[ عاداتي في العيد شاركونا عاداتكم ] عيدنا الاضحي في الغربة من مغتربة 7

[مغتربة 7]

كل عام وأنتم بألف خير

نبدا معاكم بعاداتي فى العيد فى الغربة هيا الصراحة تختلف كل سنة حسب ظروفنا

انحاول اندير كل شي تعودت عليه فى بيت اهلي ولكن مرات الظروف فى الغربة ما تسمح

السنة هذه دبحنا والخروف جي ثاني يوم العيد

اول يوم مشي راجلي دبح وجابلي البطن متأخر نظفتها وحطيتها فى الفريز طبعا كنت تعباااانة لان اليوم كله كنا بره

واليوم الثاني جي اللحم درت شويات فى الصبح كبدة والحم فطرنا بيها وبعدين وطلعنا احنا والعائلات الليبية الى فى مدينتي ودرنا شويات فى الحديقة وكان يوم جميل جداً

الحمد لله الجو جي حلو والصغار انبسطوا

وهذه بعض الصور


هذا اللحم تبلته

http://www.libyan-kitchen.com/gallery/images/pa271865.jpg


http://www.libyan-kitchen.com/gallery/images/pa271874.jpg


http://www.libyan-kitchen.com/gallery/images/pa271883.jpg

وهذه الكبدة

http://www.libyan-kitchen.com/gallery/images/pa271893.jpg


http://www.libyan-kitchen.com/gallery/images/pa271892.jpg

واليوم الثالث سافرنا مدينة ثانية فى ملاهي انبسطوا الاطفال

واليوم الرابع درت قلاية وسلاطة مشوية وسلاطة ملونة ومحشي

http://www.libyan-kitchen.com/gallery/images/pa291945.jpg

http://www.libyan-kitchen.com/gallery/images/pa291948.jpg


http://www.libyan-kitchen.com/gallery/images/pa291949.jpg




ودرت شوية قديد وجاني يهبل الحمد لله

وفرحنا بالعيد ربي يدومه علينا اعوام واعوام
ويفرج على سوريا الحبيبة
ويولي علينا خيارنا

وهذا كان عيدنا السنة

[luba]

ماشاء الله
ربي يجعلها عليكم ديمة في هناء وسعادة
وكل عام وانتم طيبين وصحيحين
اجواء حلوة ورائعه ويتمني الواحد فيها بيناتكم
به منزلتيها هالسلاطة الملونه والا مش منزلتيها
وكان لا نبوها في موضوع بروحها ومن هدا كله اخترت هالسفرة
اللي تهبل

http://www.libyan-kitchen.com/gallery/images/pa291945.jpg
والتقييم ماباش لي الاسف

[دانية]

كـــــــــــــــــل عيد وانتو بألف خير ... السلاطات عجبني شكلهن مغري ....

ســـــــــــــــــــــــــــلم ايديك .... بصراااحة جوعتيني:p

[رميساء]

السلام عليكم
تقبل الله منا ومنكم
ماشاء الله على اللمة الحلوة مع العائلات الليبية
عجبني الشواء
وربي يُحفظلك الصغار
تم التقييم

[om_adnan]

كل العمر وانتى بخير وعافيه ياغاليه,ربى ايخليك لاسرتك ويعطيك الصحة ,بالنسبه لعيد فى الغربه مافيش احلى من كده.

[أمـ ساره]

ماشاء الله مغتربة عيد ايهبل

وشكله خفيف وحلو ورايق

نيالك حبيبة حتى وقت الطلوع ما فوتيه

ربي يهنيكم ويسعدكم يارب ويبارك في ايامكم

مشاركة مميزة وحلولة كعادتك غرووووبة الحلوة


ينعاد عليكم بالخير والصحة والعافية يارب

[حبيبتهم]

عيدكم مبارك وكل عام وانتم بخير والحمد لله كان عيدكم حلو ويومياتك واكلاتك حلوة يا حلوة تسلم ايديك وصحة عليكم ولك احلى تقييم

[نسمه ليبيه]

كل عام وانتوا بخير وينعاد عليكم بالصحه والعافيه

[المصراتيه]

هي هي انتي في ليبيا مش في الغربه شكلك
قديد وسلطات وشويات وزرادي وملااااااااااااهي
ماشاءالله عيد ولا احلي
باهي نراجي في صورت القديد ولا خايفه عليه من العين
عيد تهبل ربي يدوم عليك ان شاء الله
وان شاءالله كل عيد فرحانين وبطولت عمركم يارب

[الصابرة]

ماشاءالله غربوة
عيدكم حلو واحسن شئ استفدتي بيه كله طلعتي واستمتعتي بيه
ربي يدوم عليكم الفرحة يارب

[بنية بوها]

اوووووووه ماشاء الله كل عام وانتي بخير ليك وحشششششه كبيررررره واجواء العيد حلوه ورائعه ربي يدوم عليكم

[مغتربة 7]

اسعدني مروركن وخياتي
بارك الله فيكم على الكلام الحلو
ربي ما يحرمني منكم


ميمي اهو جبتلك صورة القديد



http://www.libyan-kitchen.com/gallery/images/pb021986.jpg



http://www.libyan-kitchen.com/gallery/images/pb0219krk.jpg

[الصابرة]

صحيحة ياغروبة
ربي يعطيك الصحة
لكن كيف حبيبة القديد لميمي بس
واحنا ماليناش فيه نصيب

[ام عبسي]

ماشاء الله ربي يسعدكم
ويدوم عليكم الفرح والهنا
وكل عام وانتم ملمومين
ع الخير

[sweet nona]

ماشالله عليكم مافاتكم حتى يوم

شكله فعلا عيد رايق الله يدومه يارب بالصحة والسلامة