تستحق القراءة للاستفادة

[barney]

السلام عليكم ورحمة الله وبركاته
صارت امعايا حاجه في المنتدى نبي نحكيها وقبل مانحكيها نبي نترحم ع (السمحه) وان شاء الله ربي يجعل مثواها الفردوس الاعلى ويتغمدها برحمته ويرحم جميع موتانا وموتى المسلمين . ونبي نشكر (نسمة ليبيا و ام سارة و ام عدنان و زينب محمد) الله يفتحها عليهن ويكتبلهن الاجر العظيم يارب العالمين لانهن كانن ديمة ايصلحللي في كلمة ان شاء الله والحق ماكنتش فاهمه شن اللي يبني ما انلصقاش لانه حرام كنت نكتب فيها بهالطريقة (انشالله) فكنت نحسابهن يقصدن اني ما انلصقش الله في انشاء نحساب روحي عدلتها قعدت نكتب فيها بهالطريقة (انشاء الله) لعند نزلت امبطن الزنبقه وعلقت عليه (زينب) ان (السمحه) الله يرحمها ويرحمنا اجمعين امنزلاته فلما فتحت ع صفحت المرحومه بإذن الله
القيت العبارة هذي


http://forum.hawahome.com/nupload/10153_1285699730.gif

ففهمت البنات شن يقصدوا بارك الله فيكن اجمعين وآسفه عالاطاله
واللي خلاني نكتب تجربتي القيت (ام ميرال) ربي ايسلمها كاتبتها نفس خطئ اني( انشالله) في صفحة يومياتك يا ليبيه في الكوجينة ارجو التعديل يا (ام ميرال) وان شاء الله في ميزان حسناتك

والسلام عليكم ورحمة الله وبركاته

[luba]

بارك الله فيك وجزاك الله كل خير

وربي يرحمها ويغفر لها ويسكنها فسيح جناته

[ترهونيه حره]

جزاك الله خيرا على التوضيح وربى يغفر للسمحه ويجعلها من سكان الجنه امين يارب العالمين

[مغتربة 7]

الله يرحم السمحة ويغفرلها يارب ويجعل كل حرف كتباته فى ميزان حسناتها

وبارك الله فيك حبيبة

[sweet nona]

http://forum.hawahome.com/nupload/10153_1285699730.gif

فعلا موضوع يستحق التنبيه عليه

حتى اني نفسك بس ام سريوة العسل بارك الله فيها قالتلي في مرة من المرات

وانتبهت لعند ماتعودت عليها

شكراا ليك بارنى والله يغفر للسمحة ويرحمها

[حبيبتهم]

السلام عليكم فعلا تستحق القراءة ربي يبارك فيك ويرحم السمحة ويغفرلها ويجعل ماكتبته في ميزان حسناتها حديث لرسول الله -صلى الله عليه وسلم-، يقول: عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلموربي يجازيهن بالخير اللي نبهنك عنها بارك الله فيك وفيهن

[الصابرة]

الله يرحمها ويغفر لها
لاني يابارني كنت نكتب فيها زيك بعد التعديل الاول لعند ماقعدت نصفح في المنتدى وشفته في توقيع السمحة الله يرحمها عرفت الفرق وعلى طول تم التعديل

[المصراتيه]

بارك الله فيك
وان شاءالله الكل يفهمها ويصححها