عتاب

[ماجن]

طولت الغيبة من قبل رمضان ماكتبتش حتى ولو حاجة بسيطة و حتى بالكدب مافيش حد تفكر ماجن بماانكم كلكم فى القلب واولهم الاخت زينب وترهونية حرة وام سارة وحبيبتهم ولوتى والمصراتية وام عدنان والصابرة مانبيش ننسى حد كلهم بدون استتناء والسلام عليكم

[om_adnan]

اهلين اهلين ماجن....كله الا زعل ماجن,كلنا لبعض فيه معزة الاخت,ولكن ممكن لقلة المشاركات,بالنسبه لى اعتقدت انك اتفضلى تنقطعى وصدقينى بعد الشر عنك و اجزم الكل يوافقنى لو كان غيابك لظروف صحيه او ماشابه لاسمح الله كان الكل انشغل عليك,عسى المانع خير,ولا تحرمينىا من طلتك,عسى تكونى رضيت,ولازم حلاوة الرجوع ,راك تنسى.

[ترهونيه حره]

سامحينى حبيبتى بس حتى
انى زرت المنتدى 3الايام الاولى
من رمضان بس لانى رابع يوم
مشيت للعمره ومادخلت الابعد
العيد ويارب ايكون المانع خير
واحلى ورد لعيونك وان شاء الله
ماتكونى زعلانه وحياتك مليئه سعاده
http://im15.gulfup.com/2012-09-04/1346715374202.jpg (http://www.gulfup.com/show/Xs9lkyz79kxwgk)

[مغتربة 7]

كله ولا زعلك وخيتي ماجن
تعرفي كل مرة وحدة فينا غايبة حتى اني قبل رمضان كنت غايبة
المهم ان شاء الله غيابك خير لاازم اتقولينا شن غيبك علينا
ونورتي من جديد وعودا حميدا

[الصابرة]

عودا حميدا
اعذرينا وخيتي ماجن انتي عارفة شهر رمضان وزحمته يلله انزل مواضيع وارد على المشاركات
ومع اشغال رمضان تندهب الشيرة
نتمنى منكي السماح المرة هذه

[luba]

الحمد لله علي سلامتك ومرحب بيك هني خواتك وبيتك التاني

ان شاء الله غيابك كان خير

بس وبدون زعل الصراحة نوافق ام عدنان مشاركاتك قليلة جدا وبعيدة عن بعضها

و كلنا قلب واحد علي بعضنا ولم ننتبه لغيابك

ممكن ليك فترة مادخلتي كتيرة فالبعض يشك مع قلة مشاركاتك انك ستقطعي المنتدي

او انه ليس في بالك حبيبتي ماتزعلي بس هذا الللي صار صدقيني

وعودا حميدا وفي انتظار وضع بصمة قوية منك علي المنتدي

[حبيبتهم]

معليشي يا حبيبة لكن انتي كيف ماقالن البنات مشاركاتك قليلة انتي انشطي معانا وردي عالمواضيع ونزلي مواضيع وشوفي كيف بنتفكروك لو غبتي معليشي خبريني شنو معنى اسمك ???
وسامحيني. لو ما انتبهت لغيابك مش قصدي اني ما نهتم بحد كل البنات عالعين وعالراس

[ماجن]

شكرا لكل الاخوات نحب نقول ان مشاركاتى قليلة لاانى منعرفش نزل صور الاكلات اللي بنطبقها مع العلم انى شاطرررررة فى الطبخ وخاصة الحلو عندى حاجات واو غريبة واصلا واخدة دورة عن واحدة متخصصة فى الطبخ اسمها ابتسام فى حى الاندلس
والسلام عليكم

[لوتي]

لا لا كلا إلا زعل الحلوين معليشي ماجن حتى أني نغيب مرات أكتر من أسبوع يعني كلنا معرضين للغياب ومتلوميش الأخوات كل واحد وضروفه وفيه من مرات ميحصلوش وقت ايقعمزو علي النت وزي ما قالو الأخوات مشركاتك قليلة فنحسابوك بتسيبينا لكن توا مرحبتين بيك مرة تانية وهادي الشوكولاته ليك بيش معاش تزعلي محد يمسها لماجن وبس

http://forum.hwaml.com/imgcache2/hwaml.com_1298568235_394.jpg

[ماجن]

شكرا لوتى وبالنسبة لسؤال حبيبتهم عن معنى اسم ماجن هو اسم امازيغي ويعنى الفسقية التى تتجمع فيها مياه الامطار

[luba]

اهلين بي ماجن

بالنسبة لي تنزيل الصور والمشاركات تقدري تختاري اي موقع ينزل الصور

اغلب البنات في المنتدي يستعملوا مركز الخليج

تبدي مصغرة الصور متاعك وكاتبه عليهم اسمك من هدا الموضوع

[ درس] طريقة تصغير الصور والكتابة عليها وعمل اطار لها ببرنامج الرسام (http://www.libyan-kitchen.com/kitchen/showthread.php?715-%CF%D1%D3-%D8%D1%ED%DE%C9-%CA%D5%DB%ED%D1-%C7%E1%D5%E6%D1-%E6%C7%E1%DF%CA%C7%C8%C9-%DA%E1%ED%E5%C7-%E6%DA%E3%E1-%C7%D8%C7%D1-%E1%E5%C7-%C8%C8%D1%E4%C7%E3%CC-%C7%E1%D1%D3%C7%E3)

وفي برنامج درويه في النت اسمه فوتو سكاب photo Scape هدا يصغرلك ويكتبلك علي الصور كلهم في مرة وحده

واحني في انتظارك وتفضلي اسألي اي حد فينا ويجاوبك الكل خواتك ومهتمات