المساعد الشخصي الرقمي

مشاهدة النسخة كاملة : كرسي الاعتراف المطبخي


sweet nona
09-14-2012, 07:03 PM
http://up.3dlat.com/uploads/128711096416.gif

مساكم وصباحكم خير

كرسي الأعتراف المطبخي
http://t1.gstatic.com/images?q=tbn:ANd9GcRRFTCmOdQAnXBwlfu2ToDP7NbdhQcmY TQz-8ekzEeJonljBWtm3sr6yA
عبارة عن اسئلة عن الاكل تطرح على:

العضوه...او المراقبة...او الاداريه

وسيتم اختيار المدعوات من قبلي
http://t2.gstatic.com/images?q=tbn:ANd9GcRxtTJXpeYjq8tmgNWtBFduVZtJFiCip Z2KAxRHV9v4_2dbBBLdZ_uZDw

الأســــــئـــــــلة :

1/ كـم وجبــة رئـيسية تأكلي بـاليـــــــوم

2/ هل تأكلي خـفايف بين الوجبــات

3/ تحبي تــحلي بـعد الأكل

4/أكله تحبـــيها

5/هـل تحـبي أكل البيــت أو أكل الـمــطاعم

6/عضـوة تتــمني تأكلي مــــــــــعه

7/هــل تــــــحبي الــطبـــــــخ؟؟ ومـــتى؟؟

8/هـل تــحبي تأكلي وحــدك أو مع جمـاعة؟؟ ولـماذا؟؟؟

9/تـحبي تأكلي بصــحن لوحدك؟؟

10 / أفضل مشروب عندك ساخن او بارد ؟و ما هو؟؟
http://t1.gstatic.com/images?q=tbn:ANd9GcTl0w_nHsJ7G6oTJrH5f5MVi5xoSzXBN 0s5byRI0_0yPZMOAqyo8whttp://t2.gstatic.com/images?q=tbn:ANd9GcSapSQpEn-g47RFMJRBuEJe3OhxfZZkGVj2HhG39bxgiqtfD4HXIA

11/لمن تتوقعي هذه الصفات من العضوات؟

في المنتدى

أكوله
http://t2.gstatic.com/images?q=tbn:ANd9GcTxzCYFuYXYrJJ7_XRv7vM6Hwr-umL3jLxbOlUHJk9Jo6gMMDBfBQ
شبعان
http://t2.gstatic.com/images?q=tbn:ANd9GcSd5cA4T1YnJ58pAFRpp4ajuNBGy1MEZ 2HTQDMlgMqJTCwQTOHS
سمينه
http://th25.photobucket.com/albums/c86/ladysirod/th_fatladyonscale.gif
نحيفه
http://t0.gstatic.com/images?q=tbn:ANd9GcRNGwhGu60QSk_YLxUuCQlwRWwAhzHSy UqdSsd2ZtN-EbmTy_0ZXg
اتمنى تعجبكم الفكرة انشوف الردود والحماس

وبعدها نبدا ان شاء الله

http://t2.gstatic.com/images?q=tbn:ANd9GcQibJXkM3NBVgFmOLr10MRXaIm6UGr7S okzKUgfycXOUjhtGTWQ_eZL8w
لكم كل الحب والاحترام

بس بعيييد عن الزعل ؟؟؟ههههههه

للعلم.. منقوول

http://up.3dlat.com/uploads/128711159416.gif
:cool:
برنسيسة
09-14-2012, 07:23 PM
فكرة حلوة الصراحة
خاصة السواال الاخير
ههههههههههههه
ليش الزعل بي العكس موظوع حلو

ويجنن
luba
09-14-2012, 07:29 PM
ههههههههههه الله يسلمك و يخرب ابليسك علي صورة السمينة وكعبوول اللي حاطينها اللهم احفظنا

طبعا موضوع حلو ونقل رااائع بس ضحكوني بعض الاسئله وبعضها صعب

رااائعة كعادتك
sweet nona
09-14-2012, 07:35 PM
http://up.3dlat.com/uploads/12987491041.gif


برنسيسة ولبنى

وانتظروو الدور على مين
الصابرة
09-14-2012, 08:53 PM
ديمة دايرة لينا جو يا سويت
ربي يحفظك يارب
اكيد معاك بس ماتعطليش هلبة وصور الرسوم المتحركة الله على الزمن الجميل
وحتى لو نقل فهو اختيار اكثر من رائع
sweet nona
09-14-2012, 09:09 PM
هلا صبورة

تسلمي من ذوقك حبيبتى

وراح نبدا على طووووول
لوتي
09-14-2012, 09:22 PM
ههههه سويتي ذكرتيني بالكرسي إللي يقرص لما إللي عليه يكذب موضوع رائع زي ماعودتينا بس التوقعات تبع اكولة وغيرها صعبة شوية أكيد مفيش زعل بإذن الواحد الأحد
sweet nona
09-14-2012, 09:24 PM
ههههههههه..هلا لوتي نورتى بردك وبحضورك

ماتغيبي باش انشوفوك
بنت حواء
09-14-2012, 09:29 PM
منووووووووورة ياسويت
موضوع جميييييل جميييييل جميييييل
سلمت يداك وأفكارك
ربي يوفقك
sweet nona
09-14-2012, 09:33 PM
هادا نورك ياغالية بنت حواء

شكرااااااااا
sweet nona
09-14-2012, 11:10 PM
http://t3.gstatic.com/images?q=tbn:ANd9GcQxntHUI517ntZ0mcskEo3oUtV0q6MCH JHkpxZlm9eETtI51y3H

استنو من عليها الدور ؟؟؟؟
الصابرة
09-14-2012, 11:19 PM
غير شنو درتلك ياسويت نون نين تختاريني اول وحدة
لكن انتي تأمري
sweet nona
09-14-2012, 11:22 PM
هههههههههههه

هيا هادا كرسي اعترفي من غير مجاملة

ومفيش حد حيزعل
المصراتيه
09-14-2012, 11:33 PM
ههههههههههههههه
حلو الاعترافات هدي
تسلمي علي اختيارك في الموضوع
الصابرة
09-14-2012, 11:35 PM
بسم الله
الله يستر ياسويت نون

1/ كـم وجبــة رئـيسية تأكلي بـاليـــــــوم

وجبة واحدة وهي عادتا عشاء

2/ هل تأكلي خـفايف بين الوجبــات

لعند العشاء اكيد هلبة بس ديمة بين المشروبات الساخنة و الباردة

3/ تحبي تــحلي بـعد الأكل

لا مش دائما حسب الجو والطربات

4/أكله تحبـــيها

من عشاق البازين

5/هـل تحـبي أكل البيــت أو أكل الـمــطاعم

اكل البيت لا يعلى عليه لكن مرة مرة مافيش مانع من التغيير

6/عضـوة تتــمني تأكلي مــــــــــعه

بصراحة كلهن
لكن مايصيرش منه الكلام هذا طبعا
فا اللي انتمنى ناكل معاها لوباااااااااااااااا

7/هــل تــــــحبي الــطبـــــــخ؟؟ ومـــتى؟؟

اعشق الطبخ وليس احبه بس
في كل وقت وخصوصا عندما يكون هناك شئ معقدني او حزينة

8/هـل تــحبي تأكلي وحــدك أو مع جمـاعة؟؟ ولـماذا؟؟؟

مانحبش نأكل بروحي لان الاكل مع الجماعة انحس فيها بنة غير
وفي نفس الوقت انحب الدعاك

9/تـحبي تأكلي بصــحن لوحدك؟؟

لا لاني لا اجد المتعة في ذلك لكن لو اطر الامر ممكن
او على حسب الضيافة لكن في بيتي لا

10 / أفضل مشروب عندك ساخن او بارد ؟و ما هو؟؟

اني نحب هلبة مشروبات
الساخن الشاي الاخضر و الكابتشينو
والبارد عصير ليمون

11/لمن تتوقعي هذه الصفات من العضوات؟في المنتدى


أكوله

مع ان السؤال محرج بس بنجاوب وان شاءالله العضوات مايحرجوج مني

الساجدة لله

شبعانه

لوبا
سمينه

ام عدنان بس مش نفس الصورة طبعا مليانة

نحيفه

سويت نون


وان شاءالله ماتحرج مني ولا وحدة من وخياتي
ان شاءالله يسامحني
لوتي
09-14-2012, 11:43 PM
يطيعك السلامة ياصابرة علي الإجابات والتوقعات وجبة وحدة في النهار كيف تقاومي لكن عندك حق البازيييين واو أني زي الرجالة ناكل فيه عندي في المرتبة الأولى ويوم البازين زردة بالنسبة ليا تسلمي علي ردودك
سويت تربحي سلم اوخيتي حوليه الكرسي اللي يخوف راني نتخايل منه ههه
sweet nona
09-15-2012, 02:01 AM
هههههههههههههههه

صبورة اوووووووووووووووه

وجبة وحدة في اليوم بس علي هالحال ريجيم من غير ريجيم

والبازين اكلة شعبية يميميم بس مش اي بازين طبعا..

مممممممممممم

هوا توقعك مش هلبا في محله لاني مش نحيفة هلباااا

بس جسمي معدل الحمدلله

ومن غير زعل البنات جايهم الدور وكلهم حيقولو رايهم

هادي لعبة

ومنورة صبورة مشاركاتك حلوووووة

لوتي ياحبيبتى خفتى

استنى الكرسي الي حيجيك احلى منه هههههههههههه

المصراتية هلالالالالالالالالالالالالالالالالالاااااااااااااا ااااااااااااااااااااااااااااااا بيك

شن رايك فيها مطولها من غلاك بس هههه
barney
09-15-2012, 04:49 AM
رووووووووووووووووووووعه
سلمها ياربي سويتي اللي ديمة مواضيعها روعه
واكيد روعة المواضيع من روعتك
شفتي كيف ( انلسن فيك) بيش ما تختارينيش
يالصابرة غيري وجبتك من العشي للغدي المفروض ترقدي خفيفه
وجبه وحدة وعشي؟ بالصحه ع قلبك واكثر اجاباتك كيفي
غير في تغيير في اسماء الاشخاص
موودة
09-15-2012, 09:11 AM
جو غير عادى

سويت مواضيعك زى اسمك

الصابرة ليش العشاء هى الرئيسية؟ المفروض خفيف
عندى احساس انك بطبوطة ههههههه
sweet nona
09-15-2012, 01:22 PM
صباح الورد بارنى شكراا ليك

ههههههههههههه وتلسنى ..تشكرى...مستحيل يفوتك الدور ههه

الا كان جبتيلى شوكولاتة هههه

موودة تسلمى عالكلام الحلو الى زيك

والموضوع رووعة بردودكم ومتابعتكم ليه
om_adnan
09-15-2012, 03:16 PM
http://3.bp.blogspot.com/-bFvnKKINDHs/To-Ui4By_bI/AAAAAAAAJjA/ep_u9M2gtTM/s1600/Crying%2BBaby%2BNatural%2BHigh%2Bfor%2BSome%2BMoms .jpg

والله قعدت نضحك كيف الهبله بروحى,من قالك على الاشاعه هادى صابره هههه,

امس كان اول يوم فى نادى الرياضة وقولوا ان شاء الله نستمر,

بصراحه سويت شوفى صوره احلى لوحده سمينه,عندى اعتراض,

الصابره لما تتلاقى انتى ولوبا لازم تصوروا لينا السفره

حتى لو كان تلاقى على السريع.
luba
09-15-2012, 04:43 PM
بداية قوية يا سوسو مع الصابرة احسنتي الاختيار

حق اجابة صحيحة يالصابرة ديمة نحس في روحي شبعانة وعطشانة

و ان شاء الله نتلاقوا حتي بلا سفرة اهم شي نتلاقوا ههههه كان تلاقينا برة ندعسوا علي اول مطعم ولا يهمك

من الاخير بنخلوا اللقاء فيه اكل بالسيف لانه تعارفنا في منتدي اكل ههههه

اجابات رااائعه واصبتي ام عدنان في الصميم تو ماعاد بتروح من النادي ربي يوفقك في رياضتك

اني مرات نلعب في رياضة ليس لغرض التنحيف بس لغرض الصحة واللي كليته يمشي بسرعه ههههه
أم أسيل
09-15-2012, 05:14 PM
موضوع رائع وشيق
ترهونيه حره
09-15-2012, 06:21 PM
مشكورررررره سويت موضوع رائع
وطرح جميل وهدا مش غريب عليك
بس السؤال الاخير صعب شوى :confused::confused:
sweet nona
09-15-2012, 06:42 PM
ام عدنان هلا هلا..

حااااااااااااضر وكله الا زعلك بنغيرها بس انتى حطيلي الصورة لانى مالقيتش صورة مناسبة

ام أسيل مرحبتين

ترهونية من ذوقك ياغالية معاش تطولي الغيبة علينا
لوتي
09-15-2012, 07:09 PM
حاضر ياسويت في الليل تشوفي إعترافاتي بإذن الله تعالى محلاه الكرسي النعوووم يطلع منك الإعترافات وإنتي مسترخية راهو ليا بس محدش ياخده مني
لوتي
09-15-2012, 10:53 PM
بسم الله الرحمن الرحيم



1/ كـم وجبــة رئـيسية تأكلي بـاليـــــــوم

3 وجبات

2/ هل تأكلي خـفايف بين الوجبــات

نعم ولكن نحاول انخلي خيارتي صحية

3/ تحبي تــحلي بـعد الأكل


لو فيه حلو نعم وأني انحب الحلو وأكتر شي انحب الشوكولاته والجيلاطي


http://www.muslmah.net/imgpost/11/1763b38cb0476de273663b12bca13665.jpg


4/أكله تحبـــيها


أكيد البازين
5/هـل تحـبي أكل البيــت أو أكل الـمــطاعم


أكل البيت حلو لكن حتى أكل المطاعم فيه بنة زايدة

6/عضـوة تتــمني تأكلي مــــــــــعه


أم سارة


7/هــل تــــــحبي الــطبـــــــخ؟؟ ومـــتى؟؟


أكيد انحبه ومنذ الصغر بالعامية انفش غلي في المطبخ وانحس إني درت إنجاز ونسعد لما يعجب إللي كلوه

8/هـل تــحبي تأكلي وحــدك أو مع جمـاعة؟؟

ولـماذا؟؟؟


مع الجماعة فيها بنة تانية


9/تـحبي تأكلي بصــحن لوحدك؟؟


لا إلا لو كنت في وضع يلزم إني ناكل في صحن وحدي

10 / أفضل مشروب عندك ساخن او بارد ؟و ما

هو؟؟



ساخن وهو شراب الشوكولاته الساخن ( hot Chocolate)



11/لمن تتوقعي هذه الصفات من العضوات؟في


المنتدى

مع إحترامي إعتداري المسبق للعضوات لكن شن بندير أوامر سويتي

أكوله

بنت حواء

شبعانه


أم عدنان

سمينه


بارني


نحيفه


الصابرة
sweet nona
09-16-2012, 02:47 AM
هههههههههههههههههههه

لوتى شوكولاتة وجلاتى لا حالك باهى والله

تلات وجبات وهادا الصحى والطبيعى..

لالالا اطمنى على ضمانتى مفيش زعل وكل وحدة حيجيها الدور

بس شوية تفاعل منكم ياصبايا

زعلتونى

منورة لوتى عالرمشاركة الخفيفة الدم

وفى بعدك وحدة تانية مدعوة للاعتراف
الصابرة
09-16-2012, 03:41 AM
لوتي مشكورة حبيبة نقاوم عادي لان معظم النهار نوم
واكيد البازين فيه بنة ووخيتك مش واكلة بس يبدوا ياخذوا في رفاسها منها

سويت اكيد مش اي بازين لما تبدا دايرته الماما يمي مش عادي
مش رجيم هلبة لاني مرات نبدى زي الوحش المفترس ناكل من غير حدود
باهي جسمك معدل مابعادناش هلبة

اهلين حبيبة بارني ما نقدرش نغير لان راجلي مايجيش غير في الليل وطبيعيا نبي انديرله وجبة باهية
وبعدين ماتخافيش عليا مانرقد الا بعد 4 ساعات ومرات اكثر بهلبة من هكي بعد الاكل

مووووووووووووودة بطبطت بعد العرس وجايك الدور
لكن الحمدلله نقدر اندير لروحي ستوب ونرجع زي ماكنت

وخيتي ام عدنان احساس والله ما قالي حد عليها شفتي توارد الخواطر لوين
وان شاءالله تستمري وخيتي لان النقص في الوزن مش عشان الشكل بس بل عشان الصحة اكثر

لوبا باهي صار حتى احساسي معاك زبط
اكيد يالوبا بنخلوا فيها اكل عشان ديمة نقعدوا انتفكروا المكان اللي تلاقينا فيه وهو المنتدى
وحتى اني زيك يالوبا نلعب فيها لغرض الحفاظ على وزني وصحتي ومش اي رياضة طبعا
اللعب بالحبل
الصابرة
09-16-2012, 03:44 AM
وتوا بنجيك يالوتي
صحة عليك حبيبة 3 وجبات وبينهم طنقيش
وياريت نبقى زيك
صار شوكلا وايس كريم مخصك خير بالصحة يارب
واني مش نحيفة هلبة جسمي معدل مابعادتيش بعيد شهر ونصبح نحيفة ولا يهمك
barney
09-16-2012, 04:02 AM
لوووووووووووووووتي
ما اتقوليش سمينه

https://encrypted-tbn2.google.com/images?q=tbn:ANd9GcS3OGTR14sWcB57iuczg159Uhv5tDXNv DURkyUtCVxb-JRPflMB
موودة
09-16-2012, 10:46 AM
نبو سؤال كم وزنك ههههههههههههه بالك نحلو مشاكل بعضنا
أمـ ساره
09-16-2012, 12:48 PM
هههههههههههههههههههههههههههههه

يعطيك الهني انتي وأسئلتك الحلوة يا سويت

موضوع حلو زيك

وماشاء الله العضوات ما قصروا بالردود

بس الاخير تحفة بصراحة ويعقد هلبة وعمره ما خطر في بالي


متابعة معاكم يا حلوات
حبيبتهم
09-16-2012, 02:17 PM
حتى اني متابعة معاكم
وتسلمي يا سويتي عالموضوع الحلو
luba
09-16-2012, 04:09 PM
لوووووتي اجابات حلوة وبارني موتيني ضحك

https://encrypted-tbn3.google.com/images?q=tbn:ANd9GcSiF5ZExQ-3ozzaV9cWzCs_ZV3IVq3fPsieIMRcBq80C3-ADRgsOw
مغتربة 7
09-16-2012, 08:15 PM
ماشاء الله عليك ياسويت وعلى مواضيعك تهببببببل
لي عودة لقراءة كل الاعترافات
لوتي
09-18-2012, 10:48 AM
صبورة توقعي جي في مكانه صار تسلمي

لوبا إنتي الحلوة
لوتي
09-18-2012, 10:52 AM
بارنييييي



أسفة جدا بارني عسولة مش سمينة وهذي وردة حلوة ليها


http://www.moshreq.com/up/uploads/0239e52219.jpg (http://www.moshreq.com/up/)
barney
09-21-2012, 10:29 PM
لا يا لوتي والله مازعلت منك ادللي احبيبه
لكن اني مش سمينه وزني 60 قريب ع طولي والله مانيش سمينه
sweet nona
09-28-2012, 08:34 PM
هههههههههههههه....اهو اكويس بدينا نعرفو حتى اوزان بعض

تابعو معايا يابنات من عليها الدور الجاي

فبعد وقفة لنا عودة بإذن الله
وصال
09-28-2012, 11:54 PM
هههههههههههه حلووووو الموضوع يا سويت زيك ليك وحشة ياحبيبة ولمواضيعك الحلوة

ما شاء الله ع الصابرة وعلى لوتي إعترافات ولا اروع

ربي يحفضكن
حبيبتهم
10-02-2012, 01:08 AM
السلام عليكم

صباح الخير يا غاليات

سويتي سامحيني عالتأخير ولكن الظروف تحكم

المهم اني بنقولك مانبيش كرسي الرعب متاعك اني نبي الكرسي السمح الاول


http://t1.gstatic.com/images?q=tbn:ANd9GcRRFTCmOdQAnXBwlfu2ToDP7NbdhQcmY TQz-8ekzEeJonljBWtm3sr6yA


الأســــــئـــــــلة :

1/ كـم وجبــة رئـيسية تأكلي بـاليـــــــوم

غالبا وجبتين واحيانا وجبة واحدة

2/ هل تأكلي خـفايف بين الوجبــات

العشية نحب نشرب كابتشينو ولو متوفر عندي كيك

3/ تحبي تــحلي بـعد الأكل

لا

4/أكله تحبـــيها

هلبه اكلات ولكن نختار الارز البرياني

5/هـل تحـبي أكل البيــت أو أكل الـمــطاعم

نحب كل البيت

6/عضـوة تتــمني تأكلي مــــــــــعه

لوبا الحبوبة

7/هــل تــــــحبي الــطبـــــــخ؟؟ ومـــتى؟؟

نحب الطبخ ومانحباش نحبه لما نكون خاطري فيه وجوي صافي واكثر شئ نحب انديره الكيكات والمعجنات

8/هـل تــحبي تأكلي وحــدك أو مع جمـاعة؟؟ ولـماذا؟؟؟

نحب ناكل مع جماعة افضل لكن احيانا نضطر اني ناكل لوحدي

9/تـحبي تأكلي بصــحن لوحدك؟؟
مانحبش الاكل في صحن منفصل ولكن مجبورة عليه من زوجي لانه يبي يحافظ على وزنه كل واحد ياكل في صحن بروحه غالبا

10 / أفضل مشروب عندك ساخن او بارد ؟و ما هو؟؟
http://t1.gstatic.com/images?q=tbn:ANd9GcTl0w_nHsJ7G6oTJrH5f5MVi5xoSzXBN 0s5byRI0_0yPZMOAqyo8whttp://t2.gstatic.com/images?q=tbn:ANd9GcSapSQpEn-g47RFMJRBuEJe3OhxfZZkGVj2HhG39bxgiqtfD4HXIA

اكثر شئ نحبه الشاهي بالنعناع


11/لمن تتوقعي هذه الصفات من العضوات؟

في المنتدى

أكوله المصراتية
http://t2.gstatic.com/images?q=tbn:ANd9GcTxzCYFuYXYrJJ7_XRv7vM6Hwr-umL3jLxbOlUHJk9Jo6gMMDBfBQ


شبعان مغتربة 7
http://t2.gstatic.com/images?q=tbn:ANd9GcSd5cA4T1YnJ58pAFRpp4ajuNBGy1MEZ 2HTQDMlgMqJTCwQTOHS
سمينه سويتي
http://th25.photobucket.com/albums/c86/ladysirod/th_fatladyonscale.gif


نحيفه luba
http://t0.gstatic.com/images?q=tbn:ANd9GcRNGwhGu60QSk_YLxUuCQlwRWwAhzHSy UqdSsd2ZtN-EbmTy_0ZXg


ويارب ماتزعلوش مني

وتحياتي لكل حبيباتي الغاليات
المصراتيه
10-02-2012, 01:58 AM
هههههههههههههههههههه
اني اكوله صدقتي والله
مافيش حاجه منحبهاش كل شي نحبه وغالي عليا ليكال لكن الحمدلله ميبانش عليا واجد ههههه

سويت سمينه ههههههههههههههههه الله يكون في عونك يا سويت كلهم يتخيلو فيك دببببببببببببه الا اني
باهي الا درتي كرسي الاعتراف

اعترافاتك كلها حلوه وان شاءالله تتلاقي في يوم مع لوبا وتاكلي معاها يارب
barney
10-02-2012, 04:33 AM
سلمها ياربي حبيبتنا اللي ما قرمتنيش هههههههههه
اعترافات حلوة سلمتي وسلمن ايدياتك يا احبيبتنا
luba
10-03-2012, 03:05 AM
نحيفه luba

http://t0.gstatic.com/images?q=tbn:ANd9GcRNGwhGu60QSk_YLxUuCQlwRWwAhzHSy UqdSsd2ZtN-EbmTy_0ZXg


الله يعطيك السلامة راهوا مش نحيفة متوسطة

ومش متوسطة ههه ومش سمينه ههه

ومش نحيفة معقولة ههههه فهمتوا حاجة اني مافهمتش

ويااارب نتعشوا مع بعض هيا انضمي في الفريق معاي ومعانا الصابرة جو مش عادي

ديري حسابك انك بتنشدي علي العشي يوم انروح

نوقض فيك بيش تجيبي علبه الروج باك حد يجينا بعد العشي

وتقولي لي سي السيد جوجو

اسمعي سوسو غيريها هادي نحيفة

اكتبي متوسطة رشيقة عكس سمينه مش نحيفة تعبير غير لايق اعترض هههه

واني نتخيل في سوسو وحدة ممشوقة ودلوعة وسحنونه علي قولت الطرابلسية هههه
الصابرة
10-03-2012, 03:26 AM
ماشاءالله عليك وعلى اعترافاتك حبيبتهم
وخلاص لما لوبا تجي لليبيا انديروها لمة
ومرات عضوات اخرات يبن ياكلن مع لوبا او معاي او معاك هكي بنتفقوا وانديروا حفلة كبيرة هههههههههه
sweet nona
10-06-2012, 10:14 PM
السلام عليكم جميعا

هلا باعترافات حبيبتهم الغالية

صح اكل الجماعة احلى بس الاكل فى صحن يساعدك على الحفاظ على

وزنك

وجبة فى اليوم على عالحال مافيك شي ههه

نورتى بس انى مش سمينة ;)موتى ياميمى دورى عليش تضحكى:cool: هههههههههههههه:cool:

لبنى حاضر تو انغيرها انديرها رشيقة شن رايك

شكراا حبيبتهم نورتى موضوعى والله وياريت الصابرة ايجى يوم ونلتمو على سفرة وحدة

وخليك متابعة الموضوع باش اتشوفى اعترافات الباقى من البنات

شكرااا
بنية بوها
11-03-2012, 01:13 AM
ههههههههههههههههههههه موضوع رااائع ياسويت ليكم وحشه وهالمنتدى والبنات وزوبه وام ساره وام سجى وام ايوب وكل البنات
ومغتربه وخدوج وساجده وكل البنات الحلوات والمنتدى ماشاءالله شكلا متطور والعضوات الجدد كلكم واني عارفه روحي مقصره واااااااااااااااااااااااااااجد مش شويه
بس الظروف تحكم يلا المهم الكل بخير والمنتدى الحمدلله وضحكتوني في كرسي الاعتراف ههههههههههههههههههههههه وردوا بالكم تقربوني ايوه واني نبهت:o
المصراتيه
11-15-2012, 12:07 PM
خيرا كرسي الاعتراف مكسووووووووووووور
صلحيه يا سويت هيا
sweet nona
11-16-2012, 11:41 AM
http://t3.gstatic.com/images?q=tbn:ANd9GcQXD8WS7qF5n7rXi3sZKn0yZzIJDpXza tQcjzBW5NhDK58uWMSqgw

عدنا لكرسى الاعتراف على مين الدووور

تابعو معاى يابنات ..نستنى ردودكم
آمال
11-16-2012, 02:56 PM
موضوع رااائع بس لو من غير صور لذوات الارواح المحرمة
اضحكتموني اضحك الله سنكم ودام عليكم الفرح
بس تضايقت قليل لا اخفي عليكم من الصور انا لا احبها أبدا

اكثر شي ضحكني رد لوبا



الله يعطيك السلامة راهوا مش نحيفة متوسطة

ومش متوسطة ههه ومش سمينه ههه

ومش نحيفة معقولة ههههه فهمتوا حاجة اني مافهمتش
وبالفعل من فهم حاجة
luba
11-16-2012, 06:49 PM
السلام عليكم

اهوا اتصلح يا ميمي الكرسي وتصليحته جت علي راسي اخخخخ

صدمتيني ياسوسو حسه مازال بدري عليا الدور

المهم بنجاوب وربي يستر

الأســــــئـــــــلة :

1/ كـم وجبــة رئـيسية تأكلي بـاليـــــــوم

وجبتين وحدة افطار ومانعرفش شنو التانية جاية في
النص بين العصر وقريب المغرب ههههه


2/ هل تأكلي خـفايف بين الوجبــات

نعم : نحب ناكل شوكولاته او مكسرات او بسكويت وشاهي
او سندويتش يكون فقط حلوي شامية اخخخخ


3/ تحبي تـتـحلي بـعد الأكل

لا : فقط نشرب في شاهي
او عصير مع بسكويت عادي لاهو حلو ولا هو مالح


4/أكله تحبـــيها

اكيد حبيبة قلبي الرشدة المسقية
ونور عيني العصبان وحياتي المقطع( رشدة البرمه )
بالقديد او اللواوي ( عصبان الشمس اظن )

والارز الصيني بالبيض اللي علي ماحاولت انديره مانجح


5/هـل تحـبي أكل البيــت أو أكل الـمــطاعم

الاتنين والله مافيش مانع من الراحة والهروب من المطبخ مراااات


6/عضـوة تتــمني تأكلي مــــــــــعاها

ايح عضوة قولي من بتخلي

نتمني ناكلوا في مناسبه فرح
نكونوا معزومين عند زينب محمد
والحلويات من ايديها
حتي كان هي العروسه مادخلنيش فيها
هادي امنيتي
ونتمني طاقم الاشراف كله حاضر
والعضوات حبيبتهم وام عدنان وامال
و دانية ولوتي وميرولاكي و بنت الاشراف و رميساء
وام عبسي و مودة وسلمي وترهونية حرة
وام هداية وام عبد الرحمن وامة الله ونوارة ليبيا وبارني
وشروق الشمس و بنية بوها وووو....
وكل البنات اللي يشاركوا قلبا وقالبا
وفعلي وردود وشدوا من همة المنتدي من اللي مانعرفهمش
واول من حطوا ايديهم في ايدين زينب نتمني
نكون معزومه معاهم علي طاوله وحدة

7/هــل تــــــحبي الــطبـــــــخ؟؟ ومـــتى؟؟

اه هذا اصعب سؤال
كنت نكره الطبخ كره العمي
وبعد تعرفت اهني علي المنتدي
اهو الحال اتصلح العلاقه بيني وبينه بدت
تمام بس نحبه ونكرهه
مانحب حوسته ونحب التطييب فيه
بكل الانواع بس نبي حد يضم ويغسل وراي اخ ا خ
امته بس ؟؟؟؟؟؟؟؟؟؟؟؟؟

ومتي؟ لما يكون في حد معاي بياكل
او عندي عزومه او مناسبة
زي عيد وعاشوراء ومولد فيها لمه وجو

8/هـل تــحبي تأكلي وحــدك أو مع جمـاعة؟؟ ولـماذا؟؟؟

اكيد مع الجماعة ونحب كلنا في صحن واحد لدرجه عادي ماناكل

اكل طايب لو بقيت لمدة لوحدي


9/تـحبي تأكلي بصــحن لوحدك؟؟

لالالا الا ادا كنت في المطعم نحب صحني بروحه


10 / أفضل مشروب عندك ساخن او بارد ؟و ما هو؟؟

افضل المشروبات عندي الساخنه

الكاكاو بروحه

والشاهي الخفيف بالنعناع

من جنان بوي( ربي يسلمه ) لانه نعناعه غير ومنوع


والباردة مشروب السفن اب
وعصير السموتي



11/لمن تتوقعي هذه الصفات من العضوات؟

في المنتدى

أكوله

مغتربه 7

وامال

وزينب محمد





شبعانة

الصابرة

وحبيبتهم




سمينه

المصراتية

وام عدنان

وام ايوب

وام ميوسه




نحيفه

سويت نونا

وبنت حواء

ولوتي
آمال
11-16-2012, 07:03 PM
اضحكتني يا لوبا
قلنا من طاقم الاشراف قلنا عادييييييييي هذه ممكن
أم أكولة لالالالا هذه لالالالالا اتمنى ذلك

وأما بخصوص عزومة عند الأخت زينب محمد انا معك ونفسي فيها بصراحة وبجانب مغتربة و عهود والصابرة وأم عدنان ولا ننسك طبعا وسويت فأنا أحبهم كثيرا
()*()*()*()*()
بارك الله فيك وعلى روحك المعنوية المرتفعة أحس انك دائما متفائلة وتحب الحياة أدام الله عليك الفرح والسعاد
آآآآآآآآآآآآمين
sweet nona
11-16-2012, 07:43 PM
وعليكم السلام

هلا بى لولو هلا ماشالله عالناشطة ياريتكم كلكم زيها بسرعة هكى باش طول الوقت نضحكو

وجبة فى اليوم معناها انت الرشيقة فينا

نعم : نحب ناكل شوكولاته او مكسرات او بسكويت وشاهي
او سندويتش يكون فقط حلوي شامية اخخخخ ههه هادا غير خفايف بس

لا : فقط نشرب في شاهي
او عصير مع بسكويت عادي لاهو حلو ولا هو مالح

السؤال هكى ايه او لا
وانت قلتى لا هاا غير قلتى لا ههههههههههههههه

ههههههههههههههههه
ههههههههههههههههههههههههه
ضحكتينى عطك السلامة

العشق وااااضح فى الاكلات الشعبية القديمة صحة بس اللوايات مانوافقكش للاسف ههه

بس الرشدة عاد عندك الحق

عزومة ..مع زينب ياريت والله

اهو حتى امال تبيها مازال رد زينب بس ههههه

ماشالله لولو احنى سألنا على وحدة وانتى سميتى المنتدى كله

عسسسسسسسسسسسسسسسسسسسسسسسسسسسسسسسسسسسسسسسسسل

مشاركتك

وطلتك خفييييييييييييييييييييييفة عالقلب

وعفوية ومرحة فى ردودك

ومنورة ديما المنتدى بنشاطك واحنى من غيرك ناقصتنا حاجة

....................

واللى بعدووووووووووووووووووووووووو
luba
11-16-2012, 08:12 PM
اضحكتني يا لوبا
قلنا من طاقم الاشراف قلنا عادييييييييي هذه ممكن
أم أكولة لالالالا هذه لالالالالا اتمنى ذلك

وأما بخصوص عزومة عند الأخت زينب محمد انا معك ونفسي فيها بصراحة وبجانب مغتربة و عهود والصابرة وأم عدنان ولا ننسك طبعا وسويت فأنا أحبهم كثيرا
()*()*()*()*()
بارك الله فيك وعلى روحك المعنوية المرتفعة أحس انك دائما متفائلة وتحب الحياة أدام الله عليك الفرح والسعاد
آآآآآآآآآآآآمين


الحمد لله بس تعرفي انت في اغلب تعليقاتك نبتسم واحيانا نضحك بقوة
لانك تكتبي بالعربيه الفصحي ههههه بتقولي ليش تضحكي مش عارفه
والعزومة يارب تتحقق عاجل غير اجل
وشكرا علي الدعوات الحلوة وربي يدومها علينا وعليك
luba
11-16-2012, 08:16 PM
وعليكم السلام

هلا بى لولو هلا ماشالله عالناشطة ياريتكم كلكم زيها بسرعة هكى باش طول الوقت نضحكو

وجبة فى اليوم معناها انت الرشيقة فينا

نعم : نحب ناكل شوكولاته او مكسرات او بسكويت وشاهي
او سندويتش يكون فقط حلوي شامية اخخخخ ههه هادا غير خفايف بس

لا : فقط نشرب في شاهي
او عصير مع بسكويت عادي لاهو حلو ولا هو مالح

السؤال هكى ايه او لا
وانت قلتى لا هاا غير قلتى لا ههههههههههههههه

ههههههههههههههههه
ههههههههههههههههههههههههه
ضحكتينى عطك السلامة

العشق وااااضح فى الاكلات الشعبية القديمة صحة بس اللوايات مانوافقكش للاسف ههه

بس الرشدة عاد عندك الحق

عزومة ..مع زينب ياريت والله

اهو حتى امال تبيها مازال رد زينب بس ههههه

ماشالله لولو احنى سألنا على وحدة وانتى سميتى المنتدى كله

عسسسسسسسسسسسسسسسسسسسسسسسسسسسسسسسسسسسسسسسسسل

مشاركتك

وطلتك خفييييييييييييييييييييييفة عالقلب

وعفوية ومرحة فى ردودك

ومنورة ديما المنتدى بنشاطك واحنى من غيرك ناقصتنا حاجة

....................

واللى بعدووووووووووووووووووووووووو





وعليك السلام

خفت انطول الكرسي يقلب من جو لي جديات ههههه

اها ماتشوفي تو في ناس تجيبيهم علي الكرسي تلقي خفايفهم كلهن
كيكااااااااااااااااااااااااات اخخخخخخخخخخخخ حلو اللغز

بس اللي بعدو خاطري في الست ميمي
او زينب محمد

تو تلقي الاجابات كلهن اكل دسم وكيكات ودحي وجبنه هههههههههههههههه
طواااال ماهي فاتحه عيونها هههههههههه
المصراتيه
11-19-2012, 10:44 AM
هههههههههههههههههههههههههه
والله متت بالضحك
نص بالشاميه من ايام الابتدائي هههههههه خاطري نجربه دكرتيني بيه
وعلي قولت سويت شي بعد الاكل وطلع الشييييييي
.
.
ان شاءالله نلتمو حلوه لمتك
كنا جيناك يا زوبه اني خاطري في التشيز كيك متع الفراوله قاعده صورتها في عيوني وخاااطري فيها



شبعانة

الصابرة

وحبيبتهم

تبي الصابره شبعانه وهيا في اليوم تنزل في ١٠ مواضيع ماشاءالله مره الطرب ومره .... حتي اساميهن ماني عارفتهن تي هدي حي عليك تاكلك ايكال مش شبعانه
صلحتلك المعلومه
.
.
حرام عليكم اللي تجي تختارني سمينه والله يا الشعب الليبي ماني سمينه تو تشبحوني في اللمه اللي عند زينب ان شاءالله
هههههههههههه

دسيلي عرق من نعناع جنان بوك ربي يخليهلك راني نموت في النعناع وخصوصا اللي مغروس في الحوش
وانتي لا عقبتي لا شاهي ولا قهوه كله تحبيه
ربي يعينك يا زوبه في اللمه


نحيفه

سويت نونا

وبنت حواء

ولوتي

نحيفه بنت حواء؟؟
بنت حواء سامحيني نتخيل فيك سميييييييييينه ههههههههههه والله اعلم


استمتعت يا لوبا اجابتك كانت حلللللوه ربي يحفضك
الصابرة
11-19-2012, 08:02 PM
تبي الصابره شبعانه وهيا في اليوم تنزل في 10 مواضيع ماشاءالله مره الطرب ومره .... حتي اساميهن ماني عارفتهن تي هدي حي عليك تاكلك ايكال مش شبعانه
صلحتلك المعلومه

الله يعطيك السلامة يا ميمي ضحكتيني ضحك نين عيوني دمعو
sweet nona
11-21-2012, 01:49 AM
هههههههههههههه

هالمصراتية هادى احرف منى مايفوتها شى ههههههههههه

الصابرة قوى الاعترااف به صلحتى المعلومة

وماززااااااااااااااااااال الدور على منى
luba
11-21-2012, 03:34 AM
هههههههههههههههههههههههههه
والله متت بالضحك
نص بالشاميه من ايام الابتدائي هههههههه خاطري نجربه دكرتيني بيه
وعلي قولت سويت شي بعد الاكل وطلع الشييييييي
.
.
ان شاءالله نلتمو حلوه لمتك
كنا جيناك يا زوبه اني خاطري في التشيز كيك متع الفراوله قاعده صورتها في عيوني وخاااطري فيها



شبعانة

الصابرة

وحبيبتهم

تبي الصابره شبعانه وهيا في اليوم تنزل في ١٠ مواضيع ماشاءالله مره الطرب ومره .... حتي اساميهن ماني عارفتهن تي هدي حي عليك تاكلك ايكال مش شبعانه
صلحتلك المعلومه
.
.
حرام عليكم اللي تجي تختارني سمينه والله يا الشعب الليبي ماني سمينه تو تشبحوني في اللمه اللي عند زينب ان شاءالله
هههههههههههه

دسيلي عرق من نعناع جنان بوك ربي يخليهلك راني نموت في النعناع وخصوصا اللي مغروس في الحوش
وانتي لا عقبتي لا شاهي ولا قهوه كله تحبيه
ربي يعينك يا زوبه في اللمه


نحيفه

سويت نونا

وبنت حواء

ولوتي

نحيفه بنت حواء؟؟
بنت حواء سامحيني نتخيل فيك سميييييييييينه ههههههههههه والله اعلم


استمتعت يا لوبا اجابتك كانت حلللللوه ربي يحفضك






هههههههههههههههههههههههههههههههه
ههههههههههههههههههههههههههههههه
هههههههههههههههه
يعطيك السلامه وخلاص وربي يعين البنات منك
نص الشامية اه هادا انحبه من وين اني صغيره نفضل فيها
علي التن والجبنه
يدكرك بأيام تفاترشي فيها والاكبر منك يعاركوا فيك
ويجروا وراك من المطبخ لوسط الحوش
ويلزوك بعدين لي اللايده ههههههه

لالالا بنت حواء نتخيل فيها عود معاها
مش حتي عادية ههههه سوري ياقلبي


صبورة انحس فيها شبعانه مرات توزع فيه اللي اطيب فيه هههههه

هيا علي منو الدور نبيه علي ميمي ياسوسو ابليز
حي كل فواصلها كيكات بس لازم تخبرينا شن نوع كيكة الصبح وهكدا
بنت حواء
12-19-2012, 01:42 PM
نحيفه

سويت نونا

وبنت حواء

ولوتي

نحيفه بنت حواء؟؟
بنت حواء سامحيني نتخيل فيك سميييييييييينه ههههههههههه والله اعلم









أحم أححححم نحن هنا يامصراتية كيف حالك؟ شنو قلتي؟ :o

ياحراااااااااام شن شفتيني ناكل؟ :eek:
اللطف حتى الركن اللي مشرفة عليه
لاهو معجنات ولاهو أكل دسم
كله سلطات وعصائر وشوربات
يعني قمة الرشااااااقة هههههههه

سلم لوبا الحبوبة تعرفني رشيقة لكن مش عود :rolleyes:
الترياق
03-18-2013, 04:09 AM
سويت نونة أنا أول الزعلانييييييييين جايبه كل الصور اليي تخصني ماعدا الأخيرة طبعاً,,شكلك شايفتيني في مكان لكن وين ياترى؟؟؟؟؟؟؟؟؟؟؟؟؟
موضوع حلو تسلمي..
1308
امة الله
04-14-2013, 12:23 AM
الموضوع محرج ولكن حلو
بنت حواء
03-28-2015, 11:04 AM
موضوع روووعة ياريت يرجع ينشط وترجع صاحبته (سويت نونا) ليها وحشة كبييييييييرة

http://t3.gstatic.com/images?q=tbn:ANd9GcQXD8WS7qF5n7rXi3sZKn0yZzIJDpXza tQcjzBW5NhDK58uWMSqgw

هذا الكرسي وياريت أول وحدة تخش الموضوع تقعمز عليه وتبدا تجاوب هههههه

وهذي الأسئلة متاع الموضوع

كرسي الأعتراف المطبخي
http://t1.gstatic.com/images?q=tbn:ANd9GcRRFTCmOdQAnXBwlfu2ToDP7NbdhQcmY TQz-8ekzEeJonljBWtm3sr6yA
عبارة عن اسئلة عن الاكل تطرح على:

العضوه...او المراقبة...او الاداريه

وسيتم اختيار المدعوات من قبلي
http://t2.gstatic.com/images?q=tbn:ANd9GcRxtTJXpeYjq8tmgNWtBFduVZtJFiCip Z2KAxRHV9v4_2dbBBLdZ_uZDw

الأســــــئـــــــلة :

1/ كـم وجبــة رئـيسية تأكلي بـاليـــــــوم

2/ هل تأكلي خـفايف بين الوجبــات

3/ تحبي تــحلي بـعد الأكل

4/أكله تحبـــيها

5/هـل تحـبي أكل البيــت أو أكل الـمــطاعم

6/عضـوة تتــمني تأكلي مــــــــــعه

7/هــل تــــــحبي الــطبـــــــخ؟؟ ومـــتى؟؟

8/هـل تــحبي تأكلي وحــدك أو مع جمـاعة؟؟ ولـماذا؟؟؟

9/تـحبي تأكلي بصــحن لوحدك؟؟

10 / أفضل مشروب عندك ساخن او بارد ؟و ما هو؟؟
http://t1.gstatic.com/images?q=tbn:ANd9GcTl0w_nHsJ7G6oTJrH5f5MVi5xoSzXBN 0s5byRI0_0yPZMOAqyo8whttp://t2.gstatic.com/images?q=tbn:ANd9GcSapSQpEn-g47RFMJRBuEJe3OhxfZZkGVj2HhG39bxgiqtfD4HXIA

11/لمن تتوقعي هذه الصفات من العضوات؟

في المنتدى

أكوله
http://t2.gstatic.com/images?q=tbn:ANd9GcTxzCYFuYXYrJJ7_XRv7vM6Hwr-umL3jLxbOlUHJk9Jo6gMMDBfBQ
شبعان
http://t2.gstatic.com/images?q=tbn:ANd9GcSd5cA4T1YnJ58pAFRpp4ajuNBGy1MEZ 2HTQDMlgMqJTCwQTOHS
سمينه
http://th25.photobucket.com/albums/c86/ladysirod/th_fatladyonscale.gif
نحيفه
http://t0.gstatic.com/images?q=tbn:ANd9GcRNGwhGu60QSk_YLxUuCQlwRWwAhzHSy UqdSsd2ZtN-EbmTy_0ZXg
اتمنى تعجبكم الفكرة انشوف الردود والحماس