[ اعلان ] مسابقة حلويات العيد

[الصابرة]

السلام عليكم

عيدنا قرب وفرحنين بيه

في من شري دبيشاته وفي من يوتي في حلوياته

فنبوك معانا ياوخيتي ..... بحلوياتك تشاركي

شاركينا بحلويات عيدك ليبية او عالمية

بيش نديروا جديدك لعيلتنا وتاخدي جديدنا لعيلتك

او تورينا طريقتك بحلوياتنا المعروفة

او تشاركينا بتطبيق من مطبخنا الغالي

وتراعي معانا الشروط الاتية


1/التنسيق عند كتابة الموضوع والدقة في كتابة المقادير وشرح طريقة التحضير

موضحة بالصور خطوة خطوة و ان تكون الصور واضحة

2/ ان يكتب اسم العضوة واسم منتدى المطبخ الليبي على الصورة .

3/ يمكن المشاركة بأكثر من نوع على أن توضع كل مشاركة في موضوع مستقل

4/ توضع المشاركة في قسم الحلويات الليبية او قسم الحلويات العالمية بعنوان

[مسابقة حلويات عيدنا] اسم الحلو .....من مطبخ .....

5/ ان تضع كل عضوة ترغب في الاشتراك شعار المسابقة في توقيعها الشخصي

http://im30.gulfup.com/2012-08-08/1344410280601.gif


تبدا المسابقة من تاريخ وضع الاعلان وننتظر مشاركاتكم

[زينب محمد]

ان شاء الله يكون فيه تفاعل ومشاركات من عضواتنا المبدعات

موفقات

كل عام وأنتن بخير وصحة وعافية

[luba]

كل عام وعيدكم غير مع مطبخكم الليبي

وينعاد عليكم بالصحة والخير

وفي انتظار روااائعكم

ان شاء الله بنشارك فيهم ومشكورة هلبه يالصابرة علي هالدباجة الحلوة

وبارك الله في عهود المصممة الرائعه

[الصابرة]

مشكورة لوبا واسعدني مرورك زينب
وان شاءالله نلقوا مشاركات من عضواتنا الغاليات
لاننا تقريبا معضمنا كان مش كلنا نديروا في حلويات

[الصابرة]

معقولة المشاهدات فوق 100 والردود 2 بس
يعني ماتبوش تشاركوا او ماتبوش اديروا حلويات العيد
هكي بناخذ علي خاطري

[مغتربة 7]

ماشاء الله مسابقة رائعة من اخت اروع

يارب يكون فيها تفاعل من عضواتنا الغاليات

ان شاء الله تكون لى مشاركة معاك

[نسمه ليبيه]

بصراحه مش كل عام ندير فيهم ونادر مانديرهم لكن السنه شجعتونى ان شاء الله نديرهن ونوريكم

[الصابرة]

شرفتوني غروبة ونسومة
وان شاءالله نشوفوا مشاركاتكم وباقي العضوات

[om_adnan]

وعليك السلام الصابره....كل عام وانتى والامه الاسلاميه بخير,تقبل الله من الجميع صالح الاعمال والعبادات,ان شاء الله حنشارك معاكم ولو بموضوع واحد,وعجبتنى مقدمة الموضوع,جزاك الله خيرا.

[الصابرة]

سلمها يارب جبارة الخواطر
وحتى لو مشاركة واحدة فهي تضيف للمنتدنا الغالي لمسة
بارك الله فيك ام عدنان

[أوركيدا]

في البداية شكرا ليك وشكرا للمصممة عهود

وان شاء الله حنكون من المشاركات

[حبيبتهم]

كل عام وأنتن بخير

ان شاء الله نشارك معاكم

وتسلموا على المسابقات الروعة فيها استفادة كبيرة

[الصابرة]

اوركيدا وحبيبتهم
اسعدني مروركن
وننتظر مشاركاتكن
وفعلا المسابقات فيها افادة كثيرة لينا