أطبـــــــــــــــــاق حرارية مش عارفة فيش نستخدمهم ...أرجو المساعدة

[safa]

السلام عليكم
قبل ايام قابلوني هدوما القوالب وعجبوني واجد ...لكني حرت فيش نستخدمهم

نعرف ان ممكن نستخدمه كقوالب للبودينغ بس للأسف ما عنديش طريقة بودنغ

فلو اي وحدة فيكم عندها افكار عنهم
تساعدني وإن شاء الله في ميزان حسناتها

وآهو تبادل أراء والكل يستفيد ان شاء الله

هدي صورتهم

http://www.libyan-kitchen.com/gallery/images/safatedy87.jpg

[IMG]http://www.libyan-kitchen.com/gallery/images/safatedy88.jpg[/ IMG]

[luba]

اهلين بيك تبيديهم بالهني شكلهم يهبلوا وسمحات من وين شريتيهم

اني نطيب فيهم في باي الفطيرة متاع التفاح او فطيرة الدجاج اي فطيرة حارة

او حلوة وتكون طرف لي كل شخص

تقدري اديري فيهم عجة فرن بس في اي استعمال قبل ديمة ادهنيهم زيت

اندير فيهم في دحي في الميكرويف بس غطيهم باي صحن عشان يبقي الميكروويف نظيف

اندير فيهم في كب البيض بالتوست

الفطيرة والكب منزله طرقهم هني بي القوالب الحرارية

تقدري اديري فيهم طاجين الباشاميل بالمفروم لي ام هداية

وكل واحد ياخد طاجينه

وكان تفكرت تاني تو نقولك

تتهني بيهم وتورينا حاجات حلوة فيهم

[رميساء]

السلام عليكم
ممكن كحارة معكرونة بالبشاميل أو لازانيا
والِحلوة تشيز كيك في الفرن
ماشاء الله مُرِحات في العزائم

[المصراتيه]

ماشاءالله
شكلهن يهبلللللن
نفس ماقالولك لوبا ورميساء
تجي فيها لازانيا او مكرونه الباشميل تهبل
واي كيكه تجي فيها وطاجين البطاطه
واي نوع فطاير او حتي فطيره نوتيلا ولا خبيزه حلو
تبيديهم بالهني ان شاءالله

[حبيبتهم]

ماشاء الله شكلهن حلو
شوفي موضوع سوفليه البيض لميرولاكي
استخدمت فيه نفس القوالب غير شكل دائري

تقدري اتديري فيهن فوندان الشكولاتة ( كيك ووسطه يكون شكولاتة )

تتهني بيهن وان شاء الله نشوفوا ابداعاتك بيهن

[الصابرة]

ماشاءالله يهبلوا
ياريت تقوليلي من وين واخذتيهم وبكم وجزاك الله كل خير

واني انزيد على كلام وخياتي
انك تقدري اديري فيه كيكات حجمها صغير بحيت الطاجين ينقسم على اثنين باي طريقةكيك تستعمليها غير ادهنيها بس
وهكذا يتحصل كل شخص على نصف قلب

[safa]

بارك الله فيكن وخياتي..لوبا ....حبيبتهم....المصراتية...رميساء.....الصابرة

أفــــــــكار فعلا أكثر من رائعة ....إستفدت منهم واجـــــــــــد

وما خاب ظني لما قلت مالي غير خواتي في منتدي المطبخ الليبي يساعدني بأفكاركن الرائعة فعلا

إن شاء الله رب ما يحــــــــــــــــــــــــرمني منكنم ومن صحبتكـــــــــــم أفكـــــــــــاركم

وردي علي أختي لوبا والصابرة شريتهم من محل في زليتن اسمه السندباد بتاع ماعين
والقالب ثمنه بدينـــــــــار..رخيصاااات;)

بس أكيد في منهم في كل مكــــــــــــان ...بس عندي طلب صغيرون يلي تعرف طريفة فوندون او بودينغ مضمونة تعطيهلي ليا واجد ندور عليها

سلمكن ونجيكن وإن شاء الله ما نفقدكن وإن شاء الله ربي يناولكن ما في بالكن....آمـــــــــــــين;)

[أمـ ساره]

ماشاء الله قوالب اتهبل وشكلها روووعه

تبيديهم بالهني ان شاء الله

وياريت نحصل زيهم عاجبني ولحد توا ما قابلوني

وربي يبارك فيهن وخياتي ما قصروا بالرد