المساعد الشخصي الرقمي

مشاهدة النسخة كاملة : [عجانة مولينيكس] من مطبخ أمـ ساره



أمـ ساره
10-29-2012, 09:05 AM
السلام عليكم ورحمة الله وبركاته



حبيت نعرض لكم عجانتي ماركة مولينكس

اشتريتها في رمضان وبصراحة كان في بالي

ماركة كيتشن آيد

لكن للأسف ما حصلتها واني محتاجة لوحدة

في المطبخ ضروري

وما نكذب عليكم تفاجأت بالمولينكس وروعتها

وأيضاً لونها الحلو


http://i1159.photobucket.com/albums/p637/the_faithe/MOULINEX.gif



عجانتي كأي عجانة تجي معاها 3 قطع

للعجن والخلط والخفق


http://i1159.photobucket.com/albums/p637/the_faithe/MOULINEX5.gif




وسعتها 4 كيلو وله غطاء واقي

فيه فتحة تسكب منها السوائل والمكونات


وفيها 6 سرعات موضحة عليها الآلة نفسها


http://i1159.photobucket.com/albums/p637/the_faithe/MOULINEX1.gif




ومعاها أيضاً

خلاط الكأس

ومبشرة بـ 3 قطع

للجبن والخضار والمكسرات


http://i1159.photobucket.com/albums/p637/the_faithe/MOULINEX3.gif


http://i1159.photobucket.com/albums/p637/the_faithe/MOULINEX2.gif




الملحقات

ممكن اضافة مفرمة لحم

لكن نفضلها مثل ماهي حتى ما يكون الضغط على المحرك كبير

واشتريت مفرمة اللحم لوحدها وهي نفس الماركة

ان شاء الله انزلها في موضوع مستقل

وهذه صورها وقت العجن


http://i1159.photobucket.com/albums/p637/the_faithe/MOULINEX4.gif


http://i1159.photobucket.com/albums/p637/the_faithe/MOULINEX6.gif


ماشاء الله لاقوة الا بالله

والحلو واللميز ان لها وكيل في ليبيا

يعني قطع الغيار متوفرة ان شاء الله


ان شاء الله يكون الشرح واضح

وأي استفسار أنا حاضرة

المصراتيه
10-29-2012, 10:28 AM
ماشاءالله يا ام سرو تهببببببببببل
وعلي قولتك لونها حلو وانحس فيها من اهم الادوات في المطبخ
نبي نسالك بقداش شريتيها
وان شاءالله تبيديها بالهني وتوا انراجو في فرامه اللحم

sweet nona
10-29-2012, 01:26 PM
وااااااااااااااااااااااو

ام سرو ..انتى فى تقرى فى افكارى

امفكرة ناخدها توا قلت بعد العيد...لانى شفتها فى محل الغول الى فى بن عاشور كان تعرفيه؟

ومترددة انى وامى قلت كان نعرف وحدة واخدتها ونسألها عليها وتوا جت منك ههه

ماشالله شكلها حلوة..وانتى ماشاءالله ماخليتى اي سؤال فى خاطرى

تبيديها بالهنى وبالصحة عليك واول مانخدو العجانة حنزلها حتى انى

مشكوووورة واحلى تقيييم للموضوع الى جى كيف مانبى

بس انتى بكم خديتيها ومن وين؟؟

مغتربة 7
10-29-2012, 02:28 PM
ماشاء الله عجانة تهبل
ان شاء الله تبيديها بالهني يارب وان شاء الله بالزيادة
بالفعل مهمة جداً العجانة هذه خاصة فى رمضان
ولونها يجنن
موضوع يستحق التقييم

الصابرة
10-29-2012, 06:14 PM
ان شاء الله تبيديها بالهني يارب وان شاء الله بالزيادة
فعلا مش عادية ولونها يهبل
تبيديها بالهناء والصحة

أمـ ساره
10-30-2012, 09:43 PM
الله يسلمكن ويبارك فيكن حبوبات

عيونكن الحلوة والله

وشكراً لمروركن وتعطيركن صفحتي




سويت حبيبة

خذيتها من محل الخمس وهو وكيل لهذه الماركة

طبعاً هي تختلف حسب الحجم والمحلقات

اني خذيتها في رمضان بين 450 و 500 تقريبا

نسيت بالضبط كم ان شاء الله نتأكد لك من راجلي ونرد عليك

luba
10-31-2012, 04:37 AM
روووووووووووووووووووعه ومش عادية
ديما حاجاتك يهبلوا يا ام ساره ماشاء الله عليك
طبعا فرحت بي مشاركتك قريب طرت لانه لوروحت حتي زيارة نبي نشريها
وعجبتني كلها علي بعض بعضها وسعرها كويس من شكلها تستاهله
وكنت الايام اللي فاتوا نسأل عليهم في قريبتي غادي لكن ماقالتلي علي هدي
بارك الله فيك وربي يسلمك
بس وين المحل يعني مكانه وين في مدينه الخمس ولو البنات
شافووه في طرابلس ياريت يخبرونا وين بالضبط
جاري التقييم

ام امير
10-31-2012, 08:03 PM
الف مبروك ام سارة تبيديها بالهنى وعقبالى قداش ليا نبى نشريها لكن ماسخرش ربى
قبل العيد لقيتها ب1200 وقالى راجلى ولا تحلمى بيها ههههههههههه وين 1200 هلبة
لكن متاعك معقولة 500 وان شاء الله بالزيادة

حبيبتهم
11-02-2012, 09:55 PM
ماشاء الله تتهني بيها يا ام سارة
اول مرة نشوفها عجانة المولينكس هذي ولونها روعة ايهبل

وتوا نراجوا في حاجات بيها وتبيديها بالهني

أمـ ساره
11-04-2012, 01:51 AM
الله يسلمكن ويبارك فيكن وخياتي

وربي يهنيكن يارب وتشروا خير منها



لوبا ان شاء الله نجيبلك مكان المحل وين بالضبط لأني ما نعرفها الخمس هلبة

وتقريبا في طرابلس فيه محل في شارع عمر المختار عنده منها الماركة هذه

ويجيب حتى في الكينوود لكن اني كنت محتاجة لعجانة وخذيت هذه

اسم المحل ما نعرفه لكن هو يجي على اليسار قبل فتحة الرشيد

وعنده هلبة حاجات نازكة وراقية بصراحة

ومن ضمن الماركات الي عنده بلاك اند ديكر حتى العجانة موجودة عنده

نسمه ليبيه
11-12-2012, 07:29 PM
الف الف مبروك مش خساره فيك وتتهنى فيها يارب

بنية بوها
11-15-2012, 10:51 PM
مبروك عليك العجانه وانا انحسها من الاشياء الضروريه بالدات هالوقت اختلف في كل شي
وماركه ملوينكس ممتازة اي وحده تاخدها وماتتردد لانها فرنساويه ودايما عندهم طروف غيار اهلي خبره في المولينكس امي من ايام التسعينات تستعمل فيها
وبارك الله فيك

بنت حواء
05-29-2013, 04:34 PM
ماشاء الله رووووعة وسعرها معقول
هبلتيني عليها بنشريها طول ههههههه
تسلمي ياحبوبة تبيديها بالهنا بارك الله فيك

أم عبادة الليبية
05-29-2013, 07:40 PM
فعلا حلوة هلبا وعجبتني هلبا تتهني بيها يارب .

أمـ ساره
06-23-2013, 02:59 AM
الله يسلمكن وخياتي ويبارك فيكن ويهنيكن يارب

وكل واحدة خاطرها في حاجة تشريها وتتهنى بيها يااااااااارب

فرحتوني بردودكن الحلوة يا حلوات

بنت أبوها
12-15-2013, 02:40 AM
مبروك عليك الفرن ان شاء الله تبيديه بالهن

سنابل
06-20-2014, 06:24 PM
ماشاء الله روووووعه وانا في بالي هالأيام بناخد وحده وبندير طله عالسنابل عشان بناخد حتى قلايه بصراحه يريحوا في الشغل في المطبخ وبصراحه سعرها معقول تتهني فيها حبيبتي