[ فكرة لتقديم البطاطا التي نزين بها الطعام ] من مطبخ الصابرة

[الصابرة]

http://www.libyan-kitchen.com/gallery/images/12121.gif


السلام عليكم

هذه الفكرة لما خطرت لي نفدتها مباشرة
وقعدت نضحك ونقول فعلا مفضاني
لكن اهو تغيير وعجبة راجلي قدام صحابة (يعني دارت جو)

الطريقة

تأخذي بطاطا تقشريها وتقطعيها دوائر ثم تأخذي
اي قطاعة حجمها صغير طبعا اني عندي النجمة
(توا اتقولوا خيرها الصابرة والنجوم هههه) لكن هيا التي املكها صغيرة الحجم


http://www.libyan-kitchen.com/gallery/images/253jvj.jpg


وهذا شكلها ثم نقليها ونصفيها على مناديل ورقية


http://www.libyan-kitchen.com/gallery/images/254pwp.jpg


http://www.libyan-kitchen.com/gallery/images/255plp.jpg


وهنا زينت بها مكرونة مبكبكة


http://www.libyan-kitchen.com/gallery/images/256xix.jpg

ملاحظة

طبعا البقاية التي تفضل من البطاطا تقطع قطع صغيرة
وتقلى ويستفاد بها ممكن عمل سندوتشات
اني راجلي كلاها في وقتها صحة عليه
اتمنى ان تنال اعجابكم

[حبيبتهم]

محلاها الفكرةيا صبورة

شنو رايك اندير بيها امبطن
تسلمي عالفكرة الحلوة و جاري التقييم

[نسمه ليبيه]

زعمه المكرونه كانت غداء والا عشاء

عارفه ليش نسال؟

لانها لوكانت غداء
معناها شفنا النجوم فى عز الظهر ههههههههه

يابنات شفنا نجوم الظهر اللى نسمعوا عليهن ورتهن لنا الصابره

والله انا مش غلطانه اللى سميتك ام الافكار
ولك تقييمى

[الصابرة]

محلاها الفكرةيا صبورة

شنو رايك اندير بيها امبطن
تسلمي عالفكرة الحلوة و جاري التقييم

الله يسلمك حبيبتهم
وفعلا فكرة حلوة توا انجربها في اقرب وقت
واذا جربتيها قبلي وريها ليا كيف طلعت معاك

[الصابرة]

زعمه المكرونه كانت غداء والا عشاء

عارفه ليش نسال؟

لانها لوكانت غداء
معناها شفنا النجوم فى عز الظهر ههههههههه

يابنات شفنا نجوم الظهر اللى نسمعوا عليهن ورتهن لنا الصابره

والله انا مش غلطانه اللى سميتك ام الافكار
ولك تقييمى


تسلمي نسومة ضحكتيني والله
بس خسارة عشاء كان امس
ومشكورة على التقييم
والافكار يطلعن من كثرة الفضوى

[ام ساره وعبدالعزيز]

ماشاء الله عليك عينى ماتضرك ياام الافكار

[الصابرة]

مشكورة ام سارة وعبد العزيز اسعدني مرورك

[مغتربة 7]

فكرة تجنن
ماشاء الله على ايدياتك المبدعة وأفكارك الرائعة
تستحقي عشرة نجوووووم

[الصابرة]

مشكورة غروبة والله انتي الاروع

[luba]

ماشاء الله فكرة مش عاديه

حبيت المكرونه بطلتها الجديده جاري التطبيق

طالعه وكانها عندها عيد المكرونه صحه ليك علي الافكار السمحه

ومنورة ديمه صبورة وصحتين علي اللي كلوها

[ترهونيه حره]

تسلم ايدك فكره حلوه ومنظرها احلى

[الصابرة]

الله يسلمكن وخياتي ومشكورات على التشجيع والكلام الرائع

[تعزيز]

جزاك الله كل خير على الفكرة الحلوة

[ام ليبيه حره]

فكرة روووووووووووووووووووووعة
بارك الله فيك

[الصابرة]

الله يسلمكن وخياتي ومشكورات على التشجيع والكلام الرائع

[بنت حواء]

http://www.libyan-kitchen.com/gallery/images/256xix.jpg


ياسلام ياسلاااااااااام ماشاء الله تبارك الرحمن
طبعا أنا مش على الفكرة بس سهفتني السفرة كلها
والله إلا ماشاء الله عليكم تاكلو في السلطات مع المكرونة
نحنا عندهم السلطات هذي مع الشواء بس هههههههه
تسلم يديك ياصبورة
وأحلى نجوووووووووم لأحلى نجوم :D

[لوتي]

فكرة حلوة منك ياصابرة وجديدة تسلم إيدك وبارك الله فيك تستحقي التقيييم

[الصابرة]

بنت حواء
اسعدني مرورك حبيبة ومقدمة السفرة تفضلي
عادي اني اي شئ انقدمه مع الاكل عمري ماتقيدت بكلمة هذي ماتجيش مع هذه الا في الحلو
وبعدين مخلل الطماطم لايقدم حبيبة مع المشاوي ممكن سطلة الفلفل اللي دايرتها تتقدم

لوتي
الله يسلمك ويعطيك الصحة

[محبة الكروشيه]

صحه صحه
فكرة حلوه اللي عنده وسعة بال :o

[مريومة]

فكره حلوة ماشاء الله على ابداعاتك

[أم عبادة الليبية]

حلوة حلوة وجديدة على الأقل بالنسبة ليا , ماشاء الله شن الأفكار الرهيبة هذه يا صبورة ,وين تلقي فيها, بإذن الله انجربها .

http://www.libyan-kitchen.com/gallery/images/256xix.jpg

[الصابرة]

تسلمي يارب
ونلقى فيهن من الكساد يا ام عبادة هذا الفاضي

[مصراتية بودرية]

صحة صحة وسلم ايدياتك ع هالافكار السمحة ...بنسئل ع السلاطة اللي مدايرتيها مع المكرونة لو سمحتي عطيني طريقتها جت ف الخاطر لو مااعندك مانع

[الصابرة]

الله يسلمك ويحفظك
اسمها سلاطة الفلفل
تاخذي فلفل اخضر حار وتشويه على الغاز واذا حابة تقدري تشوي معاه فلفل اخضر حلو
بعدها تقشريه
تاخذي طاجين تحطيه على النار وفيه زيت تاخذي طماطم اخضر مقشر ومقرض صغير تحطيه في الزيت وتحطي عليه بهارات ملح وفلفل اكحل بعدها يقطع الفلفل المشوي ويضاف فوق الطماطم ويقلب قليلا وينزل من على النار ويضاف لها زيتون شرائح وصحة وعافية

[نسيبة]

صحيحة و تسلم الايادي