[تجارب] شنو تستخدمي ؟؟؟؟ [الأرشيف] - المطبخ الليبي لزينب محمد

حبيبتهم

09-02-2012, 07:17 PM

السلام عليكم

حبيت نستفيدوا من بعض في الحاجات الخاصة بالمطبخ خصوصا والمنزل عموما

يعني اني بنسألكن اسئلة وكل واحدة تحاول انها تجاوب بيش نستفيدوا من بعض واي شئ يخطر في بالكن اكتبنه هنا

شنو تستخدمي فرن غاز ام فرن كهرباء واين افضل برأيك

شنو تستخدمي منظف للدهون واحسن نوع استعملتيه ( طبعا نعرف ان في فرق بين هنا في ليبيا وبين برا )

شنو تستخدمي نوع صابون سائل

شنو تستخدمي انواع قهوة وشاي

وشنو تستخدمي لتنظيف وازالة الروائح من الثلاجة

وشنو تستخدمي ؟؟؟؟

هذا اللي في بالي حاليا

نتمنى منكن جميعا تشاركن بيش نستفيدوا من بعض

معليشي يا مشرفات لو مكان موضوعي غلط غيروه
ولو مكرر احذفوه :(

حبيبتهم

09-02-2012, 07:31 PM

اني طبعا اول واحدة بنجاوب

اني نستخدم في الفرن الغازي ونحس فيه اسرع واريح من الفرن الكهربائي

بالنسبة لمنظف الدهون اني جربت انواع هلبه وفي منهم كويسات لكن هذا لقيته اقوى نوع وفي من الشركة هذي منظفات متعددة لعيون الغاز الذهبية وللفضة وللستانليس ستيل وغيرها

http://im14.gulfup.com/2012-09-02/1346606925361.jpg (http://www.gulfup.com/show/Xs9f6e7ih3v4co)

الصابون السائل نحب نستخدم فيري او silk

لتنظيف الثلاجة وازالة الروائح منها

طبعا لما بنظف الثلاجة انطلع كل شئ منها
ونغسل القطع اللي فيها بالماء والصابون والكلوركس ونخليهم ايجفوا في الشمس وانظف الثلاجة من داخل حتى هي بماء وصابون وكلوركس باستعمال اسفنجة

ونرجع قطعها وارففها والحاجات اللي بنحطها فيها
اندير في خلطة تخلي ريحة الثلاجة حلوة
ناخد فحم الصغير متاع الارقيلة والبخور اندقه شوية ونخليه مفترش ونحط عليه في شوية قرفة وشوية قهوة عربية ونخلطه ونحط ه في صحن في الثلاجة او في اكياس قماش صغيرة ونوزعهن في الثلاجة

ولما نتفكر حاجة ثانية نكتبها

مغتربة 7

09-02-2012, 08:18 PM

موضوعك تحفة حبيبتي حبيبتهم
لي عودة

om_adnan

09-02-2012, 08:44 PM

وعليك السلام حبيببتهم....موضوع هايل....
مافيش شك الفرن بالغاز اسرع ,مع ان اللى عندى كهربائى,يعتمد ذلك على البلد ,انقول الفرن مفضل كهربائى.
المنظفات كلهم كويسات ولكن الافضل تقللى استعمالهم لانهم مواد كيمائيه وخطييير جدا خلطهم,وذلك لان ضررهم على المدى البعيد,نفضل اى شئ من lysol,تنظيف الثلاجه عجبتنى فكرتك الاخيره ويجب الحرص عند وضع اللحوم النيه,عندى سؤال
ماهو أبرد رف فى الثلاجه؟

حبيبتهم

09-02-2012, 10:14 PM

السلام عليكم

مغتربة
اهلا بك وتسلمي يا غالية ونراجي في اضافاتك

ام عدنان

اهلا بك
تسلمي يا غالية

اكيد كل شخص بستعمل الموجود في المكان اللي هو فيه
والمنظفات صح عندك الحق كثرتهم مضرة وخلط انواع مع بعض مضرة اكثر من منظف نلقى مكتوب عليهن لا يخلط مع مواد كيميائية او منظفات اخرى

واعتقد ان ابرد رف في الثلاجة هو العلوي
بالنسبة للحوم النية لا احب اني نحطها في الثلاجة لازم على طول اول ماتوصل للبيت نقسمها حسب الوجبات ونحطها في اكياس نايلون وعالفريز مباشرة وجهة اللحوم تكون تحت في الفريز بيش حتى لو صار تسرب من الاكياس لاي سوائل ماينزل على شئ تحته

ونراجي في البنات يشاركوا معاناا

sweet nona

09-02-2012, 10:47 PM

موضوع روووعة

حبيبتهم...رااااجعة

مغتربة 7

09-02-2012, 11:59 PM

السلام عليكم

حبيبة موضوعك رااااااائع
وان شاء الله نفيدوا بعض من هذا الموضوع

بالنسبة لسؤالك الاول نستخدم فى فرن كهربائي بحكم المكان الى اني فيه زي ماقالت ام عدنان

وبالنسبة لسؤالك الثاني لو تقصدي دهون الفرن نفسه نستخدم فى منظف اسمه ايزي اوف رووووووعة يرجعلي فى الفرن جديد بس قوي جدا حتى على اليدين وهذه صورته
http://t3.gstatic.com/images?q=tbn:ANd9GcQtnSdBfLxGTItnHMhT1PKqTiGpUV8KR b4FmMkYykOXXs-N-cs7Bghttp://t1.gstatic.com/images?q=tbn:ANd9GcSLd69Ixoc3UgYz3VBKTiJuJ6P42O8-4UgWGZuOtsb-DoMzVZmw

والسؤال الثالث
صابون اليدين مرات نغير لكن اغلب صابون داون

http://t1.gstatic.com/images?q=tbn:ANd9GcRx35sPTShATS-FungAjY0BEUO64zMimMNV6r_oRZOpJniVV32P

وبالنسبة للقوة والشاهي انجيب فيهم من ليبيا عندك قهوة عصام فى طرابلس تجنن

وبالنسبة لروائح الثلاجة تستخدمي بيكربونات الصوديم

وان شاء الله لي عودة لوضع بعض الاسئلة

حبيبتهم

09-03-2012, 12:42 AM

السلام عليكم
سويتي الحلوة اهلابك ونورتي ونراجي في مشاركتك معانا

مغتربة
تسلمي علي اهتمامك
طبعا منتجات التظيف تختلف من بلاد لاخرى وان شاء الله البنات اللي في كندا يستفيدوا من اقتراحاتك
بالنسبة ليا اني عالشاي والقهوة الشاي نحب نشرب شاهي خفيف اكثر شئ ناخد في شاهي ليبتون اكياس والقهوة مانشربش فيها هلبه ولكن المفضلة عندي اللي يطحنوا فيها مباشرة وتكون نوعية كويسة كيف البن البرازيلي

يا بنات اللي تحب اتضيفلنا معلومة او تسأل اي سؤال تتفضل انتم اهل الحوش مش لازم عزومة

سؤال اخر
شنو نوع الطناجر المفضلة ستانليس ستيل او تيفال اوماذا
اجابتي اني نحب الستانليس ستيل اكثر شئ التيفال نحب نستخدمهم في حاجات معينة مثل الارز الابيض او المقطع ههه في الشتي اندير فيه هلبه

نراجي في مشاركاتكن
وسلامي ليكن جميعا

ترهونيه حره

09-03-2012, 01:22 AM

موضوع جميل ومفيد بالنسبه للفرن
نستخدم فى الفرن الكهربائى وفرن
الغاز عند هروب الضى هههههههه
والافضل للكيكات الفرن الكهربائى
اما بالنسبه للمعجنات وخاصه البيتزا
تطلع تهبل فى فرن الغاز وبالنسبه
للمنظفات الدهون كل مره نستخدم
نوع بس اخر نوع اريكساكا وماشاء الله
اما القهوه قهوه عصام او اليمن او قهوه
من سوق المهارى اللى يطحنو فيها قدامك
والصابون كل مره نوع بس فيرى مش عادى
سهل علينا الشغل فى رمضان انصحكم بيه

الصابرة

09-03-2012, 02:44 AM

موضوع جميل لي عودة ان شاءالله

الصابرة

09-03-2012, 04:50 AM

السلام عليكم
بالنسبة للفرن نستخدم في الكهرباء لان عندي مشاكل صحية مع الغاز
ولما نبي اندير حاجة ماتطلع حلوة غير بفرن الغاز نخليها لين نمشي لاهلي

ماتضحكيش عليا
منظف للدهون مانستخدمش فيه لان غازي نوعيته جيدة والدهون لاتتراكم عليه واغسل فيه دائما عادي بالكلروكس والصابون العادي يطلع يهبل
والصابون السائل بصراحة قبل الاحداث كنت نستخدم في صابون سائل طبي يجيبولي فيه اهلي من بنغازي وبعدها قعدت كل مرة نوع
لين مرة راجلي جابلي صابون سائل صب عادي لكن صناعته تونسية ودرجة اولى لان فيه منا درجات لكن مش عادي
يشبه الصابون الطبي اللي كنت نستخدم فيه

ولازالة الروائح من الثلاجة قطعة فحم حاطتها في ورقة قصدير دايرتها زي الصحن الصغير حتى لاتاخذ مكان كبير محطوط عليها القليل من الملح الحصو الصخري وشريحة ليمون اغيرها كل فترة

بالنسبة للقهوة لا اشرب فيها نهائيا لكن راجلي يجيب في قهوة كل من شربها سئله عليها
والشاي طبعا لا اشرب في الشاي الاحمر نهائيا اشرب في شاي اخضر وليس عندي نوع معين
لكن المفضل ليبتون اكياس

نوع الطناجر المفضل عندي استيل مع اني واني نجهز في بتات عرسي شريت تيفال عشان نكره الجلي
لكن توا خلاص طناجري عمرهم الافتراضي انتهى وبديت انغير فخذيت استيل

ايناس كوثر

09-03-2012, 07:42 AM

شكرا على الموضوع الجميل
شخصيا افضل الفرن الكهربائى
بالنسبى ليا هو اسرع من الغاز و نتائجه احلى خاصة فى الكيكات

لما نغسل الثلاجة نحط ملعقة صغيرة بيكاربونات مع الصابون

وبعد الشطف ، نمسحها بفوطة مبلولة باماء و الخل

حبيت نضيف حاجة اكتشفتها فى تنضيفى للبيت قبل رمضان
معلومة قريتها فى النت و طبقتها و كانت نتائجها هايلة

لما تجى تغسلى المرايات، فى الاخيرة امسحيها بقطعة من الجينز
انا كان عندى سروال/بنطلون بنتى صغار عليها ، قطعتو و مسحت بيه و كانت النتيجة مذهلة
مراية تلمع لمعان زى مرايات الفنادق
بدون اثار الجريدة و لا جهة مضببة الخ

جربوها و تفكرونى بالخير

المصراتيه

09-03-2012, 08:42 AM

موضوع حلو وراجعـــــــــه ان شاءالله

حبيبتهم

09-03-2012, 05:25 PM

ترهونية حرة اهلا بك يا غالية وتسلمي على مشاركتك

الصابرة اهلا بك وتسلمي على مشاركتك وربي يشفيك وتقدري تستخدمي فرن الغاز

ايناس كوثر تسلمي عالمعلومة ان شاء الله و انجربها وتسلمي عالمشاركة

مصراتية نراجي في مشاركتك معانا
وربي يعطيكن الصحة وراحة البال

لوتي

09-03-2012, 07:00 PM

حبيبتهم موضوع رائع لكن بنشارك بخبرتي المتواضعة بالنسبة للفرن (الغاز )إللي انطيبو عليه امتعنا بالضي وبالغاز لكن نستخدمو في الغاز لأني بصراحة إنخاف من الضي ومرة مرة الكوشة انمسه وإيدي مبلولة وتعطي فيا أما الكوشة نستعملو بالغاز والضي لأن كوشة الضي مفصولة عن الغاز وكوشته
الصابون السائل إ‘للي موجود معنديش نوع معين لكن المهم وفي أغلب الأوقات نستعمل في القفازات للغسل
قهوة وشاهي منشربش في المنبهات من فترة طويلة إلا مرات مرات شاهي خفيف ولو كان بالكاكاوية أو اللوز منقدرش انقاوم لكن أهلي ياخدو في القهوة إللي تطحن مباشرتا أكتر شي
أما المنضفات فعندي الوركينة ضرورية إلى جانب المنظفات التانيات
وأخيرا استفدت من المعلومات الحلوة ربي يحفظك

الصابرة

09-03-2012, 07:03 PM

ان شاءالله وخيتي حبيبتهم مع انها بسيطة لكن مانقدرش نتحملها

luba

09-03-2012, 08:40 PM

موضوع حلو ولي رجعه

بس حبيت نشكر مغتربة علي الايزي اوف

والله دخلت علي غاز سنين وسنين عليه الزيت لين صارلي احباط وقعدت نبكي وزوجي يقولي

بينه واني نقولة مستحيلة نستعملة وهو هكي

واستعملت هدا اللون الاصفر في تواني دموعي نشفوا

وبارك الله في مغتربه اللي قالتلي عليه وربي يدخلها الجنه

رجع الغاز تقول توه شريته من السوق ولا اي مادة عليه هو والشفاط نتيجة مدهلة

ولكن ريحته قوية يبي كمامات نوعية غليظة وقفازات نوع غليظ اهو الواحد يستعملة مرة وحدة

والباقي يحافظ عليه وهو تحت ايديه

طبعا الفرن والغاز كله كهربائي و يعجبني اكتر من الغاز

والسايل كنت في ليبيا نستعمل اللي يتعبي تعبا الدرجة الاولي والحق ريحته ونتيجته رائعه ولونه اخضر

والقهوة نحب البرازيليه المخلطه نشري فيها من محل واحد ديمه ونوصي فيه عليها

وريحتها كلها كسبر وهيل الحق حاجه صح

والتلاجة صابون وكلوركس ياسلام

والاسطح متاع المطبخ يعني زي الرخامه او الدواليب والارضية

نستعمل في منظف اسطح بي ريحة الافندر

مغتربة 7

09-04-2012, 12:52 AM

الله يسلمك حبيبتي لوبا ويبارك فيك

حبيبتهم

09-04-2012, 05:02 PM

لوتي

اهلا يا حبوبة وتسلمي على مرورك وردي بالك من الكهرباء

لوبا
اهلا بك يا غالية وتسلمي على تعلقيك الحلو

ونراجي فيكن يا بنات مافيش منكن من عندها حتى فكيرة صغيرة او حتى معلومة بسيطة تفيدنا بيها ؟؟؟

اني اليوم جايبتلكم فكرة صغيرة وان شاء الله تفيدكم

اني نستعمل في غطاء علبة البرنجلز ( التشيبس )

http://im28.gulfup.com/2012-09-04/1346770718851.jpg (http://www.gulfup.com/show/X2ct30gi05c74k)

ناخد غطاء البلاستك الدائري نغطي بيه في اي معلبات بعد مانفتحها ونحطها في الثلاجة مثل الطماطم او الحليب او اي معلبات

http://im24.gulfup.com/2012-09-04/1346770046831.jpg (http://www.gulfup.com/show/X352rq7z79t0k0k)

وان شاء الله تعجبكم فكرتي

اه وحاجة ثانية في الليل بعد مانكمل حوسة المطبخ وخلاص ماعاد عندي فيه شغل انصب نقط من الكلوركس في الحوض ونخليها فيه يقعد يلمع ويعطي ريحة حلوة

وتسلمولي

الصابرة

09-04-2012, 05:45 PM

فكرة حلوة يا حبيبتهم حتى اني اندير فيها بارك الله فيك
بالنسبة للافكار ليا عودة ادماغي معبي

لوتي

09-05-2012, 12:10 AM

فكرة حلوة ياحبيبتهم جاري التطبيق بإذن الله ممكن إتضيفي علي الموضوع كل وحدة تقول أحسن معطر وأني بنجاوب أني إنحب البخور الليبي لا يعلا علي ريحته خاصتا مع الكانون في الشتي أما المعطرات فعجبني أخر معطر إستعملته إ سمه دلع بنات وهو خليجي ريحته الصراحة هادية وحلوة

الصابرة

09-05-2012, 12:38 AM

اني معاك من ناحية البخور بخورنا لا يعلى عليه
واحنا الحمدلله ماما ادير فيه بروحها وريحته الله مانحكيلكمش عليها
بس اني عشان انحافظ على صدري من رجوع الحساسية
نبخر مرة في الاسبوع واذا جاييني ضيوف نكسر في القاعدة

حبيبتهم

09-05-2012, 12:52 AM

الصابرة و لوتي ربي ما يحرمني منكن بالنسبة للبخور حتى اني انفضل البخور الليبي متاعنا. لكن مرات نستخدم في العود الكمبودي مع انه ريحته حلوة لكنه فترة شوية تلقيها اختفت الريحة اما البخور الليبي زي ماقالت لوتي بالذات في الشتي تحسيه ايدفي الحوش اما المعطرات انحب معطر متاع فرش نوع تركي اظني اسمه اكات بكرة ان شاء الله انصوره ونزل الصورة ريحته حلوة وتعجب فيا هلبه

وتحياتي ليكن يا حبوبات

حبيبتهم

09-05-2012, 01:02 AM

نسيت بنقولك يا الصابرة ردي بالك منه البخور وبالذات الفيسوخ مانعرفش فهمتيني او لا هذاكا المعجون الاسود والله اينوض في الحساسية وحاولي انك تنقصي استعماله او تلغيه بكل اهم شئ الصحة ولو بخرتي ماتقعديش فيه المكان وقت التبخير وديري كمية شوية

نسمه ليبيه

09-05-2012, 02:08 AM

السلام عليكم حبيبتهم وكل البنات

موضوعكم حلوو و ان شاء الله حنكتب لكم ماركات الاشياء اللى نستخدم فيهم

وانا عندى بعض الاسئله ياريت تفيدونى

غسيل السجاد شن افضل نوعيه
وافضل نوع خميرة حلويات كثرن فى السوق ومعش عرفنا الافضل

طواجين البايركس كيف تنظف فيهن؟

هل المكوى البخارى تنصحنى بيه ام لا؟ وهل هو يعمل فى الثنيات اللى فى البنطلونات؟ ان شاء الله تكونن فهمتنى

واخيرا ماتضحكنش على سؤالى شن افضل كريم اساس؟شامبو الشعر شن افضل نوع
هههههههههههههه

حبيبتهم

09-05-2012, 02:28 AM

اهلين بنسومة الغالية

مافهمتش قصدك بغسيل السجاد ياريت توضحيلي اكثر

اني نوع خميرة الحلويات اللي نستخدم فيه طبعا فهمت انك تقصدي البيكنج بودر هو التونسي اللي لونه ازرق بكرة انزل الصورة

تنظيف طواجين البايركس. بعد مايبرد لو فيه شئ لاصق انصب فيه امية ونخليه يتنقع شوية. ولو في اطرافه زي الحاجات المحروقة انحكه ببودرة التلميع بكرة حتى هي انزل الصورة ليها هي في علبة بلاستك.طويلة وتشبه الصابون التايد لكن هي حرسة زي الرملة ههه وصف مش عادي

مكواة البخار معليشي مانقدرش انفيدك بخصوصها

افضل كريم اساس اني نحبه وهو بس نستخدم فيه كريم ماكس فاكتور.
وافضل شامبو بالنسبة ليا كلير اني من قبل ديمة عندي مشكلة القشرة لكن من لما استعملت كلير نسيت حاجة اسمها قشرة
بكرة انزلك صورة الشامبو والكريم الاساس كله بكرة هههه ماهو توا. بنرقد غير مش جايني نوم ونرد عليك من التليفون

سلامات يا حبوبة وان شاءالله البنات ايفيدنك اكثر بتجاربهن ونراجرا منك تكتبي لنا تجاربك

نسمه ليبيه

09-05-2012, 02:34 AM

اهلين بحبيبتنا كلنا
غسيل السجاد نقصد سائل الغسيل اللى يضاف لالة غسيل السجاد

وبالنسبه لحاجاتى حاض بكره نوريهملك

الصابرة

09-05-2012, 04:46 AM

حبيبتهم
سلمها يارب ونجيها اللي خايفة عليا
اني اندير في اللي قلتي عليه كله واللي قلتي لا نحبه ونطيقه وكان شميته حشاك نقعد انرجع

نسومة
بالنسبة لاحسن غسيل سجاد زمان اهلي كانوا يشروا في صابون سائل يتعبى مخصص لسجاد يخلي فيه يهبل من بنغازي
وتوا يجيبوا فيه من طرابلس نفس الصابون واذا السجاد عليه بقع يستخدموا في فانش البودرة

وبالنسبة لاحسن كريم اساس اني نستعمل في نوعية ليا 5 سنوات لاني قبل الزواج ما كنتش نحط في مكياج وهو ماركة برجوا نوعية مش عادية وخصوصا اني بشرتي حساسة ودهنية واحلى مافيها ديمة فيها جديد
يعني 5 سنوات واني كل 6 اشهر شئ احدث وافضل والماركة هذه نستعمل منها في البودرة وخليك ديمة مع البودرة الحرة مش عادية تعطيك طلة زي التركيات ماتقوليش حاطة مكياج وروج ومسكرة واحمر خدود وقلم للعين ورسم للعين
وقلم رسم شفايف
صح هيا اسعارها غالية شوي لكن احسن حاجة لبشرتك
وعندك الماكس فاكتر معظم قريباتي يستخدمن فيها ويشكروا فيها

وبالنسبة للشامبو عمري ماقعدت على نوع واحد لان مرة دكتور جلدية قالي الشعر زي المعدة يزهق من اكلة واحدة فقعدت كل 3 شهور انغير نوع ومانكذب عليك ديمة انغير بين 3 انواع بانتين وصانسيلك وفريتز للشعر المصبوغ

ان شاءالله اكون افدتك يانسومة واي سؤال تفضلي

مغتربة 7

09-05-2012, 02:37 PM

السلام عليكم
اشيه ماشاء الله على النشاط يابنات ربي يعطيكم الصحة

بالنسبة للبخور الصارحة اني مجنونة بخور مهلوسة يابنات والله العظيم
ونحب جميييييييييييع الانواع خاصة السعودي يجنن واكيد الليبيhttps://encrypted-tbn3.google.com/images?q=tbn:ANd9GcRmx3efvTnDsc_rmPiU3TTwXFkKU3zUh QcBfPOQyeMh0vxTAaIE
ونستخدم فى المعطر متع البخور وبالنسبة للسجاد فى بودر نستخدم فيها انرشها على الفرش تعطي ريحة وتقتل الجراثيم بيكربونات تقعد نص ساعة وبعدين نكنس الفرس بالمكنسة الكهربائية

وبالنسبة لصابون الفرش لما انأجر الماكينة متع الفرش نستخدم فى نوع resolve روعة الصراحة

https://encrypted-tbn3.google.com/images?q=tbn:ANd9GcQCgQb9ph-r43tWb_oCblZZLmVk3cg6GsSTZva12-RcChvWRNra وكان من غير مكنسة نستخدم فى نفس النوع لكن بخاخ http://www.stain-removal-101.com/images/resolve-professional-spot-stain-carpet-cleaner-review-21504984.jpg

luba

09-05-2012, 03:03 PM

ماشاء الله وبارك الله فيكن

بالنسبه للبخور اني نستعمل في حجر الرقيله الصغير

وطبعا انكمل تبخير هيا ما اتم فناخد نقلب عليها فازوا فارغ

عشان نموت النار ونستعمل الفحمه مرة تانيه وتاليته وعاشرة

وطبعا مهوووسه كيفك في البخور وكان تشوفي ولدي بعد نكملوا الغدي

وهو يجري ماما هيا البخور قريب نهبلوا منه تكريشه عليه بوه ديمه يعلق عليه

مش بعيد بتطلع متاع حضاري ( حضرة ) اللي يديروا فيهم في الجوامع بالبخور ههههه

وبالنسبة لصابون السجاد مانعرفش وناخد في الماكينه بالعاملة متاعها بس شفتهم

يستخدموا نفس اللي منزلاته مغتربه بارك الله فيها واني كيف قايله بسم الله ولكن البودرة صح اللي قالت عليها مغتربه للفرش

دوروها ممكن في غادي وريحتها حلوة كل مرة نوع في اللافندر و زهور الربيع وووو وتحول في البقع لو خليتيها علي البقعه نصف ساعه بدون ماتمسيها بمية

وتشفط بالماكينه الكهربائية

والمكياج اللي دكرتهم حبيبتهم ممتازات والصابرة ماركتها نستعمل في الظلال منها ممتازة وتو نجرب البودرة

اصلا ماندير في كريم بكل حتي في الاعراس ومن افضل واروع البودرات مااااك تهبل تهبل وحتي رسم العيون منها يهبل

وخاصة الشبه صلب اللي بدون فرشاه

والشامبو مااروعك يا سل صن الازرق وداعا للقشرة وهو نوع طبي وفيه بلسم حتي الشعر يقعد ناعم ونستعمل فيه حين عودة القشرة فقط

وزي ماقالت الصابرة ماحد ينصح بالبقاء علي نوع واحد فعندي حوالي 4 انواع وكل دوش بشكل

نسمة ننصحك اكيد بمكواة البخار وخاصة نوع فيليبس الخضرة مش الديجيتال عادي

كانت في ليبيا وقتها 65 دينار من عامين راااائعه جدا جدا جدا

موودة

09-05-2012, 04:42 PM

الموضوع يهبل وروعة بكل وفى ميزان حسناتك يارب

الحق ماقريتش كل المشاركات

بس الموضوع يهمنى وحنرد نفصفصه تفصفيص

واكيد حيكون عندى اسئلة

حبيبتهم

09-05-2012, 04:51 PM

السلام عليكم

تسلموا عالمشاركة يا بنات وربي يحفظم يا رب

نسومة اهو جبتلك اليوم الصور

هذا البيكنج بودر اللي نستعمل فيه وحتى الفانيليا
البيكنج بودر اللي بتستخدميه اي نوع انتبهي انه ريختلف الوزن من نوع لاخر
النوع الارزق اللي في الصورة نستعمل فيه والظرف يساوي ملعقة كبيرة ( 13 جم ) اما النوع الوردي هذا كويس نستعمل فيه حتى هو لكن الظرف نصف ملعقة كبيرة ( 7 جم ) يعني لازم تنتبهي للاوزان والمقاسات واغلب الوصفات يكتبوا ظرف يقصدوا ملعقة كبيرة
والفانيليا نستعمل في السكر نفس نوع الظرف الازرق لونه ظرفها احمر والفانيليا السائلة احسن شئ استعملته من فوستر كلاركس وهي معاهن في الصورة وعندهم نكهات اخرى وصبغات نفس الشيشة هذي

http://im24.gulfup.com/2012-09-05/1346856381921.jpg (http://www.gulfup.com/show/X9fab9pvk4eg44g)

الكريم اساس من ماكس فاكتور هذي صورته

http://im24.gulfup.com/2012-09-05/134685638142.jpg (http://www.gulfup.com/show/Xs9uxv8q59pckc)

هذي بودرة التلميع نستعمل فيها لطواجين البايركس ونستعمل فيها حتى مع طناجر الستانليس ستيل وتخليهن يلمعن صبي منها شوية وافركيها بليفة او اسفنجة وانظف بيها حتى في الحوض و الحنفية

http://im24.gulfup.com/2012-09-05/1346856381153.jpg (http://www.gulfup.com/show/Xs9uxtzwxtassg)

وهذا الشامبو المفضل ( حتى اني نغير لكن نغير في لون الشيشة بس هههههه غير ردي بالك تاخدي الازرق لانه للرجال )

http://im24.gulfup.com/2012-09-05/1346856381794.jpg (http://www.gulfup.com/show/X2ctktgl7b6kgk)

هذي بودرة الفرش نرشها ونخليها خمسة دقائق وثم نشفطها بالمكنسة يا لوبا شنو شكلها البودرة اللي تحول في البقع اني حصلت هذي بس هنا

http://im24.gulfup.com/2012-09-05/1346856381285.jpg (http://www.gulfup.com/show/X353fr5qwgjk0gs)

هذا المعطر المفضل عندي بعطر الجبل والخشب

http://im24.gulfup.com/2012-09-05/1346856382886.jpg (http://www.gulfup.com/show/Xs9uxsmyfjc0go)

في بخاخة حلوة من فانيش تحول في البقع توا ماعنديش كملت لما نشريها انزل صورتها

وسلامي ليكن يا غاليات

حبيبتهم

09-05-2012, 04:54 PM

اهلين بمودة تفضلي يا غالية واسألي اللي تبيه وان شاء الله نجاوبوك بكل معلوماتنا

شنو كملتي تجهيزات العرس او لا وربي يكملك على خير

لوتي

09-05-2012, 06:37 PM

سلامات ياأحلى صبايا أكيد أغلبكن سيدات لكن بما إني بنت حسيت فيكن حس الصبايا موجود وانسجمت معاكن ربي ما يحرمني منكن
صابرة إن شاء الله لاباس عليك زي ماقالت حبيبتهم ردي بالك من البخور والأشياء هادي والوشق والفيسوخ ونصيحة للكل إبتعدو عنهن والدفاية في الشتي إستعملي الدفاية الزيتية وإبتعدي عن دفاية الشماعي إللي تزيد في الحساسية
نسومة بانسبة للخمير إللي نزلتهم الحبيبة نوعها كويس وحتى أني يمشي معاي وعندك خميرة سمارت شيف تونسية حتى هيا كويسة جربت من نفس الماركة الجلي والكاسترد حتى هما كويسات أما بالنسبة للمكواة إدا كان قصدك نفس إللي يستعملو فيها في المحلات فعندنا منها وحدة لكن نستعملو في العادية أكتر إنحس البخارية تمشي مع الجاكيتات الطوال والعاديات والملابس الصوفية في الشتي
غروبة ماشاء الله عليك معلوماتك حلوة
لوبا فكرتك حلوة للطفي بصراحة قبل إنخلي فيها لين إتم لكن توا تعلمت منك
موودة مرحبتين بعروستنا خبرينا علي تجهيزاتك
حبيبتهم قديش تستعملي من الفانيليا مع الكيكة متلا يعني مركزة وإلا لا والقود ميد إللي نزلتيه إستعملته مع طناجر الستانليس فعلا ينظف ونستعملو في المطهر امتعه حلو حتى هوا
ربي ينجي اليدين الصغيرونات إللي في أخر صورة

نسمه ليبيه

09-06-2012, 12:52 AM

حبيبتهم وكل الاخوات اللى ردوا شكرا لردكن واهتمامكن

حبيبتهم الحميره الزرقا حتى انا كنت نستعمل فيها لكن حسيتها اخيرا تغيرت وتجى محصويه(متكتله)

والصابره شن قصدك بودره حره

واكيد حنجرب منتجاتكن اللى شكرتهن

خروووووووووووج وليا عوده

الصابرة

09-06-2012, 01:07 AM

نسومة
البودرة الحرة اتجي في علبة كبيرة تختلف عن البودرة المضغوطة اللي نستعملوا فيها
ولما تلمسيها زي بودرة البيبي غير لونها يكون زي البودرة المضغوطة
وتعرفي حاجة خبراء التجميل يستعملوا في البودرة المضغوطة بدون كريم اساس
واذا استعملوا كريم اساس يستخدموا في البودرة الحرة
وتوا انصورلك العلبة لو تبي تشوفيها

حبيبتهم

09-06-2012, 01:15 AM

اهلين لوتي ربي يسلمك يا غالية ويسلم احبابك
الفانيليا نستخدم منها في مقدار كيكة 4 بيضات غطاء واحد من غطاء الشيشة نفسها بس ومانزيد علبه لانه تطلع بنتها قوية فيها لو اكثر

نسمة اهلا بك البيكنج بودر هذا ديمة ايجيني كويس تأكدي من التاريخ وماتحطيشي في الثلاجة حتي لو فتحتيه وما استعملتي الظرف كامل احفظيه ديمة في دولاب المطبخ. تقدري تستخدمي بيكنج بودر فوستر كلاركس ايجي حكة معدنية صغيرة و بيش تعرفي ان البيكنج بودر كويس خودي منه شوية حطيها في صحن وصبي عليه امية دافية وشوفي ايفور او لا اذا يفور معناها صالح للاستخ

وسلامي ليكن يا غاليات

مغتربة 7

09-06-2012, 04:56 PM

انسيت انرد على سؤال المكواة البخارية لو تقصدي المكواة العادية وفيها زر البخار عندي وروعة الصراحة الى هيا زي هذه
https://encrypted-tbn0.google.com/images?q=tbn:ANd9GcTjEjZKajTAvUCpB3FtGZhR4avVKcX9k Sm_N5Bf77bnWHmfha7F

وطريقة تنظيفها ساهلة جدا وهيا دافية شوية تمسح بفوطة مبللة شوية طبعا ما تكونش عالقة فى الكهرباء

وطاجين البايركس انظف عادي باليفة الحرشة يكون منقع شوية وبعدين نجليه عادي باليفة والصابون والوركينة طبعا

ام مؤيد

09-07-2012, 11:35 PM

بالنسبة للفرن الكهربائي اسرع. وأسهل اما منطف الغاز smak روعه ديريه وعيونك مغمضات اما القهيوه اللى رائحتيها اتشميها من وين قهوة المهاري والشاهي بتاع العشيه الليبي ومعه الكعيكات والله اسئلك مش عاديه ربى يحفظك ودائما ملمونين

نسمه ليبيه

09-08-2012, 12:47 AM

مغتربه بارك الله فيك وانا نقصد المكوى العمودى زى اللى ف المحلات

http://files2.fatakat.com/2012/2/13282073112998.jpg

لوتي

09-08-2012, 03:35 PM

السلام عليكم جميعا كم حجم أكواب الكب كيك الورقية المناسب إللي تستعملي فيه أني يناسبني رقم 9 و10

luba

09-08-2012, 08:32 PM

نسومة بالنسبة للمكوي البخار العمودي

اني قبل شفت وحدة نعرفها علقت ستايرها وبعدين كوتهم بيها

الصراحة رووعه خير من تغسل وتكوي تحت وهما كبار وين تجي تعلقيهم يتعكرشوا تاني

وان شاء الله حنضيفها الي قائمة بيتي اللي حنستقر فيه هههه دكرتينا بيها بارك الله فيك

والكب كيك يا لوتي بعيني ناخدها كان عجبني حجمها تو نشوفها حركه 9 و10 صحيتي علي المعلومة

والله انتم خطيرين طلعتوا

الصابرة

09-09-2012, 02:55 AM

حتى اني يالوتي نستخدم في اكواب الكب كيك الورقية رقم 10 لانها تناسب طاجين الكب كيك اللي عندي
والله رحمة تاريتهن

ياوخياتي نبي نسئل بلكي وحدة عندها فكرة عن تنظيف العنكبوت
بصراحة اهلي تواجه فيهم المشكلة هدي بكترة والمشكلة ان منزلهم بتاع البني الصحي الاول اللي ارتفاع السقف 4 متر
ومسئلة تنظيفه يقعد نين انجيهم صعب على ماما واختي تنظيفه
فالي سامعة بمادة او خلطة او اي شئ ياريت تساعدني؟
ولكم جزيل الشكر

حبيبتهم

09-09-2012, 03:05 AM

اهلا لوتي تسلمي عالمعلومة حتي اني كيف لوبا ما ننتبه لرقم معين في حجم اكواب الكب كيك

الصابرة اهلا بك اني مانعرفش خلطة ولا شي لكن عندي فكرة بالك تناسبكم في التنظيف
تعرفي هذي اللي كيف المكنسة ينظفوا بيها السقف طبعا هي يدها طويلة اطول من المكنسة تقدري تزيئي طولها تاخذي طوبو متاع توصيل خيوط الطهرباء او طوبو توصيل الماء المهم يكون بلاستك ويكون طويل ودخلي فيه يد الممسحة وحاولي توصلي بيه للسقف علب فكرة مرة سمعت ان كثرة البخور اتدير في العنكبوت والله اعلم هل المعلومة صح او لا

الصابرة

09-09-2012, 03:26 AM

مشكورة حبيبتهم والله الفكرة ماخطرت على بالي وام بالنسبة اللي تحكي عليها جايبتها لكن مع ذلك نركب فوق بتية بيش انظفه
لكن فكرة اني انطولها بتبو غايبة عليا
وصح المعلومة اللي قلتي عليها بسبب البخور اني عندي اختي مدمنة بخور اتقولك كان ظميت ومابخرتش انحس في روحي كاني مادرت شئ
لدرجة بابا ايقوللها كان مانعرفش اصلي انقول فيك سر حضاري
ولتاكيد المعلومة اكثر اني مانبخرش ديمة فما نشكيش من المشكلة هذه الا اذا غبت على بيتي فترة طويلة

مغتربة 7

09-09-2012, 03:43 AM

تعرفي ياصابرة ليها علاقة بالحيط لو بني قديم
اني زمان كنت فى شقة جديدة عمره ما جاني رغم اني مدمنة بخور
بس توا لما حولت لي حوش قديم الحيط متعه بني قديم عمره 40 سنة تقريبا الحوش
المهم يطلعلي العنكبوت
انظف فيه بالمكنسة لان حيطي مش عالي وبعدين نحط فوطة فيها وركينة وبالمكنسة نمسح مكان العنكبوت
مافيش حل ليها

الصابرة

09-09-2012, 04:00 AM

مشكورة غروبة
ممكن معاك حق لكن حبيبة مش عمره لدرجة هذه ممكن 10 سنوات ليه مبني

حبيبتهم

09-09-2012, 03:52 PM

الصابرة
تعرفي في فكرة لكن مانعرفش تنجح او لا مع العنكبوت
هي الشبكة بتتكون من وجود العنكبوتة والعنكبوت كيف مانعرفوا ايحب يختبئ في الاماكن الضيقة مثلا وراء الدولاب او اي مكان يكون ضيق وماتقدريش توصلي فيه بالتنظيف
ديمة حاولي اترشي وراء الدولاب او الاماكن الضيقة بمبيد حشرات كل فترة يمكن ماعاد يقدر ايعيش فيها العنكبوت وماعاد يبني شبكات
وربي يفككم منه

luba

09-09-2012, 04:33 PM

تعرفي بالنسبة للعنكبوت في الاماكن الضيقة ترشي هدا المبيد وموجود

في زليتن وكل مانسافر نرش في بيتي بيه واني موجوده نخليه في الاماكن الغير مرئية والضيقة

ونلقي كل الحشرات ميته عناكب رتيلات صراصير نملات اي شئ الحق رووووعه شوية فيه وفي منه

ريته زمان في سوق التلاتاء الحديت في طرابلس نوع بودرة بف باف

واشفطي قبل الحشرات اماكنهم بالمكنسة الكهربائية وبعدين اقتليهم

اما تبخيها برة البيت بفليت او غطسيهم في مية والبودرة كل اسبوعين

او اكتر غيريها وتشفط بالمكنسة الكهربائية

وفي الحيوط لو في تقوب صغيرة جدا في معجون عجينة للحشرات لونه ابيض علي مصفر تعجنيه

وتغلقي بيها التقوب منها غلقتيها ومنها حماية وحتي هيا مجربتها بس نسيت اسمها ومفعولها

انحسها طاردللحشرات مش قاتل ليها كيف البودرة

http://www.alasi.net/Userfiles/Images/11ragon/pvThumb/ragonPowder.jpg

الصابرة

09-09-2012, 06:18 PM

مشكورة لوبا وحبيبتهم
فكرة مزبوطة
والبودرة عرفتها لوبا وخلاص توا لما انعدي لاهلي بنجرب افكاركم كلها
وان شاءالله خير

بنية بوها

09-10-2012, 05:36 PM

موضوع اكثر من راائع ولي عودة ان شاءالله

مغتربة 7

09-11-2012, 02:15 PM

بنوتة فى انتظارك حبيبة

يابنات كيف تتصرفوا مع المستكة العلكة لما تلصق فى الملابس ولا الفرش؟؟

luba

09-11-2012, 07:42 PM

بالنسبة للمستكة لو ملابس نحطها في الفريز ونخليها تيبس

وبعدين نكسرها وتتحول

ولو في الفرش نجيب سكين ونخرطها الحق في الفرش صعبة وعلي حسب نوع الفرشه

بنخبركم انكم تستعملوا لغسل الاكواب الفرش المدورة الطويله بيش تتجنبي خلط الفرش

والروائح و للنظافة الجيدة لقاع الكوب الحق من يوم وعيت في المطبخ واني مانعرفش بلاها غسل الاكواب

https://encrypted-tbn3.google.com/images?q=tbn:ANd9GcR36Benhs1Q6985IeKJ8ivQUa7zcV4_v X9531iXquLSbagqTVjo

مغتربة 7

09-11-2012, 07:57 PM

تسلمي لولو على المعلومة

موودة

09-11-2012, 09:06 PM

ماشاء الله عليكم ربي يحفظكم واستفدت واجد

ان شاء الله بكرة حنحط الحاجات اللى شريتهن ونبي نشيلهن معايا من المنظفات وانتو قولولي رايكن فيهن

barney

09-11-2012, 10:07 PM

الموضوع رااااااااااااااااااااااائع تسلم ايدياتك
اني جايبه نوعية ارز نبي نسأل هل موجود في ليبيا او لا والي في كندا واميركا هل تستخدموا فيه او لا موجود في سوق الكوسكو رز مش عادي ايهبل مستحيل ايعجن ولو تنسيه ع النار مستحيل ايشيط وتقدري تستخدميه في كل شيء في المحشي ولمبوخ ولمبكبك ومش عادي في الكبسه اني نستعمل فيه اشروه ومستحيل تندموا لكن نبي نعرف موجود في ليبيا او لا

وهذي صورته

http://www.libyan-kitchen.com/gallery/images/11vmv.jpg

وعليه العلامه هذي وحبته لونها صفراء لكن لما ايطيب عادي ابيض

http://www.libyan-kitchen.com/gallery/images/22ngn.jpg

وان شاء الله انفيد ونستفيد
وان شاء الله ليا مشاركات اخرى
والسلام عليكم ورحمة الله وبركاته

om_adnan

09-11-2012, 10:09 PM

شوفى مغتربة...كيف ما قالت لوبا يعتمد عاى نوع المستكه والفرشه ولكن جربى الاتى
حطى طرف تلج وحاولى تحكى او
استعملى اى حاجة كيف الفليت حتى معطر وبخيها المنطقه وشوفى,كل مرة تخف,لازم اتقولى لينا شنو صار معاك.

om_adnan

09-11-2012, 10:16 PM

بارنى...هذا النوع فيه عدة ماركات وهو ميزته انه مسلوق شويه وهذا يميزه بان حبوبه ديما حبه حبه ما يعجنش وانا اكثر استعمالى بينه هو وبسمتى ولكن الحق لا يعلى على الرز المكركب ما احلاه .

موودة

09-12-2012, 11:33 AM

السلام عليكم عزيزاتى

بالنسبة للمستكة الفليت ممكن يحولها

اما بالنسبة للرز جيبيه معاك من غادى ههههه ما اظنش عندنا منه ماعمرى شفته الحق

وهذين المنظفات اللى شريتهن واسفة الصور مش واضحات لردائت الكاميرا

http://www.libyan-kitchen.com/gallery/images/11wvw.jpg

http://www.libyan-kitchen.com/gallery/images/22znz.jpg

http://www.libyan-kitchen.com/gallery/images/33zhz.jpg

http://www.libyan-kitchen.com/gallery/images/44nen.jpg

http://www.libyan-kitchen.com/gallery/images/55nzn.jpg

http://www.libyan-kitchen.com/gallery/images/66chc.jpg

http://www.libyan-kitchen.com/gallery/images/88rgr.jpg

http://www.libyan-kitchen.com/gallery/images/99chc.jpg

http://www.libyan-kitchen.com/gallery/images/111yoy.jpg

http://www.libyan-kitchen.com/gallery/images/222mkm.jpg

http://www.libyan-kitchen.com/gallery/images/333xux.jpg

http://www.libyan-kitchen.com/gallery/images/777uru.jpg

بالنسبة للمكياج ميبيلين من احسن الماركات اللى استخدمتها لأنها تعطى نظارة للوجه بدون مايبين تكتل للمكياج يعنى تبينه طبيعى

http://www.libyan-kitchen.com/gallery/images/444ndn.jpg

وايضا كريم اساس نيفيا وماكس فاكتر حلوات وبودرة ماكس فاكتر

http://www.libyan-kitchen.com/gallery/images/555.jpg

وقلم الكحل الأسود الشمعة من جوش روعة وايضا البودرة المضغوطة او المائية من فلومار

http://www.libyan-kitchen.com/gallery/images/666uhu.jpg

وبالنسبة للقهوة مافى اسم معين فى مطاحن معروفة فى بنغازى قهوتها سمحة ونحن نشرو فيها بالكسبر

luba

09-12-2012, 01:05 PM

ام عدنان وبارني مشكورات علي المعلومة وتو نجربة ادا لقيته

مودة ربي يسعدك ويهنيك ويفرحك ونفرحوا بيك والف مبروووك وبالصحة كل ماتشريه

وحاجاتك كلها ممتازة اني مجربه سيترس المزيل للدهون روووعه وخاصة للغاز والشقوق الحيط

اللي بين الزيليزات بعد اطيبي او بعد تكتل الدهون

وكدلك مجربة المنظف او المطهر نوع الصنوبر الاخضر هدا كنت مانستغناش عليه في البيت

وخاصه في دورة المياه اكرمكم الله ونمسح بيه كل الحمام بعد الغسل يعطي لمعه وريحة راااائعه جدا

اختيار موفق ورائع في كل شي

مغتربة 7

09-12-2012, 02:40 PM

ماشاء الله مودة ما نقصتي شي
ان شاء الله ربي يهنيك
كلهم مهمات جدا مواد التنظيف لكن تعالي جاي ان شاء الله العروسة ترفع حتى مواد التنظيف
والله ما نقصتي حاجة ماشاء الله ربي يباركلك فى اهلك ان شاء الله

الديتول يجنن الصراحة يستخدم لكل شي

حبيبتهم

09-12-2012, 03:12 PM

السلام عليكم
كيف حالكن
يا رب يمشي الرد لان عندي هلبه هدرزة صعب نكتبها باللمس عالنقال

بنقولك يا مغتربة يا غالية عالعلكة من امس حاولت انرد عليك لكن النت انفصل
حاولي انك تبرديها لوين توصل درجة التثليج كيف ماقالت لك ام عدنان ولوبا
برديها بثلج او ببخاخ يكون من الحاجات المضغوطة في العلب المعدنية كيف المبيد الحشري او معطر الجو او حتى مزيل العرق لنها لما تبخيها يطلع منها رذاذ امصقع وحاولي ومعاها بالشوية وربي يكون في عونك

بارني الحبوبة الارز هذا بالماركة هذي اعتقد انه مش موجود في ليبيا لكن هو نفسه نفس اي ارز ايكون مسلوق قبل التعليب في منه انواع هلبه هنا مثل ارز انكل بنز ( النوع اللي يكون مكتوب عليه ارز مغلي تقريبا نسيت بالتمام
)او ارز ابو بنت وهلبه انواع اخرى

http://im15.gulfup.com/2012-09-12/1347454876891.jpg (http://www.gulfup.com/show/Xsagrkxrjvwg4c)

مودة يا حبوبة
تسلميلنا انتي منظفاتك وحاجاتك الحلوة بس بنسألك ماتقوليش حتى المنظفات تنقلهن العروسة
جربي كريمة ماكس فاكتر اللي نزلت صورتها اني في الصفحات الاولى اني كنت نستخدم في نفس اللي نزلتيها لكن لقيت الشكل الثاني احلى هي مخصصة لاخفاء التجاعيد لكن حتى اللي ماعندهاش تجاعيد تطلع معاها روعة مش عادية ( راهو ماعنديش تجاعيد ههه )
المطهر اللي بريحة الصنوبر انحبه
واحلى شئ صابون الملابس السائل مش عادي من لما استعملته ارتحت من الملابس اللي تقعد عليها بودرة من الصابون العادي
وربي يكملك على خير

وتحياتي لكن جميعا

الصابرة

09-12-2012, 09:00 PM

ماشاءالله عليك يا مودة وعلى منظفاتك
يابنات بنقوللكم حاجة
في المنطقةالشرقية ما فيش حاجة اجباري على العروس لكن
على عروس وامكانياتها
يعني هي بدت الحكاية من صالون لدار الجلوس بعدين مشت بشوي اماعين
بعدين تمت بالكوجينة ومعاها تاخذ في طاقم للحمام وتاخذ امعاه في منظفاتها وشامبوتها
لان ديمة العروس متوقعة ان الراجل مايفكرش في حاجات زي هدومة
لكن المهم اني بنقوللكم مافي شئ اجباري على العروس وكل عروس واماكنيتها شنو تسمح
لكن المعظم يرفع في بتات المطيخ كامل ودار الجلوس ومستلزمات الحمام
وطبعا البطانية والرغان
حبيت انوضح
وبصراحة تمت الحكاية مزابا هذي جابت هكي اني نرفع اكثر منها وفي الاخير المستفيد الزوج لان حاجات هلبة يخفن عليه
وفي نفس الوقت مش زي تاخذي حاجتك بروحك
معليش مودة حبيبة اني نحكي بالعموم حتى اني درت احرف منك راهو
لكن تعلمت الدرس

موودة

09-15-2012, 09:24 AM

تسلمولي كلكم وشكرا عالنصائح
وزى ماقالت حبيبتى الصابرة مافيش حاجة اجبارى
زى المنظفات يالله كان لقيتى العريس حاط صابون وتايد هههه والحمام يقعد ينش وانا نفكر فى الأيام الأولى نقعد مازلت متحشمة انى نطلب ونقوله اشرى وجيب وهو مازال عريس عشان هكى نفكرو فى حاجات زى المنظفات اللى العريس مش حيفهم فيهن حاجة

sweet nona

09-15-2012, 02:00 PM

ماشالله فاتى هلبااااااااااااا

بالشوي عليا باش انشارككم ونستفاد منكم اكيد..

موضوع الصراحة ماشالله فكرة حلوة

مودة ربي يتمملك على خير يارب واهو ماشالله تلقى الي قبلك خبرة ويوقضوك على كل شي

امووااااااااااااااااااااه ان شالله ماننحرمو من بعض يارب

sweet nona

09-15-2012, 02:06 PM

http://www.libyan-kitchen.com/gallery/images/33zhz.jpg

مودةة هادا مش عادي بس حبيبة الحاجات هيا

مش ليك انتى عروس تبي معطرات مطهرات ممكن بس هادا منظف سيراميك قوي

بس الحق انى من النوعية الممتازة ديما انوصي في امي عليه ههه

sweet nona

09-15-2012, 02:30 PM

هلا بالغاليات انى قريت بعض الصفحات

وانحاول نبدا بمشاركاتى معاكم

بالنسبة للمنظف للمطبخ بالكامل من الطواجين والطناجر حتى البايركس يانسومة

الفرن والارضيات والجدران ازالة الدهون بلمعة صح

وازلة الدهون المتراكمة والاتربة والزيوت فوق الاسطح زي التلاجة والدولاب

منظف جف الصراحة احسن منظف منقعدوش من غيره قوي في تنظيفه يابنات بس مش مضر

بس يبي قفازات لانه ديما يكسر الاظافر كترت استعماله لكن اتحطيه عالحاجة وانسي بدون تعب

وبالنسبة للمكواة البخارية عندنا في الحوش

نستعملو فيها في الستاير

وفي قفطاين السهرة

والعبايات وملابس الشتي اكتر شي زي البالطوات بس الجينز اتحسيها قوية يرتخى بس طريقة تنظيفها

ماعندى فكرة بس لو عندك محل تتعاملي معاه الشباب في محلات الملابس امتاع البنات

ينظفو فيها ويعرفوها لانه عند اغلب المحلات تقدري تسألي

ومتابعة معاكم ان شالله انكون افدتكم

وحنوريكم ماركاتى الاخرى بس حبيبتنا ماكس فاكتر مش زي قبل بدت المقلدة

اني نيتعمل في الكومبات افضل يابنات والله احسن من كريمات الاساس والبودرة بهلبااا

بارنى الرز هادا ماشفته في ليبيا شن صناعته...عذراا علاطالة

luba

09-15-2012, 05:19 PM

منورة سوسو وشكرا علي معلوماتك الحلوة

تبي صورة للبودرة متاع الوجه اللي قلتي عليها حتي من القوقل

مع انه يبي مقاطعه القوقل دوريها من الياهو او من اي مكان

ترهونيه حره

09-15-2012, 06:44 PM

الف مبروك يا موده وربى
يتمملك على خير وبخصوص المنظفات
منظف good maid ممتاز ولا يخلو البيت
منه وكدلك wc ماركه معروفه ايضا
سويت ياريت تنزلى صوره الكومبكت
اللى قولتى عليها لانى نستخدم فى
ماكس فاكتر وخاطرى انغير ماركه ثانيه
وعندى سؤال للاخوات:confused:
شنو النوع المفضل عندك فى الروائح؟

barney

09-15-2012, 06:47 PM

موده ان شاء الله ربي ايهنيك وايتمم ع خير
حبيت نعطيك ماركت روج تقعد حوالي 6 ساعات وخاصة انت عروسه ان شاء الله
اول ما ابتتجوزي ابتنعزمي وابتطلعي فاستعمليه بيش حتى لو كليتي وغسلتي فمك ما يتحولش يقعد اثر ليه المهم ما ايباننش شفايفك جافات واني نستعمل فيه وهو ماركت Revlon وبصراحه ماجربتش الماركه في اي حاجه اخرى فقط في احمر الشفاه
https://encrypted-tbn0.google.com/images?q=tbn:ANd9GcTpnr9DELPCz3e-t0BHrOhqh_4xurWr1pL0XBo04YsVtjymKa4h

barney

09-15-2012, 06:53 PM

موده ان شاء الله ربي ايهنيك وايتمم ع خير
حبيت نعطيك ماركت احمر شفاه تقعد حوالي 6 ساعات مش عاديه اني نستعمل فيه لما نمشي للمه وانحطه من الحوش لما انروح قاعد ما تحولش وهيا ماركت Revlon

https://encrypted-tbn3.google.com/images?q=tbn:ANd9GcQNs6BiK40BlW-nhMY6xbVpZtTFgEOAUkht8F3xEjO-rInn1HGs9A

وطبعا فيه منها انواع

https://encrypted-tbn3.google.com/images?q=tbn:ANd9GcQXIOjl0UPtfa5xyNtEMwceUKG-pxO8iOJxnUa__jY_1LDs7LiFEw

https://encrypted-tbn3.google.com/images?q=tbn:ANd9GcTdATAetPzGhz3bvhijLYC78RI5wJ_tK EQNAi6B_3xpjONvA7hE

موودة

09-15-2012, 08:33 PM

سويت نونا

الله يخليك ويبارك فيك حبيبتى والعقبة عندك يارب

بالنسبة لمنظف السيراميك والله مانندرى عليه عجبتنى رسمة البنت شريته هههههههه
باهى نلقاه ندسه لبعدين ماهو المنظفات ماعندهنش مدة صلاحية مزبوط؟؟

بارنى
تسلميلي حبيبتى
وشكرا عالنصائح واكيد حندور عليه ونشريه ان شاء الله

ترهونية حرة
الله يبارك فيك ويخليك
تسلميلي يارب شكرا عالنصائح
بالنسبة للروائح الحق ماعندى عطر معين نحب نجرب كل حاجة وعادتا عطورى للدراسة والعمل عادية مش ماركة معروفة عشان ماتكونش رائحتها نفاذة تقعد بس فى الملابس مثل عطر ماتش التركى بـــ15 دينار و اما الروائح للزيارات والمناسبات فعطرى المفضل شانيل ومش ديما نشريه على حسب الأمكانيات اما عطورى اللى شرتهن توا ونبي نشيلهن معايا شانيل ولاكوست ومستحضرات ديور وفيه عطر امريكى نسيت اسمه

أمـ ساره

09-15-2012, 10:14 PM

السلام عليكم ورحمة الله وبركاته

موضوع حلو وخيتي حبيبتهم والفكرة مش عادية

بالنسبة للقهوة نفضل في القهوة الي تترحى وقتي وناخذ فيها في الأغلب من عالم القهوة

الي في سوق الجمعة عنده أنواع وكيف ما تحبي يخلط لك

أما الشاهي فنستخدم في الزهرة والكيس ناخذ في ليبتون وطبعا النسكافيه المعروفة مش القولد

أما المنظفات فالي قالت عليه حبيبتهم روووووعه وعن تجربة

وفيه منه نوع يزيل التكلسات نستخدم فيه في الحمام أكرمكم الله ونتيجته رووووووعه

زي السحر يزيل كل التكلسات والترسبات متاع الصابون وينظف حتى في الشيشمات ( الحنفية )

وطبعا لازم من الوركينة لا غنى عنها أبداً في الحوش

زي ما قالت حبيبتهم في الليل قبل النوم نصب منها في حوض المطبخ والحمام

نسومة بالنسبة للمكواة البخارية اني مرة جربت ماركة هومر وبصراحة مش كويسة

المكواة البخارية العادية أفضل منها

وبالنسبة لصابون غسل السجاد فكلوركس409 كويس وخاصة لما تتبزع منك القهوة أو أي شيء على البساط

بخيه وقتي ويادوب تحكي بالفوطة يزيل البقع على طول

وأيضاً فانيش كويس للسجاد لكن متاع الملابس ينفع للنقع بس بصراحة

وطبعا لغسالة الصحون ما نستعمل غيره هو والملح نفس الماركة

أما بالنسبة للثلاجة فنستخدم في بيكربونات الصوديوم نحطها في حافظة أو ورق الومنيوم

وتنظيفها بالصابون والوركينة والقطع نغسلها عادي ونخليها تجف وبعدين نرجعها

وان شاء الله لي عودة مع بعض صور المنظفات الي نستخدم فيها

وبعض الافكار ان شاء الله

الصابرة

09-16-2012, 03:28 AM

ماشاءالله عليهن الفالحات
وفعلا بارك الله فيك حبيبتهم خليتنا استفدنا هلبة ربي يبارك فيك ويعطيك ماتتمني
وخيتي ترهونية بصراحة بالنسبة للعطور مانستعملش فيهن غير في بيتي او مناسبة رسمية
واكثر شئ نستعمل فيها كنت من زمان اسمه ريمي يجي في علبةحديد وزجاجته شكلها جميل وب25 دينار
لكن توا لقيته لكن مش الاصلي معاش استعملته
واللي نستعمل فيهن توا هو شانيل
وسكيب ومانعرفش اسعارهن عشان راجلي يجيبلي فيهن

barney

09-16-2012, 04:15 AM

الصابرة ربي ايسلمك وانت ديمه متواجدة يحفظك ربي ان شاء الله ياريتك اتنزليلنا صورة البودرة الحرة اللي حكيتي عليها
لاني لتوا ماحصلتش بودرة تمشي مع وجهي بالك انجربها وايصير منها وخاصة اني بعد حملت ببنتي وجهي تعبى كلف
ولما حملت بولدي قالولي توا ايحول بلعكس زاد دكن الكلف الاول وزادني نبي حل ارجوكم؟؟؟؟؟
ام سارة استاحشناك الحمد لله ع سلامتك آنستي ونورتي المنتدى فقدناك واستاحشناك .

الصابرة

09-16-2012, 04:35 AM

حاضر حبيبة بارني لو كان النت بكرة مادارهاش فيا زي اليوم توا انصورها وانزله لك انتي تامري
وبالنسبة للكلف خليني نسئلك صديقتي بعد ماجابت استعملت كريم ماشاءالله رد وجهه زي الاول

barney

09-16-2012, 05:08 AM

بارك الله فيك يا الصابرة

حبيبتهم

09-16-2012, 01:59 PM

معليشي الرد مكرر

حبيبتهم

09-16-2012, 02:00 PM

السلام عليكم

مساء الخير كيف حالكن جميعا

مودة
مواد التنظيف ليها فترة صلاحية وانتبهي لصلاحيتها ماتستعمليش منظف منتهي الصلاحية

ترهونية حرة
اني العطور نستخدم فيها في المنزل بس لا اخرج متعطرة ابدا

وعطوري هي من اختيارات زوجي
وهذي اخر مجموعة اسنخدمتها على فكرة لو تشوفي تلقي عندي حتى 4 او 5 انواع مفتوحات مع بعض هههه

هذا استعملته من فترة اسمه CH من كارولينا هيريرا وحلو عجبني جميع الصورم ن النت لان ماعرفتش نبعت صور من النقال بعد تصليح الجهاز وفي انواع امكملة من عندي

http://im30.gulfup.com/2012-09-16/134779514081.jpg (http://www.gulfup.com/show/X9foyvj3bm4o40s)

وهذا عطر VIP حتى هو كارولينا هيريرا هذا مشش عادي انحبه هلبه قاعد عندي توا

http://im16.gulfup.com/2012-09-16/1347795794401.jpg (http://www.gulfup.com/show/X9fozy7yzdp8g8c)

وهذا روز ذا ون من دولشي & غابانا استعملته من فترة وعجبني

http://im28.gulfup.com/2012-09-16/1347796058741.jpg (http://www.gulfup.com/show/X358bc2xezdk4c4)

وعطر اسمه لوف ان باريس نسيته عجبني او لا وحتى هو ليه فترة اسنخدمته

http://im28.gulfup.com/2012-09-16/1347796058632.jpg (http://www.gulfup.com/show/X358bc31f3tyccs)

هذا نينا ريتشي مازال مااستعملتاش قاعد امسكر

http://im28.gulfup.com/2012-09-16/1347796058783.jpg (http://www.gulfup.com/show/X9foy0bh4ujwo0c)

هذا عندي حاليا لكن ماحبيتاش هلبه فرانك اوليفر

http://im12.gulfup.com/2012-09-16/1347796254101.jpg (http://www.gulfup.com/show/Xsb2pd0sdzkgc0)

هذا فرانك اوليفر اللي شكله كيف القوقعة مش عادي نموت فيه خسارة ماعاد شريته

http://im12.gulfup.com/2012-09-16/1347796254282.png (http://www.gulfup.com/show/Xsb2pet9ukn408)

وفرانك اوليفر سن رايس توا عندي منه لكن ماعجبنيش هلبه

http://im26.gulfup.com/2012-09-16/1347796481181.jpg (http://www.gulfup.com/show/X9fovywputtcss0)

واسكادا نفس هذا قاعد ليه فترة ماعجبنيش بكل

http://im25.gulfup.com/2012-09-16/1347796625511.gif (http://www.gulfup.com/show/X9foz4v9ljxgkkw)

ويا بارني معليشي يا حبيبة ماعنديش فكرة عليه الكلف

واني بنسأل يا بنات كيف تحفظوا في الخميرة الفورية خميرةة الخبزة
اني نحط فيها في قازو زجاج في الثلاجة ولكن بعد فترة تفسد

وسلامات

sweet nona

09-16-2012, 08:40 PM

هلا بالحلوات

حبيبتهم ياغالية..خميرة الخبزة البيرة حطيها فى درجة الحرارة العادية

ديما انحطو فيها فى حافظة بلاستيك وفى دولاب التخزين بالمطبخ لانه فى التلاجة تكتل بعد وقت

وبالنسبة للعطور

هادا اسكادا النوع لالالالالالالالالالالالالالا نكرها ههه

http://im25.gulfup.com/2012-09-16/1347796625511.gif

الا لو عبتت مش جاهز تو نتذكر اسمها اسكادا شنى وانقولك لو تبى

وهادا صدقتى روووعة ريحته

http://im28.gulfup.com/2012-09-16/1347796058741.jpg

وهادى عطورى الحالية الى عندى وانى من هواة التغيير

http://hh7.an3m1.com/Sep/an3m1.com_13478201371.jpg (http://hh7.an3m1.com/)

http://hh7.an3m1.com/Sep/an3m1.com_13478201382.jpg (http://hh7.an3m1.com/)

http://hh7.an3m1.com/Sep/an3m1.com_13478201383.jpg (http://hh7.an3m1.com/)

وخاصة فيرساجى الاخييير روووعة

وانى بحكم انه بشرتى من النوع العادى

قريبة من الجافة شوى..نكتر فى رشة العطر بعكس لو كنتى بشرتك دهنية ماتكريش

ونصيحة شفتها مرة فى التلفزيون ماتفركيش العطر بعد الرش خاى بروحه لين يمتصه الجسم

واكيد افضل وقت بعد الدوش على طوووول

لانه المسام اتكون مفتوحة وان انكون افتدكم

وبترنى حاااضر من عيونى حنصورهالك البودرة

وانقولك كيف نستعمل فيها باش تغيري فكرتك نهائيي

أم سرو كيف اتحطى فى البيكربونات مافهمتش؟؟؟

luba

09-16-2012, 10:25 PM

ماشاء الله حلوات الكل وتو نجربهم لاني لتوا ماعوتش فيها عطر

وشي نتفكرة وشي لا ننسي فيه عصرت راسي بيش طلعت هدومه

وفي منهم والله نشم ريحته تعجبني ومانعرف حتي شنو اسمه

اسكادا هدا ريحته قوية نفادة ينفع اعراس عطيته لي اختي تحب القويات و ريت عليه اعلانات قلت اكيد خطير هههه

واني ماعجبني لانه نحب العطور الهادية

https://encrypted-tbn0.google.com/images?q=tbn:ANd9GcRbDEMwv5_b4wYwdeSPXggZLIF7mIwxt WcQTyPFSqvGuhWRX5ufQw

هدا رااائع جدا بصرحة ماركة قوتشي خطيرة هيا وسي كي

ومن اختيار زوجي وين مانديره يسالو عليه وهدا وين خلص مني

https://encrypted-tbn3.google.com/images?q=tbn:ANd9GcSYiRhAPiEdbyuVcAxk7l-SO9ihe0PpVa0VnCRiHNQ0QXs-E03kHA

وهدا انفي مي من قوتشي نمووووت فيه هادي وراااائع جداجدا
والحق كيوت و ناعم علي الاخر دكرتوني بيه الا مانعاود نشريه

https://encrypted-tbn3.google.com/images?q=tbn:ANd9GcQTny3LYQ_lY9CAUXoKZMyQkEb1mVBft 3Z3FaDSeYTgoW7owNhRxQ

وهدا كامل اشتريته وحاليا قاعدة نستخدم فيه الكريم اللي معاه للجسم فيه لمعة رش رقيق جدا

وبنفس ريحة الريحة

https://encrypted-tbn0.google.com/images?q=tbn:ANd9GcT0v-Ii4_iRN1uCBC5CH5q0q4yPJvH-M4gwOFFPPM5rRTixDRnRGw

ومستخدمه boss ومتوسطة في القوة حبيته في الاول وبعدين كرهته وين قريب اتم الشيشه هههه

https://encrypted-tbn0.google.com/images?q=tbn:ANd9GcS1M1wX8QlIFE1br28QjM5fqilvTAlIn bJ4PlGLFA7tx5qxc6Cj

وهدا راااائع جدا والحق ينفع في الصباح الباكر او عند النوم مباشرة

لانه هادي جدا وكملته في مدة قياسية سريعه جدا مقارنه بغيره

وحنعاود نشريه تاني تعرفت عليه في كندا وسعره رخيص 15 دولار لما شريته هزيت عليه

بس عجبني وهبلني

https://encrypted-tbn0.google.com/images?q=tbn:ANd9GcRmJr6x-09UjGnz5Ly1SQhaHB0HAXMcHwElirbRcK5m8guI5ATTjw

ومستخدمه في زماناتي ريمي واحد تاني لونه سماوي يشبه ريمي في الشكل نسيته

ومستخدمه متاع القوقعه اللي حاطاته حبيبتهم طبعا

عطر الكل هدا مافي وحدة نعرفها الا في شنطتها في الاعراس هههه

وفي عند العطارين شيش صغيرة بروائح الورود

واروعها الياسمين تهبل صغيره جدا وفيها بطشة من فوق

و اني نبي لو حد مستخدم ماركة ck شنو

احلاها نبيها تكون هادية هلبه يشكروا فيها هالماركة

وهدومه اللي في بالي لتوا وعندي كلهم معاهم دكريات عليش عالقين في الداكرة

حبيبتهم

09-16-2012, 11:47 PM

السلام عليكم
سويتي
ماشاء الله عطورك شكلها حلوة
عندك الحق في اسكادا الاخضر هذا حتى اني ماعجبنيش بكل
وشكرا لك على المعلومة في حفظ الخميرة ان شاء الله انجربها لكن ااني مش مشكلتي انها تكتل مشكلتي انها تفقد مفعولها

لوبا ماشاء الله شكلهن روعة عطورك

بالنسبة لعطور ماركة c k
اني قبل استخدمت عينة من عطر ايفوريا والحق روعة عجبني هلبه

\الحق استخدمت منه عينتين ههههه
مرة لقيته في دعاية في مجلة ومعاها منديل معطر املصقينه في صفحة الدعاية
ومرة عبوة عينة حجمها 2 مل بس
لكن الكلام هذا من فترة مش توا

هذي صورته من النت طبعا

http://im29.gulfup.com/2012-09-17/1347831940521.jpeg (http://www.gulfup.com/show/X11qu88cdqcqo00)

sweet nona

09-17-2012, 01:02 AM

وااااااااااااااااااااو لبنى هادا غير مش مدكرة

ماشالله

بس انى استفدت من هالموضوع

هيا بنات استمرووووووووووووووو موضوع رووووعة وخل نستفادو من تجارب بعضنا

حبيبتنا..انى هكى نحفظها فيها من وعيت عالدنيا ههههه

لا تتكتل ولاتفقد مفعولها

luba

09-17-2012, 03:16 AM

حبيبتهم شكرا علي المعلومة وان شاء الله ندوره بس حنشمه قبل نشريه

و سوسو حنجرب من عطورك حفظتهم عندي وخاصة فيرساجي

ويا حبيبتهم احفظي الخميرة في علبه تلتف لف مش ضغط

واني نحط فيها في علبة نسكافيه ونحط فيها في التلاجه رفوف الباب

الصابرة

09-18-2012, 03:47 AM

ماشاءالله وخياتي عطر احلى من الثاني
والخميرة اني نحفظ فيها زي لوبا وتقعد عندي ماشاءالله بالشهور مايصير ليها شئ
نحطها في فازو وباب الثلاجة تقعد

حبيبتهم

09-18-2012, 02:35 PM

شكرا لكن يا بنات على طريقة حفظ الخميرة بارك الله فيكن
اني المرة هذي خديتها حجم صغير بيش ماتطول عندي قبل ناخد في الحجم الكبير ولما نوصل لنص الكمية تفسد
وحطيتها كيف قبل في فازو وعالثلاجة وان شاء الله تقعد كويسة

الصابرة

09-18-2012, 05:56 PM

هذه يابارني علبة البودرة الحرة طبعا في نهايتها خلاص بتكمل لكن مش عادية

http://im30.gulfup.com/2012-09-18/1347983263341.jpg (http://www.gulfup.com/show/X9fsxy7462i4ow0)

http://im30.gulfup.com/2012-09-18/1347983263882.jpg (http://www.gulfup.com/show/X359nbf9lgsu8kc)

http://im30.gulfup.com/2012-09-18/1347983263953.jpg (http://www.gulfup.com/show/X359nbg4uzoqo0c)

http://im30.gulfup.com/2012-09-18/1347983263104.jpg (http://www.gulfup.com/show/X9fsxyf7n5t8ow8)

واي استفسار اني جاهزة

حبيبتهم

09-18-2012, 07:41 PM

الصابرة هذي بودرة حلوة تعطي لمعة مش عادية

اني قاعدة عندي من عرسي ماكملتش هههههه ننسي فيها نستعمل في المضغوطة

الصابرة

09-18-2012, 08:37 PM

صدقتي حبيبتهم
حتى اني ليها فترة هلبة عندي
ومانستخدم فيها غير واني طالعة ووخيتكم مهناك طلوع هلبة
واللي مش عادي فيها انها تعطي لبشرتك رونق مش عادي وتخليها زي التركيات ماتقوليش حاطة مكياج

أمـ ساره

09-19-2012, 12:43 AM

مساء الخيرات حبوبات

بارني حبيبة ما تفقدي عزيز ولا غالي وخيتي

وربي يبارك فيك ويهنيك يارب

سويت

بالنسبة للبيكربونات تحطيها في صونية صغيرة أو ورقة سلفر وتحطيها في الثلاجة

حتى تمص الروائح الي مش حلوة من الثلاجة لكن يفضل تقلبيها كل يوم وتغيريها بين فترة والثانية

واني نستخدم فيها حتى في تنظيف الميكروويف

بعد ما ننظفه بالليمون والمية المسحة الأخيرة تكون بالبيكربونات

يا بنات سامحوني قلت بنزل صور وعطلت لأني انشغلت اليومين الي فاتوا

لكن ان شاء الله نصورهم قريب ونحط لكم أغلب منظفاتي

بس حبوبات ياريت تخلو الموضوع خاص بالمطبخ والمنظفات بشكل عام والمعلومات الي تفيدنا

وموضوع المكياج والروائح خلوها في موضوع في ركن الدردشة أفضل

حتى ما تضيع علينا المعلومات والفايدة هكي بنحوسوا ونتلخبطوا

barney

09-19-2012, 04:47 AM

بارك الله فيك يا الصابرة اعزك الله

الصابرة

09-19-2012, 10:45 AM

وفيك بارك الله بارني انتي ادللي

بنت حواء

09-19-2012, 11:29 AM

ماشاء الله هذا وين شفت الموضوع روووووووعة يا (حبيبتنا)
والحق دهشت وأنا نقرا 10 صفحات وتوا بنرد نسيته كله :o
بجد استفدت هلبة من تجاربكم وصوركم والحق ماعتقدش بنفيدكم بحاجة
بعد ماشفت ماشاء الله مشاركاتكم
لكن حبيت نشارك ونهدرز
...........

أنا بالنسبة لتنظيف المطبخ ديما نلبس في قفازات
باعتبار عندي حساسية ضد كل شيئ حتى الطبخ
بس الصابون اللي في الأغلب نستعمل فيه (Pril)
والفترة الأخيرة قعدت نشري في اللون الأبيض البلسم
بش حتى لو غسلت بلا قفازات مايضرش بسرعة
..........

الغاز والمواعين الستيل (ومواعيني معظمها ستيل)
مانستعمل غير في الكلوركس أسرع وأنظف حاجة
وخصوصا أني (نحط الطنجرة فيها كلوركس وشوية مية وصابون على النار نين تغلي)
والطنجرة تتحول في ثواني من اللون الأصفر والدهون المحروقة والغنج اللي من برا
إلى لون الستيل الصافي البراق اللامع :D
طبعا نغمس الليفة في السائل الساخن ونظفها من برا وياسلاااااام

صح مضر لكن الحق ندير فيها مرة في الشهر لما نقلب المطبخ وندير حملة

بس اليومياتي في حاجة مجربتها وهي (ملح الليم) مع (ليفة الألمونيم) ولا أي ليفة خشنة
نغمس الليفة في المية وبعدين الملح ونحك آثار القلي وتطلع النتيجة روووووعة

............

بالنسبة للثلاجة نغسل فيها بالماء والصابون فقط
وديما لما بندس حاجة في حافظة مسكرة مزبوط
ولا فازو كان الحاجة سايلة ومانحبش نخلي حاجة في علبتها
سامعة أنها خطيرة... لازم بعد فتح العلبة ترمى على طول

.........

بالنسبة للدواليب لما بنلمعهم من الداخل بملمع الخشب نوزع في الرفوف كلها والأدراج
أعواد الند (البخور) وتقعد ريحة الدولاب فترة طويييييييلة كل مانفتحة ريحته حلوة
ومايتأثرش ببخار الطبخ

.........

بالنسبة للشاهي ماعنديش عليه مانشربش فيه في الحوش
والقهوة والنسكافيه يمممممممممم جميع الأنواع نموت فيها
بس القهوة العربية نفضل اللي تكون مش غامقة (محروقة) وطبعا سادة بدون سكر
يعني ماضفتش جديد حكيت على روحي شنو نحب وخلاص هههههههه

وجو العطورات والكريمات زي ماقالت أم ساره مكانهم في ركن الدردشة
بس حبيت نعترض على (حبيبتهم) و (سويت) :mad:
على
.
.
.
.

رايهم في الإيسكادا :eek:
تجنننننننننن
ههههههه

ونشكر الصابرة على معلومتها على البودرة الحرة
كان يتهيالي أن الوجه بيقعد يلمع هلبة بطريقة ملفتة
لكن ان شاء الله حنجربها

ويلا سلاااااااااام

لوتي

09-19-2012, 04:34 PM

من فترة مكتبتش في الموضوع وتوا ماشاء الله لقيته مليان عموما نبدا نحكي

غروبة للمستكة زي ماقالو الأخوات فلييييت
بارني الصراحة منعرفش إذا كان الرز موجود وإلا لا هنا لكن أبو بنت روووعة
مووودة ماشاء الله علي منظفاتك تتهني بيهم مبروك عليك
سويت مرحبتين بيك في الموضوع
حبيبتهم الخميرة انحطو فيها في شيشة وفي الدولاب
بنوته تسلمي عجبتني فكرة ملح الليم
وتوا سامحوني مش فاضية ولي عودة واستفسار بإذن الله تعالى

رميساء

09-22-2012, 07:41 PM

سلام عليكم بالنسبة للفر ن نستخدم فى ليبيا فرن كهربائى اما فى الغربة انستخدم فى الغاز عن تجربة فرن الكهربائى افضل فى الحلويات
منظف الدهون نستخدم صابون الجمل يوجد فى محلات مواد التنظيف فى الاسبوع مرة نظافة ولامعة للغاز
صابون السائل اى نوعية موجودة والوركينة لازم منها
ولازالة روائح من ثلاجة بعد تنظيفها بماء وصابون وتجفيفها نمسحها بفوطة مبلولة بماء زهر او عصير الليمون
بالنسبة للقهوة قهوة اليمنية بالهيل الحبهان
اما الشاهى خفيف احمر او اخضر مع نعناع او زعتر
اما العطور فيه نوعية فيها كحول انتبهوا قال رسول الله ايما امراة استعطرت فمرت على قوم ليجدوا من ريحها فهى زانية
اما البودرة اهم حاجة الصلاحية قبل الاستعمال
صلاحيتها من اول يوم تفتحى فيه العلبة الا ما مكتوب خلف العلبة 12m او 24m
سلام عليكم ورحمة الله

أمـ ساره

09-23-2012, 07:29 PM

السلام عليكم

هذه بعض منظفاتي

الصورة الاولى لمنظفات المطبخ

للغاز والحوض لأنهم الاثنين من الستان ستيل

http://i1159.photobucket.com/albums/p637/the_faithe/DSCF0559_zps486a86bf.jpg

وبصراحة الـ3 كويسات ونفعوني هلبة

أما هذا نسمي فيه المنظف العجيب

http://i1159.photobucket.com/albums/p637/the_faithe/DSCF0554_zps79ab70d4.jpg

اكتشفته بالصدفة شفته في سوق الثلاثاء وخذيت منه

ولما استعملته عجبني هلبة هلبة ونتيجته مذهلة

وفي أغلب الحاجات

الحمام والمطبخ وفي الحيطان خاصة من الرطوبة بعد ما يصير الحيط اسود من المطر في الشتاء

يمسحه زي السحر

بمجرد ما تحطي منه كمية بسيطة على المنشفة او الليفة تحكي بيه الحيط وشوفي العجب

وجربته مع الغاز ونتيجته حلوة

أما عاد مع التكلس فما نحكيلكم يا دوب تصبي منه وحكة بسيطة او بدون وشوفي النتيجة

وفيه منه نوع ثاني عادي مش اكسترا حتى هو كويس

نظف بيه في الحمام أكرمكم الله يا دوب نصب منه ونمشي السيفون (المية ) عليه وتقول كذب

لكن مشكلته مش متوفر ديمة شفته في سوق الثلاثاء بس لحد توا

وان شاء الله نزيد انزل بعض المنظفات الثانية

خوخة

09-25-2012, 02:31 PM

luba

09-25-2012, 03:31 PM

ام ساره بصراحة استفدت منك وااااجد بارك الله فيك

لانه وين بننزل نبي منظفات والحق في سماك زي متاعك هدا اللي لونه ارصاصي

اني زمان استعملته بس مش بخاخ يطلع بالضغط زي الكريمه الحق روووعه بعد روحت من الغربة

لقيت الشيشمات عليهم نقط سود وخضر من المية حطيته عليه وبالنشافة تقول سحر حق رجعوا

كاني اليوم مركبتهم

تم التقييم ليك ام ساره عجبني واسعدني ماطرحتي

خوخة هدي البودرة بالنسبه ليا نستعمل فيها علي الجسم بس و قالو البنات روعه

علي الوجة وانت جربي بكريم وبدون مش حتخسري حاجه وحتي اني تو نجربها لو لقيتها في طريقي

نورتينا بردك عزيزتي

أمـ ساره

09-25-2012, 04:26 PM

وفيك بارك الله لوبا

صح حبيبة فيه منه أنواع ومازال فيه نوع ما صورته ان شاء الله انزله قريب

نستخدم فيه للشيشمات زي السحر على قولتك

وانظف بيه في الحمام كله أكرمكم الله وخاصة ترسبات الصابون والتكلسات اتقول كذب

وحتى هو مشكلته مرة نلقاه ومرة لا

وماركة سماك حسيتها كله كويسة لأني استخدمتها في هلبة حاجات وعجبتني ونتيجتها رووووعه

حبيبتهم

09-26-2012, 12:22 AM

السلام عليكم

اهلا بالغاليات

لوبا المنظف اللي تحكي عليه زماك اللي يطلع كريمة عندي منه توا ونسيت ماصورته لكن مش عادي حتى في الطناجر الاستيل

http://www.smac-casa.it/img/pd/cucina/prod_0004_SmacBRILLACCIAIO.png

وفي نوع ثاني زماك شيشته بيضاء وفيه سائل زي الواركينا مصور عليها الشيشة عيون الغاز الذهبيات روعة مش عادي للعيون الذهبية مجرد تنقعيهن فيه فترة شوية وبعدها تحكيها بليفة عالسريع تلقيها رجعت جديدة اني حاليا ماعنديش لان غازي عيونه مش الذهبية

http://www.smac-casa.it/img/pd/cucina/prod_0006_SmacGAS.png

luba

09-26-2012, 03:36 AM

http://www.smac-casa.it/img/pd/cucina/prod_0004_SmacBRILLACCIAIO.png

صح حبيبتهم هدا هو الحق سحر روووعة شوية فيه

لما روحت قعدت نبكي علي الشيشمات قلت واخدينهم غاليات وطاروا في سنه

والمية وقتها كانت مالحه بعدين غيرنا علي الحلوة

وكانت مدايرة عيون في استيل الشيشمات وعليهم اخضر مسحت بس بي نشافة

رجعوا يبرقوا برق اسمعي حبيبتهم جيبيلي واحد لما تزوريني هههههه عارفتك رجعت لعادة التشحيت ههههه

أمـ ساره

10-02-2012, 04:29 PM

مساء الخيرات بنات بلادي

جيت وجبت لكم بعض الصور للمنظفات الي نستخدم فيها

http://i1159.photobucket.com/albums/p637/the_faithe/DSCF0893.jpg

لوبا

هذا الي قلت لك عليه ينفع لكل شيء التكلس الشيشمات والبانيو والحوض

مش عادي بصراحة صبيه وحكي بعدها شوي وشوفي النتيجة

والي هو شيشة بيضاء وزرقاء مرسوم عليها شيشمة

http://i1159.photobucket.com/albums/p637/the_faithe/DSCF0885.jpg

وهذا للحمام منظف يومي عادي حتى هو كويس

http://i1159.photobucket.com/albums/p637/the_faithe/DSCF0887.jpg

وهذا منظف للسجاد وبقع الأثاث والصالونات والملابس هو كويس من ليبتال

http://i1159.photobucket.com/albums/p637/the_faithe/DSCF0892.jpg

وهذا منظف رووووووعه لبقع السجاد زي لما تتبزع القهوة أو أي شيء على البساط

حطيه وحكي وقتي وانسي البقع وهذا الي قلت لك عليه نسومه

وهو ماركة كلوركس 409 وفيه منه عدة أنواع لحاجات ثانية مختلفة مش للسجاد بس

http://i1159.photobucket.com/albums/p637/the_faithe/DSCF0889.jpg

الصابرة

10-02-2012, 05:28 PM

السلالالالالالالام عليكم ماشاء الله وخياتي كفيتو ووفيتوا الله يارك طبعا اني ضغنونة ومش هديكا الخبرة فبارك الله فيكم استمتعت هلللللللللبة من مشاركاتكم
بنسال وحدة من الاخوات حاطة صورة البودرة الحرة بالله هادي انديرها بعد الكريم الاساس والا تنحط من غير كريم وحاجة تانية فيه منها الماركة هدي بس والا شنو وتستعمل حتي علي الجسم
ولي عودة ان شاء الله باستخداماتي المتواضعة

حبيبة البودرة الحرة اللي نزلتها للوجه بس ماتستعملش للجسم
والانواع والله مانعرفش ممكن ليها انواع اخرى لكن لا ادري لكن النوع اللي نزلته من احسن ماركات المكياج
ونصيحة مجرب خصوصا للبشرتها حساسة
وهيا لازم اتكون بعد كريم الاساس لانها لاثتبت على الوجه من غير كريم اساس
البودرة المضغوطة هي المفروض نستعملوها من غير كريم اساس
وبالنسبة للجسم في بودرات خاصة بيه

حبيبتهم

10-05-2012, 09:56 PM

السلام عليكم

يالصابرة البودرة هذي كيف ماقالت خوخة هذي بودرة جسم (بودرة تعطي لمعة للجسم ) ولكن اني مرات اندير فيها للوجه هههه
حتى في العلبة الداخلية متاعها مكتوب عليها بودي بودر
ان شاء الله لما نفضى انصورها ونزلها

واني بنسالكن يا بنات منو عندها معلومة كيف انحول اثر الشاهي الاحمر من الملابس نوع القماش 80% قطن و 20 % بوليستر

الصابرة

10-05-2012, 10:15 PM

لا يا حبيبتهم
النوع اللي منزلته للوجه فقط لا يستعمل للجسم
حرام عليكم نشريها بنار وكواى عشان جسمي بينما بودرة الجسم واللي فيها لمعة سعرها مايوفتش 10 دينار
اسمعي لو مازالت الكتابة على العلبة واضحة توا نكتبها ليك عشان تقتنعوا
او عدوا لمحل مواد تجميل وتأكدوا من كلامي وخصوصا برجوا ماركة معروفة
وفي انواع لبودرة الجسم اللي تحكي عليها
وابحثو في غوغل على البودرة الحرة عشان تقتنعوا
والبودرة اللي مخصصة للجسم ماثتبتش مزبوط على الوجه

وبالنسبة لسؤالك ان شاءالله البنات يفيدوك بصراحة ماعنديش فكرة وخصوصا القماش قطن صعب شوي
مش اي حاجة ينغسل بيها

luba

10-05-2012, 10:19 PM

ام ساره بارك الله فيك استفدت من اللي نزلتيه وخاصة

متاع السجاد

حبيبتهم اني اي بقع نستعمل في تايد اما الحبوب البيضاء بالزرقة

او تايد السائل نتائج كويسة بس لو نبيه يختفي نهائي لازم نحطه في الشمس

وان شاء الله نلقوا اجابة اخري بيش نجرب

حبيبتهم

10-05-2012, 10:59 PM

معليشي يالصابرة ماتزعليش من كلامي مش قصدي شئ
بس اني اللي نعرفها ويمكن اني مانعرفش اللي تتكلمي عليها

وهذي صورتي وهذا اللي نعرفها
واسفة كان فهمتيني غلط

http://im23.gulfup.com/hGMr1.jpg (http://www.gulfup.com/?Eqfjt7)

ويا لوبا ماباش ايحول اثر الشاهي بعد ماغسلته ونشرته في الشمس
والمشكلة شاهي طايب ثقيل مش خفيف

الصابرة

10-06-2012, 03:20 AM

لا عادي وخيتي حبيبتهم الموضوع مايستحقش اسف عارفتكم انكم ملخبطات
لاني لما خذيتها اول مرة كل من شافها يسحابها بتاعت جسم زيكم
واني ماكنتش نعرفها نين في برنامج انتابع فيه على دبي خبيرة التجميل تكلمت عليها
وقالت ان اللي يستعمل في البودرة المضغوطة مع كريم الاساس استعمال خاطئ وان البودرة المضغوطة تسخدم بروحها بدون كريم اساس
لكن اللي تجي مع كريم الاساس هيا البودرة الحرة هكي اسمها
فعديت سئلت عليها ودلوني على هذه ومشت معاي مش عادية
فلا يهمك حبيبتهم
لاني الموقف طحت فيه واجد غير كلامي توضيح للي اللبس اللي صاير ليكم
والبودرة اللي منزلتيها استعملتها في عرسي
وبعدين عطيتها لاني معاش استحقيت ليها وفعلا مش عادية وماركتها تهبل مشكورة حبيبتهم ذكرتيني بايام جميلة بصورة البودرة

أمة الله

11-19-2012, 07:52 PM

السلام عليكم ورحمة الله

أولا : أشكر أختي على الموضوع
ثانيا : عندي ملاحظة وهي ان الموضوع يكو ن مخصص لمواد التنظيف فقط والمواد الأخرى يكون لها موضوع أخر
ثالثا : بالنسبة لمنتجات إزماك هي منتجات إيطالية رائعة فعلا لكن الخاصة بالإستلنلستين إذا كان مش أصلي مرات اتفسده لأن أنا هذا صار في غازي واللوندينو امتاعي كانوا صينيات
مواد التنظيف إلا استخدمها في بيتي
((سامحوني الصور ماقدرتش انكبرها إلا تبي اتشوفها تضغط عليها مرتين )
هذي مواد التنظيف من سماك الأصفر والأبيض البخاخ لإالة الدهون وفعلا رائعات

وملمع اللوح من ازماك فعلا رائع عن تجربة خير من غيره

والأبيض والأزرق الكبار متاع تنظيف أرضيات ولويندينوا ومرحاض أكرمكم الله
والرصاصي سلستين والأبيض مرسوم عليه رؤوس غاز أنا ممشاش مع غازي صدأ

http://www.libyan-kitchen.com/kitchen/attachment.php?attachmentid=1115&d=1353347645

http://www.libyan-kitchen.com/kitchen/attachment.php?attachmentid=1111&d=1353347222

هذا مطهر أرض الشيشة الصغيرة اسمها النسيم ليبية ريحتها اتهبل

http://www.libyan-kitchen.com/kitchen/attachment.php?attachmentid=1112&d=1353347315

وهذا أكثر من رائع في تنظيف الشيشمات ايحول حتى الكلس هو أمريكي الحق واخدتها من سوق في جنب متاع الأسرة إلا في البيفي
وتوا معش في إلا يعرف وين ايبيعوا فيه ايقولي

http://www.libyan-kitchen.com/kitchen/attachment.php?attachmentid=1113&d=1353347345
وهدا ديتول لليدين في الحمام ودبليو سي للحمام أكرمكم الله

http://www.libyan-kitchen.com/kitchen/attachment.php?attachmentid=1114&d=1353347380

ومزال عندي تانيات انصورهم مرة تانية لما ايسخر ربي

أمة الله

11-19-2012, 08:10 PM

نبي نستفسر على منظف لوح يحول الدهون إلا في دولاب الكوجينة قد مادرت ماتحولش هو لوح مغلف هدي المطابخ إلا توا

ونبي مزيل بقع متاع ملابس كويس جربت هلبة أنواع مينفعوش

أمـ ساره

11-20-2012, 01:32 AM

أمة الله

ماشاء الله منظفات حلوة وقريبة من الي نستخدم فيها

وبارك الله فيك على مشاركتنا فيهم

بالنسبة لأسئلتك

المنظف الخاص بالدولاب بصراحة ما نعرف

لكن الخاص بالملابس

هو طريقة الاستعمال الي تبين نوعية المنظف

زي فانيش تستخدميه بأنك تنقعي فيه الملابس فترة وبعدها تغسليها

بصراحة هذه أفضل طريقة وبعدها خليها في عين شمس حتى تختفي البقع

حبيبتهم

11-20-2012, 03:12 PM

اهلين امة الله
بالنسبة لدولاب المطبخ اني انظف فيه بمزيل دهون واكثر شئ نستخدم في نوع زماك تلقي صورته نزلتها قبل في واحد من الردود في الموضوع هذا

وبالنسبة لبقع الملابس على حسب البقعة
لكن في منظف كويس توا ماعنديش منه اسمه اومينو بيانكو
هذي صورته من النت تصبيه عالبقعة مباشرة وتخليه اكثر شئ 10 دقائق بس وبعدها تغسلي القطعة في الغسالة

http://www.royal-toscana.com.ua/media/catalog/product/cache/1/image/4bdd51315884dbc35d85205fd2fd7937/2/0/2012-03-21-5_kopija.jpg

حبيبتهم

11-20-2012, 03:16 PM

وهذا مجرب لبقع الصدأ مش عادي هو على اساس للملابس القطنية اعتقد
اتدوبي كيس في ماء وتنقعي فيه القطعة اللي فيها صدأ يتحول منه
مرة جربته حتى على صدأ في الحمام ( حاشاكم ) تنظف رشيت شوية منه وخليتها وبعدها غسلتها حولت

http://www.pavi.com.mt/products/8004060026507.jpg

luba

11-20-2012, 11:16 PM

امة الله اهلين بيك
بالنسبة لمنظفاتك حلوة وصحيتي علي المشاركه واني اللي تكلمت عليه
للسنستيل الصورة الاولي فيها شيشة لونها رصاصي علي اليسار
رهيبه وصدمتني في الشيشمات بعد روحت لقيتهم في حويله لين
قريب ينهردوا ولونهم اخضر صارو ووين درته تقول الا شريتهم توا

والبقع اللي دكراته حبيبتهم مجربته الاول الاحمر متاع الشيشه
رووووعه شوية فيه في كل شي ممتاااااز وكنت غادي مانقعدش بلاه

صجيتوا بنات ومنكم نستفيد