[ مشاركة في مسابقة أطباقنا في عيد الأضحى] العصبان من مطبخ لوبا

[luba]

http://www.libyan-kitchen.com/gallery/images/user37qcq.gif

السلام عليكم ورحمة الله

العصبــــــــــــــان



http://www.libyan-kitchen.com/gallery/images/la753.jpg




تنظيف الكرشة ( البطن ) والمصارين ( الامعاء )

خرط بالسكين و غسل بالصابون التايد والماء ومن تم الليم والخل والملح

ومن تم بالماء جيدا ونفصل البطن باعواد سل النخيل او اعواد الاسنان



http://www.libyan-kitchen.com/gallery/images/la746.jpg




الحشو :

2 بصله متوسطه مفرومه ناعم - 3 حبات طماطم اخضر مقطعه مربعات ونهرسها باليد
مع البصل

بطاطا مقطعه مكعبات حجم متوسط - كوب ارز مصري مغسول كويس

لحم وكبدة وقلب ورية وشحم من الرداء اللي تلف علي البطن والامعاء

مقطعه مكعبات صغيرة - كسبر مفروم مخلط بشوية معدنوس


2 ملعقة كبيرة هلبه طماطم حكه - ملعقة كبيرة فلفل احمر بودرة

ملعقة صغيرة بزار - ملعقة كبيرة ملح - ملعقة ونصف كبيرة نعناع مرحي

نصف ملعقة صغيرة فلفل اسود

نصف ملعقة كبيرة بهارات مشكله و

ملعقتين كبار كسبر مرحي لو مش متوفر عندك الاخضر


اكتر من نصف كوب زيت زيتون ونصب وخلاص ماعندي مقدار

هو كله ماعندي مقدار غير شديهلكم ليكم واني نعصر في راسي في المقادير


http://www.libyan-kitchen.com/gallery/images/la741.jpg




تم نضيف الاعشاب المتوفرة عندك بس اني افضل العصبان بالكسبر فقط



http://www.libyan-kitchen.com/gallery/images/la742.jpg



ونخلط كويس وتشوفي لو محتاج زيادة طماطم حكه او ملح
او زيت


http://www.libyan-kitchen.com/gallery/images/la745.jpg



نبدي بحشي البطن والمصارين

ونغلقهم بالسل او الخياطة او اعواد الاسنان

هنا استعملت السل اللي حضرهلي والدي ربي يمد في عمره بالصحة وجبتهم معاي


http://www.libyan-kitchen.com/gallery/images/la743.jpg




وبهدي الطريقة نحشي المصارين الرقيقه بالقمع وانت تحشي تحطي عنق القمع
وهو داخل فيه المصران بين داخل اضابعك زي مايمسكوا بعض الناس فس كاسات العصير بيش
مايهرب المصران وانت تضغطي


http://www.libyan-kitchen.com/gallery/images/la744.jpg



بعد نتم الحشي ويكون الكل مش معبي كويس
حتي الكرشه مانحبها يكون حجمها كبير ومعبية لين تبزع منها الحشو واني ناكلها

( ندير فيهم هرود صغيرة بالسله ) الكل البطن والمصارين


http://www.libyan-kitchen.com/gallery/images/la747.jpg



نحط الكرشه في مية سخونه علي النار فيها

طماطم حكة وزيت وملح وبزار وفلفل احمر بودرة


http://www.libyan-kitchen.com/gallery/images/la748.jpg



ونحط المصارين في الكسكاس فوق الطنجرة ونغطيهم
ونخليهم حوالي الساعه

http://www.libyan-kitchen.com/gallery/images/la749.jpg


بعد طاب نحطهم في سفرة حتي يبردوا

ومانحولش السل لين تبرد الكرشة شوية عشان ماتفتح معاك


http://www.libyan-kitchen.com/gallery/images/la750.jpg



وحطيت في مرقة الكرشة ( الطبيخة ) مكرونه وجت مكرونه جارية بالعصبان

وهيا تفضلوا وكل عام وانتن بخير



http://www.libyan-kitchen.com/gallery/images/la756.jpg



http://www.libyan-kitchen.com/gallery/images/la754.jpg


http://www.libyan-kitchen.com/gallery/images/la751.jpg


http://www.libyan-kitchen.com/gallery/images/la752.jpg


http://www.libyan-kitchen.com/gallery/images/la755.jpg

[دانية]

ماشاء الله شنو هالأبداع في الشرح والعرض واكيدة في الطعم .. مش عارفة عندي احساس انه حــــــــــــــــــــــار ... اممممممم ياسلام


http://www.libyan-kitchen.com/gallery/images/la756.jpg

[om_adnan]

وعليك السلام لوبا...ماشاء الله,غير المرقه بروحها اتسهف,فعلا ماقصرتى فى الشرح,سلم إيديك,صحتين وعافيه.

[نسمه ليبيه]

سلم ايدياتك كل وحده لها لمساتها الخاصه فى العصبان مية هنا

[بنت حواء]

http://www.libyan-kitchen.com/gallery/images/la751.jpg


سلمها يارب مكترة الصواني وحاسبتنا وأنا خذيت حصتي :p
ماشااااااااااء الله عصبان يجننننننننن والشرح وافي عيشتينا في الجو
قريب مديت يدي وبديت نخيط هههههههههه
سلم يدياتك يالوبا وصحة وهنا على قلوبكم
ولك أحلى نجووووووووووم

[luba]

دندونه اهلين بيك نورتي العصبان حار بس المكرونه مش حارة وديرتها كلها علي خاطر الصغار


ام عدنان ربي يسلمك علي المرور نور موضوعي

نسومه صح كلامك والمرة الجاية بنجرب لمسات البنات ان شاء الله
الا في القرفه مش حنجرب هههه منحبوهاش
الا في المسقي بس و نورتي يا قلبي


بنوته منورة بتعليقك السمح بارك الله فيك علي التقييم
صحة ماخديتي والمرة الجاية اناديك اتمدي ايدك معاي
ربي يناولك مافي بالك يارب

[أمـ ساره]

http://www.libyan-kitchen.com/gallery/images/la753.jpg





شنو هالرعايش يا لوبا خيرك عليا يا بنت

ماشاء الله لاقوة الا بالله

عصبان ايهبل ويجي في الخاطر والله

وخاصة المصارين الرقيقة مش عادية نحبها

أما الكرشة يقسموها البنات بالهني عليهم

ربي يبارك فيك وفي وقتك وجهدك ويعطيك ما تتمني

منظره ينادي تعالوا كولوني

تستاهلي التقيييم والنجوووووم كلهم

[الصابرة]

الله الله عصبان يسهف
وخصوصا الكرشة مع اني ماناكلش فيها
شكلها يهبل ومقطعتيها تقول بمسطرة
ماشاءالله تبارك الرحمن
صحيحة على من كلاه
ربي يبارك في طعامكم
احلى نجوووووووووووووم لو مشو

[حبيبتهم]

ماشاء الله عصبان روعة تسلم ايديك وربي يعطيك الصحة
نفس طريقتي تماما
وحصلت منك فكرة شنو اندير لولدي لما اندير عصبان لان هو مايحباش
وربي يخليك الوالد ويطول في عمره
تم التقييم

[رميساء]

السلام عليكم
عيدك مبارك
ماشاءالله عليك يالوبا
بالهناء والعافية عليكم العصبان
مشكورة جاري التقييم

[مغتربة 7]

http://www.libyan-kitchen.com/gallery/images/la751.jpg

هذه شوري اني بس يابنت حواء عقلي المصارين

يمييييييييييييييييييييييييييييييي
بسم الله ماشاء الله لاقوة الابالله
عصباااااان يهبل ويجوع وياخد العقل
تسلم الايادي الى تلتف بالحرير
وصحتين على قلوبكم
الى التقيييييييييييم طول

[موودة]

مع انى مانحبش العصبان ولا نحب انديره لكن ماشاء الله الله اكبر حاجة صح وتشوق وخصوصى النظافة والترتيب والنفس يفتح النفس
الف صحة ان شاء الله

[نسيبة]

ما شاء الله لولو بي يعطيك الصحة شرح وافي و كافي ان شا ء سفيرة عامرة وديما مجتمعين وملمومين
التقييم من عارفة للمرة الثانية مبا ش يمشي تستحقيه لك احلى نجوم

[sweet nona]

http://www.libyan-kitchen.com/gallery/images/la751.jpg

ممممممممممممممممممممممممم

منظر مغرى ويجوع فى هالليل ههه

واحلى حاجة البصل الحشى رغم انى ماناكلش فيه بس شكله طالع من ايديك حلووو

احلى تقييم للوبا الغالية لك وحشة

[luba]

http://www.libyan-kitchen.com/gallery/images/la753.jpg





شنو هالرعايش يا لوبا خيرك عليا يا بنت

ماشاء الله لاقوة الا بالله

عصبان ايهبل ويجي في الخاطر والله

وخاصة المصارين الرقيقة مش عادية نحبها

أما الكرشة يقسموها البنات بالهني عليهم

ربي يبارك فيك وفي وقتك وجهدك ويعطيك ما تتمني

منظره ينادي تعالوا كولوني

تستاهلي التقيييم والنجوووووم كلهم




بعيد السو عليك من الرعايش ام سريوه

وصحيتي علي الدعوات الحلوة والمهمه

الله لا يغيبك علينا

[luba]

الله الله عصبان يسهف
وخصوصا الكرشة مع اني ماناكلش فيها
شكلها يهبل ومقطعتيها تقول بمسطرة
ماشاءالله تبارك الرحمن
صحيحة على من كلاه
ربي يبارك في طعامكم
احلى نجوووووووووووووم لو مشو


الله يسلمك صبورة ويباركلكم حتي انت في الطعام والرزق

اللهم اجمعين

[luba]

ماشاء الله عصبان روعة تسلم ايديك وربي يعطيك الصحة
نفس طريقتي تماما
وحصلت منك فكرة شنو اندير لولدي لما اندير عصبان لان هو مايحباش
وربي يخليك الوالد ويطول في عمره
تم التقييم



صحيتي علي مرورك يا حبيبه اكيد زي بعض

من نفس المدرسه طالعات هههههههههههه

وصحيتي علي الدعوة الرااائعه ويخليلك الوالد والوالدة وعويلتك

[luba]

السلام عليكم
عيدك مبارك
ماشاءالله عليك يالوبا
بالهناء والعافية عليكم العصبان
مشكورة جاري التقييم




وعليك السلام

الله يهنيك ويعافيك وصحيتي علي المرور

[luba]

http://www.libyan-kitchen.com/gallery/images/la751.jpg

هذه شوري اني بس يابنت حواء عقلي المصارين

يمييييييييييييييييييييييييييييييي
بسم الله ماشاء الله لاقوة الابالله
عصباااااان يهبل ويجوع وياخد العقل
تسلم الايادي الى تلتف بالحرير
وصحتين على قلوبكم
الى التقيييييييييييم طول



نورتي الموضوع

صحيتي علي التقييم وكانك جارتي بادنه تعالي مايفوتك

[luba]

مع انى مانحبش العصبان ولا نحب انديره لكن ماشاء الله الله اكبر حاجة صح وتشوق وخصوصى النظافة والترتيب والنفس يفتح النفس
الف صحة ان شاء الله


شنو عروستنا مازال في العسل مافقتي بس ماتنسي العريس يحبه

علي قولك ربي يعينك ههههه

نور الموضوع يا حلوة

[luba]

ما شاء الله لولو بي يعطيك الصحة شرح وافي و كافي ان شا ء سفيرة عامرة وديما مجتمعين وملمومين
التقييم من عارفة للمرة الثانية مبا ش يمشي تستحقيه لك احلى نجوم


اهلين نسوبه صحيتي علي الدعوات ولك بالمتل

مايهم التقييم بقدر مرورك هنا وطلتك

[luba]

http://www.libyan-kitchen.com/gallery/images/la751.jpg

ممممممممممممممممممممممممم

منظر مغرى ويجوع فى هالليل ههه

واحلى حاجة البصل الحشى رغم انى ماناكلش فيه بس شكله طالع من ايديك حلووو

احلى تقييم للوبا الغالية لك وحشة




نورتي يا دلعنا وينك عاش من شافك

نورتي المنتدي والموضوع

واني نحبه المحشي بكل انواعه ا البدنجان

صحيتي علي التقييم

[المصراتيه]

بسم الله ماشاءالله لا قوه الا بالله
يالا الجمال والروووعه يعطيك الصحه يالبونه عصبان يهبل والمكرونه سهفتيني بيها اححححح شن بنقول
تسلم يدياااتك وان شاءالله نتلاقو وديريلي عصبان ومكرونه زي هديما بالزبط
لكي تقيمي كان مشي

[زوبة الطيوبة الحبوبة]

ماشاء الله شكله يسهف
يسلمووووووو ايديك

[luba]

امين امورة يارب غير نتلاقو اطلبي وادللي
الله يسلمك زوبة
اسعدني مروركم

[luba]

للرفع... كل عام وانتم بخير 2014