المساعد الشخصي الرقمي

مشاهدة النسخة كاملة : اطمئنى .....المايكروويف امن بأذن الله



نسمه ليبيه
11-03-2012, 08:43 PM
السلام عليكم ورحمة الله وبركاته

على قولة اللى قالوا (الكلام فيكن مش خساره) من مده وانا متمنيه نجيب مايكروويف لكن مرات نسمع انه مش صحى وغير امن فحاولت الابتعاد عنه لكن نشوف فيه عند الناس يسهل حاجات واجد وخاصة نحن الليبيات نتعبوا بصراحه فى المطبخ ومحتاجين اى شى يسهل علينا الوقفه ويوفر الوقت والجهد

ولما لقيت اغلب الناس جايبينه ومش مهتمين لمسالة التاثير متاعه درت جوله جوجليه(عالجوجل) والحمد لله اطمنت ولقيت ان الاشعاعات المنبعثه من المايكروويف زى اشعاعات الراديو وهى مختلفه تماما عن اشعة اكس واشعة جاما الضاره

وطبعا هو عكس الفرن يسخن الطعام من الداخل للخارج مش من الخارج للداخل والاشعه اللى خارجه منه تمتص من البخار قبل ان يفتح الفرن

وعند استخدامه تجنبى التسخين فى الاوانى البلاستيكيه والستيل والالومنيوم والمناسب له اوعية الفخار والصينى
اجهزة افران الميكروويف مصممة على ان تكون اشعة الميكرويف مركزة على الوعاء الداخلي للفرن والاشعة التي تنعكس يتم امتصاصها على الزجاج الداخلي للميكروويف وبالتالي لا تخرج ابدا من الجهاز وعند فتح باب الفرن يتوقف انتاج هذه الاشعة مباشرة

وعلى فكره حتى ساندوتش الجبنه فيه يهبببل
وعلى كل اللى بتشريه تشوف وتسال اخرى واللى عندها مايكروويف تحكيلنا عليه
والمايكروويف متاعى ماركة هومر زى اللى فى الصوره
http://www.hommerintl.com/images/products/11.9.18.jpg

الصابرة
11-03-2012, 08:52 PM
جزاك الله كل خير
حتى اني عندي نفس المايكروويف
وطمنتيني مع اني اخذة حذري لاني
وعلى حسب ماسمعت ان اكون بعيدة عليه عندما يكون يشتغل
لكن الان اقوم بشغلي عادي بارك الله فيك

مغتربة 7
11-03-2012, 09:27 PM
بارك الله فيك يانسومة

اني عندي لكن خزنته الصراحة ما نستخدمش فيه هلبة ما يعجبش فيا التسخين متعه
بس هو للمراة الى تشتغل يساعد واجد

حبيبتهم
11-03-2012, 10:51 PM
بارك الله فيك نسومة عالمعلومات الحلوة

اني من زمان نسمع في الكلام انه مضر ولكن بعد ماسمعت عدة برامج عليه وبحتت في النت لقيت انه مش مضر ان شاء الله ولكن مشكلتي معاه مازال لتوا نعرف انسخن ونفك الثلج بيه بس ولكن ماعرفتش باقي الحاجات

ميكروويفي بلاك اند ديكر نفس هذا تماما

http://t0.gstatic.com/images?q=tbn:ANd9GcSAlHcD_gmY50iYilv5Ud8vNMv8i_QWo u6XvMk26W4dS5whtlha9WMbBfc0

أمـ ساره
11-04-2012, 01:25 AM
بارك الله فيك نسومة على المعلومة الحلوة

بصراحة اني نستخدم فيه في التسخين مريح جداً

وفي التذويب حتى هو يساعد خاصة لما نكون مستعجلة

وضاربتها عرض الحائط التحذيرات المهم نبتعد عليه مسافة متر ونصف لما يشتغل



حتى اني ماركة هومر زيك


وربي يحفظنا ويحفظكم أجمعين يارب

luba
11-04-2012, 05:37 AM
بارك الله فيك بنات

الميكروويف لما تاخديه لازم تشوفي قداش وات

وحاجه تانية التسخين يا غي غي يجي مايعجبك لانه يجفف في الاكل
فغطيه بحافظة او مغطه بلاستيك وانت تسخني فيه

ويستعملوا فيه للبيض بس غطوا الصحن

والكب كيك ونزلت فيه موضوع كب كيك سريع في الميكروويف
ويجيك يهبل يهبل

وفي ناس ايطيبوا فيه حتي المفروم بس ماجربت

وانطيب فيه البطاطا وين نبيها مسلوقه او ماطابت والغدي طاب ههه

نسمه ليبيه
11-04-2012, 05:58 PM
حبيبتهم......طبعا حتى انا مازلت غير نسخن بس وحتى لو له استخدامات اخرى اعتقد ان افضل شي التسخين والراحه منه


ام ساره..... ان شاء الله التحذيرات ماتخافى منها




لوبا....:confused:وشن تديري بيها البطاطا المسلوقه؟

om_adnan
11-04-2012, 06:25 PM
وعليك السلام نسمة...الميكروويف منقذ فى التسخين وخصوصا فى المبوخ وانا نستعمل فيه هلبه وخصوصا لتحمير اللوز وهذا يعتمد على قوة الميكروويف انا نضعه فى صحن مسطح لمده ٣ دقائق مع التقليب كل دقيقة ويطلع مش عادى وكذلك لتحمير خبزة الفتوش لو محتاجه فرده وحده اسرع,لا افضل تسخين الخبز العادى الا حاجه بسيطه او لحم لوحده ,وطبعا استعماله المتكرر للفشار ,يفضل عدم تنفس البخار الخارج من الكيس,طرح لموضوع مفيد ,جزاك الله خيرا.

حبيبتهم
11-04-2012, 11:16 PM
مساء الخير

نسومة تفكرت بنقولك معلومة ردي بالك اتسخني في اي صحن مش من النوع اللي يستخدم في الميكرويف
وبالذات صحون الفخار لانها تتكسر وتبهدل الدنيا
والصحون اللي تكون حافتها ذهبية وكذلك ورق الالومنيوم لانها اتدير في شرارة نار في الميكروويف ومرات اتدير حريق بعيد عنا وعنكم

والبيض المسلوق حتى هو ينفجر في الميكرويف والسوائل حتى هي انتبهي لما تسخنيها

واني مشكلتي مش شنو بندير بيه غير التسخين مشكلتي كيف نستخدمه الازرار متاعه مكتوب عليها بطاطا ولحم وشوربة وبيتزا وحاجات اخرى توا نسيتها وماعرفتش شنو المقصود وفيه شواية ايضا ماعارفتش نستخدمها كتيب الاستعمال بالانجليزي واني الانجليزي مش اوي وماعنديش وسعة بال بيش نقراه بالشوية

نسمه ليبيه
11-12-2012, 07:25 PM
مشكوره حبيبتهم وان شاء الله وحده من الاخوات تكون عندها فكرة وتفيدنا

تعزيز
11-27-2012, 12:50 PM
ما شريتاش وعنديش ونعرفش كيف ممكن نستخدمة او فا نشتخدمة ومنكم نستفيد

تسلموووووووووووووووو

كلي امل
11-30-2012, 04:33 AM
والله يابنات اني سامعة دكتور في قناة هي للمراة العربية وقال ان الميكروويف من اخطر الاجهزة المستعملة ،، خطورتها مش عالشخص لان زي ماقالت وحدة من البنات اول ماتفتحي الباب تتوقف الموجات لكن الخطورة فالاكل اللي مرت فيه الموجات وانها سبب من اسباب السرطان عافانا الله واياكم لانها تاتر على مكونات الطعام ورب يحفظنا شر مافي الغيب
فياريت تنتبهوا وخلوا استعمالكم فيه للضرورة فقط عالاقل من باب الاحتياط وزي مايقولوا مافيش دخان من غير نار يعني لما فيه حد قال فيه خطر واخر قال مافيش معناها فيه "ان" في الموضوع

نسمه ليبيه
11-30-2012, 01:08 PM
مشكورات تعزيز وكلى امل على المرور