توضح استعمال الآلات كيف ولشنو تستخدم

مبارك عليك حبيبة وربي يتمم لك على خير

بالنسبة لغسالة الماعيين مازال وقتها حبيبة

بالشوي عليك وان شاء الله تشريها



في الاول استغربت قلت شارية هذا كله بترفعه معاها

لكن انتي من بنغازي وتقريبا الكوجينة على العروس صح ؟؟؟

أمـ ساره
08-03-2012, 05:28 PM
تم التقييييم حبيبة لك ولموضوعك

لأن موضوعك رووووووووووووووووعة

luba
08-03-2012, 05:30 PM
بالصحة عليكم تبيديهم بالهني كلهم حلوات

واسفدت منك شنو في في ليبيا من اجهزة

بدل الواحد يكرهم معاه

وكلهم واضحين عليهم الصور في الاستعمال يا مودي

ربي يهنيك ماتنسيش تعزمينا

موودة
08-03-2012, 05:31 PM
تسلمى عزيزتى انا من الأول عرفت ان المنتدى والعضوات الحلوات اللى فيه حيساعدونى بكل المواضيه الموجودة
وماشاء الله المنتدى عامر ومليان تبيلا جرد وتفتيش بشويش واكيد حنلقى اللى نبيه وبمساعدتكن

بالنسبة للعروس عندنا نعم تجيب المطبخ كله من ادوات وكهربائيات ولوازم

وطبعا اسمالله علينا قعدو يزيدو فى الحاجات يعنى مش بس المطبخ

الصالون والفرشة والستائر والطاولة يعتى دار الضيوف كلها علينا

ودار النوم الوناسات والورغان والفوط والستائر والفرشة

والحمام كل حاجة فيه

يستر الله وخلاص بابا قريب يفلس منى خاصا وانى ماكنتش نشتغل وتوة التدريس عقود جديدة مازالو ماعطونا مرتبات

وان شاء الله خير

وبارك الله فيك خيتى

موودة
08-03-2012, 05:36 PM
luba

انشالله تروحى بلادك طيبة وكل حاجة موجودة

كل انواع الكهربائيات هومر بلاك اند ديكر بورش وانواع واجدة انت بس تأنسي بلادك

واكيد انتم معزومين ع الفرح يوم 10 - 10

موودة
08-03-2012, 05:38 PM
ام سارة عزيزتى انت الذوق كله

شكرا عالتقييم

الصابرة
08-04-2012, 01:14 AM
ماشاءالله عليك مودة ربي يباركلك فيهن وتتهني بيهن
وصدقيني الراحة اهم من كل شئ فان شاءالله ربي يريحك ويهنيك معاه
كهربائياتك حلوة ونحس فيك شارية حاتين ليهن نفس الاستخدام
زي ست البيت الصغيرة و مفرمة 3 في 1 لان المفرمة تقوم بعمل ست البيت
لكن مش مهم استخدمي وحدة ودسي الاخرة نين تعطل فاستعملي الاخرى
وبالنسبة لادواتك ماشاءالله مش ناسية حاجة
لكن تبي تشري طاجين بيتزا او لا
وحبيبة ولا يهمك في الاسئلة اني كنت عايشة في بنغازي
وبتت مطبخي مع ان راجلي قال احنا معندناش العروس تجيب معاها
واه ماتصريش واجد في العزومةمرات تلقيني نسئل على العنوان
وتاريخ حلو 10/10 ربي يتمم على خير ان شاءالله

مغتربة 7
08-04-2012, 08:06 AM
ماشاء الله اجهزة حلوات
ان شاء الله تبيديهم بالهني وان شاء الله ربي يهنيك يارب
ما نقصتي شي ماشاء الله خلي للراجل حويجة ايجيبها اللطف هههه
العادات تختلف من مدينة الى الثانية وانتم فى الشرق العروسة ترفع ادوات المطبخ
ربي يباركلك ان شاء الله فى حياتكم وربي يعقد عسلكم ان شاء الله
وراك تنسي تعزمينا على عرسك نجوك حتى من الغربة

ام امير
08-04-2012, 11:20 AM
مووووووووووووودة ان شاء الله بالصحة عليك تبيدهم بالهنى وزى ماقالت الصابرة حاجتين نفس الاستعمال ست البيت والفرامة 3فى 1
شوفى موودة بالنسبة للحاجات المهمة حسب راى طنجرة وكسكاس يكونو صغيرات دابك انتى وياه سرفيز طناجر كيسان ضيوف نازكات وفناجين قهوة صفر مدان ضيوف ولاستعمالك انتى راهو كان بتقعدى عليا انى نقولك عينى واااااااااااااسعة ونحب نشرى ماعين خلى البنات يكملو

موودة
08-04-2012, 12:11 PM
الصابرة

الله يبارك فيك ويحفظك وربي يدوم الراحة والصحة عالجميع
صح ناقصنى طاجين البيتزا قالولى حتى ممكن نستخدمه فى حاجات ثانية
وشكرا عالنصيحة اكيد استفدت منها وماقصرتى
بالنسبة للفرح نحكى جديات والعزومة حارة تقعد احلى مفاجأة لو جيتونى واللى برة بنغازى يديروها ادهويرة وزردة ويجوا
انتى بس انوى:)

مغتربة 7
تسلميلي خيتى وربي يهنى الجميع
اى طبعا المطبخ مافيش غير الثلاجة والغاز والباقى علينا
بالنسية للفرح اكيد معزومة وحندزلكم كرت فى رسائل الخاص وافجعونى وتعالو

ام امير
تسلمى خيتى وانشالله بهنا الجميع
وشكرا عالنصائح وكملى ولا يهمك .. الأيام الجاية طالعة انا وماما وبنشرى وان شاء الله حنصورهن وناخذ رايكن فيهن

om_adnan
08-04-2012, 04:28 PM
وعليك السلام مووده,يعنى بعد سته ايام ,ايكون مازال شهرين بالتمام والكامل,ويكون مازال على عيد الاضحى حوالى ١٦ يوم,يعنى اتكونى مازال فى شهر العسل والحنه فى إيديك,ربى يهنيك,كل أجهزتك الكهربائيه,ماشاء الله ,تبارك الرحمن,خوذى بالك حاجات المطبخ البسيطه حتى هى تبى ميزانيه,بس حبيت انقولك فى الشرق,حتى اهل العريس ايحطوا حاجات فى المطبخ ,اساسيات المطبخ,اطقم من كل حاجه,بحيث يمكن استعمالها فى المطبخ,بس حاجة العروس تكون اكثر فخامه وكيف ما قلتى كل حاجة من عود الوقيد للخلاط الكبير,اكثر حاجه اعتقد حتفيديك الشوايه الكهربائيه,,ربى ايهنيك ويتمم الفرح على خير.

بنت حواء
08-04-2012, 05:11 PM
ماشاء الله يامودة أجهزة مش عاديات حلوات حلوات
بس ننصحك تشري
طاجين البيتزا
وآلة قلي البطاطا بملعقة زيت
وكأس كهربائي مفيدات واجد
وماتقوليش حتى الميكرويف والكوشة الكهربائية عليك؟
أصلا مرات هذينا بيجن مع المطبخ.........
كانهن عليك راك تنسيهن مهمات مهمات
وردي بالك تشري قلاية كهربائية راهو بتندمي عليها طول عمرك
أسأليني عليها قاعدة معزوقة فوق الدولاب ماندير بيها في شيئ
ولما تشري زيدي ورينا حتى اماعين عاديات :o
بضاعة العروس ديما ليها جو حلو الواحد تجيه النية يتفرج عليه
وبعد العرس ان شاء الله
نزليلنا الأكلات اللي بديريها في هالمواعين
مش تنسينا :rolleyes:
وألف مبروك مقدما وبالصحة عليكم

موودة
08-04-2012, 06:19 PM
ام عدنان
خيتى الغالية يسعدك ويسعد ايامك ويجيب الخير من وراك وقدامك
وشكرا عالنصائح بالنسبة لأهل العريس معش يحطو قعدو واجد من كثر ماتجيب العروس
بارك الله فيك خيتى

بنت حواء
بارك الله فيك عزيزتى
خلاص ان شاء الله حنشرى طاجين البيتزا
والة قلي البطاطا حسب الماديات خليها
لكن شنو كأس الكهرباء هل هو الكيتل اللى يسخن فى المية؟
وبالنسبة لباقى المواعين حاااضر كل حاجة شريتها وحنشريها حنزلها هنا
خلاص انا قعدت منكم وفيكم
ربي يحفظكم

ام امير
08-05-2012, 06:09 PM
موودة الى حببنى فيك لهجتك تههههههبل كانك قدامى تتكلمى مش معنى هده البنات ماعندهمش حضور لالا ماتفهمونيش غلط ممكن انها دلع وصغيرة وتقول الى على بالها

موودة
08-06-2012, 11:49 AM
ههههههههه انت اللى تهبلي .. تسلمي كلك ذوق
مع انى مش صغيرة فالعمر
لكن يمكن عشان اصغر وحدة فالعيلة ودراستى باعدتنى عن المطبخ

شكرا واجد عزيزتى ام امير

موودة
08-09-2012, 04:47 PM
الصور ماطلعنش حنحملهن من جديد

موودة
08-09-2012, 05:04 PM
http://www.libyan-kitchen.com/gallery/images/1rnr.jpg

http://www.libyan-kitchen.com/gallery/images/2ala.jpg

http://www.libyan-kitchen.com/gallery/images/3ksk.jpg

http://www.libyan-kitchen.com/gallery/images/4jnj.jpg

http://www.libyan-kitchen.com/gallery/images/5uou.jpg

http://www.libyan-kitchen.com/gallery/images/201208sts.jpg

http://www.libyan-kitchen.com/gallery/images/201208hzh.jpg

http://www.libyan-kitchen.com/gallery/images/201208kik.jpg

http://www.libyan-kitchen.com/gallery/images/201208xnx.jpg

http://www.libyan-kitchen.com/gallery/images/201208aha.jpg

موودة
08-09-2012, 05:25 PM
http://www.libyan-kitchen.com/gallery/images/201208kpk.jpg

http://www.libyan-kitchen.com/gallery/images/201208sms.jpg

http://www.libyan-kitchen.com/gallery/images/201208dmd.jpg

http://www.libyan-kitchen.com/gallery/images/201208nqn.jpg

http://www.libyan-kitchen.com/gallery/images/201208uwu.jpg

http://www.libyan-kitchen.com/gallery/images/201208ydy.jpg

http://www.libyan-kitchen.com/gallery/images/201208eoe.jpg

http://www.libyan-kitchen.com/gallery/images/201208hnh.jpg

http://www.libyan-kitchen.com/gallery/images/201208vfv.jpg

موودة
08-09-2012, 05:38 PM
http://www.libyan-kitchen.com/gallery/images/201208nin.jpg

http://www.libyan-kitchen.com/gallery/images/201208oeo.jpg

http://www.libyan-kitchen.com/gallery/images/201208dyd.jpg

http://www.libyan-kitchen.com/gallery/images/201208jnj.jpg

http://www.libyan-kitchen.com/gallery/images/201208kjk.jpg

http://www.libyan-kitchen.com/gallery/images/201208jkj.jpg

http://www.libyan-kitchen.com/gallery/images/201208cnc.jpg

http://www.libyan-kitchen.com/gallery/images/201208hwh.jpg

http://www.libyan-kitchen.com/gallery/images/201208coc.jpg

http://www.libyan-kitchen.com/gallery/images/201208iti.jpg

http://www.libyan-kitchen.com/gallery/images/201208nmn.jpg

موودة
08-09-2012, 05:49 PM
http://www.libyan-kitchen.com/gallery/images/201208ovo.jpg

http://www.libyan-kitchen.com/gallery/images/201208yfy.jpg



http://www.libyan-kitchen.com/gallery/images/201208uku.jpg

http://www.libyan-kitchen.com/gallery/images/201208pep.jpg

http://www.libyan-kitchen.com/gallery/images/201208nen.jpg

http://www.libyan-kitchen.com/gallery/images/201208zez.jpg

http://www.libyan-kitchen.com/gallery/images/201208xtx.jpg

http://www.libyan-kitchen.com/gallery/images/201208gmg.jpg

موودة
08-09-2012, 06:07 PM
http://www.libyan-kitchen.com/gallery/images/201208uru.jpg

http://www.libyan-kitchen.com/gallery/images/201208btb.jpg

http://www.libyan-kitchen.com/gallery/images/201208jwj.jpg

http://www.libyan-kitchen.com/gallery/images/201208joj.jpg

http://www.libyan-kitchen.com/gallery/images/201208wxw.jpg

http://www.libyan-kitchen.com/gallery/images/201208upu.jpg

http://www.libyan-kitchen.com/gallery/images/201208olo.jpg

http://www.libyan-kitchen.com/gallery/images/201208rrr.jpg

http://www.libyan-kitchen.com/gallery/images/201208dgd.jpg

http://www.libyan-kitchen.com/gallery/images/201208ege.jpg

http://www.libyan-kitchen.com/gallery/images/201208lil.jpg

http://www.libyan-kitchen.com/gallery/images/201208uqu.jpg

http://www.libyan-kitchen.com/gallery/images/201208cuc.jpg

موودة
08-09-2012, 06:09 PM
مازال طاقم السرفيز
وشنطة الملاعق الشوك والسكاكين
وسلة المواعين
وسلة الخضرة

وقولولى شن مهم اخرى
نراجى فيكم

الصابرة
08-09-2012, 09:32 PM
ماشاءالله عليك ربي يهنيك بيهم وتبيديهم بالهناء يارب
بس حبيبة ماتكثريش من كل شئ خودي نوع واحد توا زي الاطباق واخذة من كذا شكل
المفروض خذيتي شكل واحد عشان بعد الزواج عينك تطلع على حاجات واجد وتبدي تاخدي
وتلقي روحك مكدسة اماعين شئ استعملتيه وشئ لا
اني لما اتزوجت خذيت طقم سرفز واحد كامل 100 قطعةوخذيت طاقمين قهوة وخذيت طاقمين نسكافيه
ونوعين اكواب عصير
وطقم براريد وعدالة شاهي ايطالية وطواجين اشكال هلبة وانواع كثيرة وديكورات ومكملات للمطبخ
لاني بعد العرس بشهرين تمن يعجبن في حاجات جديدة وحتى فكرت نشري ماخممتش
في الكثرة لاني مش واخذة هلبة وفي نفس الوقت اني من النوع المحافظ يعني
الاطباق مانكسرش فيهن
وبالنسبة للطناجر احسن حاجة كثرتي منهن لانهن يلزمنك وخصوصا في العازايم اما انتي وراجلك
تحتاجي طنجرة صغيرة وطقم كسكاس
والطواجين التيفال المستطيل تاكدتي منهن انهن يخشن الفرن الكهربائي بتاعك خصوصا الكبير
لاني واخدة منهن والكبير ماباش يخش الفرن فخليته لاهلي
ان شاءالله ماطولتش عليك

الصابرة
08-09-2012, 09:36 PM
اه نسيت حبيبة راكي تنسي المفارش
بتاعت الضيافة
وقوليلي الصورة هذي بتاعت شنو معرفتش

http://www.libyan-kitchen.com/gallery/images/201208upu.jpg

حبيبتهم
08-09-2012, 10:22 PM
السلام عليكم

ربي يهنيك وتبيديهم بالهني والصحة وراحة البال

معليشي اوخيتي النت عندي ضعيف اليوم ماطلعوليش الصور كلهن

بس شفت انك واخدة نوعين كاسات عصير
اني في رايي لو خديتي باكوين من نوع واحد افضل مرات يكون عندك ضيوف اكثر من 6 اشخاص
صندوق حفظ الخبزة اني شخصيا ما استفدت منه شي الا واخد مكان في المطبخ ماتريحتش لوين تخلصت منه
قطاعة البصل الصغيرة اللي علي علبتها نصف بصلة ماليهاش لزمة لان عندك ست البيت ومفرمة 3 في 1

الصور كيف ماقلتلك ماطلعوش كلهن
لكن من اللي طلعوا ماشفتش انك خديتي صواني متاع وجبة مثلا ارز مسقي
صونية لنفرين و ممكن صونية اكبر

يمكن تاخدي صواني للحوسة استيل او بلاستيك مش عارفة هل نزلتي صور ليهن لو لا
مصفاة لتصفية المقليات

نحاول اني نشوف الصور كاملات قبل ونحاول نفكر لك شنو ناقص

دانية
08-10-2012, 04:35 AM
ربي يهنيك ويسعدك يارب حبيبتي مووودة

ذكرتيني بأيام البتات آآآآه احلى ايام ياسلام

وبعدين اسمعي كان شديتي في العزومة راني انجي ايييوه

وخاصةً اني مش بعيدة 200 كيلو شرق بنغازي

وخوال راجلي من بنغازي يعني بالمرة الجية اتكون ..

ربي ايهنيك و احلى حاجة الطنجرة الستيل اتهبل في التطييب ..

يعني كثري منهن وحتى في الشرية روعة احلى من التيفال ..

luba
08-10-2012, 05:53 AM
ماشاء الله تبيديهم بالهني يهبلواوعجبتني حركة الدلع لي ليفة المواعين وينك مافيش خير من شكاير البصل ههههه وكل حاجاتك نازكة ودوق غير في حاجات مكترهاكترمن نوع زي اكواب العصير المهمكلهم يهبلوا وخاصة فناجين اقهوة المعلقات المزينات بالفص رووعه في هراسه يدويه شكلها زي الساقم ومرات تلقيه مع طاقمهن تستعمل في هرس البطاطا والشرموله مانستغناش عليهاوالميكروويف مهم سلة الخضرة اللي بطاولتهم ينحط فيهم البصل والبطاطاوالسبول وو صحون الدائريه للتسقاي الفخاريه صفاي اسلطات والمكرونه ومريول المطبخ بمساكاته قاعدة تباع لوضع الطنجرة او الطاجين الساق لتحمي الطاوله من الحرارة اوالنايلون مفارش السفرات ملاعق صغيرة وحافظات سكر للتقديم مع السفرة ولي عودة

موودة
08-11-2012, 12:07 PM
الصايرة

الله يبارك فيك ويخليك
بالنسبة للأطباق هذين العملية يعنى مواعين الحوسة ولنا نحن فى الحوش اما طاقم السرفيز للضيوف بس وهذا بيجينى هدية عشان هكى ماشريتش
وطاقم مفارش المطبخ لعند توة مالفيتش لون برتقالى بالأبيض
والطنجرة والكسكاس شريته بس خذاته ماما ههههه عجبها عشان صغير ونحن عائلتنا شوية وحنشريه ان شاء الله
بالنسبة للتطويل طولى وزيدى والله نحب دوتكم ونستفيد منها وااااجد
بالنسبة للصورة هذين ليفة مواعين وفيها مكان تحطى الصابون السائل

حبيبتهم
وعليكم السلام وتسلمى وربي يخليك ويحفظك
بالنسبة للكاسات خذيت 12 من كل نوع حتى الشاهى والقهوة 12
وخذيت صوانى وصفيات وان شاء الله تشوفى كل الصور فيه صور فى الصفحة السابقة
وشكرا عالنصائح ونراجى فيك تشوفى وتقوليلي


دانية
تسلمى ياغالية ويسعدك ربي ان شاء الله
بالنسبة للعزومة والله العظيم نفرح موت لو فجعتونى وجيتونى حتقعد احلى مفاجأة
وحندزلك كرت فى الخاص
ولكل اخواتى اللى تسكن قريب واللى قاعدة فى الغرب وتقدر تجى عادى ادزلى عالخاص واندزلها كرت الكترونى هههههههه يمشى حاله
والله نحكى جد تشرفونى والله


لوبا
تسلمى عزيزتى ويبارك فيك
على قولتك دلع شوية شوية وتلقينى خاشة على ليفة البصل هههههه
وانت الذوق كله تسلميلي
بالنسبة للهراسة ذكرتينى بيها شفتها فالتلفزيون عند وحدة من الشيفات وعجبتنى ان شاء الله غير نلقاها فى السوق
ومفارش وزينة المطبخ ان شاء الله حنشريها بس مالقيتش اللون اللى نبيه
صح حفاظات ناقصاتنى وسلة الخضرة اكيد
تسلميلي وانا فى انتظارك

om_adnan
08-11-2012, 06:52 PM
ماشاء الله ,تبارك الرحمن,لا حول ولا قوه الا بالله,ربى يهنيك,واتدير احلى الاكلات,شنو رايك لو قدرتى وطبعا اتذكرتينا,صورى اول سفرة فطور اتديريها,اول سفرة شاهى,حتكون ليها ذكريات حلوه ,وفيه فكره ايديروها تحتفظى باأصغر قالب من تورتة الفرح وتوضع فى الفريز,طبعا بعد ما تكرشميها زين,واتطلعيها على عيد زواجكم,حتكون فيها رومانسيه هههههه,فى اى صاله حتديروا الحنه .
.

موودة
08-12-2012, 01:42 AM
تسلميلي يا احلى ام عدنان
ان شاء الله مش حننسى وحندير صور زى هكى .... قصدك الجاتو يصبر بعد سنة هههههه يمكن حنجرب فيها جو
وتشرفينى بحضورك
قاعة البهجة فى منطقة "الليثى"

نسمه ليبيه
08-12-2012, 04:45 AM
موده اول مره نقرا موضوعك وانسجمت معاك ونحب نذكرك بساعة المطبخ والولاعه وسطل القمامه اكرمك الله وفرشة المطبخ وطاولة الاكل وملصقات الثلاجه وفرن كهربائى وسفر الستيل

ستارة المطبخ

ولو فاضت معاك ميزانيه حوذى غسالة صحون ليها نوره وانت اكبر مستفيده
ولما نذكر حاجه ثانيه تو نقولك
اه وغاز شاهى

موودة
08-12-2012, 11:04 AM
ذكرك بالشهادة اختى الغزيزة نسمة .. تم ان شاء الله حنسجلهن بالنسبة ل كوشة الضى شريتها واما طاولة المطبخ هذه شور العريس هو يجيبها

بارك الله فيك عزيزتى

الصابرة
08-12-2012, 09:32 PM
حبيبتي مودة
ايه الجاتوه يقعد في الفريز مايصير له شئ حتى اكثر من سنة لكن اهم حاجة تسكريه زين تغلفيه كويس
وفكرة حلوة ام عدنان توا انقول عليها لداداي لانها من عشاق الحاجات اللي زي هكي لما يسهلن امورها وعرسها يمشي على خير
مش معناها اني منحبش الحاجات الرومانسية لا انحبها هلبة لكن انحب اكثر الحاجة اللي مربوطة بالدين فاني في عرسي مادرتش كيك
بل بديت حياتي مع راجلي بالحليب و 3 تمرات
وكل سنة زواج لنا ناكلوا 3 تمرات وحليب وبعدها الكيك

بنت طبرق
08-12-2012, 10:28 PM
انا اول مرة ندخل للموضوع
معليش السنة هذه متلخبطة معاي شويا ربي يعين
فاتني حاجات واجد في المنتدى
ربي يهنيك ويتمملك على خير حاجاتك حلوة كلهن
انا عجبتني الشواية مازال ماطحت فيها
الباقي عندي ولله الحمد

موودة
08-16-2012, 11:09 AM
الصابرة
عزيزتى الغالية
خلاص حتى انا قبل الكيك حناكل حليب وتمر ..تم

بنت طبرق
تسلمى عزيزتى ويبارك فيك ..نورتينى

موودة
08-16-2012, 11:12 AM
http://www.libyan-kitchen.com/gallery/images/zpzzpz.jpg

سلة الخضرة


http://www.libyan-kitchen.com/gallery/images/ehe.jpg

شنطة الملاعق والشوك والسكاكين والأدوات


http://www.libyan-kitchen.com/gallery/images/glg.jpg
سفر

الصابرة
08-17-2012, 07:47 AM
ان شاءالله تتهني بيها يارب
والسلة تهبل لكن ديري بالك منها
واني انبتت لعرسي خذيت زيها بس في اختلاف بسيط لكن
مرة مرة تنطر عليها امية لقيتها بقعة بالصداء فانتبهي لها
والصفر نوعيتهم كويسة لكن مايمنعش من انك تنشفيهم بعد الغسل

موودة
09-19-2012, 09:35 AM
تسلميلي عزيزتى شكرا ليك
وانا تميت الحاجات بس ماطقيتش الصور الباقى ان شاء الله مرة ثانية

ونتمنى يحكى الكل عن مشترياته حتى المتزوجات يحكن شن جابن زمان

بنت حواء
09-19-2012, 10:25 AM
ماشاء الله يامودة حاجاتك تجننننننن كلها
تبيديهن بالهناء ان شاء الله
وربي يفرحك ويهنيك ويتمملك بالخير
وراك تنسينا بعد العرس هه :rolleyes:

ام ميرال
09-19-2012, 04:57 PM
ر؟وووووووعه موضوعك ومشترياتك حبيبتي وباين ذوقك حلو ما ينخاف عليك
الله ذكرتينا باللي مضي كان يقولولي تعرسي من جديد نعرس ع شان الشرا نموت في التسوق
بالنسبه للنواقص سفر الستيل الكبار متاع الوجبات كسكاس متوسط مع الصغير لانك حتحتاجيه كان جاك ضيف شنتروات التقديم غير متاع المطبخ
طاجين الكب كيك مهم في الموالح والحلو طاجين التشيز كيك عملي حتى في الكيكه العاديه ماكينة الرشده مش عارفه شفتها في الصور والا لا
كاسرولا ستيل للقلي (الستيل صحي واحسن شي في القلي ) ترامس الشاهي للتقديم
هذا اللي في بالي توا وتقريبا انتي ماشاء الله حاجتك شبه كاملة
وحتى انا انقولك الله الله في غسالة الصحون
اختاريها هدية زواج عيد ميلاد جمعيه سلفه قرض باي طريقه ههههههههههههه والله مهمه ومريحة
وانشاء الله ربي يتمملك ع خير حبيبتي زي ما تبي واحسن
ما تنسي تصوريلنا عشا وحلويات وتقديمات العرس عاد حنا من العيله

نسمه ليبيه
09-19-2012, 06:29 PM
موده انا حافظه تاريخ زواجك والعد التنازلى بدأ ودق ناقوس الخطر هههههه نبصر معاك ماتخافيش

المهم الايام اللى فاتن كان عرس بنت خالى وتفاجانا بوجهها كيف منور ولما سالناها السر كان فى كريم تستخدم فيه اسمه كاستيلا ننصحك بيه واسالى عليه قبل

وسلام
شن لون صالونك؟ وفرشتك صوريهن لنا

وماتنسيش تقولى لخواتك فى العرس يصورن الطاولات بيش بعد شهر العسل تحطيهن لنا ان شاء الله

نسيبة
09-19-2012, 06:44 PM
مبروكككككككككككككك ان شاء الله بالسعادة و الهني حلوات و نويزات واختيارات تحفة

موودة
09-20-2012, 08:17 AM
بنت حواء
تسلميلي يارب
وماتخافيش انا ماصدقت لقيتكم توة بعدين نقعد نفرفش فى المطبخ بروحى ههههههههههههه ماليا الا تليفون ماما وانتوا اكييييد

ام ميرال
تسلميلي وانت الذوق كله
وفى حاجات شريتهن بس ماصورتهن الحق زى الكسكاس وغيرها وبالنسبة لطواجين الكب كيك تو نشريهن بعدين هههههههههه مازلت مانعرف اندير
اما ماكينة الرشدة مش عارفتها لأن الرشدة مش معروفة واجد عندنا حتى ماما ماعمرها دارتها
قلاية ستيل وصفر ستيل صح نقصاتنى ان شاء الله حنشريهن

ان شاء الله حنوصى البنات يصورن العشاء

شكرا عالنصائح عزيزتى


نسمة ليبية
اى والله عزيزتى الأيام تمشي
حاضر حنسأل ع الكريم هذا

الصالون بيج فيه شوية بنى وهو مش جاهز تفصيل انا اخترت القماش والشكل وتوة يشتغلو فيه والفرشة بيج فى البنى

واكيد حنوصى البنات يصورن

بعدين انا نستنى وحدة من المنتدى اديرلى مفاجأة وتجينى الفرح

الموعد والمكان فى صفحات الموضوع

والكل معزوم


نسيبة
الله يبارك فيك عزيزتى
تسلميلى شكرا لييييك