[استفسار] عن سبب حموضة المرقة (الطبيخة)

[jolia]

بناويت عندى استفسار علاش الطبيخة تطلع حامضة شن السبب لانى نخلط طماطم حب مع حكة\ هل المشكلة زيادة طماطم الحكة ولا تخليط الطماطم الحب مع الحكة وشنو الحل؟

[luba]

اهلين ومرحب بيك

كل واحد وبيجاوبك علي اللي مر بيه

السبب تكتير الطماطم انا ادا استعملت طماطم حب يكون الحكه

قليل جدا وفي الغالب استعمل الحكة فقط

[المصراتيه]

اهلين حبوبه جوليا
بالنسبه للحموضيه هيا كيف ماقالتلك لوبا او مرات حتي نوعيه طماطم الحكه وبالنسبه للحب لما اديريه مدا بيك تحولي القلب متعه وان شاءالله تكوني استفدتي

[أم عدى]

شوفى هالرابط به تجارب قيمة و أسرار


http://www.libyan-kitchen.com/kitchen/showthread.php?5747-سر-الطبخ-quot-دعوة-للمشاركة-quot/page3

[الصابرة]

حبيبة زي ماقالت ليك لوبا والمصراتية
بصراحة اني مانديرش في طماطم اخضر الا في اكلات معينة
لكن لو جاء الاكل من حامض بسبب الطماطم وعن سابق تجربة حطي في الاكلة ملعقة سكر وخليها على النار شوي سوف تجدي ان الحموضة خفت والسكر ماتخافيش منه ماتحسيش بيه والله

[لوتي]

ماشاء الله الأخوات ماقصروش معاك في الرد وزي ما قالت المصراتية ممكن نوع طماطم الحكة والطماطم الأخضر حتى هوا يسبب الحموضة والله أعلم

[امدللة]

السلام عليكم
اولا نوع الطماطم ممكن السبب ثانيا انا نبشر الطماطم الاخضر ونحطه مع طماطم الحكه ويكمون مقداره قليل وقبل مانحط الميه نخليه علي نار هاديه نين يطلع زيته ويطيب بس حركي وان شاء الله تنحل مشكله الحموضه