[مشاركة في مسابقة الافطار الصباحي العائلي] فول مدمس من مطبخ أم ساره

[أمـ ساره]

http://i1263.photobucket.com/albums/ii635/jijiy1985/untitlkrk.gif





السلام عليكم ورحمة الله وبركاته


هذه طريقتة من طرقي في الفول المدمس واني نستخدم في الجاهز بصراحة

لأني ما نعرف انديره في الحوش وياريت الي تعرف طريقته ما تحرمنا منها وتفيدنا بيها



المقادير


علبة فول مدمس

بصلة صغيرة مفرومة

ويفضل استخدام الطماطم الاخضر حوالي حبتين

بس ما كان متوفر عندي


التوابل حسب الرغبة

ملح

رشة فلفل أسود

ملعقة صغيرة كركم

2 ملعقة صغيرة كمون حوت

ملعقة طعام طماطم معجون (الحكة )

زيت زيتون


الطريقة


نضع الزيت في طاوة على النار ونضيف البصل المفروم وشوية ملح حتى يذبل البصل ويصفر لونه


http://i1159.photobucket.com/albums/p637/the_faithe/foull.gif



ثم نضيف له التوابل ونحمصها شوي مع البصل


http://i1159.photobucket.com/albums/p637/the_faithe/foull1.gif


http://i1159.photobucket.com/albums/p637/the_faithe/foull2.gif




وبعدها نضيف الطماطم لو كان متوفر واني اضفت الماء وخليته يغلي شوي حوالي 5 دقائق


http://i1159.photobucket.com/albums/p637/the_faithe/foull3.gif





ثم نضيف له علبة الفول ونخليها تغلي شوي حتى تتنكه بالتوابل وأيضا يتبخر الماء شوي



http://i1159.photobucket.com/albums/p637/the_faithe/foull4.gif


http://i1159.photobucket.com/albums/p637/the_faithe/foull5.gif





ثم نهرسها بالشوكة أو ممكن في ست البيت لو حبيتي بس الهرس باليد أفضل بصراحة



http://i1159.photobucket.com/albums/p637/the_faithe/foull6.gif



http://i1159.photobucket.com/albums/p637/the_faithe/foull7.gif




ثم توضع في صينية التقديم وتزين حسب الرغبة أو حتى تقدميها زي ما هي

وما تنسي رشة زيت الزيتون فوقها




http://i1159.photobucket.com/albums/p637/the_faithe/foull8.gif



http://i1159.photobucket.com/albums/p637/the_faithe/foull9.gif




وهذه مع سفرة الفطور


http://i1159.photobucket.com/albums/p637/the_faithe/foull10.gif



وجربوا كولوها مع الجبن الابيض أي نوع

اني خلطت معاها كيري وبصراحة اتهبل اتهبل



وطبعاً ممكن تقدم حتى في العشاء وهذا حسب الذوق



وان شاء الله تعجبكم طريقتي وخلينا نشوفوا ابداعاتكم في الافطار يا حلوات

[حبيبتهم]

ماشاء الله فول مدمس ياخذ العقل تسلم ايديك وصحتين عليكم ولك ولموضوعك احلي تقييم
علي فكرة طريقتي مختلفة علي طريقتك لو حصلت وقت انديره ونزلها

[luba]

ماشاء الله ام ساره يهبل وطريقتي تختلف عليك

بس منظره تحفة تحفة مش عادي بكل

اخ خاطري فيه ان شاء الله نلقاه وحنطبق طريقتك

عجبني شكلة وماتنسيش عصرة الليمون مع زيت الزيتون واو

لين حسيت بقشعريرة وين ندكر اليم هههه

اكيد لي التقييم

[المصراتيه]

http://i1159.photobucket.com/albums/p637/the_faithe/foull10.gif


لوبا غريبــــــه شكلك شبعانه ..صحتين
ماشاءالله علي فطور الامراء
انمووووووووووووت فيه وطريقتك تهبببببل ولكن راجلي ميحباش:eek:
حنجربها بادن الله وناكلها اني وبنوتي خخخ
يعطيك الصحه ويسلم يدياتك
وماشاءالله علي الجبنه بانواعها
تستاهلي احلي تقيــــم
وموفقه يارب

[barney]

http://i1159.photobucket.com/albums/p637/the_faithe/foull10.gif
ماشاء الله لا قوة الا بالله
تبارك الرحمن ع لمدمس اللي من ايدياتك
ان شاء الله بالتوفيق في المسابقه
لك تقييمي كان مشي

[أمـ ساره]

بارك الله فيكم على المرور الحلو وخياتي

وعلى ردودكم الأحلى والمشجعة

وياريت كل وحدة تنزل طريقتها خلي نستفيدوا




لوبا

لو كانك جنبي راهو نبعث لك صونية معتبرة

[أم عبدالرحمن]

يسلموووا هاليدين اللى يتقلوا بالذهب

اعصابي بازت عالاخر .... ربي يستر عالرجيم

طريقتى تختلف عليك شوية

فى ست البيت نضرب بصل وثومة وفلفل أخضر وطماطم أخضر

ونحطهم عالنار ونضيف ليهم ملح وكمون وفلفل اسود لعند ماتتسبك الصلصة على رأى اخواتنا المصريين

وبعدين نضيف عليهم الفول ونبدأ نهرس فيه بالشوكة بس أنا منهرسش فيه هلبا


وبعدين نضبف له شوية زيت زيتون وعصرة ليم ورشة كمون


بس مجربتاش قبل بالجبنة أكيد يكون طعمه الذ وألذ

[بنت حواء]

http://i1159.photobucket.com/albums/p637/the_faithe/foull9.gif



ماشاء الله فول يشههههههي
سلم يدياتك ياأم ساره
وصحة وهنا على اللي كلوه
ولك أحلى نجوووووووووم

[ميرولاكى]

ماشاء الله فووووووول ولا احلىىىىىىىىىىى
سلم دياتك وطريقتك حلوه وندير فيها مرات هكى
صحتين والف عافيه على قلوبكم

[الصابرة]

ماشاءالله
اكيد بنجربه لان طريقتي تختلف عليه هلبة
سلم دياتك ويعطيك الف عافية يارب