[ سلاطة شهية ] من مطبخ للاهم

[للاهم]

http://www.libyan-kitchen.com/gallery/images/img766pfp.jpg


خير يا بنات كلكن
هي السلاطة حاجة عادية ومن اللي ما يعرف يدير سلاطة
بس تحتاج يكون شكلها منظم ومشهي
وطعمتها شهية
مش هي مفتتح الاكل؟
مش نحدروا بيها وجبة الغداء او العشاء؟
ونوازنو بيها حصتنا الغذائة اليومية اللي يحتاجها الجسم؟
ومش هي( بلّ الالب) = بلل القلب باللهجة الشامية علي راي جدة امي
مهمة السلاطة + السلطة بالنسبة لي
ومن احسن ما نتقن في مطبخي اعداد السلاطات باشكالها
وتزيينها
زمان قبل اغترابي خذيت فيها شوط كبير من التعلم والتجريب وتوجت بيها بوفيهات حفلاتنا العائلية ومناسبات الاصدقاء
ومع الوقت توا ننزل انواع اخرى اكثر شغل وتصوير
المهم سلاطة اليوم عادية
خس وطماطم وخيار وبصل احمر وكسبر مقرض و زيتون اسود
زيت زيتون وملح وخل وليمون وسماق ونعناع يابس محكوك
نقرض الخس متوسط ونخلطه بنص كمية الكسبر المقرض ونفرشه في الصحن
نقرض الطماطم شرائح رفيعة ونفرشها فوق الخس
نقرض الخيار شرائح رفيعة ونرتبه فوق الطماطم
ونقرض البصل شرائح رفيعة ونفركه بالملح وشوية من السماق والنعناع
ونزين بحبات الزيتزن الاسود المكرمش ( من قطفي وصنع ايديا)
بعدين نرش الملح والخل والليمون على الصحن بتوزيع عادل حول الصحن وحسب الذوق
انا نحب الخل والليمون زايدين
ونحب الزيت واجد بس توا نخفف فيه لظروف صحية
ونرش النعناع والسماق على وجه السلاطة
ونصب الزيت بالدور داير


http://www.libyan-kitchen.com/gallery/images/img7662cop.jpg



مرات - مش في هالمرة اللي صورتها - نفتح حكة سردينة او سمك مدخن وشوية كبّار ونحطهن مع السلاطة
مش عادية
صحية
مشبعة
وزهو للناظرين


صحتين مقدما

[أمـ ساره]

ماشاء الله لاقوة الا بالله

سليطة تهبل للاهم

سلمت ايدياتك وبالهني يارب

[طمطم]

ماشاء الله ... تسيّل اللعاب وخاصة الزيتون المكرمش ..يجنن ... أعطيني شوية للاهم... اني راهو مجنونة زيتون (نقولوله غامي) وكل أقاربنا يعرفوني... ليا حصة في فازو كل جيرانا....

زيدينا بالله سلطات
يسلمو يدياتك

على فكرة... طريقة تصويرك فنية ...مش عادية

[للاهم]

تسلمي ام سارة مشكورة خيتي

[للاهم]

طمطم وان اكثر هبال منك - نموت فيه
لو ريتيني وانا مدرسة سيارتي ونازلة نلم فيه من تحت شجر الزيتون اللي يزينوا بيه في الشوارع هنا ويخلوه يطيح محد يلمه
حرام النعمة
ماخليتها تمشي بلاش
جبت شكايري
وما عدلت علي حد جيت انا وصاحبتي (ل ي )اللي دارت السمان المشوي شوفيه في قسم الاطباق العربية
المهم لمينا واجد نين انقصمن ضهورنا ونحنا فاطسات علي روحنا من الضحك نقولوا اكيد اللي هالبين يبحتوا فينا حتى ان واحد كاوبوي جانا وقاللنا وروني كيف يندار
قلناله مغير راجي
كيف نبو نشرحولك توا
طير
وزيادة كاميرة البنك اللي في حديقته الزيتون تصور فينا
على الله ما ينسرق ويجيبونا من ياقاتنا ونطلعو ف النشرة
المهم كيف ما تعرفي رقدته ف الملح وما طولش لأنه هبرته واجدة وطايب عالاخر مفيهش مرورة واجد
وغسلته وولمعته بالزيت وشوية خل تحسبا للبكتيريا لو فيه هكي واللاهكي
وحطيته فازوات ووزعته عالاصحاب والاحباب
ولك فازو افتراضي وين ما كنتي

[زينب محمد]

ماشاء الله لا قوة إلا بالله

سلطة في منتهى الروعة

تستاهل التقييم

الله يسلم ايديك و عينيك و يديم عليك صحتك و عافيتك حبيبتي

صحتين و هناء على قلوبكم

ننتظر منك مزيدا من المشاركات و الموضوعات و التطبيقات

و لحفظ حقوقك اكتبي اسمك على الصور حبيبتي

دمت في حفظ الرحمن

[أم أيوب]

تسلم ايديك للاهم

مكوناتها بسيطة ومنظرها مرتب وحلو

[فضااوي]

سلطة روووووعه واجي في الخاطر

تسلم الايااادي يالغلا

[ليبيا قلبى]

اممممممممم
تسلم ايدك

[ام اسر]

تسلم ايدك يارب
ةماشاء الله الصوره طالعه اتهبل فنانه تسلمي يارب

[حنان]

ماشاء الله لاقوة الا بالله

[nadakaled]

تسلم ايديك

[نوارة ليبيا]

ماشاء الله تبارك الرحمن سلطه بجدروووعه ومشهية

ومنظرها ايهبل

وتستحق التقييم

[Om Saga]

إممممممممممممم عقلي الخضره والسلطه
أختى الأهم مشكوره وبوركتي
شكلها الصراحه حلو

[Om Amory]

يسلمو ايديك حبيبه

[للاهم]

شكرا زينب محمد
وزهورة الامورة
وفضاوي
وليبيا قلبي
وام اسيل واية والاء
مروركن اسعدني
نورتن صفحتي

[السمحة]

تسلم ايدك وصحيتى على التقديم الجميل
انتى شرقاوية من وين ؟
لهجتك اتقول انك شرقاوية

[الساجدة لله]

يسلمو ايديك حبيبتي الغالية

[kittygago]

يسلم ايدياتك يا حبوبة

[ام سريوات]

يسلمو يدياتك ياربى

[lolo1971]

تسلمي مشكورة

[أم ميوسة]

ما شاء الله تبارك الرحمن
ونستنوا باقي أنواع السلاطة اللي عندك لأن بجديات نحس فيها السلاطة طبق مظلوم يا ناري
رغم أنه افضل طبق
فيا ريتك تنصريه ههههه وتفيدينا بوصفات جديدة

[النطاحيه]

الله يعطيك الصحه ياغاليه

[للاهم]

سموحة راني بنغازية وشوية درناوية و dna مصراتية :)
ساجدة شكرا خيتي يا طيب المرور
اه يا كيكتي قوقو بطلت نجري ورا اكلاتك الشهية نكمل وحدة من هنا نلقاك منزلة الاخري ماشاءالله
ام سريوات جديدة! مرحبتين بيك آنستي المنتدى

[للاهم]

لولو شكرا ليك مرورك اسعدني
ام ميوسة ونحن لها - خلي بس تكمل هالسنة وانتن طيبات وسالمات وتوا ننشط ونزللكن كم سلاطة تبل القلب
النطاحية وانت اغلى طيب المرور خيتي

[بنية بوها]

يسلم ايداتك سلاطة تهبل

[guidona]

روعه يسلمو الايديات ياعسل

[نعومي نت]

بسم الله ما شاء الله يسلموا

[نسمه ليبيه]

فعلا زهو للناظرين

سلم ايديك

[ام ثواب]

سلم ايديك روعة يابنغازية ودرناوية ومصراتية ااااااااااااااااااااااااااااخخخخخخخخخخخخخخخخ لوريت حالهم

[أم إيناس3]

يسلموووووووووووووووو

[للاهم]

بنية بوها
guidona
نعومي نت
نسمة ليبية
ام ثواب
شكرا معلقاتي الرائعات

[للاهم]

ام ايناس 3
طيب المرور خيتي

[الصابرة]

تسلم ايديك

[luba]

تسلم الايادي

[نسيبة]

يسلمو ايديك حبيبه

[المصراتيه]

ماشاءالله
يعطيك الصحه وتسلم يدياتك
احلي تقيم تستاهليه

[خواطر حساسة]

شكلها ايسهف ان شاء الله انطبقها تسلم الايادي