[مشاركة في مسابقة أطباقنا في عيد الأضحى] العصبان من مطبخ أمـ ساره

[أمـ ساره]

http://www.libyan-kitchen.com/gallery/images/pyppyp.gif


السلام عليكم ورحمة الله وبركاته


هذا العصبان ليه مدة طويلة بصراحة وما كتب ربي انزله

وتوا وقته في العيد

طبعاً درناه في بيت أهلي ويوم الي نديروا عصبان معناها زردة عندنا

يكون هو الغذاء بس ووممكن لو يفضل شوي من الحشو نطيبوه وناكلوه معاه



المقادير


بصل أخضر

معدنوس أخضر

شبت

حبق

كسبر أخضر

نعناع أخضر لو متوفر أو جاف

لحم خروف مقطع صغير نوعاً ما

( كبدة - قلب - رئة ) لو متوفرة وموجودة

قطعة شحم معتبرة مقطعة صغير


التوابل

ملح - فلفل أحمر - كركم (بزار) - قليل من القرفة - حرارات

طماطم معجون

زيت زيتون

أرز مغسول

وطبعا مصارين

وهنا فيه نوعين مصارين خروف وجمل

http://i1159.photobucket.com/albums/p637/the_faithe/ossban11.gif




الطريقة

بعد تنظيف المصارين وغسلها بالليم كويس تكون جاهزة


http://i1159.photobucket.com/albums/p637/the_faithe/ossban2.gif




نخلط مقادير الحشوة مع بعض ونضيف التوابل حسب الرغبة


http://i1159.photobucket.com/albums/p637/the_faithe/ossban.gif



ونبدأ في حشو المصارين

هي مدوا ايديكم يا حلوات وابدوا


http://i1159.photobucket.com/albums/p637/the_faithe/ossban3.gif




ونحطهم في الكسكاس طبعاً هنا حطنا مصارين الجمل تحت وفوقها الخروف

لأن الخروف ينضج بسرعه


http://i1159.photobucket.com/albums/p637/the_faithe/ossban4.gif


http://i1159.photobucket.com/albums/p637/the_faithe/ossban5.gif



وتكون طبعا طنجرة الماء على النار مع نصف ليمونة

ولزيادة النكهة ممكن اضيفي التوابل للماء


ونخليه فوق النار لحتى ينضج من ساعة الا ربع الى ساعة تقريباً


http://i1159.photobucket.com/albums/p637/the_faithe/ossban6.gif




ولمن يحبه محمر ممكن يوضع في الفرن تحت الشواية


وهي اتفضلوا


هنا حطيناه في السفرة حتى يبرد


http://i1159.photobucket.com/albums/p637/the_faithe/ossban7.gif


http://i1159.photobucket.com/albums/p637/the_faithe/ossban8-1.gif




وطبعا الصبر وينه لازم من الذوقة


http://i1159.photobucket.com/albums/p637/the_faithe/ossban8.gif


http://i1159.photobucket.com/albums/p637/the_faithe/ossban9.gif



http://i1159.photobucket.com/albums/p637/the_faithe/ossban10.gif




ملاحظة

طريقة التطيب فوق الكسكاس تحتاج لإضافة توابل أكثر شوي

من التطيب في المرقة





وان شاء الله يعجبكم عصبان بيت أهلي

وحلاوة العصبان في اللمة بصراحة



وكل عام وانتم بخير والعادين فايزين

[المصراتيه]

ماشاءالله لا قوه الا بالله
باهي الا اليوم درت عصبان كم هدا اشبح شن صار فيا توا
يعطيك الصحه وربي يدوم اللمه انتي واهلك يارب
وكل عام وانتم بخير
تم التقيـــــــــــم لاحلي عصيبين

[sweet nona]

مممممممممم

عصبانات يسهفو تسلم ايديك ام سرووو

وصح قطعة الشحم المعتبرة ههه تعطى بنة اكتر للحشو

وان شاءالله ديما بيتكم عامر

تم التقييم

[نسيبة]

http://up.3dlat.com/uploads/12887440867.gif

[الصابرة]

عصبانات يسهفو تسلم ايديك ام سارة
وربي يحفظلك لمتك باهلك يارب

[luba]

ماشاء الله ربي يدوم اللمه بخير وصحة
روووعه حاجه تخلي الواحد فاتح فمه
دكرتيني بجو اهلي
يهبل ايجنن ايمخول اعشقه عشقا
لدرجة حتي الرقيق جدا مانرمي فيه
ربي يعطيكم الكل الصحة وتسلم ايديكن يافالحات
تم التقييم للعيله الكل
وللموضوع

[دانية]

ايهبل العصبان .. سلم ايديك وان شاء ديما ملمومين زايدين مانكم ناقصين ..

[بنت حواء]

ماشاء الله عصبان يااااااااااااخذ العقل
وكميته ماشاء الله زردة حق ان شاء الله ديما ملتمين ومتونسين
سلم يدياتك وصحة وهنا على قلوبكم
ولك أحلى نجوووووووووووم

[luba]

للرفع