مشاهدة النسخة كاملة : [ فكرة لتقديم وتزيين العصيدة ] من مطبخ الصابرة
الصابرة
11-09-2012, 10:41 AM
السلام عليكم
http://www.libyan-kitchen.com/gallery/images/2fef.gif
اليوم جمعة درت الفطور عصيدة وبما اني عندي ضيوف
فحبيت انقدمها بطريقة حلوة وفي نفس الوقت تضيف طعمة حلوة
http://www.libyan-kitchen.com/gallery/images/file01lrl.jpg
طبعا قبل ماتبدي في العصيدة تكوني مجهزة مكسرات
محمصة ومرحية ويفضل تكون من المكسرات ذات النكهة القوية
مثل ( البندق / الكاكاوية / الجوز اللوز الخزايني )
بعد ان تشكلي العصيدة تعملي بها حفر على حسب ماتبي
زمان هلبة كنت اندير فيها بطاسة الشاهي اللي نعرفوها
لكن توا الحاجة ام الاختراع درتها بعلبة اعواد الاسنان تدهنيها
بزيت ثم تعملي بها الحفر وتحاولي تمليها بالمكسرات
ثم تزيينها بما ترغبي اني زينتها بالملعقة
طبعا غير الشكل والمكسرات تضيف طعمة على العصيدة مش عادية
http://www.libyan-kitchen.com/gallery/images/file01pip.jpg
هيا مدوا ايديكم ماتتحشموش
http://www.libyan-kitchen.com/gallery/images/file01wow.jpg
تعرفوا هذه الطريقة من زمان انديروا فيها وليا هلبة مادرتهاش
ومش عارفة شنو خطرها عليا اليوم
زينب محمد
11-09-2012, 11:36 AM
ماشاء الله عصيدة تسهف
الله يسلم ايديك ويعطيك الصحة والعافية حبيبتي
ممكن تزينيها بطريقة اسهل عن طريق استخدام قوالب السليكون التي على شكل وردة أو دوار الشمس
https://fbcdn-sphotos-e-a.akamaihd.net/hphotos-ak-ash3/560950_206100359503252_1541658162_n.jpg
https://fbcdn-sphotos-f-a.akamaihd.net/hphotos-ak-ash3/181123_250981078348513_1835700311_n.jpg
والقالب الكبير الفردي الذي بشكل هذه الوردة الصغيرة
https://fbcdn-sphotos-b-a.akamaihd.net/hphotos-ak-ash3/p206x206/536002_250939745019313_755138853_n.jpg
بان تحطي فيها العصيدة وتضغطيها حتى تأخذ شكل القالب ثم تقلبيها
ماشاااء الله عليك يا صابرة
كم احب ان اتابعك
انا دائما اتابعك بكل شغف
تعجبني
بارك الله فيك على النصائح والاضافات اختنا الغالية زينب
المصراتيه
11-09-2012, 12:46 PM
http://www.libyan-kitchen.com/gallery/images/file01wow.jpg
ماشاءالله لا قوه الا بالله
منظرها يسهــــــــف وفكرتها رووووووعه مش عاديه
جديده عليا وتستاهل احلي تقيـــــــــم
يعطيك الصحه وتسلم يدياتك
الصابرة
11-09-2012, 01:56 PM
مشكورات وخياتي
اختي زينب اسعدني مرورك والحمدلله انك صرتي احسن
وبالنسبة لفكرة القوالب فعلا فكرة رائعة
لكن خسارة لا املكهن ولكن اذا شريتهن اكيد حنديرها
اختي امال مشكورة على الكلام الرائع وافتقدت لكي كثيرا فلاتعاودي الغياب
اختي المصراتية اسعدني مرورك والحمدلله انك استفدتي من شئ جديد قدمته
وهذا يشجعني ويجعلني اجد في العطاء لمنتداي الغالي
ماشاء الله لاحول ولاقوة الا بالله
فكرة رااااائعه وجهد مميز في العطاء
حاجه نايس وسمحه وتو نجربها بعد نتعلم العصيدة
وبارك الله في زينب علي الاضافه الحلوة والرائعه
ويامرحب بيك نور المنتدي بطلتك واضافتك الحمد لله علي سلامتك
ومنكم نستفيد
وتم التقييم لصبورة ومشاركتها الحلوة
نسمه ليبيه
11-09-2012, 02:38 PM
مع انى نحب ان العصيده تتقدم بشكلها التقليدى بس اضافة المكسرات اكيد حتكون ليها طعمه رائعه
وحبيت فكرة زينب متاع قوالب السليكون ان شاء الله حنجربها مع اضافة المكسرات
حبيبتهم
11-09-2012, 09:19 PM
تسلم ايديك يا صبورة
ولك احلى تقييم
الصابرة
11-09-2012, 09:43 PM
لوبا / نسمة ليبية / حبيبتهم
بارك الله فيكن على الكلام الحو واللي مايطلع غير من ناس حلوة كيفكن
ربي مايحرمني منكن يارب
أم عدى
11-09-2012, 10:27 PM
شكرا
فكرة حلوة أضافة المكسرات
وأفكار التزين أن شاء الله حتطبق فى أول فرصة
الصابرة
11-10-2012, 02:41 AM
العفو ام عدي
واسعدني مرورك ولما تجربيها قوليلي شنو رايك
om_adnan
11-10-2012, 03:42 AM
وعليك السلام الصابره....ايه دى كله,بصراحه ابداع,المنظر مش عادى,عصيدة ملوك,صحة وهنا للى كلها.
نسيبة
11-10-2012, 01:20 PM
بارك الله فيككككككككككككككك و جزاك الجنة تقيييمي
ماشاء الله ياصابرة مميزة وتقديم رائع تسلم إيدك وعلى التقيييم على طووول
الصابرة
11-10-2012, 07:50 PM
مشكورات وخياتي وبارك الله فيكن يارب
معاش اطولي الغيبة ام عدنان اشتقنا لك والله
sweet nona
11-16-2012, 11:23 AM
تسلم ايديك عالطريقة والتزيين صبورة
واحلى تقييم لموضوعك وافكارك
والشكر لزينب زادت الموضوع افكار جديدة
الصابرة
11-18-2012, 06:46 AM
الله يسلمك سوسو وبارك الله فيك
الصابرة
11-23-2012, 03:48 AM
وفيك بارك الله
أمـ ساره
12-18-2012, 07:27 PM
ماشاء الله صبورة طريقة حلوة واتهبل
ربي يسلم ايدياتك ويبارك فيك
بس اني مستغربة من طعم الزبدة مع الرب
ان شاء الله نجرب فكرة المكسرات
تستاهلي التقييم لك وللموضوع الحلو
كنت نحساب روحي رادة عليك غريبة
الصابرة
12-23-2012, 05:06 PM
الله يسلمك ام سارة ويخليك
والمكسرات تعطي طعمة للعصيدة
بالنسبة لطعمة الرب مع الزبدة مافهمتش ليش مستغربة حبيبة
طعمتهن مش عادية اني حتى مرات نسيح زبدة ونحط عليها شوي رب ونغمس بالخبزة طعمى تهبل
تعرفي اندير فيها من عمري 11 سنة ولتو مازالت اندير فيها
الصابرة
01-05-2013, 05:12 AM
اسعدني مرورك
بنت حواء
01-17-2013, 05:58 PM
نسحاب روحي رديت على الموضوع ياحشمتي :o
سلم يدياتك ياصبورة على الفكرة الحلوة
نعرف من يدير في العصيدة ويحط عليها في بسيسة
لكن المكسرات هذي فكرة جديدة عليا وتجنننننننننن
تسلم يديك ولك أحلى نجوووووووم
الترياق
01-19-2013, 12:06 AM
ماشاء الله يا الصابرة الشكل و الفكرة روووووووووووووعة
المولد هذا عصيدتنا حتدير انقلاب في البيت و لكن الاجر
و مولد مبار1244ك للجميع
الصابرة
01-28-2013, 10:20 PM
بنت حواء
عليش حشمتك حبيبة امتى ماتنوري موضوعي باهي
تعرفي المكسرات زمان درناها في عصيدة خوي الصغير مواليد 2001
واضافة المكسرات مش عشان الشكل بس لكن حتى الطعمة بعد ماتخلط مع العصيدة مش عادية
حماة ام عبسي
عجبتني ادير انقلاب مشكورة وخيتي
بنت أبوها
02-11-2014, 04:57 PM
سلمك عصادة و المكسرات فكرة جديدة
دلوعة ماما
02-12-2014, 10:53 PM
تسلم الايادي
الصابرة
02-13-2014, 04:47 AM
الله يسلمك يارب ويحفظكن
Powered by vBulletin® Version 4.1.9 Copyright © 2024 vBulletin Solutions, Inc. All rights reserved, TranZ by Almuhajir