مني بتلعب معانا ...تدخل

[sweet nona]

السلام عليكم ورحمة الله وبركاته

هلا بيكم في موضوعنا اليوم

جبتلكم لعبة قديييمة


لعبة معروفة ومشهورة

http://hh7.an3m1.com/Sep/an3m1.com_13464486951.jpg (http://hh7.an3m1.com/)

والفكرة هي نختاروو
حرف
وقولو اسم
ولد
بنت
حيوان
نبات
جماد
بلاد
بنفس الحرف متلا نختار حرف ص
صهيب
صبرية
صقر
صنوبر
صندوق
صيربيا
والي تخش للصفحة
اتقول الآسماء
وتعطي حرف باش الي بعدها وهكدا..
وان شالله نلقى تفاعل من الحلوات
**********
حرف الميم

[om_adnan]

وعليك السلام والرحمه سويت.....قداش لعبتها وبضمير,انتى لم تحددى حرف ,اخترت ث لان زمان من الحروف التى لا أحبها

ثامر
ثناء
ثعلب
ثوم
ثقل,ثلاجه,ثريا
ثمود,شنو رايكم؟


وتوا نختار حرف الجيم.

[om_adnan]

شوفى سويت انا سبقتك بس نبى نشارك مع حرفك الميم
محمد
منى
معزه
منقله
مورتنيا
ونختار حرف الجيم

[luba]

هههه موتيني ضحك الله يسلمك نجيك وخلاص دكرتينا بي احلي ايام
نجاوب علي ام عدنان حرف الجيم

جمال

جليلة

جمل

جبل

جوافة

جيبوتي

ونختار حرف

ظ

[sweet nona]

هههههههههههههه

والله حق أيام زمان

حرف ظ يا لبنى علاش هكى واعر؟؟

تو انفكر ولا اتجي وحدة من البنات اتساعدني

تعالي ياام عدنان هه

[luba]

ماهو معقدني زمان ومعاها ستوب عرفتي

فقلت خليني نعقدهم لكن احمدوا ربكم بدون ستوووووب

[sweet nona]

ههههههههههههههه

تعرفي ستوب هاديي لين دايرتلهم عقدة منها

لكن عقدةالحرف ركبتني اني توا مش انتي بس

تو انشوفو من بيفك العقدة ههههههههه

[مغتربة 7]

قدااااااااااااااااااااااااااااااااااااش لعبتها ياسويت كنت نلعب فيها مع خالي الغالي وخالتي الغالية الله على الايام

لكن لي عودة ان شاء الله
واك يالوبا شن هذا عف حق ما اخترتي الا ها الحرف

[sweet nona]

والله الله شفتي ياغروبة من امبكري اني نعرك

دارتلي عقدة

هيا ماتعطليش عليا

ولد:ظافر
؟
جماد :ظرف

والباقي معرفتش:mad:

[مغتربة 7]

باهي ياحنة راح انجاوب بعد الاستعانة بصديق
بنت ظافرة
ولد ظافر
جماد ظرف
وحيوان ظبي
نبات ظلفع هههههههههههه اسئلي عليه عند العطار حسب ما عرفت
بلاد ظهران

الى بعدي حرف أ

[om_adnan]

سبقتنى مغتربه ,عصرت لولو دماغناو,بس انا اخر انسجام

[المصراتيه]

اجمل لعبه محلاها لكن نهايتها تشريك الورق وضرب وووو

غروووووووبه 10/10 من امبدري واني نراجي في حد يأخذه هالحرف ههههه

بنت : أميرة

ولد : أيمن

جماد: أنبوبه

حيوان : أسد

نبات : أرز

بلاد : أمريكا


ونختار حرف ال اممممممممم

الهـاء

[luba]

طورة غ..... جاوبتيه بس ظافرةحلوة جيبي بنت وسميها ظافرة
نجاوب علي ها
هارون ،،هندة،،،هبل ههه اوهرم ،،،هرة،،،هاواي.ههه ،،،،،،هيل

[luba]

طلعلي عيني النبات نختارحرف ز

[ام امير]

الله محلاها هاديكة الايامات دكرتنى لما كنت نلعب مع خوتى الاولاد الى توة ماشاء الله رجالة وبصغارهم وزى ماقالت المصراتية اخرتها تشريك الورق وضرررررب
بنت زينة
ولد زكريا
حيوان زرافة
نبات زعفران
جماد زيت
بلد زيمبابوى
نختار حرررف ق منو الشاطرة الى بعدى

[دانية]

نبي نلعب معاكم نختار حرف اللام

لينا
لقمان
لبوة
ليمون
لوح
ليبيا


واللي بعدي حرف الفاء.

[om_adnan]

حبيت انذكركم بالحروف اللى تم أختيارها وهى الثاء,الميم,الظاء,الالف,الجيم,الهاء,الزاء,اللام ونجاوب ام امير على حرف القاف
قاسم
قدريه
قرد,قنديل البحر
قصب
قدر,قوس
قندهار,قاهره,قصر ليبيا.

ونختار مع دانيه حرف الفاء و الا مش متأكده الغاء .

[حبيبتهم]

اهلا بكن يا حلوات

يا ام عدنان الحرف اللي طلباته دانية هو حرف الفاء (ف )

ولد فتحي
بنت فاطمة
نبات فول
حيوان فهد
جماد فرشاة
بلاد فنزويلا


الحرف اللي بعدي حرف (غ )

[sweet nona]

لالالالا يادانية مش معانا

اختاري الحرف الي قالاته ال قبلك

ستوووب..هههههه

توا دوري

فداء
فدوى
فهد
فلفل
فراش
فرنسا والى بعده حرف الباء سااااااهل راه

[sweet nona]

ههههههههههههه

مع بعض حبيبتهم

حرف الغاء

غسان

غيداء

غراب

غار

غرفة

غينيا

[حبيبتهم]

سويتي راهو سيقتك على حرف الفاء

لكن مش مشكلة نجاوب عالباء

بسام
بسمة
بصل
بطة
بطارية
بيلاروسيا


اللي بعدي حرف الغاء (غ)

[om_adnan]

انا ما ليش دعوه بحد حنشارك حسب المطلوب يعنى
غانم
غيداء
غرقد
http://t1.gstatic.com/images?q=tbn:ANd9GcQyfGs_FtEjdhEyLaesKGG7hIENdd50v Mu-Qt-HDAbXb1N6YGA-UQ&t=1
شجرة غرقد يهود
غزال
غانا
غطاء

وتوا حرف الباء
باسم
بوثينه
برسيم
بلبل
برميل
بيرو
ونختار حرف الصاد

[om_adnan]

ههههههه والله من جدنا نلعب مافيش بصارة,مرتين مشاركتين فى نفس الوقت.

[sweet nona]

حرف الصاد

اخترناه من الاول بكل ام عدنان

نختار حرف ش

[barney]

راجوني حتى اني امعاكم انموت فيها اللعبه هذي

الولد شهاب
البنت شيماء
النبات شمر (اللي هو الكمون اللي انديروا فيه في الكعك الحلو وع فكرة لو ضربتيه في الخلاط مع الحليب الرايب ودرتيه قناع وجهك يقعد وجهك ايهبل صافي نصيحه عالطاير ), شمام, شيح,
الجماد شبشب ههههههههه
الحيوان ( اكرمكم الله ) شاه ,شفشه
المدينه شام (زعمه صح) شيشان

وتوا حرف ( ط )

[sweet nona]

هههههههههه

بارنى نستنو فيك هيا

لالالا شام انتى غشاشة ..ستووووووووووووووب

اااااااااااااااه..شيشان صح

[sweet nona]

لالالالا بارنى حتى انتى شريرة زي لوبا

واعر حرف الطاء هههه

طاهر

طيف

طاووس

طاولة

طماطم

طبرق..ه عرفتهم كلهم

حرف

ع

[luba]

كلكم اداعكوا بسرعه خليني نبدي قبل حد يجيني
حرف العين قالت سوسو

علي

عليا

علبة

عنز

عنب

عمان

جاوبتهم كلهم ومن راسي راهو مش معانا القوووووقل فاهميييين :d

[luba]

نختار حرف ض الضاد

[om_adnan]

شنو قصتك مع التعجيز لوبا,مافيش احلى من التسهيل ولكن ولا يهمك حنحاول بدون الاستعانه بقوقل
ضياء
ضحى
ضبع
ضماده
ض
والباقى صعب

[barney]

يا لوبا يا شريرة :mad:
اسم الولد ضو
اسم البنت ضوة
نبات ضلاع ع وزن دلاع هههههههههه القيتها ضولمه او ضلعه
الجماد ضيء هههههههههه
حيوان اكرمكم الله ضبع او ضب
مدينه مدينه مدينه مدينه مافيييييييييييش مدينه بحرف الضاد عصرت ادماغي القيتها ضفار في عمان والله مافتحت القوقل لكن غششني راجلي
يابنات مامعناش الغش ههههههههههههه زعميتني جبت الدورة
توا حرف ( الحاء) (ح) هذا حرفي واللي اتجيب اسمي

[sweet nona]

ههههههههههههه

والله لوبا هيا تبى وحدة اتحصلها فى حرف معاش تطلع منه:mad:

بارنى حرفك ;)

اسمك:حنان..حنين ..حواء..

حسام

حصان

حكة حليب ههههههه

حلبة..حبهان

حلب

ونختار حرف

(ك)

[ام هداية]

مشكورين على اللعبة الحلوة

سويت عجبينى حكة الحليب هههههه


اسم ولد كمال

اسم بنت كريمة

حيوان كلب اكرمكم الله

جماد كرسى

بلاد كوريا

نبات كسبر


ونختار حرف الهاء هو اول حرف من اسمى واسم بنتى هداية واخواتى البنات كلهم بحرف الهاء ومن يعرف اسمى يقول

[حبيبتهم]

السلام عليكم. يا بارني هههه ضحكتيني صار ضوة البنت المهم توا حرف الحاء وان شاء الله نعرف بيه اسمك ولد حامد بنت حنان وحميدة وحواء وحنين و جماد حبل حيوان حصان نبات حلبة بلاد حماه ( ربي يفرج عليهم ) على فكرة يا بارني ظفار بالظاء وليست بالضاد الحرف اللي بعدي سين (س )

[حبيبتهم]

ههههه اللعبة فيها دعكة قوية بنكتب رد مابين تعاركت معاه وكتبته بالنقال لقيت سابقيني زوز هههه مازال ا ااهاء كيف ماطلبت ام هداية
هاني وهانية (هويدا هناء هيام هند ) نبات هال جماد هندسة متاع الادوات زمان بلاد الهند

توا حرف السين

[barney]

سلمهن ياربي سويت نونا وحبيبتهم جابن اسمي حنان:o
عارفتها ظفار بالظاد لكن يمشي حالها غشاشه ههههههههههه خلاص انحطوا ضفه الغربيه مش امعانا الالف واللام
ام هدايه اسمك ياحنه
بنت هناء هويدا هنيدا هنده هدى هنيه هاجر هيفاء لكن الارجح هدى لان بنتك ربي ايسلمهلك هدايه :p راهو لازم اتخبري بالحقيقه كان جبته
ولد هاني
جماد هاتف
حيوان هدهد
مدينه هولندا
توا حرف الام حرف بنتي

[ام امير]

الولد سامى
والبنت سلوى
والجماد سرير
والحيوان سلحفاة
والبلاد سوريا

[sweet nona]

هههههههههههههه

دعاك من الاخير ..ماشالله عالبنات الناشطات

ام امير وين الحرف الي اخترتيه

بارنى صارجبتها انى قبل حبيبتهم

بس من غير غش راه

هيا ام امير اختاري الحرف باش انجاوبو ههههههه

[ام هداية]

barney ما شاء الله جبتيه الاسم صح اسمى هناء وبنتى هداية واخواتى البنات بحرف الهاء

[مغتربة 7]

اشيه ماشاء الله على النشاط
فاتني القطار

[sweet nona]

أم هدو

ماشالله كلكم بحرف الهاء هادا باش مسميتيها بنوتك

ربي يحفظهالك

حرف الياء

[دانية]

وسعن شوية وسعن كذا نبي نلعب قبل ماتسبقني لوبا

يمنى
يامن
يقطين
يفرن
والحيوان ماعرفتش
والجماد يافطة ( لافتة) بالمصري مافيش وحدة اتقولي غلط .. ايييوووه راني نزعل وماعش نلعب ايييوووه
الحرف اللي بعدي الواو

[حبيبتهم]

حرف الواو

غير مايسبقني حد ههههههه ويدفني

وليد .... ولد
وداد ..... بنت
ورد .... نبات
وشق .... حيوان
ورق .... جماد
وغادوغو .... مدينة

[حبيبتهم]

اللي بعدي حرف الثاء (ث)

[om_adnan]

هههههههه شنو هذا يابنات,بشويش, شويه نكملوا الحروف توا وصلنا تقريبا ٢٢ ,وحبيبتهم الثاء جاوبت عليه,اختارى حرف تانى.

[حبيبتهم]

نختار يا ام عدنان. حرف اللام

[om_adnan]

لؤى
لمياء
لبوه
لفت
لفافه
ليبيا
احلى حرف من احلى بنوته لانه حرف بلادنا,من الحروف المفضله فى اللعبه,نختار حرف الواو,شفتوا سرعه الاجابه بين طرح الحرف وطباعتى للاجابه,الفرق دقيقه مع وجود صعوبه لدى للطباعه بالعربى,ياريت عندى نفس السرعه فى ضم الحوش ههههههه..

[ترهونيه حره]

الولد ..وائل
البنت..وداد
الجماد..ورقه
نبات..ورده
حيوان..ورل
بلاد..واشنطن
المجموع..60ههههههههههه
نختار حرف القاف

[barney]

وين سويت نونا مش انت صاحبت اللعبه هيا شمري ع ايدياتك واخبطي حرفك والا متحشمه في اسمك لابد اسمك مشيعه او مشطوها او بقر ياروحي زمان تقرا امعاي ابنيه اسمها بقر ان شاء الله ربي يذكرها بالخير
حبيبتهم والله اسم قريبتي ضوة والله الاسم مش من اختراعي باهي يانشواله ضروري اتخبري عن ظفار المفروض بعتيلي عالخاص بيش تفاهمنا
ام هدايه سلمها ياربي هنو حتى اني ايدلعوا فيا حنو هههههه
ام عدنان بشويا كسرتينا الحياة ماهي دوبك يا مينه حتى احني عندنا فيها حق
الولد قاسم
البنت قمر ( اسم سلفتي )
النبات قمر الدين او قمح
الحيوان اكرمكم الله قنفود او قمبرة او قمله ههههههههههه
الجماد قرمه اللي ايكسروا عليها في اللحم او قلم
المدينه قندهار قطر
وتوا يا حناتي الحرف (غ) يا لوبا جاوبي جبتلك حرف صعب

[ام امير]

انى انى انى بالله عليك يارنى خلينى انى
ولد غسان
بنت غيداء
حيوان غزال
جماد غرفة
نبات غار ورقة الغار
بلاد غزة غينيا غانا
الى بعدى حرف الضاء

[الصابرة]

ولد/ ضياء
بنت / ضاوية
جماد/ ضي
حيوان /ضبع
مدينة / ضرماء بالسعودية

[الصابرة]

الحرف اللي اخترته حرف ذ

[حبيبتهم]

هههههههههههههه
ذهبتي شيرتي يالصابرة هذا اللي عرفته بحرف (ذ)

نخلوه الحرف الصعب هذا لبارني والا لوبا


هههههههه

[om_adnan]

ذاكر
ذكرى
ذره
ذئب
ذهب
ذهبيه
سلم الصابره لى فتره ما شفتك,بصراحه استعنت بالقوقل فى بعض الاجابات بس الاكيده ,ذهبيه من ذكريات الثوره.
الحرف اللى نختاره النون أو التاء.

[حبيبتهم]

اهلا ام عدنان

والله جبتيها ماشاء الله عليك بالذات ذهيبة وذكرياتنا معاهاا

حرف النون

نادر .... ولد
نعيمة .... بنت
نرجس ... نبات
نايلو .... جماد
نمر .... حيوان
نيروبي ... بلاد


اللي بعدي حرف التاء

[om_adnan]

تامر
تفاحه,
تمساح ,تيس هههههه
تفاحه
تليفون
تونس
الحرف اللى نختاره الياء

[ترهونيه حره]

ياسر
يسرى
يخت
ياسمين
يعسوب
يوغزلافيا
نختار حرف الجيم

[barney]

أجامل وابتسم واضحك وانا في داخلي مقهور

احاول اكتم احزاني ورى صدري وأخبيها

اسم الله عليك يا حبيبتهم خيرك ان شاء الله ما اتشوفي حزن ايخسا الحزن اضحكي وابتسمي لان الضحك والفرح احني اللي نصنعوه لرواحنا ان شاء الله ربي ايطمن قلبك وايهدي سرك واينولك اللي في بالك

حرف الياء
الولد يعرب
البنت ياسمين
النبات يقطين
الحيوان يعسوب
الجماد يابسه
المدينه يابان

توا خلونا انغيروا نمط اللعبه اشويا كملناهم الحراف
نبي 5 فواكه اوخضروات يعني نبات تبدا بحرف الجيم

[sweet nona]

جزر

جوزة الطيب

جرجير

هههههههههه حنونة حرفك صعب

هادو الى عرفتهم

[مغتربة 7]

جوز هند

[ترهونيه حره]

نكمل عل سويت ومغتربه جوافه
وتوا نختار 5 فواكه او خضروات تبدا بحرف الميم

[حبيبتهم]

نكمل نباتات بحرف الجيم

جاك فروت (فاكهة استوائية كريهة الرائحة ههههه )
جنسنغ (نبات جذري )
جوجوبا (نبات يستخرج منه زيت الجوجوبا المفيد للشعر )
جهنمية
جاردينيا
جيرانيوم
طبعا جيرانيوم وجاردينيا وجهنمية هذي نباتات زينة


الحرف اللي بعدي نباتات بحرف الميم

[حبيبتهم]

سبقتني ترهونية حرة واختارت نفس الحرف اللي اخترته

حرف الميم

ماراغوشا ( الي هي نفسها الباشن فروت او فاكهة الالام ولكن هذا اسمها المحلي في احدى الدول الاستوائية )
موز
مسك الليل
ماريجوانا ههههه اكيد تسمعوا بيها
ميرامية
معدنوس اكيد صح ماتقولوش غلط


الحرف اللي بعدي حرف السين

[barney]

يا بنات اقسم بالله البارح الليل كله واني نحلم باللعبه هههههههههههههههه
حبيبتهم يا غشاشه شكلك تستخدمي في القوقل ممنوع
شنو حرف السين نباتات؟
سميت
سمن
سردينا افي صنتها ما انحبها زعمه صح ابقولي غلط انفكر بصوت عالي معليشي هههههههههههههه
معادش عرفت
غيروووولنا اللعبه نبو لعبه جديدة سويت نوناااااااااااااااا ياهرابه خيرك ما حطيتيش حرفك بيش حزرنا اسمك

[حبيبتهم]

باااااارني مااستعملتش القوقل
بالامارة عدي دوريها الماراغوشا في الجوجل كان لقيتيها نتفاهموا :p

اما السردينة صدقتي حاشا النعمة حتى اني نكرهها ونكره ريحتها هههه

نباتات بحرف السين شنو بنجاوب على الحرف اللي سألته

سدر اكيد كلكم تعرفوه

ست الحسن نبات زينة

سعد زمان الارض اللي يلقوه فيها ينقص سعرها

سناري صح راهو

سلق


توا حرف الراء

[الصابرة]

رطب
روبية / واللي مايعرفهاش يسئلني
راوند
رمان
الخامسة ماعرفتهاش ومانبيش انغش من جوجل

[barney]

خلونا انغيروا على الالغاز
شن هيا الصورة اللي تنتهي كل اياتها بحرف السين ؟؟؟؟

[الصابرة]

سورة الناس

[om_adnan]

حبيبتهم....ما فهمتش المعنى,هذا كله اسم؟
سعد زمان الارض اللي يلقوه فيها ينقص سعرها

[حبيبتهم]

ام عدنان هذا نبات اسمه سعد

ايدير في حبوب صغيرات في الارض كيف حبة الكاكاوية وجذوره تنزل هلبه في التراب
وزمان الارض الزراعية اللي يلقوه فيها ينقص سعرها لانه ايضر النباتات


ان شاء الله فهمتيني توا

[om_adnan]

اول مره نسمع بيه,معلومه مفيده,شكرا حبيبتهم.

[sweet nona]

هههههههههههههههه

فالحات حتى فى اللعب مش غير الكوجينا

ههههههههههههههه

اسمعو نباتات بحرف الباء

5راه والقوقل عادى خيرك هكي بارنىي خليك طيوبة ماتخبري حد

[om_adnan]

بطيخ
باميا
بلوط
بوصره
بقدونس
نختار نباتات بحرف الميم
اوكى نغير الحرف حرف التاء,لان حبيبتهم جاوبت على الميم

[حبيبتهم]

حرف التاء

تفاح
ترمس
توت
تفاح الجبل (اكليل الجبل)
تين
الحرف اللي بعدي هذا كان ماحد سبقني لاني نرد من التليفون
حرف الطاء

[sweet nona]

طماطم..

طحالب

ههههههههههه وخلاص شن هالحروف هادى

الى بعدى اتكمل

توا اتشوفى به...اختارى حرف حلو ناعم ساهل ههههههه

[barney]

سويت نونااااااااااااا يا احنينه انت سلمها ياربي
حرف الطاء جداي الله يرحمها اتقوله حرف الطاف هههههههههههه
طحينه
طماطم
طعميه
طرشي
طبيخه هههههههههههههه
طلح
توا يا حبيباتي اللغز

ماهو الشيء الذي خلقه الله تعالى نبات ثم جماد ثم شاء الله تعالى أن يكون حيوان?

[بنية بوها]

حرف الطاء طاهر
البنت طلائع
جماد طبلة
حيوان طاووس
بلاد طهران
نبات طماطم
يلا هدا اللي عرفته اللي بعدي حرف الغين غ

[حبيبتهم]

سويتي صار طحالب قلتيلي هههه

وانتي يا بارني صار طاف قلتي ربي يرحمها ويغفر لها جداك ويدخلها الجنة

باهي نجاوب على لغز بارني

راهو ماشفتاش اليوم من جوجل لكن شايفاته من ايام في اجابات جوجل

افعى سيدنا موسى

كانت في البداية نبات وبعدها صارت عصا يهش بيها على غنمه
ثم صارت بأمر الله افعى تلقف سحر سحرة فرعون


ونباتات حرف الطاء شكلي حتى اني مانعرفهمش
:p

[بنت حواء]

ههههههههههههههههه
ماشاء الله سويت شنو الألعاب التراثية
راك تحطيلنا الخميسة والنقيزة مانعرفش نلعبهم ههههههه
لكن هذي شاطرة فيها كنت نفوز ديما
لكن توا مالقيتش حرف نبدا منه :rolleyes:
لا لا الألغاز ديروهم في موضوع بروحهم أحسن خلوها هذي لعبة الحروف
لكن ياسويت المفروض بعد عدد من المشاركات خشي أجمعي الدرجات
وطلعي الفائزة هههههههه
موضوعك حلو تسلمي

[luba]

بنقوللكم لغز من ايام الطفوله

ماهو الشي الدي يقف علي رجل واحدة وله 3 عيووون ؟ ههههههههههههه

ماهو الشي الذي يقف علي رجل واحده وله عين واحدة ؟

هدي من ايام الطفوله والجو المليح هيا جاوبوا ومش معانا القوقل معانا داكرة الطفولة بس

[om_adnan]

الابره
رجل واحده وثلاث عيون.......قاعده مازال انفكر؟

[ترهونيه حره]

نكمل على ام عدنان
ابره والاشاره الضوئيه
مشكوره يالوبا دكرتينا بى ايام حلوووووه

[om_adnan]

سلمها ترهونيه....جبتيها ,فعلا ذكرتينى باأيام الطفوله الله الله,راهو حتى ايامنا كنا هكى,مش بعيد عليكم.

[luba]

هههههههههه منورات هلبه

قلت شورة ام عدنان اما طفولتها بعيدة علينا او ماسمعت بيها زمان

ايوه ترهونية حرة ماشاء الله باك سألتي الصغيويرة والا زعمه يعرفوهم صغار توا

ياخوفي اسمي اسم سلاح ويصدمونا :eek:ويقولك هدي الاجابه ههههه

باهي شنو شنو :rolleyes:

اهو هادي قوي عصرت راسي فيه وان شاء الله صح دباجته بس الاجابه بروحي مش متاكده منها :oههههههه

جانا عيل وسميناه فرحنا بيه وقمطناه ؟ شنوووو :confused:

هيا انفضوا الغبرة من عليكم

[الصابرة]

ووووووووووووووووووواو يالوبا
البيبي في القماط

[الصابرة]

خوذي هذه مش عارفة حد قالها قبلي او لا
وهذه من الغازنا زماااااااااااااااااااااااااااااان

طاسة فوق طاسة في البحر غطاسة

[om_adnan]

ههههههههههههه

[barney]

يا لوبا غلط جانا ضيف وضيفناه خدينا حبل وكتفناه ؟
وحلها كيف ماقالت الصابرة المولودالبيبي الجديد
لكن لغز الصابرة مش مار عليا لكن بنفكر فيه
ليا عودة

[الصابرة]

هااااااااااااااااااا يابنات
معقولة ماعرفتوهاش

[om_adnan]

بصراحة الصابره...انا والحمد لله ذاكره بيضاء,اتقولى نستوا البنات او نطلب مساعده....

[حبيبتهم]

الصابرة اني من جهتي ما عرفتهاش لكن بالك تكون ال...... هههه مانعرفش قوليلنا اول حرف فيها

[luba]

بارني خطرت عليا الدباجة الصح واني في المطبخ نطيب في الغدي

متت علي روحي ضحك ههههه في وحدة مصتاقضتلي يالطيف هههه


اسمعي الصابرة هدا مش سامعينه شكله من الشرق

باهي اجابته القوقعة ااو اللي يسموه المحار

[الصابرة]

تصدقوا يابنات نعرفه من عمري 5 سنوات
ولوبا ياغالية مش من الشرق سانعته لكن من جديتي يطول الله في عمرها من زليتن

والحل
سلسلة
هههههههههههههه

[om_adnan]

اهلين يابنات....مادام بدينا لعبه لازم انكملوا وبعد مراجعه وجدت انه الحروف خ,د,ر لما نلعبها بعد,نشوفوا منو مازال يبى يكمل,ونبى نحكىليكم من ذكريات طفولتىـى ,كنت نلعب وانا صغيره لعبة واتى ليبره-وهى واحد اللى يجى عليه الدور يجرى ورا المجموعه,وكان يتم اختياره بحاجه كيف الاغنيه,نتذكر واحده اتقول ...جيت نحلب فى بقيرتى سكتنى عجيلتى,ذبحتها وكليتها قلت ما احلى... -من فيكم ايكمل ؟,وفيه واحده اتقول طيرى طار مع.....من ايكمل؟,وفيه وحده ,خساره نسيت البدايه,لى عوده.

[حبيبتهم]

اني اني يا ام عدنان. نعرف منهن شوية
نكمل عالاول .... قلت محلي زيتها زيتها الغرياني من بر ...... نسيت الباقي الذاكرة عندي نص نص

اما الثانية متاع طويري طار. مع الكفار جناحه سود وقلبه نار ... هذا اللي نتذكره ومش عارفة صح او لا

وسلام

[luba]

تكملة لي اغنية الطفولة

زيتها الغرياني من بر السوداني افتح باب سكر باب طلعولي افروخ الكداب قالولي

خيرك يا للاه قلتلهم فرتك فرتك زي حبيبت المستك ... شنو رايك

ونختار حرف الراء

[om_adnan]

هههههههه....سلمكن يارب.
رياض
رؤى
رنه
رمان
رف
روسيا ,نختارالدال.

[barney]

البنت دلال
الولد ديسم
الجماد دمية او درهم
النبات دلاع
الحيوان ديسم اللي هو ولد الفيل
المدينة درنة
سلمهن ياربي الله الله ع ايامات زمان
رن طابور العسكري العسكري يضرب في الرصاصه الرصاصه والرصاصه مورة موره اوخيك يا ....من اتكمل؟
هوشه عمي لامين هوشه اسمر واسمين هوشه عنده بنتين هوشه ......من اتكمل؟

[luba]

ههههههههههههه موتيني ضحك يا بارني الاولي مانعرفهاش

والتانية نعرفها بي ناسيتها وموتت ضحك عليها

[om_adnan]

والله خليتونى نضحك مع انى تعباته شويه,الاتنين ما نعرفهمش,تتذكروا زمان كان فيه لعبه اسمها كمادى,نهديها لكل ام لطفل,متأكده انها حتعجب الصغار وهى.
كمادى ..كمادى ...وين سوا اولادى...اولادى فى الغابه...اتحن عليهم ناقه...تبى فلفله والا كمونه-هذا سؤال واذا اختار كمونه نقولوا-يدك كيف الليمونه...حاجات بسيطه بس حلوه.

[الصابرة]

الله يعطيكن السلامة
واني نسمع في اغانيكم ماتقول كملت عمري واني لعند 3 اعدادي نلعب قدام حوشنا والثانوية في الزرادي عاد كبرنا
عمري ماسمعت بيهن
وطبعا لان مخلطات عليا العاب زليتن مع طبرق فمعاش نعرف بتاعت زليتن من طبرق
لكن ياريت الزمان يرد الله لو نغمض عين ونفتح عين نلقى روحي في ايام زمان
وخيتكم مهناك لعبة ما لعبتها الا العاب البنات مكنتش نحبهن هلبة لانهن يكملن بزعل وخلاص بروح لحوشنا معاش بنلعب معاك وتبدي انتي راقيتلك
لكن كنت من عشاق الكورة كرة القدم مشاهدة ولعب
اطلت عليكم لكن تحكوا على ايام زمان احلى ايام في عمري

[barney]

ان شاء الله لاباس عليك يا غاليه ام عدنان ما نعرفهاش الاغنية اللي قلتي عليها لكن اللي كتبتهن:
رن طابور العسكري العسكري يضرب في الرصاصه الرصاصه والرصاصه مورة موره اوخيك يا سنيورة صبحت عينه عوره حسطرة يا مسطرة يا اعوينت المحسطرة طبعا اللعبه اثنين يمسكوا في ايدين بعضهم متقابلين و اليدين وهنا ممسوكات في بعض يقعدوا ايحركوا فيهن وباقي الشله ايديروا طابور ويمشوا من تحت ليدين واخر واحد اتم عليه الاغنيه ايسكروا عليه ليدين
هوشه عمي لامين هوشه اسمر واسمين هوشه عنده بنتين هوشه وحدة سحارة هوشه خشت ل دارة هوشه كسرة مسماره حوشه مسمار ذهب هوشه ما لمه حد هوشه لميته اني هوشه في طرف اردي وهذي مجموعه او اثنين يمسكوا في ايدين بعضهم وايدوروا غاليه ع بنتي ديما نلعبوا فيها......
بالنسبه لايامات الطفوله ما كانتش راقيه كيف اطفال توا
طبعا الكندرة حشاكم مانكرهش حاجه كيفها ديمه نلعب حفيانا وديمه صوابع رجليا حشاكم وخاصة الكبير ديمه مدبر والدم يفلت وحشيشتنا اللعب في الشارع لا خلينا صيد السمك تذكروا فيها لعبة صيد السمك ولعبت اليستسك اللي اثنين يمسكن من الطرف ووحدة تنقز
هذا غير الدراجات اللي في عز القوايل يخطر اللعب بيهن كرة القدم ما انحبهاش بكل توا بس قعدت انحب نحضر المباريات وغيرها واكثر حاجه نذكر فيها كنت نجري حفيانا اني وخواتي وخوتي ورا السيارة لما تولع وانشدوا فيها من الورا وديمه واكلين طريحه من باتي عليها
ووووك عليك طفوله براءة نتحشم نحكي عليها
لو كان ابنحكي ع طفولتنا مية صفحه ما اتسدنا

[om_adnan]

سلمك بارنى,ربى ايخليك لى,مهما الانسان يكبر ,دائما تعز عليه ذكرياتى الطفوله,قوليلى بارنى ,شنو اسمها اللعبه,نسيتها حتى انا ياما لعبتها,تتذكرى بعد ما نمسكوا واحد ,نسألوه يختار حاجه,وبعدين كل واحده ادير طابور وراها,ههههههه,الله الله,اذا كان قصدك كمادى ما تعرفيهاش,هى انحطوا ايدنا على الارض وواحد يمر بصبعه على الايدن ويقولها,اسالى عليها واحدكبير,عجبونى الاغانى واجد,بالعكس بارنى للاسف طفولتنا افضل من الان,شبه منعدمه الطفوله,ممكن يتماشوا مع سرعة الزمن,انا انتذكر بيبى زمان عمره اسبوع ما يركزش,شوفى توا حتى يضحكلك,

[لوتي]

متابعة الموضوع قديش ليا بصمت ماأحلاهم لعبات زمان دكرتوني بأيام الطفولة البريئةيعطيكم الصحة وأغنية جيت نحلب في بقيرتي تكملتها معلمتي اعطتني راس بصل طاح مني انكسر علقتني عالشجر والشجر عروف عروف مدي إيدك ياعروس بين النخلة والعكوز كان الذاكرة مخانتنيش كانت عمتي ديما اتقولي فيها لما اتلعب فيا وأني صغيرةولعبة الأستيك ياما لعبنا بيها في الإستراحة وبعد انروحومن المدرسةتنلتمو ونلعبو فيها الله علي أيام زمان وفيه لعبة من تعرفها انحطو يدينا في جنب بعض علي الأرض وواحد ايعد بصبعا ويقول علي كل يد ياحجيل يامجيل وين كنت امبارح في جنين صالح شن كليت من التفاح من جنينات املاح تبي حميصا والا قرريصة وأخر واحد ايجي علي العد يختار شن يبي

[om_adnan]

من احلى مواضيع المنتدى...سويت بما انك المراقبه,شنو رايك تراجعى الموضوع وتدير تليخص لالعاب ايام زمان ؟لوتى عجبتنى واجد مشاركتك.

[barney]

اتهبل يا لوتي يا احجيل يا امجيل هيا نفسها اللي تحكي عليها ام عدنان كمادي ربي ايسلمك يا ام عدنان حتى فيه لعبه ....
انا الغراب النحنوحي النحنوحي اكل واشرب في اسطوحي في اسطوحي هذي وحده اتحط ايديها في وسطها واتقدم واتوخر واتقولها واترد عليها وحدة ثانيه امقابلتها ووراها مجموعه اتكون عاطيتهم اسماء مثلا كلهم الوان واترد عالغراب وحتى هيا ايديها في وسطها واتقوله ماذا تريد ايها الغراب النحنوحي النحنوحي ايرد عليها الغراب اريد ابنتك اتقوله من هيا ؟
ايقوللها احمر مثلا اترد واتقوله ماعندناش ازرق اتكون وحدة من اللي وراها اسمها ازرق تقعد تجري والغراب وراها وفيه دائرتين جنه ونار كان مسكها الغراب اتخش النار وكان ما مسكهاش تجري لين اتخش الجنه
ان شاء الله ربي يجعلنا واياكم من اهل الجنه يارب

[barney]

اذكرت لغز واذكر امعاه ذكرياته كان ايام ثالث اعدادي الله الله ع الدنيا مصرع ما تجري
العفو عنه مستحيل
ينقــــــــــل الــــــى طرابـــــلس ويعـــــــدم
ديري نقطه في حكم الاعدام بيش يتغير الحكم و مايعدموشي نقطه بس ما اتزيديش شيء ولا اتنقصي شيء

[المصراتيه]

ههههههههههههههههههههه
الله محلا جوووووووووووكم يهبل
عيشتوني طفولتي من جديد
عليك اغاني محلاهن
بارني يا حبوبه تبي الحق والله ماعرفتها
ينقل الي طرابلس ويغدم ولا ويعد؟؟؟؟؟ هههههههههه
ايام الالغاز واللعب والشيطانه والنقيزه مانعياش منها ايييييييييييييي اجمل ايام

[barney]

وينكن مافيش ولا وحدة خشت عالصفحه هيا حلن اللغز عندي غيره ههههههههههه
زيدي حاولي يا المصراتيه

[حبيبتهم]

العفو عنه . مستحيل ينقل الى طرابلس ويعدم

النقطة بعد كلمة عنه


يا رب تكون اجابتي صح يا بارني

[barney]

ماشاء الله عليك يا حبيبتنا الجواب صحيح
نجك ليا يا ذكيه
لغز ثاني من اول ما فتحت اعيوني عالدنيا اكيد الكل يعرفه لانه قديم جدا جدا
هوه هنا واصياحه في الوادي؟

[barney]

العفو وينكن خيركن هجرتنها الصفحه؟

[دانية]

الجواب عندي انا يابارني صدى الصوت صح والا لاء..

[barney]

لا غلط مش صدى الصوت

[المصراتيه]

هههههههههه غلط يا دانيه
لكن ماتزعليش حتي اني ماعرفتاش

[om_adnan]

اهلين يابنات من تبى تلعب....؟قلت نكمل لعبة الحروف مع حرف الخاء
خالد
خديجه
خروف
خوخ
خمس
خنجر
بصراحه بارنى......صعب اللغز,قولى الحل.

[barney]

ام عدنان وينك امغيبه ان شاء الله المانع خير
هو هنا وصوته في الوادي ؟؟ الحل هو السلاح

[sweet nona]

​ويييييينكم

[sweet nona]

هوا لغز قديم

باهى

والشطورة اتجاوب

حاجة عندها عين وحدة ورجل وحدة

هه

[المصراتيه]

احني هناااااااااااااااا

كني دكيه الحل اليبرا

[sweet nona]

هههههههههههههه

طلعتى ذكية المصراتية

غريبة ههههههههههههههههه

عنده اسنون ومايعضش ههههههههه

هيا الى تدخل اتحل اللغز

[أم أيوب]

المشط يا سويت صح؟؟؟؟؟؟؟؟؟؟؟

تاريكم مهيجين وتلعبو وانا واخدتها جديات في المنتدى خخخخخخخخخخخخخخخخخخخ

نعطيكم لغز واللي تعرفه تقوله

حدب حديبة عوج الرقيبة عيوني الفاردي يا بن والدي

لغز طايح من مركب نوح خخخخخخخخخخخخخ

اللي تجاوبه عندها جائزة

[sweet nona]

هههههههههههههههه

والله صدقتى ام ايوب وين لاقتيه هادا؟؟؟

اسمعى معاش عرفت

هيا من بتفكر معاى

تو اتجى بارنى

[المصراتيه]

مستحيل نعرفه يا حدب حديبه
بالك خويا هههههههه

سويت عدي انشدي حنتك بالك تعرفه
وكان جاوباتك الهديه بالنص اني وياك

[sweet nona]

ما هو الشيء الذي كلما طال قصر

[sweet nona]

وين مفيش حد عرف اللغز

[المصراتيه]

ما هو الشيء الذي كلما طال قصر

ربي يطولنا في اعمارنا
العمر تقريبا

[المصراتيه]

ام ايوب نراجي في الاجابه
حدب حديبة عوج الرقيبة عيوني الفاردي يا بن والدي

[sweet nona]

هههه شطووورة ميمى

[المصراتيه]

عارفه روحي شطوره هههههههههههةهيا وين ام ايوب تحلي اللغز هبلني
وينننننننننننكم

[بنت حواء]

أنا غير نفهمه قبل وبعدين نفكر في الحل :o