المساعد الشخصي الرقمي

مشاهدة النسخة كاملة : علاج الكحة والبلغم من بيتك



الدلوعة
09-01-2012, 06:49 PM
سلام عليكم اخواتى عندى بنتى ربى يحفضها ديما تمرض بصدرها ولما عاينتها قالولى بنتك عندها الازما ولما تكبر حتستخدم البخاخة تعرفو ما استسلمتش و قلت لازم اندور على دواء يعوضها على جرعات الاكسجين اللى تاخد فيها كل ما تمرض والحمد لله لقيته وجربته لبنتى و مشى معاها ليا سنتين ماعاينتهاش و ماخدتش لا اكسجين و لا فنتولين وهو انك تاخدى حبات لبان المر العادى ومعاه حبات قرنفل و تنقعيهم فى شيشة مية من الليل لغاية الصبح وتعطيه على الريق وحتا قبل النوم وطريقة التانية انك تغلى ورق الملفوف فى مية لمدة 10 دقايق وتعطيه فى الصبح و العشية و الليل او ورق الخس

om_adnan
09-01-2012, 06:54 PM
وعليك السلام الدلوعه...ربى يحفظ لك بنتك ,بارك الله فيك على الوصفه.

المصراتيه
09-01-2012, 08:56 PM
يعطيك الصحه وبارك الله فيك وربي ينجيلك بنتك من كل داء

ترهونيه حره
09-02-2012, 02:50 AM
باراك الله فيك وربى يحفظلك بنتك ويشفيها من كل داء

الصابرة
09-02-2012, 03:06 AM
ان شاءالله ربي يحفظلك بنتك يارب
وبتاعت لوبان المر والقرنفل حتى اني درتها من حوالي 10 سنين والحمد لله حتى حساسية صدري الان عندي نسبة بسيطة ومعاش اضايق فيا الا اذا تعرضت لمحفز خارجي
وان شاءالله يارب ماحد اتجيه الحساسية و يشفي من مصاب بيها يارب

barney
09-02-2012, 05:15 AM
ان شاء الله لاباس ع بنيتك وان شاء الله ما عليها سو
وشكرا على الافادة وان شاء الله في ميزان حسناتك
بارك الله فيك

حبيبتهم
09-02-2012, 04:36 PM
مشكورة يا اختي وبارك الله فيك

اني ولدي عنده حساسية الصدر وتعبني واجد
لوين نقلته عالجته في تونس عطوه ادوية وتوا ماشاء الله عليه حالته كويسة وربي يستر في الشتاء شنو يصير له


بارك الله فيك وربي يخليك بنيتك ويحفظها من كل سوء

ام نرجوسه
06-19-2014, 07:27 PM
ربي يشفي بنيتك وبارك الله فيك