[مشاركة في المسابقة المفتوحة للمقبلات الرمضانية] عجة مقلية من مطبخ لوبا

[luba]

http://i1263.photobucket.com/albums/ii635/jijiy1985/juj.gif



السلام عليكم ورحمة الله وبركاته

العجة المقلية

قلت خليني انزلها ونفكر البنات بيها وزي الشربه كل وحدة وطريقتها

وحاجات اني نضيفهم غيري لا وحاجات هما يضيفوها واني لا

نجرب منهم ويجربوا مني


http://www.libyan-kitchen.com/gallery/images/la483.jpg




3 فصوص كبار توم مهروس - 1 بطاطا مقطعه مربعات رقيقة - 1 بصله صغيرة مفرومة ناعم


http://www.libyan-kitchen.com/gallery/images/la477.jpg




نضيف عليهم ملح حسب الرغبه - نصف ملعقة صغيرة كمون حوت - ربع ملغقة صغيرة فلفل اسود

نصف ملعقة صغيرة فلفل بودرة احمر - رشة كركم - ربع ملعقة صغيرة حرارات مشكلة -

نصف ملعقة صغيرة كسبر مرحي


http://www.libyan-kitchen.com/gallery/images/la478.jpg




نضيف عليهم 3 بيضات كميتي مش هلبه ونحركهم كويس



http://www.libyan-kitchen.com/gallery/images/la479.jpg



اضفت عليهم 4 ملاعق كبيرة دقيق ابيض ( كل واحد ونوعه ) و معدنوس

http://www.libyan-kitchen.com/gallery/images/la480.jpg




نحركهم كويس و تكون متماسكة قليلا مش جارية

http://www.libyan-kitchen.com/gallery/images/la481.jpg



نزليهم بملعقة كبيرة او صغيرة وافرديها في الزيت كيف ماتحبياحني نحبوها متوسطة او رقيقة

تقلي في زيت متوسط العمق وتقلي في الاول علي نار عاليه

تم متوسطة ونراجوها لين تاخد لون و نصفيها علي مناديل مطبخ


ان شاء الله تعجبكم طريقتي


http://www.libyan-kitchen.com/gallery/images/la482.jpg

[الصابرة]

ماشاءالله طريقة تهبل وجديدة عليا
اني عمري ماحطيت فيها بطاطا
سلمت دياتك ويعطيك الصحة
واحلى تقييم
بس نبي نسئل البطاطا اطيب

[luba]

منورة الموضوع وليك وحشه

اكيد اطيب انت مااديريهاش

مكعبات كبيرة و اني نخلي فيها علي نارمتوسطة تاخد في وقت معقول

[حبيبتهم]

ماشاء الله عجة روعة يا لوبا
اني نحبها هكي لكن زوجي يحبها بلا خضرة
ولكن في اختلاف عليك
اني مانديرلهاش في حرارات وفلفل اسود ماتعجبش فيا طعمة الحرارات في العجة
اندير في كمون وفلفل وبزار وشوية معجون طماطم وشوية بيكنج بودر وطبعا ملح

ونطيب فيها حتى في الكوشة غير اللي في الكوشة اندلع فيها انديرلها في جبنة وزيتون وفلفل اخضر

[بنت حواء]

ماشاء الله عجة تشههههههي
أنا مانديرلهاش في خضرة ندير في الثوم والكسبر فقط
بس طريقتك عجبتني سلم يدياتك
وصحة وهنا على قلوبكم
و 5 نجووووووم

[luba]

بارك الله فيكن علي المرور ومنورات الموضوع

[مغتربة 7]

ماشاء الله عجة تسهف
تسلم الايادي يااحلى لوبا
تستاهلي التقييم

[luba]

شكرا غروبة علي مرورك الرائع

[نسيبة]

تسلم الايادي حبوبة يعطيك الصحة

[luba]

الله يسلمك اسعدني مرورك

[زوبة الطيوبة الحبوبة]

يعطيك الصحة على هالطريقة الحلوة

[كيميائيه]

ماشـــــــــــــــــــــاء الله ليا زمان عليها

[نسمه ليبيه]

صحيتى لوبا عالوصفه الحلوه

[نادرين]

يسلمووووووووووووووووووو ايديك

انى فى بعض الاحيان نضيف فى البطاطا فى العجة

طعمتها رووووووووووووعة

لكن اضافة البصل ما نستعملش فيهفى العجة

واكيد طعمه رووووووووووووووووووووعة