المساعد الشخصي الرقمي

مشاهدة النسخة كاملة : [ مشاركة في مسابقة أطباقنا في عيد الأضحى] الطرب من مطبخ الصابرة



الصابرة
11-04-2012, 03:17 AM
السلام عليكم

http://www.libyan-kitchen.com/gallery/images/untitled14.gif

طبعا هذه الوصفة لابد ان يكون اللحم خالي من الشحم

.... الطريقة ....

تؤخذ قطع هبر من اللحم وبدون شحم وتفرم


http://www.libyan-kitchen.com/gallery/images/132wxw.jpg

ثم نضيف بصل مفروم ناعم ومعدنوس مقع صغير

http://www.libyan-kitchen.com/gallery/images/133ulu.jpg

ثم نضيف البهارات ( فلفل اكحل / فلفل احمر بودر / حرارات / ملح )

http://www.libyan-kitchen.com/gallery/images/134zcz.jpg

تخلط المواد مع بعض

http://www.libyan-kitchen.com/gallery/images/135ydy.jpg

ثم يشكل اصابع مثل اصابع الكباب

http://www.libyan-kitchen.com/gallery/images/136xox.jpg


ثم نحضر قطعة من الشحم ( ستار او رداء )
وتقطع قطع مربعة ليلف بها اصبع الكباب


http://www.libyan-kitchen.com/gallery/images/137jnj.jpg





http://www.libyan-kitchen.com/gallery/images/138nmn.jpg

http://www.libyan-kitchen.com/gallery/images/139usu.jpg


ثم يدخل الثلاجة لمدة ساعة او اكثر


http://www.libyan-kitchen.com/gallery/images/140lgl.jpg

ثم نخرجه من الثلاجة ونغرز به الاسياخ

ملاحظة

اذا استخدمتي اسياخ خشب يجب ان تنقع في ماء لمدة نص ساعة


http://www.libyan-kitchen.com/gallery/images/141tzt.jpg


ثم يشوى على الشواية او على الفحم
وتوضع الجهة اللي من عندها الفتحة الى اسفل حتى تلتحم وتغلق نفسها وتترك لاتقلب في البداية
ثم تقلب ويجب ان تتحمر جيدا ليتقلص الدهن عليها


http://www.libyan-kitchen.com/gallery/images/142szs.jpg


ويقدم بالعافية وطبعا يؤكل ساخن
طبعا انا قدمته على خبز مصري


http://www.libyan-kitchen.com/gallery/images/143vsv.jpg



http://www.libyan-kitchen.com/gallery/images/144ofo.jpg


ورغم اني لا احب الشحم الا هذه الوصفة
فهي لذيذة ولاتشعري بقوة طعم الشحم


.... ملاحظات ....

يمكنك عمل هذه الطريقة في الفرن
1/ تستغني على الاسياخ
2/ تضعيه في طاجين وتغطيه بورق الالمونيوم
3/ وعند النضج ينزع الغطاء وسوف تجدين به ماء
يصفى ثم يترك ليتحمر

وبالهناء والعافية

luba
11-04-2012, 05:33 AM
روووووووووووووووووووووووووعه واول مرة نشوفها ونسمع بيها

ياريتك نزلتيها بكري خديت منها للعصبان شوية الستاره والباقي رميتها

يعطيك السلامه اني وانت

مشاركة مش عادية وجاري التقييم للموضوع

الصابرة
11-04-2012, 05:42 AM
مشكورة حبيبة
خسارة خيرها في غيرها
ان شاءالله مرة ثانية
وبارك الله فيك

بنت حواء
11-04-2012, 10:41 AM
http://www.libyan-kitchen.com/gallery/images/144ofo.jpg



ماشاء الله نموووووووت فيها الأكلة هذي لكن عمري مادرتها
وجاري التطبيق بإذن الله
سلم يدياتك وصحة وهنا
ولك أحلى نجوووووووووم

دانية
11-04-2012, 11:56 AM
تسلمي يالصابرة ديما مشاركاتك جديدة غير مكررة .... سلم ايديك شكلها مش عادي

أمـ ساره
11-04-2012, 01:22 PM
ماشاء الله لاقوة الا بالله

طريقة حلوة وأكيد لذيذة سلمت ايدياتك

شفتها مرة في التلفزيون وعجبتني

مبدعه كالعادة صبورة

تم التقييم لك وللموضوع

om_adnan
11-04-2012, 05:42 PM
وعليك السلام الصابرة....ما عندى ما انقول غير ما شاء الله, يمى يمى,فعلا الرداء يعطى نكهه مش عاديه,سلم إيديك.

نسمه ليبيه
11-04-2012, 06:07 PM
الله اكبر لاقوة الابالله يهبل اول مره نسمع بيها الاكله هذى وجارى التقييم ان شاء الله

الصابرة
11-04-2012, 08:32 PM
مشكورات وخياتي وبارك الله فيكن
واللي ماذاقهاش راحت عليه الحق مش عادية
واني حتى من غير العيد اندير فيها
لكن مش ديمة وهي في الاصل اكلة مصرية
اسعدني مروركن

حبيبتهم
11-04-2012, 11:31 PM
تسلم ايديك يا صبورة
تعرفي اني شايفتها قبل ايديروا فيها المصريين
كفته بالرداء ولكن مانقدرش انديرها لان زوجي مستحيل ياكلها لانه مايحبش يلقى حتى نتفة شحم في الاكل

ومتاكدة ان طعمتها تهبل
امي اتدير الردي تحشي فيه بحشوة العصبان وتلفه بالمصران الرقيق وتطيبه فيكوشة وتخليه يتحمر كويس يطلع حاجة مش عادية
ولك احلى نجمات بس لان التقييم مش حيمشي

رميساء
11-05-2012, 12:19 AM
السلام عليكم
ماشاء الله بجد رووووووعه
الوالدة إدير في الرداء بحشوة البراك وتضعه في الكسكاس
رائعة ياصابرة
جاري التقييم ممتازة

الصابرة
11-05-2012, 12:26 AM
مشكورات وخياتي وبارك الله فيكن
حتى اني نعرفها بتاعت حشو العصبان او البراك
اسعدني مروركن

موودة
11-05-2012, 10:25 AM
ماشاء الله صقع طريقة خطيرة وفتلكة غير عادية
صحة وهناء يارب

الصابرة
11-05-2012, 07:38 PM
الله يسلمك عروستنا
واسعدني مرورك

مغتربة 7
11-09-2012, 03:58 PM
تبارك الرحمن على ايدياتك
احلى تقييييييييييم لعيونك

الصابرة
11-09-2012, 09:42 PM
صحيتي وخيتي وبارك الله فيك

أم عدى
11-09-2012, 10:36 PM
ما شاء الله
تبارك الرحمن

تسلم الأيادى

المصراتيه
11-10-2012, 01:15 AM
لالالالالالالالا
تبي الحق هكي قتلتيني
ماشــــــــــاء الله لا قوه الا بالله
طريقه جديده وتهببببببببببل
اني نموت في الردي وخصوصا بطريقتك وعلي الفحم
روووووووعه
تسلم يدياتك ويعطيك الصحه وكل ماتتمني يارب
احلي تقيــــــــــم لاحلي طرب
بس نبي نسالك عليش اسمه طرب؟؟

الصابرة
11-10-2012, 02:38 AM
الله يسلمك ام عدي



المصراتية
سلامتك من المووووووووت
وفعلا على الفحم طعمته مش عادية
وخصوصا لما شحم الرداء يذوب معاش يقعد غير نكهته بس على اللحم
الله مانحكيلك بكل
ومشكورة على التقييم
وليش اسمه طرب عمري ماسئلت لكن هيا في الاصل اكلة مصرية ومن زمان نعرف اسمها هكي
بلكي يقولوا للرداء طرب

أم أيوب
11-15-2012, 02:23 AM
ماشاااااااااااااء الله تهبل غير عادية

أول مرة نشوفها ونسمع بيها

الرداء مانديروش فيه الا عصبان والحق هو عصبلنتي المفضلة

يسلمو يديك يا صابرة مميزة زي عادتك ربي يحفظك

الصابرة
11-18-2012, 07:31 AM
تعيشي وتسمعي ام ايوب
مشكورة حبيبة واسعدني مرورك
وحتى اني انحبها عصبانة الرداء لكن لما تقعد محمرة في الفرن او مقلية في الزيت يمي

المصراتيه
11-19-2012, 07:40 AM
تبي الحق والله كل يوم في ريقي
ابنهببببببببببببل خاطري فيه
ومن منظره وريته حتي لي راجلي
اه يا صبوره شن درتي فيا
غير امتي نروح لي ليبيا ونديره ونبعتللللللك منه هههه

زوبة الطيوبة الحبوبة
11-19-2012, 01:18 PM
مبدعة كالعادة أختي الصابرة ويسلم هالايديات
لكن الحق أنا مانحبش الشحم بكل بكل ومانقدرش نأكله لكن والله الفكرة مش عادية
وبدل الستار أو ( الرداء بالليبي ) مايلوحوه يستفيدوا منه في وصفة زي هاذي
يعطيك الصحة...

الصابرة
11-19-2012, 07:58 PM
المصراتية
الله غالب حبيبة مانكش قريبة لو في مصراتة لجاك لعندك
لكن ان شاءالله تجي ونديره لك انتي وراجلك في عزومة عندي
قديش عندي ميمي

زوبة الطيوبة الحبوبة
سلمك يارب ونجيك ويحفظك على ردودك الحلوة اللي اكيد زيك

ميرولاكى
11-19-2012, 08:08 PM
يعطيك الصحه الصراحه نبى انعلق انها اجمل اكله نزلت فى المنتدى كلــــــــــــــــــــه من يوم عرفته:o
ههههههههههههههه محد يزعل بس لانى نمووووووووووووووووووووووت فيها وماناكلش فيها الا لما نسافرو لمصر فى مطعم متخصص مشاوى وطرب الصراحه اكله من الخيال
وشكرااااااااااااااا على الطريقه لانى ماعمريش درتها فى الحوش
سلم ديااااااااااااااااااتك المميزات وماننحرمو من وصفاتك الرائعه
صحتين والف عافيه

الصابرة
11-23-2012, 03:49 AM
اخجلتيني ميرولاكي بكلامك الحلو
وفعلا هيا من حيث انها رائعة فهي رائعة وفعلا هي اكلة مصرية
مشكورة وبارك الله فيك على رفع المعنويات

لوتي
11-23-2012, 09:40 PM
ماشاء الله ياصابرة أكلة حلوة ومنظرها يشوف وأول مرة نعرف إسمها الطرب تستاهلي التقيييم علي الموضوع الحلو

ترهونيه حره
11-23-2012, 11:52 PM
تسلم الايادى احلى تقييم

الصابرة
11-24-2012, 01:47 AM
لوتي / ترهونية حرة

الله يسلمكن يارب ومايحرمني من طلتكم الحلوة على مواضيعي

خواطر حساسة
12-17-2012, 12:00 AM
تسلم ايديك
شكلهامشهي

نسيبة
12-19-2012, 08:14 PM
تسلم الايادي حبوبة صح الستارة نحبها في العصبان هلبا الحق مع اني منحبش الشحم بكل
لك احلى نجوم

الصابرة
12-23-2012, 05:04 PM
الله يسلمكن ويبارك فيكن يارب
اسعدني مروركن

بنت الاشراف
12-25-2012, 11:35 AM
ماشاء الله ابدعتى سلمت يداك لك تقييمى

الصابرة
12-26-2012, 01:38 PM
الله يسلمك ويبارك فيك يارب
مشكورة على التقييم

barney
10-04-2013, 02:57 AM
رووووووعه اتهبل المشكله وين نلقى اردي امتاع الشحم مايعطولناش فيه انحس فيك سهفتيني يمممممي اتهبل لك تقييمي

أم خديجه
10-04-2013, 05:01 AM
تسلم ايديك
مااحلي افكارك صبورة ربي يحفظك وينولك ما في بالك
روعه روعه
بارك الله فيك

الصابرة
10-05-2013, 02:17 AM
الله يسلمكن يارب
ويعطيكن ماتتمنن يارب


بارني والله مافيها كيف كنهدا بعتتلك واحد

luba
09-21-2014, 07:02 PM
للرفع