[ عاداتنا في العيد] عادات العيد عند اهل زوجي حبيبتهم

[حبيبتهم]

السلام عليكم

كل عام وانتن بخير يا غاليات

اني بنكتب عاداتنا ولكن للاسف بدون صور
يوم العيد نسيت التصوير وتبوا الحق والا لا خفت على تليفوني و كاميرتي يتوسخوا ههههه


اول انوضوا بدري تقريبا الساعة 7 ونجهز روحي وولدي ونمشي لاهل زوجي
وزوجي يمشي لصلاة العيد
وتجي سلفتي

نعجنوا خبزة

بعد ايروحوا من صلاة العيد

يبدوا الذبح والسلخ تقريبا مع الساعة 9 ونصف

وونطيبوا الخبزة

نشووا الكبدة
ثم
وكل واحدة فينا تغسل دوارة خروفهم
وانديروا الغدي بازين

وبعد مانضموا البازين وحوسة غسل الدوارات كل واحدة فينا تمشي للحم

تقطيع وتقديد ونديروا شواء

وقبل كنا انديروا في العصبان اول يوم عشي لكن بطلنا لانهم ماعاد ياكلوا فيه يشبعوا من الشواء

بعد انكملوا كل شئ نمشوا انعيدوا على جدتهم ونروحوا بعد انروح في الليل ننشر القديد وثاني يوم نمشي لاهلي الصبح وامي اتدير الغذي عصبان

والعصبان متاع ضحيتي نديره امتى مايسخر ربي لتوا قاعدة مادرتاش لان زوجي مسافر


وكل عام وانتم بخير

[الصابرة]

ماشاءالله
ربي يدوم لمتكم يارب
جوكم حلو
ان شاءالله تتهنوا يارب وديمة ايامكم عيد ويجيبلك راجلك بخير يارب

[luba]

ماشاء الله اجواء حلوة
وخاصة الخبزة متاع البيت مع الشواء ياسلام

ربي يرد زوجك بالسلامه وتاكلي عصيبيناتك معاه

وكل عام وانت منورة وبخير

[نسيبة]

ما شاء الله عليم ربي يفرحكم و يؤنسكم ببعض وان اشاء الله ملمومين ربي يعطيك الصحة و يروح زوجك بالسلامة

[رميساء]

السلام عليكم
عيدك مبارك حبيبتهم تقبل الله منا ومنكم
بصراحة عجبتنى(وكل واحدة فينا تغسل دوارة خروفهم)
دوارة نسموا فيها الكرشة أو البطن
ربى يحفظكم جميعاً
جارى التقييم

[نسمه ليبيه]

كل عام وانتوا بخير ويرجعلك زوجك باسلامه

[مغتربة 7]

ماشاء الله حلو عيدكم وخيتي حبيبتهم
ربي يدوم عليكم اللمة والفرحة يارب
وان شاء الله راجلك يرجع بالسلامة وتاكلوا احلى عصبان
كل عام وانتم بالف خير

[حبيبتهم]

اهلا بكن اخواتي فرحتوني بمروركن ودعواتكن الحلوة
ربي مايحرمني منكن

[بنت حواء]

أهلا حبيبتنا
ماشاء الله عيدكم حلو والحوسة مرتبة
وحتى أنا عندي العصبان بعد العيد أحسن
لأن يوم العيد الواحد يشبع من الشواء والقلايات
صار خفتي موبايلك يتوسخ ههههههه
صح عندك حق وأصلا لما بتصوري بتلهي
والحوسة معادش تكمل
سلم يدياتك على المشاركة الحلوة
وكل عام وأنت بألف خير

[دانية]

ان شاء الله كل سنة وانت طيبة ... واجواءكم حلوة ربي يدوم المحبة

[أمـ ساره]

ماشاء الله حبيبتهم

عيدكم حلو وباين انه خفيف

ربي يرجع زوجك بالسلامة وتاكلوا أحلى عصبانات

كل عام وانتم بخير

[sweet nona]

ان شالله كل عام وانت بخير وديما ملتمين

مشكوووووووووووووورة

[هدى محمد]

ما شالله عليك وين هالتعب هدا
كله في يوم واحد انا مش شوري شي من لاخير