[ مشاركه لمسابقة الافطار الصباحى العائلى ] افطار صحى لبيبى عمر عامين من مطبخ ميرولاكى

[ميرولاكى]

بسم الله الرحمن الرحيم

هذا تجهيزى لفطور بنتى عمرها عامين فى الحضانه

http://www.libyan-kitchen.com/gallery/images/020qhq.jpg


http://www.libyan-kitchen.com/gallery/images/017lyl.jpg

بما انها بنتى الاولى وماعنديش الخبره الكافيه فجدول طعامها الاسبوعى كاتبه ليا طبيب متخصص

بالنسبه للثوابت كل يوم هى حصة الخبز والعصير والفاكهه واكيد طبعا الحليب بس لانها تشرب فيه قبل ماتمشى مافيش داعى ليه فى الحضانه

وبالنسبه للتغيرات اللى ممكن تتغير هى الحشوه اللى فى الخبز متلا يوم بالعسل يوم بالنوتيلا يوم بزيدة الفول السودانى او الزبده والمربى او نوعية الخبز نفسها متلا تستبدل بالبريوش او الكرواسان او الخبز العادى مع حشوة باى نوع جبن وتتعدد الافكار
بالنسبه للزبادى ممكن تغيرى فى النكهات بس اهم شى يكون الطبيعى الخالى من المواد الحافضه
والعصير كذلك محبب انه يكون المخصص للاطفال خاصة فى هذه الاعمار
وحصة الفواكه كل انواع الفاكه بس طبعا نختار للحضانه السهل فى النقل وهنا اخترت التفاح والعوينه وممكن حتى الموز والانواع التانيه خليها للبيت لما تكونى جنبه واهم شى التنويع للطفل
وان شاء الله نكون افدت الامهات اللى عندهم العمر هذا
واخيرااااااااااا ننصح كل الامهاااااااااات بالابتعاد تماما عن الشيبس والبرنجلز والحلوى اللى تحتوى مواد ملونه صناعيه وغيرها من المغريات اللى يحبها الاطفال لانها ضاره جدا جدا بالصحه
سلااااااااااااااااااااااااااااااام

[luba]

بارك الله فيك وربي يخليلك البنوته الحلوة وتتربي

في ظلكم ودلالكم

افطار وتقديم رائع ومعلومات مهمه ومفيدة

بالنسبه ليا بنتي عمرها عام و9 شهور

الحضانة في المدرسة تقعد غادي ساعتين ونصف الاكل منهم ممنوع حد يجيب من البيت

اكلهم بسكويت بالخضرة او الشعير والبقوليات يعني واتي معجونه فيه الخضروات

وزبادي و عصير او حليب و فواكه و جبنة مكعبات تشيدر اوموزيريلا

والاكبر في العمر 3 و 4 سنوات نفسهم ومرات يطيبوا الصغار بروحهم بيتزا او خبز

في الحضانه وياكلوه واستفدنا من معلوماتك بارك الله فيك

بس ليش رافعتيهم من غير تقطيع في حفاظات انت تقعدي معاها في الحضانه او لا

جاري التقييم

[ميرولاكى]

بالنسبه لحضنة بنتى 4 ساعات ووجبة الفطور عادى انت تختارى منك ولا منهم بس اهم شى تكون خاليه من الشيبس والحلوى والشوكلاته
وانا عندى وسواااااااس ماتضحكيش عليا نغسل كل شى ونغلفه ومنبه عليهم ادواتها الخاصه كل يوم تروحلى بيهم بش نغسلهم ونعقمهم بروحى مع العلم كل شى نضيف ومعقم والاهتمام ماشاء الله هنا وبالنسبه ليا لامانقعدش معاها لانى ندرس بس معاها الحاضنه تقطعلها الفواكه فى وقتهم هكى افضل خاصه التفاح والموز ينسود ومايتحملش وشكراااااااااااااااا لمشاركتك نورتينى وياريت الكل يشارك بفطور اطفاله عشان نستفيدو

[الصابرة]

ان شاءالله يارب يحفظلك بنيتك ويخليها ليك
و ان شاءالله ربي يعطيني اطفال ونستفيد منكم
لكن ماقدرتش مانخش وندعيلك ربي يحفظك لبنتك ويحفظها ليك
وكل ام ربي يحفظ ليها اصغارها يارب

[ميرولاكى]

نورتينى صبووووووووووووره
وياااااااااااااااااااارب يرزقك بالذريه الصالحه وتشاركينا فى افكارك المبدعه
نووووووووووورتى الموضوع كله

[أمـ ساره]

ما شاء الله فطور صحي وايهبل

بارك الله فيك على مشاركتك المميزة ميرولاكي

وربي يحفظ لك بنيتك ويفرحك بشوفتها عروووسة ياااااااااااارب

تستاهلي كل النجوم

[المصراتيه]

ماشاءالله فطور مشلش
يعطيك الصحه وربي يحفظلك بنوتك يارب
ويرزق كل انسان يارب

[ميرولاكى]

الله يبارك فيكن على هالمرور الحلوووووووووووووووو

[barney]

بارك الله فيك افدتيني حتى اني بنتي عمرها عامين و3 شهور لكن ماحطيتهاش في حضانه لان الحضانه تقبل من 3 سنوات الا اذا كنت تبي اتحطيها في الدي كير Day care لكن بصراحه كلنا الليبيين اللي في الولايه اللي اني فيها ما انحطوش في اصغارنا في الدي كير لانه مش صحي والاطفال ينقلوا المرض من بعضهم هذا غير الجراثيم اعزكم الله من القمل وووو المهم بنتي ماتاكلش في شيء بالنسبه للحليب بنتي كرهاتها من لما فطمتها عن المرضعه قبلت اشويا الفربي بعدين كرهاته مع اني انوعلها فيه والزبادي والجبنه ماتاكلش الا اللي بالفراوله ولما انوعلها فيهن ماتبيش تاكل وحتى هما معادش اتحبهن العصير نعطي فيها لكن دكتورة الاسنان قالتلي عطيها حاجه بسيطه لانه مش صحي للاسنان والسندوتشات لا تن ولا اي نوع لحم كبدة او مفروم او شاورما كلها مرفوضه البيض المربي حتى هما لا بالنسبه للنيوتيلا مانعطيش فيها الا ما نذر بالنسبه للعسل غالي عليها لكن ما اتحطيهليش في ساندوتش وبالنسبه للباطاطا المقليه ما اتحبهاش اتحب الزيتون واضعيفه بنتي انحطلها في صونيه فواكه امخلطه انقرضها مكعبات وانشكللها في كل الفواكه لكن تاكل في الفراوله فقط ؟؟؟؟ ماعرفتش شن انديرلها وبالنسبه للوجبات ما تاكلش الا المكرونه لمبكبكه هيا وخوها عمره عام و3 شهور مكرونه بس لكن نجبر فيهم ع الكسكسي او الرز او الرشدة او اي شيء وخطرها اتحب العصيدة وااااااااااااااجد هيا وخوها نفس الشيء في كل شيء
معليشي طولت لكن مليانه من بنتي ملقيتش لمن انهدرز واخيرا فشيت غللي منها هههههههههههههه
ان شاء الله ربي يرزقك يالصابرة وما يحرم حد من الذريه ياربي

[حبيبتهم]

ماشاء الله فطور بنتك مش عادي البنات متحشمات ماخدوش منه لكن اني عجبني بناخده http://www.libyan-kitchen.com/gallery/images/017lyl.jpg وصحتين عليها وربي يحفظهالك وتشوفيها عروس

ولك ولفطور بنتك احلى تقييم

[ميرولاكى]

نورتووووووووووووووووووونى بطلتكم الحلوووووووووووه
بارنى بنتك عكس بنتى تماما
بنتى تموووت فى كل مشتقات الالبان والفواكه كلها بجميع انواعها وحتى الخضروات
والوجبات الرئيسيه حتى هى تحب المكرونه (شكلهم الصغار كلهم يحبوها) وتحب حتى الكسكسو ومستحيل تذوق العصيده ابداااااااااااااااا
وبالنسبه للعصير اكيد لما يكون عصير عادى بالسكر يكون مش كويس للاسنان بس ماركة هيب كويسه وخاليه تماما من السكر وغيرها من ماركات الالطفال الخاليه من السكر ممكن تستخدميها لها حاولى تبتكريلها اشكال والوان جديده بالفواكه لحد ماتتقبل وجربى الكيوى يموتو فيه الاطفال ومفيد جدااااااااااا
وربى يحفضلك بنوتك ويخليها لك

[sweet nona]

تسلمى عالشرح والتوضيح والمشاركة الحلوة

مميزة دوما.. احلى تقييم

[نسمه ليبيه]

صحتين على بنتك ميولاكى وان شاء الله تشوفيها عروس

[أم عبادة الليبية]

عجبني هلبا فطور بنيتك , وفعلا صحي ومغذي ربي يحفظها , ويقر عينك بيها في الدنيا والآخرة .

[سنابل]

يعطيك ألف ألف عافيه وربي يحفظلك بنتك ويفرحك بيها

[ميرولاكى]

اسعدنى مروركن حبوبات

[لوتي]

جزاكي الله خيرا