[استفسار] عن تنزيل صور للمواضيع

[ام عبسي]

السلام عليكم
نبي نعرف كيف انزل صور لموضوع صورته بالنقال او (الاي باد)على المنتدى
وسؤال عن كيفية الرد على الرسائل الخاصة
وكيف انحط الشعار اللي نبيه في نهاية الموضوع سامحوني كثرت من الاسئلة;)
وبارك الله في اللي ايجاوبني وحتى اللي ماجاوب

[luba]

كيف حالك ام عبسي

يالنسبة للمواضيع بعد اتصوري الصور وتحفظيها في الكمبيوتر

متاعك اتصغريها بحجم مناسب للمنتدي واحفظي تصغيرك كم الرقم المناسب

زي صور البنات في المنتدي والتصغير من برنامج الرسام او الفوتوسكيب

وبرنامج الفوتوسكيب تو نبعتلك رابطه علي الخاص فيه تنزيل البرنامج والشرح

لانه يصغر ويكتب الاسم و يعملك البرواز لي 50 صورة في مرة واحدة

تلقي الرابط في الرسايل الخاصة ليك اقري الموضوع متاع الشرح كويس وحاولي اطبقي

بعد تصغيرهم والكتابة عليهم

ترفعيهم علي مركز التحميل بعد اتسجلي فيه

هدا احد المراكز اللي البنات يرفعوا عليه ويرفع بي 10 صور مرة واحدة

http://www.gulfup.com/

وتكتبي موضوعك باختيار موضوع جديد موجودة في كل قسم اول ماتدخليله فوق علي ايديك اليمين



وبالنسبة للشعار

تدخلي لي لوحة التحكم متاعك

وتشوفي في القايمة علي ايديك اليمين تلقي تعديل توقيع

اديري نسخ للشعار تم تلصقيه في المربع اللي الفاضي وتحطي اي ششي

واقريه كله غادي مكتوب عربي تقدري تفهميه وتعرفي الخطوات تم اديري معاينه لي الصورة

تم اعتمدي الصورة موافق


الرسائل الخاصة

تضغطي علي اسم اللي بتبعتيلها الرساله

يطلع مربع مكتوب فيه الملف الشخصي والرسائل الخاصة ووووو

اختاري الرسائل واكتبي ماتريدي واكتبي عنوان الرساله وتحققي من الاسم المرسل اليها في الاعلي

في مستطيل تلقي اسمها مكتوب اللي تضغطي علي اسمها تلقائيا يكتب


وان شاء الله نكون افدتك واسالي اي سؤال لو ماداوبتك اني البنات الكل ماشاء الله يكفوا و يوفوا

[المصراتيه]

اهلين بام عيسي
ماشاءالله علي لوبا كفت ووفت بارك الله فيهـــــا
واي سؤال تفضلي وماتتحشميش واحني في الخدمه ان شاءالله
وان شاءالله انشوفو احلي مواضيع منك

[مغتربة 7]

وعليكم السلام

اتفضلي وخيتي خودي راحتك واسئلي فى اي وقت

الغالية لوبا ما قصرت
وهذا الموضوع يساعد فى رفق الصور فى المواضيع

http://www.libyan-kitchen.com/kitchen/showthread.php?715-%CF%D1%D3-%D8%D1%ED%DE%C9-%CA%D5%DB%ED%D1-%C7%E1%D5%E6%D1-%E6%C7%E1%DF%CA%C7%C8%C9-%DA%E1%ED%E5%C7-%E6%DA%E3%E1-%C7%D8%C7%D1-%E1%E5%C7-%C8%C8%D1%E4%C7%E3%CC-%C7%E1%D1%D3%C7%E3

[barney]

السلام عليكم ورحمة الله وبركاته
الاخوات كفوو و وفوو في الاجابات ماشاء الله عليهن
واني ما عنديش ما انزيدك لكن حبيت انزلك ممكن نفس اللي نزلنه الاخوات مش حاجه جديدة
لكن اني تعلمت منه وخزنته ولما نرسل انطلعه بيش نرسل منه
هذا الرابط مركز تحميل المنتدى
http://www.libyan-kitchen.com/gallery/ (http://www.libyan-kitchen.com/gallery/)
وشوفي الموضع هذا سوف تجدي به شرح مفصل بالصور كيف تحملي
http://www.libyan-kitchen.com/kitche...E6%C7%D6%ED%DA (http://www.libyan-kitchen.com/kitchen/showthread.php?447-%CF%D1%D3-%D8%D1%ED%DE%C9-%D1%DD%DA-%D5%E6%D1-%E6%C5%D1%DD%C7%DE%E5%C7-%C8%C7%E1%E3%E6%C7%D6%ED%DA)
وهذا فيه شرح لتصغير الصورة والكتابة عليها
http://www.libyan-kitchen.com/kitche...E1%D1%D3%C7%E3 (http://www.libyan-kitchen.com/kitchen/showthread.php?715-%CF%D1%D3-%D8%D1%ED%DE%C9-%CA%D5%DB%ED%D1-%C7%E1%D5%E6%D1-%E6%C7%E1%DF%CA%C7%C8%C9-%DA%E1%ED%E5%C7-%E6%DA%E3%E1-%C7%D8%C7%D1-%E1%E5%C7-%C8%C8%D1%E4%C7%E3%CC-%C7%E1%D1%D3%C7%E3)
واذا صعبت عليك حاجة ومافهمتيهاش ماتتردديش في الارسال لي ولا يهمك

[ام عبسي]

بارك الله فيكن
بصراحة كلكن ما قصرتن كفيتن ووفيتن
هكي الخوات والا بلاش
ويارب يجعللكن في كل فايدة في ها لمنتدى
حسنة

[الصابرة]

ماشاءالله جيت متاخرة
الوخيات ماقصرت وحدة فيهن
خلاص امنا ام عيسى انشوفوا مشاركاتك ان شاءالله قريب
وماتنسيش اسئلي ولا يهمك