[ الطحينة او الطحينية ] من مطبخ لوبا

[luba]

السلام عليكم ورحمة الله

http://www.libyan-kitchen.com/gallery/images/2fef.gif


الـــــطحينة او الطحينية


وهي لعمل بها الكتير من المتبلات ومنها الحمص و البدنجان وووو


المقادير :

1 كوب سمسم نئ

نصف كوب دقيق

نصف او اقل منه كوب زيت ذرة



الطريقة :

نحمص السمسم في طاجين لين يصفر فقط علي نار عالية اول مايصفر


http://www.libyan-kitchen.com/gallery/images/la611.jpg


نرفعه ونرحيه كويس في رحاية الحرارات او ست البيت


http://www.libyan-kitchen.com/gallery/images/la612.jpg


نحط عليه الدقيق ونحركه في الخلاط لين يمتزجوا مع بعض كويس


http://www.libyan-kitchen.com/gallery/images/la613.jpg


تم نصب الزيت تدريجي شويه شويه وتحصلي علي قوام مايكون سايل هلبه


http://www.libyan-kitchen.com/gallery/images/la614.jpg



http://www.libyan-kitchen.com/gallery/images/la615.jpg


ومايكون يابس او تقيل يعني يتحرك المزيج بحركة بطيئه للقوام


http://www.libyan-kitchen.com/gallery/images/la616.jpg


هذه الكمية نصف المقدار وليس كله

http://www.libyan-kitchen.com/gallery/images/la617.jpg


اني مارحيت الحبوب كويس اولا الخلاط مش نوع ست البيت لانه خلاطي عطل ومش للحرارات

فبقت بعض الحبوب قليل جدا ولكن كانت نتيجة مرضية واجعلوا كل الخلط في خلاط العصير او ست البيت



وبمناسبة تحضيرنا لكم مسابقة ملف المتبلات حبيت نفيدكم بيها ممكن تحتاجوها للمشاركة معنا في ملف المتبلات

وان شاء الله تعجبكم و في انتظار مشاركاتكم التي تتري منتداكم و نستفيد منها

[حبيبتهم]

ماشاء الله تسلم ايديك يا لوبا ننتظروا منك تورينا في شنو استخدمتيها

[لوتي]

ماشاء الله عليك لوبا ست بيت شاطرة وفكرة صنع الطحينة في البيت فكرة حلوووة تسلم إيدك وتستاهلي أحلى نجوووم

[مغتربة 7]

بسم الله ماشاء الله
رووووووووووعة يالوبا ابداااااااااااع
تسلم ايدياتك يااحلى لوبا
تستاهلي النجيماااااااااااااات كلهم

[الصابرة]

عطيتك النجوم قبل ما ارد على الموضوع
بصراحة اكيد منك مضمونة زي المايونيز طلع يهبل احلى من السوق بالنسبة ليا
وحتى الطحينة اكيد احلى لاني ندور عليها هلبة لكن ما لقيتش طريقة مضمونة
لكن انتي الضمان ياحبوبة
جري على المطبخ
احلى تقييييييييييييييييييييييييييييييم للموضوع

[luba]

حبيبتهم و لوتي و مغتربة 7 والصابرة اسعدتوني بتواجدكم وكلامكم
الزين بس الغربةوعدم توفر كتير من الاشياء وين مانسكن
خلاني ندور و نجرب والله مانحط شئ في المنتدي الا يكون نتيجته مرضية و عجبتني

[ترهونيه حره]

ماشاء الله ناشطه
تسلم ايدك واحلى
نجماااااااااااات

[luba]

سلم الانشط مني بارك الله فيك يا ترهونية

وربي مايحرمنا من طلتك

[المصراتيه]

ماشاءالله
تسلم يدياتك لوبا
طريقه جديده عليا وبادن الله حنطبقها

[بنت الاشراف]

يسلموا إيدياتك طريقتك بسيطة وساهلة إن شاء الله كل ماتقدميه فى ميزان حسناتك منورة المنتدى لك تقييمى

[ام تغريد]

ما شاء الله عليكي لوتي تسلم ايديك يارب

[دانية]

ماشاء الله على لوبا ...من لوبا يأتي الجديد دائماً حاجاتك ممييزة ...سلم ايديك..

[sweet nona]

لبنى ماشالله وصفة جداا مفيدة لينا انى ديما تواجه فيا

قلتها في اللاجة واقتصادية هلباااا

سلم ومايجى منك الا الحلو

احلى تقييم ياسمحة

[om_adnan]

وعليك السلام لوبا....ماشاء الله عليك السيده ملعقه,ربى يحفظك,شنو سبب استعمال الدقيق,عادى يتأكل نئ؟,سلم إيديك بدايه موفقه وتجهيز حسن لمسابقة المتبلات.

[آمال]

ماشاء الله عليك
الله ايبارك وجزيت خيرا

[خواطر حساسة]

فكرة حلوووة{ وانا مجربتها قبل بس حمست السمسم بزيادة فأثر علي الطعم واللون} وان شاء الله نجرب طريقتك
تسلم إيدك

[نسمه ليبيه]

سؤال غبى:confused:
نضيف ملح؟
والله يسلم ايدياتك

[أمـ ساره]

ماشاء الله لاقوة الا بالله

طحينة حلوة وطريقتها بيتية ولا أحلى

بارك الله فيك لوبا على مجهودك الراااائع

وان شاء الله نطبقها وأكيد بتعجبني

ان شاء الله يمشي التقييييم ولك أحلى نجووووووووم

[luba]

ماشاءالله
تسلم يدياتك لوبا
طريقه جديده عليا وبادن الله حنطبقها




الله يسلمك ميمي

لو طبقتيها خبريني شنو جوها معاك

[luba]

يسلموا إيدياتك طريقتك بسيطة وساهلة إن شاء الله كل ماتقدميه فى ميزان حسناتك منورة المنتدى لك تقييمى



الله يسلمك ومنور بوجودك في المواضيع

وبارك الله فيك علي التقييم

[luba]

ما شاء الله عليكي لوتي تسلم ايديك يارب


الله يسلمك واللي معاك لوبا مش لوتي

تقارب في الاسماء اسعدني جدا مرورك بارك الله فيك

[luba]

ماشاء الله على لوبا ...من لوبا يأتي الجديد دائماً حاجاتك ممييزة ...سلم ايديك..



الله يسلمك دندونه ويبارك فيك وربي يوفقك

في دراستك وردك سالمة وبخير لي اهلك

[luba]

لبنى ماشالله وصفة جداا مفيدة لينا انى ديما تواجه فيا

قلتها في اللاجة واقتصادية هلباااا

سلم ومايجى منك الا الحلو

احلى تقييم ياسمحة






الله يسلمك سوسو فرحني كلامك وكلة صح

ننسوا فيها في التسوق

وصحيتي علي المرور والتقييم يا عسولة

[luba]

وعليك السلام لوبا....ماشاء الله عليك السيده ملعقه,ربى يحفظك,شنو سبب استعمال الدقيق,عادى يتأكل نئ؟,سلم إيديك بدايه موفقه وتجهيز حسن لمسابقة المتبلات.



اهلين بي ام عدنان ليك وحشة

عجبتني ملعقة ههههههههههههههههه

الدقيق مش هلبة وعادي يتاكل وماتحسي بوجوده فيها

ومن قال اللي في السوق مش فيها دقيق نئ

وهو مهم لانه السمسم مزيت هلبه حتي صعب تخليطه

يصير كتله وماينفك من بعضة وين تحطي الدقيق يمتص الزيت

ويفرق فيه علي بعضه دايما مرورك مميز ولكن مرات اسئلتك بالنسبة ليا

صعبه لاني مش هديك الخبرة في المطبخ

[luba]

ماشاء الله عليك
الله ايبارك وجزيت خيرا





وبارك الله فيك علي مرورك

وينك مغطسة شنو اخبارك

[luba]

فكرة حلوووة{ وانا مجربتها قبل بس حمست السمسم بزيادة فأثر علي الطعم واللون} وان شاء الله نجرب طريقتك
تسلم إيدك



الله يسلمك واسعدني مرورك

وشكرا للاضافة صح احيانا ادا لم تسيري علي التحمير اتركيها بدون

عادي نفس النتيجه

[luba]

ماشاء الله لاقوة الا بالله

طحينة حلوة وطريقتها بيتية ولا أحلى

بارك الله فيك لوبا على مجهودك الراااائع

وان شاء الله نطبقها وأكيد بتعجبني

ان شاء الله يمشي التقييييم ولك أحلى نجووووووووم




وفيك بارك الله ام ساره

لوطبقتيها قولي شنو رايك حتي ولو لم تعجبك

صحيتي علي المرور والتقييم

[barney]

تسلم ايدياتك اني انموت فيها الطحينه وديمة نشري فيها
لكن من اليوم ان شاء الله حنعتمد طريقتك وانديرة في البيت
لانه اكيد اضمن
بارك الله فيك يا رائعه
للتقييييييييم

[barney]

<font size="5"><span style="font-family: comic sans ms;"><span style="color: rgb(128, 0, 128);">تسلم ايدياتك اني انموت فيها الطحينه وديمة نشري فيها<br>لكن من اليوم ان شاء الله حنعتمد طريقتك وانديرة في البيت <br>لانه اكيد اضمن<br>بارك الله فيك يا رائعه<br>للتقييييييييم</span></span></font>

[الساجدة لله]

تسلم الايادي ياغالية

[نسيبة]

تسلم الايادي حبوبة احلى نجوم

[luba]

بارك الله فيكن علي مروركن وربي يعطيكن الصحه