[الصورة النهائية لمسابقة الافطار الصباحي العائلي] من مطبخ لوبا

[luba]

السلام عليكم ورحمة الله

هدا فطورنا في (عطلة نهاية الاسبوع) الويك اند

دايما نفطروا متاخر علي 10 او ال11

http://www.libyan-kitchen.com/gallery/images/la683.jpg

يتكون الفطور من دحي بالطماطم والسردين

بطاطا مقلية

هريسة و خيار وزيتون

مربي وزبدة

شاهي وزبادي لي بنتي الصغيرة

و لحم السلطعون بالمايونيز ( هدا بديل للتن )

اما هو علي السفرة او تن

http://www.libyan-kitchen.com/gallery/images/la684.jpg


http://www.libyan-kitchen.com/gallery/images/la685.jpg

[om_adnan]

وعليك السلام لوبا.....فطور مقوم,ماشاء الله,كيف تشرى فى السلطعون,وكيف دحى بالسردينه؟؟,صحتين وعافيه.

[أمـ ساره]

ماشاء الله لوبا فطور مقوم ويقيم القلب

بالهني والعافية على قلوبكم

بس كيف دحي بالسردين نفس سؤال ام عدنان

تستاهلي أحلى تقيييم يا حلوة كان مشي معاي

[شروق الشمس]

ماشاء الله
فطور امقوم
صحتين عليكم
و ان شاء الله دائما ملتمين

[انوار]

سفرة تفتح النفس تسلم ايدك لووووووووووبا صحتين علي قلوبكم

واحلي تقيييييييييييييييييم لعيونك

[المصراتيه]

http://www.libyan-kitchen.com/gallery/images/la685.jpg

والله يا لوبا مزال مافطرت
ومعاش نقدر نفطر والسفره هدي قدامي
ماشاءالله لا قوه الا بالله
سفره تسههههههههف
يعطيك الصحه وتسلم يدياتك
تستاهلي احلي تقيــــــــــم

[luba]

اسعدني مروركم الكل يالغاليات وبارك الله في

كل من علق وقيم

الدحي بالسردين هههه عرفتكم في حد بيسأل لانه اول مرة انديرها

استعملت السردين المعلب وفي منه يكون معاه صالصة طماطم انا استعملت بدون

فجربت في جهة وحدة وقطعة صغيرة وطبعا حطيته فوق الدحي النيء

وهو نزل تحت واني ما نحركش في البيض طول بعد ينضج انحطه في الصحن

وجربناه وعجبنا هلبه وبدو يطلبوا فيه علي الفطور درته 3 مرات بعد هدي هههههه


ام عدنان السلطعون نشري فيه جاهز اني قاعدة في منطقة تصدر فيه

نشري فيه اما عيدان لحم الساق في باكوات لونها ابيض كرتون وهو طايب مش نئ

او مفتت زي مافي الصحن ويكون طايب من المصنع واني نضيف عليه المكونات

[بنت حواء]

http://www.libyan-kitchen.com/gallery/images/la683.jpg



ماشااااااااء الله فطور ولاأحلى يممممممممم
سلم يدياتك وصحة وهنا على قلوبكم
وأحلى نجوووووووووم لأحلى فطور

[ام ميرال]

تسلم الايادي فطور قنين
الف صحة وعافيه
ولك تقييمي

[مغتربة 7]

http://www.libyan-kitchen.com/gallery/images/la684.jpg

ياعيني على الروقان والتدليع هذه كلها ليا اني ههههههههههه

ماشاء الله فطور يحل النفس
صحتين على قلوبكم وتسلم ايدياتك
حتى اني اول مرة نعرفه الدحي بالسردين
احلى تقيييييم لعيونك

[luba]

بنت حواء اسعدني مرورك وربي يسلمك وصحيتي علي التقييم

ام ميرال وينك انستي ليك وحشة الله يسلمك عزيزتي و شكرا علي التقييم

مغتربة 7 تعيشي وتسمعي جربي ومش حتندمي ولو جزء من الطنجرة صحيتي علي التقييم

[barney]

http://www.libyan-kitchen.com/gallery/images/la685.jpg
يميييييييييييييييي
اصفيرة اتحل النفس سلم ايدياتك يا غاليه
اني مانيش ساءله ع دحي السرين لاني عرفت الاجابه
نبي نسأل ع الشنتروات جايبتيهم امعاك من ليبيا؟
وان شاء الله موفقه في المسابقه
احلى تقييم لعيونك

[ندوش 2]

صحةوهناء علي قلوبكم الحق فطور يشهي تسلم الايادي
الحق جوعتيني

[ميرولاكى]

ماشاء الله سفره متكامله وحلووووووووووه
سلم دياتك
وصحتين فطوركم

[luba]

http://www.libyan-kitchen.com/gallery/images/la685.jpg
يميييييييييييييييي
اصفيرة اتحل النفس سلم ايدياتك يا غاليه
اني مانيش ساءله ع دحي السرين لاني عرفت الاجابه
نبي نسأل ع الشنتروات جايبتيهم امعاك من ليبيا؟
وان شاء الله موفقه في المسابقه
احلى تقييم لعيونك


الله يسلمك ويهنيك ويفرحك باللي في خاطرك

الشنتروات من هنا من كندا من محل اسمه رفيس

ٌReff's وهو تحسيه زي محلات الباكستان وفيه كل شي

ماعدا الاكل

[ام هداية]

ما شاء الله لوبا فطور يفتح النفس صحة وتاكلوا بالهناء يسلم ايدياتك

[luba]

صحةوهناء علي قلوبكم الحق فطور يشهي تسلم الايادي
الحق جوعتيني







الله يسلمك لو بحداي اكيد اكيد نعزمك علي احلي منه

بارك الله فيك ندوش علي المرور

[luba]

ماشاء الله سفره متكامله وحلووووووووووه
سلم دياتك
وصحتين فطوركم


ربي يبارك فيك وصحيتي علي المرور وانت الاحلي يا ميرو

[حبيبتهم]

تسلم ايديك يا احلى لوبا
وصحتين عليكم
لك تقييمي

[مغتربة 7]

لولو اول مرة نسمع بيه المحل
بارك الله فيك حبيبة
جاري البحث

[نسيبة]

ما شاء الله لوبا صحيحة فطيركم غالية

ربي يدوم عليكم اللمة و الهني لك تقييمي

[luba]

ما شاء الله لوبا فطور يفتح النفس صحة وتاكلوا بالهناء يسلم ايدياتك





انستينا ونورتينا ليك وحشة هلبه الله يسلمك يام الغالية علينا

[luba]

تسلم ايديك يا احلى لوبا
وصحتين عليكم
لك تقييمي


الله يسلمك وصحيتي علي هالطله الحلوة والتقييم

[luba]

لولو اول مرة نسمع بيه المحل
بارك الله فيك حبيبة
جاري البحث


ممكن يكون فقط في نيوفلاند اند لابرادور nl

وفيك بارك الله

[luba]

ما شاء الله لوبا صحيحة فطيركم غالية

ربي يدوم عليكم اللمة و الهني لك تقييمي


الله يسلمك نسوبة ويدومها عليك وعلي كل المسلمين

وصحيتي علي التقييم

[sweet nona]

http://www.libyan-kitchen.com/gallery/images/la685.jpg

فطووور ايشبع معناها فى الويك اند تتغدو قريب الخمسة

تسلم ايديك الزبدة والمربى واحلى حاجة والدحى

والبنات سألو كل الاسئلة الى بنسألها وانى كفيتى ووفيتى هه

موفقة ..تقيييم

[luba]

http://www.libyan-kitchen.com/gallery/images/la685.jpg

فطووور ايشبع معناها فى الويك اند تتغدو قريب الخمسة

تسلم ايديك الزبدة والمربى واحلى حاجة والدحى

والبنات سألو كل الاسئلة الى بنسألها وانى كفيتى ووفيتى هه

موفقة ..تقيييم





اهلين بي سوسو العسولة

اني بي ويك اند او لا ديمة غداي متاخر

لانها وجبة وحدة في اليوم والعشاء خفيف

ومرات مافيش الا للصغار بس

صحيتي علي المرور والتقييم

[الصابرة]

ماشاءالله سفيرة تهبل
صحيحة حبيبة تتهنو بفطوركم يارب
والدحي بالسردين عجبني بنديره ان شاءالله
وتعرفي عجبوني هلبة طويسات الشاهي شكلهن
احلى تقييييييييييييييييييييم وان شاءالله يمشي