[استفسار] الاجهزة الكهربائية من أمريكا هل تشتغل في ليبيا

[najat.moda]

السلام عليكم . كيفكم ياحلوين انشالله بخير. عندي سؤال بسيط. انا قاعدة في أمريكيا وحابة نشري اجهزة كهربائية وناخدها معايه لي ليبيا بس اللي خايفة منه انهم يشتغلو علي ضي 100 فولت ونحنا في ليبيا ضي 220فولت . سؤالي هل نقدر نستخدمهن في ليبيا عادي*

[أم عبدالرحمن]

تقدرى تستعمليهم بشرط تركبي محول طاقة يحول من 220 الى 110 ....
زمان كانت عندي عصارة برتقال تخدم على 110 ويومها كنت مستعجلة وسهيت فعلقتها على 220 بدول المحول..
طبعا انحرقت وتلوحت ...فلازم تركزي فى النقطة هذه

[najat.moda]

تسلمي يا ام عبد الرحمن جزاك الله خير بجد كنت خايفة بس طمنتيني

[luba]

اجابتي كيف اجابة ام عبد الرحمان بارك الله فيها

والمحول اللي خديته من اسواق المطار فيه 3 انواع من السبينه الليبية والبريطانية والامريكية

وين تبي نوع اضغطي علي البطمه تطلع السبينه والمحول يحول من 220 الي 110 والعكس

[الصابرة]

ماشاءالله الوخيات ماقصرن