رميساء
11-03-2012, 04:16 PM
السلام عليكم ورحمة الله وبركاته
اولا نبدء يومنا بصلاة العيد ثم الوالد وأخواتي يعيدوا علي الأقارب بعد الصلاة
ثم يرجع أبي وأخواتي إلي البيت ونبذوا نتجمعوا علي ذبح الأضحية وديما او غالبا نتاخروا في ذبح الأضحية بحكم عمل الوالد او انه ديما يعيد علي الأهل والجيران قبل ان يذبح
وما نحكيلكمش الجيران باديين يشووا ويقلوا ونحن الخروف قاعد يصيح ونشموا في الشوي هههههههه
وبعدها يصير ذبح وسلخ الأضحية وتعليقها في الجنان
وهُنا يجئ دورنا انا نقلي وندير فطور العيد وهو عبارة عن قلاية ومشروب وشاهي وزيتون وخبزة
ولاحقا يجئ دور تنظيف الكرشة وتشويط الرأس علي المركاب وبعدها خوي والوالدة يقطع الرأس وبعدها يصلوا الظهر ومرات يقطعوا اللحم قبل او بعد العصر
وبعدها يتم تكيسه وجبات وجبات واللحم الكبير نكيسوا فيه للضيوف اللي يخشوا فجئة طبعا نقصد اللي يجوا بعد العيد بفترة
وبعد تنظيف لحم الرأس وتقطيعه يوضع في الفريز إلي بعد العيد ونديروا بيه وجبة عشاء
والكرشه الوالدة كانت تدير فيها ثاني يوم وبعد (الكناين)ما جونا بدت تدير في العصبان اول يوم وكنا قبل نتغدوا في بيت جدي رحمه الله بازين
وفي عائلات يديروا في بازين بالففاد (المعلاق) ههههههههه ونحن ما نغسلوش في اللحم المقطع وبالنسبة للقديد كنا ما نديروش فيه والآن نديروا فيه
وثاني يوم الوالده تدير القلايه وتضع بعض منها في سل النخله(فكرة)بدل الأعواد الخشبية وتُقدم للاقارب اللي جايين يعيدوا علينا
وتقبل الله منا ومنكم
http://www.libyan-kitchen.com/gallery/images/imagewrw.jpg
اولا نبدء يومنا بصلاة العيد ثم الوالد وأخواتي يعيدوا علي الأقارب بعد الصلاة
ثم يرجع أبي وأخواتي إلي البيت ونبذوا نتجمعوا علي ذبح الأضحية وديما او غالبا نتاخروا في ذبح الأضحية بحكم عمل الوالد او انه ديما يعيد علي الأهل والجيران قبل ان يذبح
وما نحكيلكمش الجيران باديين يشووا ويقلوا ونحن الخروف قاعد يصيح ونشموا في الشوي هههههههه
وبعدها يصير ذبح وسلخ الأضحية وتعليقها في الجنان
وهُنا يجئ دورنا انا نقلي وندير فطور العيد وهو عبارة عن قلاية ومشروب وشاهي وزيتون وخبزة
ولاحقا يجئ دور تنظيف الكرشة وتشويط الرأس علي المركاب وبعدها خوي والوالدة يقطع الرأس وبعدها يصلوا الظهر ومرات يقطعوا اللحم قبل او بعد العصر
وبعدها يتم تكيسه وجبات وجبات واللحم الكبير نكيسوا فيه للضيوف اللي يخشوا فجئة طبعا نقصد اللي يجوا بعد العيد بفترة
وبعد تنظيف لحم الرأس وتقطيعه يوضع في الفريز إلي بعد العيد ونديروا بيه وجبة عشاء
والكرشه الوالدة كانت تدير فيها ثاني يوم وبعد (الكناين)ما جونا بدت تدير في العصبان اول يوم وكنا قبل نتغدوا في بيت جدي رحمه الله بازين
وفي عائلات يديروا في بازين بالففاد (المعلاق) ههههههههه ونحن ما نغسلوش في اللحم المقطع وبالنسبة للقديد كنا ما نديروش فيه والآن نديروا فيه
وثاني يوم الوالده تدير القلايه وتضع بعض منها في سل النخله(فكرة)بدل الأعواد الخشبية وتُقدم للاقارب اللي جايين يعيدوا علينا
وتقبل الله منا ومنكم
http://www.libyan-kitchen.com/gallery/images/imagewrw.jpg