[ عاداتي في العيد شاركونا عاداتكم ]

[الصابرة]

السلام عليكم

العيد طرق الباب وكلنا مستعدين له بفرحة عارمة
وتفكير في العصبان والشواء والسلاطات
ورغم تعبه له نكهة خاصة ونتظره من عام لعام

جايتكم وجايبة معاي ملف

مش كيف شويتي او كيف حشيتي
اللي نبوه تشاركينا بعاداتك في ايام العيد
من اول ماتفتحي عيونك لعند ماتضعي راسك على الوسادة
او عادات اهلك او عادات اهل زوجك او عادات مدينتك التي انتي منها

والغرض من هذا الملف معرفة عادات بلادنا عشان مانبقوش عايشين فيها
ومانعرفوا شئ عليها

ان كنتي من الغرب

http://2.bp.blogspot.com/-YPICENcjL-Y/T-Rnm385lkI/AAAAAAAAA2E/g2uwayXR4L4/s1600/p10102801.jpg


او الجنوب


http://www.qassimy.com/vb/upk/gabroun.jpg


او الشرق



​http://i3.makcdn.com/userFiles/s/a/salahabdelaziz/images/549image.jpeg


او الشمال

http://img39.picoodle.com/img/img39/9/9/12/f_surtbeachem_1fe5da9.jpg


فشاركينا وخيتي بعادات عيدك واذا في شئ جديد علينا
ياريت تتفضلي وتنزليه لينا بالصور في القسم المناسب له
مرات يومك يبدا بفطيرة او عجة او سفنزة بخميرة وتختميه
بمكبكة على فحيمة

http://farm3.static.flickr.com/2332/2389148363_5666884c8a.jpg


وفق للشروط التالية ....

1 / ان توضع المشاركة في صالون الضيافة
تحت عنوان [ عاداتي في العيد شاركونا عاداتكم ]

2 / اذا في صنف طعام او اكلة جديدة علينا
تنزليها في القسم الذي يناسبها بعنوان
[ عاداتي في العيد شاركونا عاداتكم ] اسم الطبخة......... من مطبخ .......

3 / ان تكون الكتابة واضحة ومنسقة و اذا وجد صور
يكتب عليها اسمك واسم المطبخ الليبي


وكل عام وانتم بصحة وعافية يارب

[مغتربة 7]

ماشاء الله ملف رااااااااااائع
بارك الله فيك حبيبتي الصابرة
خاطري نعرف عادات المدن الى في بلادي الحبيبة
كلي شوق لمشاركات عضواتنا الغاليات من مختلف مناطق ليبيا الحبيبة
وكل عام والجميع بخير

[الصابرة]

اسعدني مرورك مغتربة 7 وان شاء الله نجدوا مشاركات وتفاعل

[ترهونيه حره]

فكره رااااائعه وان شاء الله
يكون فيه تفاعل من العضوات
مشكوررررره

[بنت حواء]

ماشاء الله فكرة حلوة
ان شاء الله يكون في مشاركات كثيرة
وربي يوفق

[أمـ ساره]

ماشاء الله على الفكرة الحلوة

فعلاً صبورة لكل منا عادات مختلفة في كل مدينة وكل بيت

وان شاء الله تكون فيه مشاركات معانا ونستفيدوا من بعض

هي حبوبات شاركونا ونورونا بعاداتكم


وكل عام والجميع بخير

[حبيبتهم]

تسلمي يا الصابرة عالفكرة الحلوة
وربي يبارك فيك وان شاء الله نشارك فيها

[المصراتيه]

فكره حلوه ورائعه جدا وان شاءالله حنشارك معاكم
بارك الله فيك صبوره

[الصابرة]

مشكورات وخياتي وبارك الله فيكن
وننتظر مشاركاتكم التي وبالتأكيد سوف تساهم في نجاح هذا الملف ويبقى لنا مرجع في عادات بلادنا

[sweet nona]

فكرة حلوة صبورة صح احنى ليبين ومن بلد واحدة

بس كل مدينة ليها عاداتها وكل حوش يختلف عن التانى وكل وحدة عندها طريقتها

فى االاعداد لمواسم العيد

كل عام والجميع بخير

انتظر المشاركات بشووووووق

[الصابرة]

حتى اني ننتظر في المشاركات بفارغ الصبر
لاني ديمة عندي حب معرفة لعادات عوائل او مدن بلادي
ان شاء الله يكون في مشاركات

[موودة]

ماشاء الله عالأفكار والمواضيع الحلوة

يارب ديما ملتمين على خير

انا اول عيد ليا مع زوجى وطبعا اكيد نفس الروتين بس برضو اكيد فيه اختلافات من بيت لــ بيت

وان شاء الله حــنشارك

[الساجدة لله]

الله قداش نموت في العادات والتقاليد متع العيد

وبااذن الله الواحد الاحد رح يكون ليا مشاركات نعرفكم على عادات وتقاليد اهلي حوش بوي الله يرحمه واهل زوجي

وبصراحة نموت في عادات وتقاليد حوش بوي اكتر لان هدا اللي ماشية بيه حتى في حوشي وربي مايقطع علينا عادة يارب

[luba]

خطيرة انت يا ام الافكار
ربي يعطيك الصحه علي الفكرة الحلوة
وممكن نشارك مش عارفه لانه اعيادنا بره علي حسب الجو
وفي الداخل قريب ننسي حتي شن داروا اخر عيد
وكل عام وانتم بخير
ونتمني نشوف مشاركات و من كل بستان زهرة

[الصابرة]

انتظر مشاركاتكن وخياتي
لوبا حتى ولو كنتي خارج ليبيا لازم تعرفينا على العادات اللي خذيتيها
من اهلك اول اهل راجلك وطبقتيها في عيد بالخارج

وان شاءالله كل عام والجميع بخير

[لوتي]

فكرة حلوة نتعرفوا أكتر علي بعضنا ونستفيدو من بعض بارك الله فيك

[الصابرة]

مشكورة لوتي
وننتظروا عادات اهلك حبيبة راك تعيدي وماتشاركيش

[ام مؤيد]

ما شاءف اللة عليك ىام الافكار يارب انشارك معك لان النت ضعيف

[الصابرة]

مشكورة اختي ام مؤيد
ونستنى مشاركتك