عضوة جديدة وماتعرف شي

[ام عبسي]

اني عضوة جديدة وهذا حلم وتحقق
من كثر ماانحب هالمنتدى والاخت
زينب محمد اكثر
لاكن وبصراحة مانعرف شي عن الردود
او الكتابةو الارسال او تنزيل اوانشوف
الي كتبتا اوكيف انشارك
راني نكتب بالحظ يوصل اومايوصل
هلي كتبتا ليكن نقرا هلي في الشاشة
ونكتب ساعدوووووني

[مغتربة 7]

مرحبتين بيك وخيتي ام عبسي
حللتي اهلا ونزلتي سهلا
بين اخواتك وفي بيتك الثاني
ان شاء الله تفيدي وتستفيدي
وعادي حبيبتي ما تشيلي حمل شي الى ما تعرفيشي اسئلي عليه كلنا فى البداية ما نعرفوا شي
بالنسبة للرد على المواضيع ما تستخدميش صندوق الرد السريع لانه لا يشتغل
استخدمي خاصية الانتقال الى الوضع المتطور وتقدري تراسلي المراقبات واختك وحدة منهم لو عندك اي استفسار
نورتي حبيبة

[مغتربة 7]

حبيبة نبي انقولك ركن التصاميم وركن الدعم الفني راح يساعدوك اطلعي عليهم

[ام عبسي]

بارك الله فيك اختي المغتربة7
عالرد والاهتمام
وهادا اول شي نتعلمة منك وهو الرد ولكن كيف انراسلكن
وان شاء الله انفيدكن اول ما انتعلم
لأن عندي حاجات واجدة نبي انفيد
بيها غيري كيف ماأستفدت منكن
وبوركتي ع النصيحة

[مغتربة 7]

الله يسلمك يارب واحنا فى انتظارك على احر من جمر

ماشاء الله عليك سريعة الانتباه

حبيبة لما تبي تبعتي رسالة على سبيل المثال لي انا تضغطي على اسمي يطلع مربع صغير جنبه فيه ارسل رسالة خاصة
او تدخلي على الملف الشخصي واديري ارسال رسالة

[أمـ ساره]

مرحبتين بيك وخيتي معانا نورتينا وشرفتينا بتسجيلك معانا

وما شاء الله الأخت مغتربة ما قصرت بارك الله فيها

ولو تبي أي شيء ادللي نحن بالخدمة

كلنا أول ما بدينا ما نعرفوا شيء ومع الوقت تعلمنا

ونستنوا في مشاركاتك ووصفاتك الحلوة

آنستينا وشرفتينا وخيتي

[الصابرة]

حللتي اهلا ونزلتي سهلا بيننا
انستي وخيتي
وماشاءالله وخيتي مغتربة وضحت ليك
ولاتترددي في اي سؤال
كلنا سئلنا حتى فهمنا
وننتظروا مشاركتك على احر من الجمر

[المصراتيه]

اهلا وسهلا بيك حبوبه
واي سؤال تفضلي

[barney]

مرحبتين بيك انستينا ونورتي منتدانا
اي سؤال كلنا في الخدمه ومغتربه كفت ووفت
بارك الله فيها وفيك

[بنت حواء]

http://im21.gulfup.com/2012-09-20/13481219566310.gif (http://www.gulfup.com/show/X35anklpkinwg8k)


http://im29.gulfup.com/2012-09-20/13481219895610.gif (http://www.gulfup.com/show/X9fvyrze6y50csw)


شرفتينا ياأم عبسي في المنتدى
وأهو بما أنك كتبتي المشاركة هذي يعني كويس
حتى أنا كنت زيك كتبت أول مشاركة بالحظ تمشي ولا ماتمشيش؟؟ :D
وزي ماقالت مغتربة 7 أسألي وماتتردديش في السؤال
ونحن في انتظار مشاركاتك بشوووووووووق

[luba]

اهلين بي ام عبسي يا مية مرحب بيك

نورتينا وشرفتينا بوجودك معانا كلنا كيف بعض وجينا وعلمونا اللي

قبلنا بارك الله فيهم كان تشوفي اول مشاركه ليا تضحكي لين تعيي

لانعرف نكتب علي الصور ولا انزل وحاله صارت فيا ومشكورات البنات الكل ماشاء الله عليهم

ومغتربه وحده منهم ربي يعطيها الصحة في انتظارك عزيزتنا ام عبسي

[ام عبسي]

شكرا اخواتي العزيزات علي ترحيبكن
الاكثر من رائع والله فرحانة بيكن وان شاء الله
انكون عند حسن ضنكن وامس من فرحتي بالاشتراك
والردود والترحيب قعدت نحلم بالمنتدى والجو الحلو معاكن:o

[نسيبة]

اهلا و سهلا بككككككككككك اختنا الكريمة ام عبسي


سعداء بانضمامك الينا انستي و نورتي حبوبة



http://im13.gulfup.com/KWNC10.gif (http://www.gulfup.com/show/AqY8P1)

[sweet nona]

اهلا ام عيسى نورتى بين اخواتك

وصدقتى انتى بين خواتك صح

أهلا وسهلا بيك واى سؤال اتفضلى بالشوي بالشوي

تو تتعلمى

نستنو مشاركاتك

و100 مرحبا