المساعد الشخصي الرقمي

مشاهدة النسخة كاملة : [كبسة بلحم الخروف]من مطبخ Barney



barney
10-07-2012, 06:20 AM
http://www.libyan-kitchen.com/gallery/images/user37pic6.gif




http://files2.fatakat.com/2012/3/13321159511715.gif


كيف حالكم يا بنات

اليوم غداي كبسة بلحم الخروف ( وتقدري تستخدمي لحم دجاج لو اتحبي ) وحبيت انزلها في المنتدى

وان شاء الله تعجبكم وهذه طريقتي في الكبسه

اول حاجة نبدوا بالمقادير
http://www.libyan-kitchen.com/gallery/images/1hfh.jpg

عدد 3 بصلات متوسطة الحجم واني درت بصلتين لان البصل اللي عندي حجمه كبير + عدد 2 طماطم اخضر+ طاسة شاهي ماء كمكيال لاننا سنضيفوا الماء كلما اقتضت الحاجه + بهارات

اني استعملت هيل + قرفه صاحه يعني مش مرحيه + فلفل اكحل + كركم + فلفل احمر مسحون + ملح + قرنفل صاح + لحم خروف + وفلفل اخضر انسيت ما حطيتاش

وتقدري اضيفيلهم اي بهارات اتحبيها مثل ( اللومي العماني + ورق الغار +..... ) اني اقتصرت ع هذه النوعيه فقط لان زوجي ما ايحبش اي نوع اخر

الطريقة:/

ناخد طنجرة وانحط فيها تقريبا طاسة شاهي خفيف وربع زيت ع حسب اللحم لو فيه شحم اي دهون انت تقدري الكميه المناسبه والمفروض اتكون الكبسه امدهنه تطلع احلى ونضعها ع النار

http://www.libyan-kitchen.com/gallery/images/5sns.jpg

نقطع البصل شرائح

http://www.libyan-kitchen.com/gallery/images/3oco.jpg

وانحطه في الطنجرة على النار تعبني بخار الطنجرة ماخلانيش انصور اكويس

http://www.libyan-kitchen.com/gallery/images/6nfn.jpg

وانخليه لين يذبل وايصير لونه بني

http://www.libyan-kitchen.com/gallery/images/7jtj.jpg

سامحوني كنت مستعجله ما استنيتاش الى ان يصير بني

بعدين انضيف اللحم ونتركه حتى تجف ماؤه وبعدين انحط البهارات وانخليها اشويا عالنار بيش البهارات تعطي بنتها

http://www.libyan-kitchen.com/gallery/images/8ihi.jpg

http://www.libyan-kitchen.com/gallery/images/9xtx.jpg

ونقرض الطماطم الاخضر والفلفل الاخضر مكعبات اني استخدمت فلفل حلو

http://www.libyan-kitchen.com/gallery/images/4mem.jpg

وانضيفهم للطنجرة على النار

http://www.libyan-kitchen.com/gallery/images/10dtd.jpg

وانخليهم لين يذبلوا بعدين انضيف طاستين شاهي ( كوبين شاي) ماء فقط اني استخدمت طاسة شاهي خفيف وهذي صورة الطاسه اللي استخدمتها ردي بالك تستخدمي كوب كبير

http://www.libyan-kitchen.com/gallery/images/2dld.jpg

http://www.libyan-kitchen.com/gallery/images/11hsh.jpg

انتبهي ان الماء لا يغطي اللحم وانغطوا عالطنجرة وانخليها تغلي او تطبخ او تجلب هههههههههه والغاز عادي ما اتوطيش عليها خلي غازك نارة عاديه

في هذه الاثناء نجهز الرز

مقادير الرز :/

بصله متوسطة الحجم + رز + ماء ( الرز والماء نفس المكيال يعني كوب رز يساويها كوب ماء ) + ملح

نقطع البصله شرائح

http://www.libyan-kitchen.com/gallery/images/20beb.jpg

نضع البصل في طنجرة اخرى على النار بها زيت

http://www.libyan-kitchen.com/gallery/images/21eqe.jpg

ونتركها حتى يذبل البصل ويصبح لونه بني

http://www.libyan-kitchen.com/gallery/images/22yjy.jpg

ثم نضيف الرز اني مكيالي كان كوب فقط

http://www.libyan-kitchen.com/gallery/images/23hih.jpg

وانحرك الرز اشويا في الزيت ثم نضيف كوب الماء

http://www.libyan-kitchen.com/gallery/images/24jnj.jpg

وانخليه من غير غطاء حتى تنزح ماؤه ثم نغطيه ونخفض الغاز تحته

http://www.libyan-kitchen.com/gallery/images/30huh.jpg

طبعا اني مانبيش الرز ايطيب ميه في الميه نبيه نص اطياب يعني الحبه مش طايبه ان شاء الله فهمتوا عليا

http://www.libyan-kitchen.com/gallery/images/26oco.jpg

لما يوصل الرز الى نص اطياب انطفي من تحته وانحطه ع جنب لحين الاستخدام

وتوا نرجعوا للطنجرة الاولى

نلقوها نزحت انضيفلها طاسه وحدة فقط ماء نفس مكيال الطاسه الاولى

http://www.libyan-kitchen.com/gallery/images/12kfk.jpg

http://www.libyan-kitchen.com/gallery/images/2qzq.jpg

http://www.libyan-kitchen.com/gallery/images/13mfm.jpg

وطبعا مدة طهي الكبسه ع حسب اللحم وسرعة طهيه

نلمس اللحم اذا كان مستوي وامورة تمام خلاص معادش انضيف ماء ولو مازال لم يستوي بعد انضيف طاسه وحدة فقط ماء وكل مرة اضيفي ماء لو نزحت ولم يستوي اللحم

هنا اللحم مستوي وميه الميه لا نضيف ماء

http://www.libyan-kitchen.com/gallery/images/14mpm.jpg

شوفوا الطبيخه حمراء من غير طماطم حكه استخدمت فقط طماطم اخضر

ناخد الرز اللي عملناه نص استواء ( نص اطياب ) وانصبه على الطبيخه

http://www.libyan-kitchen.com/gallery/images/15xrx.jpg

وانحركه انخلطه مع الطبيخه ثم نغطيه ونخفض النار لاضعف درجه

وهنا استوى الرز واللحم مستوي

http://www.libyan-kitchen.com/gallery/images/16pwp.jpg

تعبني بخار الطنجرة

وهنا وضعته في صونية التقديم وزينته بالليمون والطماطم الاخضر و الفلفل الاخضر

http://www.libyan-kitchen.com/gallery/images/17txt.jpg

وهذه صورة اخرى كيف عادتي انكثر في الصور ههههههههههه

http://www.libyan-kitchen.com/gallery/images/18vzv.jpg

http://www.libyan-kitchen.com/gallery/images/19zez.jpg

ملاحظه.....

تقدري اتزينيه ( باللوز المقلي والزبيب والبصل المقلي وتقدري اتغيري لحم الخروف بلحم الدجاج ) هذه حاجه ترجعلك وكيف اتحبي

صدقوني ما ياخدش وقت منك والبنه اتهبل

واني لما انطيب الكبسه مانتحركش من جنب الطنجرة بيش ما ينحرق

ان شاء الله تنال اعجابكم

بالله عليكم قيموني ع قد تعبي

بارك الله فيكم

مغتربة 7
10-07-2012, 06:49 AM
http://www.libyan-kitchen.com/gallery/images/19zez.jpg


يسلالالالالالالام هذه حصتي اني والبنات الصونية كبيرة شكلها عزومة يابارني

ماشاء الله لاقوة الابالله
كبســـــــــــــة تهببببببل ومنظرها مش عادي
مبدعة يابارني ربي يعطيك الصحة
بس قوليلي نسحاب فى بهار خاص للكبسة
تسلم الايادي الى تلتف بالحرير
احلى تقيييييييييييم واحلى نجوووووووم

مغتربة 7
10-07-2012, 06:51 AM
خسارة ماباش يمشي التقيييم بس تم تقيييييم الموضوع ولي عودة لتقييمك ياعسل

الصابرة
10-07-2012, 06:57 AM
النجوووووووووووووووم هن الاولات عشان تعبك حسيت بيك والله
سلم دياتك كبسة روعة
واكيد ان شاءالله بنديرها
ربي يعطيك صحيحتك نحس في ريحتها وصلت لعندي
وخذيت صونيتي


http://www.libyan-kitchen.com/gallery/images/18vzv.jpg

barney
10-07-2012, 07:01 AM
بارك الله فيك يا مغتربه والله اسعدتيني بمرورك
وكلامك احلى واروع تقييم ونعتز بيه
ايه فيه بهارات خاصه للكبسه تلقيها في المحلات العربيه
لكن زوجي ما ايحبهنش
بارك الله فيك يا مغتربه

ام ميرال
10-07-2012, 10:44 AM
ماشاء الله تبارك الرحمن
طريقتك عجبتني جاري اللطش
ونتيجتها تهبل
تسلم ايديك ولك احلى تقييم

المصراتيه
10-07-2012, 11:02 AM
http://www.libyan-kitchen.com/gallery/images/17txt.jpg

غروبه وصبوره حتي اني بناكل معاكن وانتن تجرن عالصونيه لاتعزمن ولا شي
ماشاااااااااااااءالله لا قوه الا بالله
طريقتك مش عاديه وتم التقيــــــــم قبل الاكل وجاري التطبيق بادن الله
يعطيك الصحه وتسلم يدياتك
وان شاءالله ديما نشوفو مواضيعك الحلوه

luba
10-07-2012, 03:45 PM
روووووعه ماشاء الله يا بارني

طريقة ساهله وحلوة النتيجة

بارك الله فيك اللي شاركتينا بيها

جاري اللطش للتطبيق

زعمه تطلعلي هكي كيفك قولي يارب

وتم التقييم ليك وللموضوع قبل التعليق

بنت حواء
10-07-2012, 04:33 PM
http://www.libyan-kitchen.com/gallery/images/17txt.jpg


لا ماشاء الله هلبة تسدنا كلنا :p
سلم يدياتك كبسة تجنننننننننننن
وطريقة التقديم ولا أحلى
صحة وهنا على اللي كلوها
ولك 5 نجوووووووووووووم

حبيبتهم
10-07-2012, 05:42 PM
ماشاء الله كبسة روعة
تسلم ايديك يا بارني ولك ولموضوعك احلى تقييم

ميرولاكى
10-07-2012, 06:01 PM
ماشاء الله كبسه تهبلللللللللللل
نحبها واجد الكبسه وكل مره نفتح موقع خليجى وناخذ طريقة شكل
والصراحه بكل الطرق حلوووووووووووووووه
وجارى تطبيق طريقتك لان شكلها روووووووووووعه عجبتنى
سلم ديااااااااااااااااااتك الحلوووووووووووووات
صحتين والف عافيه

barney
10-07-2012, 09:47 PM
بارك الله فيكن ع المرور
واسعدني تواجدكم في متصفحي
اعزكن الله وجزاكن الجنه ع اسعاااااااااااادي

أمـ ساره
11-01-2012, 09:45 AM
http://www.libyan-kitchen.com/gallery/images/17txt.jpg


ماشاء الله لا قوة الا بالله

كبسة ترعش مش عادية وطريقتها روووعه

والله تجي في الخاطر يعطيك الهني وراحة البال

سلمت ايدياتك عليها وتستاهلي أحلى تقييييم انتي والموضوع

بنية بوها
11-03-2012, 04:35 PM
راااااااائع يسلموا ايدياتك وكبسه ولااحلى يسلموا ايدياتك واحلى تقييم

نسيبة
11-07-2012, 04:25 PM
ما شاء الله سلم ادياتك كبسة تجي في الخاطر ولعيونك احلى تقييييييييييييييم

ترهونيه حره
11-07-2012, 07:51 PM
تسلم الايادى كبسه شكلها حلو واكيد الطعمه احلى
لك تقييمى

نسمه ليبيه
11-07-2012, 08:33 PM
ماشاء الله عليك تستحق التقييم والتجربه

هل يمكن عملها بالارز المصرى القصير؟

دانية
11-08-2012, 01:50 PM
سلم ايديك اتهبل ..انا واخدة طريقتها من صديقتي عراقية تقريبا نفس الطريقة... شجعتيني اني انجربها

لوتي
11-24-2012, 10:12 PM
ماشاء الله لاقوة إلا بالله علي الكبسة الحلوة تسلم إيدك شرح واضح تستاهلي التقيييم ربي يحفظك ويعطيك الصحة