المساعد الشخصي الرقمي

مشاهدة النسخة كاملة : [مشاركة في المسابقة المفتوحة للمقبلات الرمضانية ] بطاطا مبطنة من مطبخ أم أيوب



أم أيوب
08-09-2012, 05:21 AM
http://i1263.photobucket.com/albums/ii635/jijiy1985/juj.gif





السلام عليكم ورحمة الله وبركاته

طريقتي في البطاطا المبطنة حبيت نوريها لكم

المقادير :

عصاج مفروم مكون من :

مفروم لحم عجل أو قعود وممكن حتى بالدجاج ( استخدمت مفروم عجل وجربتها من قبل بالدجاج الحق تهبل )

زيت + بصلة كبيرة مفرومة + نص ربطة كسبر وزيها معدنوس + طماطم معجون + توابل ( ملح / فلفل أكحل / حرارات / كمون حوت )

بيض + خبزة مرحية + بطاطا + ثلاث فصوص ثوم

الطريقة :

نخلط كل حاجات العصاج الا كمون الحوت والثوم ونرفعه على النار مع نص كوب مية ونخله لغاية ما يجف

نطفي النار ونضيفله الثوم وكمون الحوت ونخليه يبرد شوي ونضيفله البيض ويكون حسب الكمية متاع العصاج

انا اضفت اربع بيضات لان الكمية واجد وضيفيلها الخبزة المرحية عشان الحشوة ما تطلع من البطاطا في الزيت

http://up.arabseyes.com/uploads/09_08_1213444817311.jpg (http://up.arabseyes.com/)

وقت ما العصاج عالنار جهزت البطاطا قشرتها وقسمتها كل حبة بطاطا اربع شرائح وكل شريحة فتحتها من واحد من الاجناب

http://up.arabseyes.com/uploads/09_08_1213444817312.jpg (http://up.arabseyes.com/)

لو لاحظتو فتحتها على طولها من جنب وخليتها ممسوكة من حافة الجنب الثاني

نملاها بالحشوة

http://up.arabseyes.com/uploads/09_08_1213444817323.jpg (http://up.arabseyes.com/)

ما تنخلعوش من الكمية درت 60 طرف ربي يزيد ويبارك

خلطت خبزة مرحية مع دقيق وخلطت البيض مع شوي فبفب اكحل

غمست الفم المفتوح في البيض بعدين في الخبزة وقليتها في زيت غريق وساخن والنار قوية في البداية بعدين متوسطة

رفعتها على ورق تصفى من الزيت وهدي النتيجة

http://up.arabseyes.com/uploads/09_08_1213444817324.jpg (http://up.arabseyes.com/)

http://up.arabseyes.com/uploads/09_08_1213444817325.jpg (http://up.arabseyes.com/)

في أمان الله

مغتربة 7
08-09-2012, 07:15 AM
http://up.arabseyes.com/uploads/09_08_1213444817324.jpg


يميييييييييييييييييييييييييييي
ماشاء الله تبارك الرحمن مبطن ياخد العقل
منظرها يسسهف من 60 طرف نبي وحيد بس
تسلم الايادي وصحتين على قلوبكم
احلى تقييم لعيونك

بنت حواء
08-09-2012, 01:09 PM
ماشاء الله مبطنة تجننننننننن
لا الكمية ماتخلعش تسهف بس :p
سلم يدياتك وصحة وهنا على قلوبكم
و 5 نجوووووووووم

موودة
08-09-2012, 03:00 PM
ماشاء الله تسلم الأيادى

طريقة تختلف عن طريقتنا

واكيد حنجربها

تحياتى اختى العزيزة

حبيبتهم
08-09-2012, 03:59 PM
ماشاء الله تسلم ايدك

luba
08-09-2012, 05:13 PM
تسلم الايادي ماشاء الله ربي يعطيك الصحة ويعاونك

اني التغليف في الاول دقيق تم بيض تم بقسماط مخلط بشوي دقيق

جاري التقويم لي ام الحلوين

نسيبة
09-27-2012, 10:54 PM
تسلم ادياتك و ربي يعطيك الصحة روعة

المصراتيه
09-28-2012, 12:15 AM
ماشاءالله ولا قوه الا بالله
امبطن ياخد العقل ويستاهل التقيم
تسلمي يا قمر

رميساء
09-28-2012, 11:19 AM
سلام عليكم ما شاء الله علي صحن المبطن وعلي الشرح مشكورة