[ أملي استمارتك بيدك ] [الأرشيف] - المطبخ الليبي لزينب محمد

مشاهدة النسخة كاملة : [ أملي استمارتك بيدك ]

sweet nona

11-16-2012, 10:48 PM

^___^السلام عليكم ورحمة الله وبركاته^___^

مرحبا شن أخباركم ..أموركم بخير ان شاء الله

كل الي مطلوب منكم تملو الاستمارة الاتية!!!!!!!!!!!!!!!!!!!!!
http://t0.gstatic.com/images?q=tbn:ANd9GcTqDkCd2dSoesy00LS96xFcvjdaBXkfW 5o_O3GUriLbujz11W5kUg

حتى نتعرفو على بعض اكثر..

1.مااهم شي في حياتك؟

2.هل انتى عاطفية زيادة عن اللزوم ؟

3.ماهي قناتك المفضلة ؟

4.اتحبي لما تزوجي مع اهل زوجك تسكني أو فى بيت بروحك؟

5.ماذا تعني لك كلمة احبك؟

6.اصعب شي مر عليك؟

7.اتحبى التغيييير؟

8.هوايتك شنو؟

http://t0.gstatic.com/images?q=tbn:ANd9GcQU-oYDoMbjUWS2Sjbn9rQRMyS6AzYgH5L1IXEtijpUHaK5U3sETQ

9.شن تقوولى للى خانك او باعك بعد حب شن ماكانت نوع علاقتكم او ذكر أو أنثى ؟

10.هل انتى غيورة على حببيبك او اى أحد تحبيه او تتعلقى بيه ولو كانت صديقتك ؟

11.هل كنت شطووورة ايام الدراسة أو كسلاااانة وماتحبى تقرى الا بالعصا ههههه؟

http://t0.gstatic.com/images?q=tbn:ANd9GcRRgSeP1KpdqAb0b-9zuYJzJFFnVbfa8ZX6oO1qpduWOvQKvHs32w

12. هل انتى رومانسية؟

http://www.mzaeen.net/albums/37/25.jpg

13.مارأيك بالزواج بعد الحب ناجح ام لا؟

14.المن مشتاقة اكثر شي؟

15.هل تحبى الهدايا المفاجئة أو فى المناسبات احلى ؟

http://t1.gstatic.com/images?q=tbn:ANd9GcTBKkP39gMaWcfVUjNjnlXeHi-D7_vJntKZHmdCrSsmEyFte619

16.اتحبى اتديري نيو لوك دائما أو لا؟

17. اتحبى الشخص المغرور أو العادي أو الدلوع ؟

18.اتشجعى العلاقة العاطفية ام لا؟

19>لما كنتى طفلة كنتى اتحبى امك او أبوك أو أى أحد من عيلتك يحكيلك حكاية؟
http://t2.gstatic.com/images?q=tbn:ANd9GcR9GJxnVjqeebOYQEa1lD6rVt7EgNszh 6hd2_PJ2WmL-rynQLUs
20.كل يوم اتعبى فى رصيد موبايلك أو يطول عندك؟

http://t2.gstatic.com/images?q=tbn:ANd9GcRBEQ-3AXv3_fN6F61PcrEg7eL6-xcyVx6CgimWaBnaoRVKtmUM

:cool::cool:ارجو الاجابة على جميع الاسئلة:cool::cool:

المصراتيه

11-17-2012, 02:05 AM

هههههههههههه

موضوع حلـــــــــــو ورائع ولي عوده ان شاءالله

تسلمي يا سويت علي كل مواضيعك ونشاطك الحلو

sweet nona

11-17-2012, 10:38 AM

هلا بميمى الغالية..

من ذوقك ياعسل بانتظارك

بس باقى البنات وينكم ماعجبكمش الموضوع

وووووووووووووين الردود

؟؟؟؟؟؟؟؟؟؟؟؟؟؟؟؟؟؟؟؟

انى حنبدا:

أهم حاجة فى حياتى:

صلاتى..عائلتى ..ومستقبلى بجميع جوانبه

عاطفية ايه..بس مش زيادة عاللزوم

معنديش هلبا علىtv

انحب الناس ادلعنى باسمى طبعا.. بس بالمنتدى

سوسو

بعد ايجى النصيب ونتزوج ان شالله وننخبط على

دماغى ههههههأكيد حوش بروحى

لآنه حتكون مملكتى الخاصة

كلمة أحبك تعنى الحب الصادق

بس احيانا التعبير بالمواقف ايكون أصدق

منهاأصعب شى مر عليا دموع أمى وأبي نضعف ونفشل

وتوا رقرقت عيونى بمجرد اجابتى على السؤال:(

أكييييييييد انحب التغييير ولو تغيير مكان

سرير فى غرفة او نقل تحفة من اليمين الى

اليسار يعكس على نفسيتى فمابالك فى شخصى

هوايتى الطبخ الانترنت الشوبينق القراءة

انقول لأى احد خان او باع

حسبى الله ونعم الوكيل

اغار على الناس الى أحبهم..أغار على الرجل الى

فى حياتى والدى العزيز..أحيانا ؟أكثر من أمى

وانقولها امشى شوفيه توا من يكلم وديما يطلع

مظلووووم مسكييين ههههههه

وا بصراحة ايام الدراسة احلى ايام عمرى

لانى كنت متفوقة وكنت كل سنة ندخل فى قائمة

المتميزين فى المدرسةبس نتذكر

زماااااااااااااان امى عطتنى طريحة وانى نقرا

الصف الرابع كان عندنا امتحان علوم ومن كتر

ماكنت قارية ومكملة امى كانت مش مصدقة انى

كملت بسرعة ولتوا مانسيتهاش لآنى كنت مظلومة

هههههههههههههههه الله يسامحك ياامى بس

هههه رومانسيتى خااااصة جدااااااا

أكيد الزواج عن حب حلو..وضرورى

بس من راى مافى قاعدة ثابتة فى نظرى

أشتاااااااااااق لآختى حبيبتى فى الغربة

لآ احب الهدايا من غير مناسبة

نيو لوك ضرورى لتغيرى من نفسك وتتألقى لآنه

الشكل مهمباش ماتحسيش بالملل والتذمر واتحسى

نفسك متجددة بس أكيد يبي جرأة بعض الالالالالالاحيان

ههه وخاصة فى الشعر هههه

انحب الشخص الواثق من نفسه وليس المغرور

وهادى أحيانا الناس لاتميزها من بعضها

العلاقة العاطفية اشجعها لو كانت على

صح

الحكايات انموت عليهم ولتوا كان نلقى أمى

تحضنى وتقولى هوها ياهوهاههههههههه

تذكروها

انعبى رصيدى مش يوميا

الحق بس اتجى اوقات نضطر كل يوم إن شالله

ايكون الموضوع عجبكم

وفى انتظار التفاعل من الكل

******************

المصراتيه

11-17-2012, 12:25 PM

ماشاءالله عليك يا سوسووووو
عجبتنيييييييي شخصيتك وفعلا باين عليك انك انسانه محبوبه وواتقه من نفسها
ووجعتيني ههههههههه زعم قاريه ولا غير تقولي لامك قاريه:mad: باهي زعمك قاعده تتفكري كم حصلتي درجه الامتحان ولا ماتبيش تقولي؟؟ اعترفي خخخخ ومن صف رابببببببببع ماشاءالله علي الداكره
واكيد مافيش اصعب من دموع الوالدين وان شاءالله ربي ديما يفرحك ويسعدك انتي واهلك
اعجبتني انك تغاري علي بوك ربي يحفظهلك ويطول في عمره
ان شاءالله ماتشتاقي لي غالي واختك ايام وتكون حداك ان شاءالله يارب
استمتعتتتتتتتتت في اجابتك كلها كانت صراحه وحلوه

المصراتيه

11-17-2012, 01:15 PM

وعليكم السلام ورحمه الله

نبدا بالاجابه
بسم الله
.
.
.
.
.
1.مااهم شي في حياتك؟
رضا ربي وولديا والتفوق في الحياه

2.هل انتى عاطفية زيادة عن اللزوم ؟
عاطفيه نعم ولكن مش زياده

3.ماهي قناتك المفضلة ؟
مافيش اي قناه ولكن احيانا نفضل mbc

4.اتحبي لما تزوجي مع اهل زوجك تسكني أو فى بيت بروحك؟
اكيد بروحي ولكن نفضل نكون قريبه منهم

5.ماذا تعني لك كلمة احبك؟
شي واجد

6.اصعب شي مر عليك؟
ايام الحرب واني بعيده عن اهلي ربي مايردهن ان شاءالله

7.اتحبى التغيييير؟
اكيد وواااجد ومن صغري نحب التغير في كل شي

8.هوايتك شنو؟
الرسم المعمــــاري والديكور والانترنت والرياضه نحبــــــــها
والمطبخخخخخ

9.شن تقوولى للى خانك او باعك بعد حب شن ماكانت نوع علاقتكم او ذكر أو أنثى ؟
امممم ماجربتش ولكن نقول ان شاءالله ربي ياخدلي حقي منهااا:p ويسامحها وتندم علي دارته وفي النهايه هيا الخسرانه هههه

10.هل انتى غيورة على حببيبك او اى أحد تحبيه او تتعلقى بيه ولو كانت صديقتك ؟
اكيــــــد علي زوجي

11.هل كنت شطووورة ايام الدراسة أو كسلاااانة وماتحبى تقرى الا بالعصا ههههه؟
ههههه شطوره لكن في مواد مانحبهنش

12. هل انتى رومانسية؟
آآآآآآآه واجد

13.مارأيك بالزواج بعد الحب ناجح ام لا؟
ناجح اكيد وحلو
اسال المجرب ههههه

14.المن مشتاقة اكثر شي؟
لي اهلــــــــــــــــــــــــــى

15.هل تحبى الهدايا المفاجئة أو فى المناسبات احلى ؟
نموت في الهدايا ونحب نهدي ونحب من يهدني
نفضلهن في المناسبات

16.اتحبى اتديري نيو لوك دائما أو لا؟
اكيد نحب ولكن حسب الوقت

17. اتحبى الشخص المغرور أو العادي أو الدلوع ؟
نكره المغرور ونحب الدلوع المتواضع

18.اتشجعى العلاقة العاطفية ام لا؟
حسب العلاقه ادا كانت صادقه ومحترمه ليش لا

19>لما كنتى طفلة كنتى اتحبى امك او أبوك أو أى أحد من عيلتك يحكيلك حكاية؟
ايه
بويا وحنتي كانو ديما يحكولي الله يحفظهم ويخليهم
الله علي الايام

20.كل يوم اتعبى فى رصيد موبايلك أو يطول عندك؟
ميطولش ولكن مش كل يوم
حسب المكالمه لومسكت الموبايل معناها الرصيد تم

هدي الاستماره عبيتها وان شاءالله نكون مانسيتش شي ناقصه التوقيع بس

sweet nona

11-17-2012, 02:46 PM

وعليكم السلام ورحمة الله وبركاته

هلا بميمى الغالية شكرااااااااااااااا عالكلام الحلو

وانتى عبيتة الاستمارة كلها مش ناقص شى

وفعلا ايام الحرب كانت صعبة علينا كلها

ااااااااااا..حلو الرسم المعمارى حتى اختى قارياته بس انه هواية شى حلو

معناها حتى ترسمى حتى فى حاجات تانية

وان شالله ماضوقى الخونة..سلم الغيورة والرومانسية على راجلها

لالالالالالالالالالالالالالا كنت شطوووورة الحق بس قداش حصلت هادى عاد مانذكرش

اىواه انتى يا اسأل مجرب ربى يدومه ان شالله

ان شالله ترجعى لآهللك عن قريب

حلوة الاخيرة هههههههههههههه خلاص معاش تشديه هههههههه

نورتى موضوعى ياغالية وربى ايخليلك زوجك وبنوتك الحلوة واتشوفيهم احسن ناس فرحت بمشاركتك وهكى تو انزيدو نتعرفو اكتر على بعض انتى انسانة رااااقية وحنونة

sweet nona

11-18-2012, 05:40 PM

وين ردودكم يابنات ماتشجعوش نهااااااااااااااااااااااااائى

أمـ ساره

11-18-2012, 09:45 PM

وعليكم السلام ورحمة الله وبركاته

مراحب بسويت الغالية وبمواضيعها الحلوة

يا بنت نحسك قارية علم نفس مش عارفة ليش ؟؟

نبدا بالاجابه
بسم الله
.
.
.
.
.

1.مااهم شي في حياتك؟

رضا ربي وولديا

زي ما قالت المصراتيه

وبناتي وزوجي واستقراري

2.هل انتى عاطفية زيادة عن اللزوم ؟

اكيد عاطفية

بس نتحكم في عواطفي بشكل كبير

3.ماهي قناتك المفضلة ؟

فتافيت

وبراعم لأنها مفيدة لبناتي

4.اتحبي لما تزوجي مع اهل زوجك تسكني أو فى بيت بروحك؟

اكيد بروحي

حتى نقدر نعطي وناخذ ونحس بالامان والاستقرار

5.ماذا تعني لك كلمة احبك؟

هلبة حاجات
واهمها انها شريان يغذيني للعطاء
والأحلى انها تكون بفعل مش كلام بس

6.اصعب شي مر عليك؟

اكيد أشياء كثيرة
منها وفاة خالتي وابن خالي
وبصراحة ولادتي لبنتي الثانية تعبتني هلبة ولحد توا
واشياء ثانية ما نقدر نذكرها كلها

7.اتحبى التغيييير؟

اكيد بس في فترات متباعدة

8.هوايتك شنو؟

الطبخ أغلب الاحيان
النت وقراءة المقالات خاصة العلمية والصحية
تعلم الفوتوشوب
نتمنى نتعلم الخياطة وخاصة الكروشيه

9.شن تقوولى للى خانك او باعك بعد حب شن ماكانت نوع علاقتكم او ذكر أو أنثى ؟

هي ما تعتبر خيانة
لكن صار لي موقف مع صديقتي ونقول لها
مشكورة وربي يفتحها قدامك

10.هل انتى غيورة على حببيبك او اى أحد تحبيه او تتعلقى بيه ولو كانت صديقتك ؟

اكيد المرأة غيورة
بس ثقتي غالبة ثقتي أغلب الاوقات ان لم تكن كلها
لكن فترات تجيني حالة من الغيرة نستغرب حتى في نفسي هههههه

11.هل كنت شطووورة ايام الدراسة أو كسلاااانة وماتحبى تقرى الا بالعصا ههههه؟

ايه كنت شطووورة ونحب القراية
بس كرهتها في الجامعة بصراحة
وكرهت طريقة التدريس المعتمدة فيها وخاصة الواسطة

12. هل انتى رومانسية؟

اكيد بس بشكل متوازن بصراحة

13.مارأيك بالزواج بعد الحب ناجح ام لا؟

مافيه قاعدة معينة في هالمواضيع
يعتمد على الاشخاص ونواياهم
بس الاغلب يكون ناجح

14.المن مشتاقة اكثر شي؟

بصراحة للراحة واني نقعد مع نفسي شوي
ما عاد عندي وقت لروحي نحس الوقت كله جري في جري

15.هل تحبى الهدايا المفاجئة أو فى المناسبات احلى ؟

المفاجئة نحبها من زوجي ونحب نفاجئه
وطبعا في المناسابت لا يخلو الامر ضروري منها

16.اتحبى اتديري نيو لوك دائما أو لا؟

اكيد
لو بيدي كل شهر ندير
لأنه يساعد في تغيير النفسية هلبة

17. اتحبى الشخص المغرور أو العادي أو الدلوع ؟

العادي أفضلهم
بس يعجبني الواثق من نفسه

18.اتشجعى العلاقة العاطفية ام لا؟

في وقتنا هذا لا بصراحة

19>لما كنتى طفلة كنتى اتحبى امك او أبوك أو أى أحد من عيلتك يحكيلك حكاية؟

اكيد
كانت جدتي وخالاتي بشكل عام
وجارتنا هي وراجلها ديمة يحكولنا حكايات حلوة زمان

20.كل يوم اتعبى فى رصيد موبايلك أو يطول عندك؟

بشكل عام يطول عندي الا لما تكون فيه حاجة

نضطر انعبي

مع ان مكالماتي هلبة لكن الحمد لله قادرة نوفر

مشكورة حبيبة على موضوعك وأسئلتك الحلوة زيك

وان شاء الله نشوفوا تفاعل من كل العضوات

sweet nona

11-19-2012, 12:59 AM

هلالالااااااااااااااااا بأم سارة نورتى

مراقبتنا الحنونة عطتنا من وقتها مرحبا بيك

ههههههه لالا والله مش قارية علم نفس بس هكى من ربى وعلى فكرة من صغرى صاحباتى ايقولولى فيها

يعنى شبه خديتها الشهادة ههههههههههههههههههه

انسجمت فى قرايتك استمارتك

وايبان عليك هاديو ومش متهورة مش زى حاجتى بسرعة بسرعة هههه

وا نشالله ربى يخليلك بنوتاتك ورااجلك وخاااااااااصة عزوزتك الحلوة الرقيقة الى عاجبتنى هههههه;)

الصابرة

11-19-2012, 01:28 AM

عجبني الموضوع سويت
وهاذي اني جاية انعبي استمارتي
نبدأ بأسم الله

1/مااهم شي في حياتك؟
رضا ربي وولديا وزوجي

2/هل انتى عاطفية زيادة عن اللزوم ؟
عاطفيه لكن اعرف متى اكون قاسية
يعني نقدر نتحكم في عاطفتي

3/ماهي قناتك المفضلة ؟
هلبة لكن الاكثر متابعة
ابوظبي جرافيك / fox /الجزيرة الرياضية / فتافيت
وبانوراما اكشن
هو كان بنعد هلبة لكن كتبت اللي توا حاليا مركزة عليهن
لاني من عشاق التلفزيون

4/اتحبي لما تزوجي مع اهل زوجك تسكني أو فى بيت بروحك؟
اتفق مع ميمي (اكيد بروحي ولكن نفضل نكون قريبه منهم)

5/ماذا تعني لك كلمة احبك؟
لا اعرف لاني ليس عندي بها ثقة

6/اصعب شي مر عليك؟
فراق صديقات الطفولة وكل مااتذكرهن دموعي تنهمر دون توقف

7/اتحبى التغيييير؟
اكيد انحب التغيير هلبة

8/هوايتك شنو؟
قراءة الكتب / الكروشيه / الخياطة / كرة القدم
والطبخ ليس هواية بل عشق بالنسبة لي

9/شن تقوولى للى خانك او باعك بعد حب شن ماكانت نوع علاقتكم او ذكر أو أنثى ؟
ان شاءالله ربي يسامحها

10/هل انتى غيورة على حببيبك او اى أحد تحبيه او تتعلقى بيه ولو كانت صديقتك ؟
اغير بس بتعقل يعني ما اخليش الغيرة تعميني على الفهم

11/هل كنت شطووورة ايام الدراسة أو كسلاااانة وماتحبى تقرى الا بالعصا ههههه؟
شطورة ومن الاوائل لعند الثانوية
ام بالنسبة للجامعة اللي جاني جاني ماكملتها نين خليني وخليك

12/ هل انتى رومانسية؟
ايه بس مش هلبة

13/مارأيك بالزواج بعد الحب ناجح ام لا؟
كلا على حسب تجربته
لكن على حسب ما اعتقد ناجح

14/المن مشتاقة اكثر شي؟
لي صديقة الطفولة والاعدادي والثانوي والجامعة الغالية على قلبي
اللي مهما عرفت من اصدقاء لن اجد مثلها
ان شاءالله تكون باحسن حال يارب

15/هل تحبى الهدايا المفاجئة أو فى المناسبات احلى ؟
انحب المفاجئة لان اللي في المناسبة بيكون عندك علم مسبق بانه سوف تاتيك هدية
ام المفاجئة لها ثاتير اقوى علي

16/اتحبى اتديري نيو لوك دائما أو لا؟
اكيد مرات في الشهر اكثر من مرة

17/ اتحبى الشخص المغرور أو العادي أو الدلوع ؟
نحب العادي والاكثر البسيط والواثق بنفسه زيي ههه

18/اتشجعى العلاقة العاطفية ام لا؟
بصراحة في وقتنا هذا لا
ربي يستر

19/لما كنتى طفلة كنتى اتحبى امك او أبوك أو أى أحد من عيلتك يحكيلك حكاية؟
نعم
كان والدي اطال الله بعمره وللان يحكي لي حكايات
وبنت عم امي وانا صغيرة

20/كل يوم اتعبى فى رصيد موبايلك أو يطول عندك؟
لا
لاني لا احب التحدث على الهاتف كثيرا الا في حالة مشكلة
او لي فترة لم اتكلم مع الشخص المتصل
دائما كلامي على الهاتف كلمتين وقص
وليس عشان الرصيد ولكن لاني لا احب

اني كملت الاستمارة
والسلام عليكم

luba

11-19-2012, 02:05 AM

سوسو موضوع حلو وغريب
واجاباتك الباين منهم انك حساسه
ونوعك جنوبية
واجابات المصراتية مية المية
وهي شخصية جنوبية غربيه
وام ساره اجابات عاقله وقوية
حسيتك شرقية
اما صبورة اجاباتك فيها انك حساسه
وقوية نحسك انك شمالية والله اعلم
بنات ماادقوقوش في دوتي

.مااهم شي في حياتك؟

في حياتي كل شي عندي مهم

2.هل انتى عاطفية زيادة عن اللزوم ؟

لا مش عاطفية هلبه متوسطه
لاني انسانه جدية وفعليه

3.ماهي قناتك المفضلة ؟

ام بي سي و ابوظبي انتورناشونال
و براعم ( اكتر شي تمنيته في غربتي هدي القناه الاكتر من رائعه )

4.اتحبي لما تزوجي مع اهل زوجك تسكني أو فى بيت بروحك؟
في بيت لوحدي
ونفضل نكون قريبه جدا من امه تحديدا

5.ماذا تعني لك كلمة احبك؟

تعني الحنان والامان والاستقرار

6.اصعب شي مر عليك؟

اصعب شي لما نضم شناطيا بنسافر
واكترها توديعي لي والديا واخواتي واني نكتب
في هالجمله العبرة حنقتني

7.اتحبى التغيييير؟

انحبه بس مش هلبه بعد
فترة واجدة لاني مش من النوع الملول
بسرعه

8.هوايتك شنو؟

نحب السباحه بدرجة كبيرة
وكرة الطائرة
والقراءة والكروشيه والاشغال اليدوية

9.شن تقوولى للى خانك او باعك بعد حب شن ماكانت نوع علاقتكم او ذكر أو أنثى ؟

مانعرفش حد اداني لاني ديمه ننسي
اي ادية من اي احد مهما كان نوعه

10.هل انتى غيورة على حببيبك او اى أحد تحبيه او تتعلقى بيه ولو كانت صديقتك ؟

غيورة بس مش لدرجة كبيرة
عادية والاحري اني نخاف عليهم اكتر من نغار عليهم

11.هل كنت شطووورة ايام الدراسة أو كسلاااانة وماتحبى تقرى الا بالعصا ههههه؟

لا نقرا وشطورة واموري تمام ونحرق في دمي عليها
بس علي قولت ام ساره في الكليه
صارتلي مشاكل من اول اسبوع ومنها كرهت الكليات

12. هل انتى رومانسية؟

نص نص اني انسانه عملية اكتر من فعليه
من الاخير نوعي شرقي شمالي وفيه شوية جنوبي
فالطابع الشرقي يغلب عليا
في حياتي وافعالي

13.مارأيك بالزواج بعد الحب ناجح ام لا؟

نعم ادا بني علي احترام وتفاهم
وتبادل حقيقي

14.المن مشتاقة اكثر شي؟

قولي لمنو مش مشتاقه
لي امي وابي نور عيوني
لي خواتي وخوتي وعائلاتهم
الي بنات عمي ام محمد وام طه
اي ام زوجي واخوات زوجي وعائلاتهم

الي زملائي وزميلاتي في العمل
بل اخوتي واخواتي في العمل بالمستشفي
افتقدكم كتييييرا

15.هل تحبى الهدايا المفاجئة أو فى المناسبات احلى ؟

نحب الهدايا وخاصه كانهي مفاجئة احلي من واني نعلم بيها
واحلي الهدايا عندي
باقة ورد طبيعي

16.اتحبى اتديري نيو لوك دائما أو لا؟

نتمني بس غيري مش مخليني في حالي ههههه

17. اتحبى الشخص المغرور أو العادي أو الدلوع ؟

لا نحب زي اللي عندي واتق من نفسه قوي الشخصيه
حضوره مميز

18.اتشجعى العلاقة العاطفية ام لا؟

علي حسب اساسها وناسها

19>لما كنتى طفلة كنتى اتحبى امك او أبوك أو أى أحد من عيلتك يحكيلك حكاية؟

مش هلبه بس كانو خواتي الاقرب مني في العمر
يحكولي

20.كل يوم اتعبى فى رصيد موبايلك أو يطول عندك؟

المغزي من سؤالك هل انت تبزعقي في المال ام لا
او انك ترتاره او لا اخخخخ

مانبزعقش فيه نحافظ عليه للطوارئ وخاصه لما نعرف عندي طلعات

ولكني نحكي واجد فيه معتمدة علي التلفون الارضي لدرجه انطيب غداي والتلفون علي
وداني لين يطيب الغدي هههههههههههههه
الله ما احلاهن من ايام هههههه

المصراتيه

11-19-2012, 04:04 AM

اسمتتتتتتتتتتتتتتتتتتعت في اجابتكن ام ساره والصابره ولوبا
ام سرو ان شاءالله ربي يحفظلك بنوتاتك وانسي فتره جيابك راهو وراك جياب تاني هههه
وربي يرحم خالتك وولد خالك فعلا مافيش اصعب من الموت وربي يطول في اعمارنا اجمعين يارب

صبوره ماشاءالله
تتفرجي هدينا غير اللي توا موسع بالك
وان شاءالله تتلاقي مع صاحبتك في اقرب وقت وفعلا صعععععب خصوصا ايام الطفوله ايام يبكن
باهي وشن قصه كره القدم قاعده تلعبي فيها؟؟
نتخيل فيك توا تلعبي فيها هههههه

يا لوبا اني جنوبيه غربيه ههههههههههههه حلوه انتي دكتوره نفسيه

6.اصعب شي مر عليك؟

اصعب شي لما نضم شناطيا بنسافر
واكترها توديعي لي والديا واخواتي واني نكتب
في هالجمله العبرة حنقتني

خليتني نبكي وراك فعلا صعبببببببببببببببببببه
عارفه فكرتيني بموقف في سفرتي الاولي كانت في مطار طرابلس واني عاد طول الطريق من مصراته لطرابلس واني بكي
امي كانت جنبي تقولي عليش تبكي تو تروحي وتلقي البلاد متغيره وان شاءالله هالافتات الخضر معاد تلقيهن ههههههه سبحان الله وفي مرواحتي هدي مالقيتهنش وان شاءالله مرواحتي الجايه نلقا البلاد ضوايا كلها

انحبه بس مش هلبه بعد
فترة واجدة لاني مش من النوع الملول
بسرعه
اني عكسسسسسك

نتمني بس غيري مش مخليني في حالي ههههه
خيرك بسم الله هههههههه

ضحكتيني علي التليفون باهي مافيش مره شيطتي الغدي ولا شي

هيا وين البقيه

بنت حواء

11-19-2012, 11:13 AM

هههههههههههه
ماشاء الله ياسويت موضوعك حلو
والمشاركات حلوة تخلينا نزيدو نتعرفو على بعض أكثر
ربي يسلمك ويحفظك
وان شاء الله ليا عودة مرة تانية
يبيله تقعميزة باهية ههههههه

أمـ ساره

11-19-2012, 01:52 PM

ماشاء الله حبوبات استمتعت باستماراتكم الحلوة

مصراتيه

ياريت نقدر ننسى حبيبة العواقب قاعدة نعاني منها لتوا

وربي يسهل وخيتي

بس ماشاء الله شكلك غيورة

هذه عجبتني هلبة نيالك والله كانت أمنيتي نقرا ديكور

8.هوايتك شنو؟
الرسم المعمــــاري والديكور والانترنت والرياضه نحبــــــــها
والمطبخخخخخ

لوبا

عاملة فيها محللة نفسية ماشاء الله

حبيبة اني نوعاً ما عقلانية بس عصبية بشكل كبير جداً وخاصة هالفترة

بس اني مش شرقية بل شمالية غربية

وربي يهون عليك غربتك حبيبة ويرجعك لبلادك سالمة غانمة يارب

16.اتحبى اتديري نيو لوك دائما أو لا؟

نتمني بس غيري مش مخليني في حالي ههههه

هذه زيني بالضبط هههههههه

صبورة

ماشاء الله عليك وخيتي وربي يرزقك ما تتمني يارب عاجل غير آجل

5/ماذا تعني لك كلمة احبك؟
لا اعرف لاني ليس عندي بها ثقة

بس اجابة هذه حيرتني واستغربت فيها

20/كل يوم اتعبى فى رصيد موبايلك أو يطول عندك؟
لا
لاني لا احب التحدث على الهاتف كثيرا الا في حالة مشكلة
او لي فترة لم اتكلم مع الشخص المتصل
دائما كلامي على الهاتف كلمتين وقص
وليس عشان الرصيد ولكن لاني لا احب

أما هذه يعطيك الصحة عليها ونيالك

لبنى

11-20-2012, 04:59 AM

السلام عليكم

سامحوني اقطعت عليكم هاللمة الحلوة

قريت الصفحة الاخيرة بس

بس والله نستني الصداع الي عندي للحظات والي امطير النوم من عيني

حبيت الحوار الحلو والسخين

لاني حسيته اكثر من دافي

ولي عودة بإذن الله

باش نقرا من الصفحة الاولى ....

الصابرة

11-20-2012, 06:04 AM

5/ماذا تعني لك كلمة احبك؟
لا اعرف لاني ليس عندي بها ثقة

بس اجابة هذه حيرتني واستغربت فيها

ام سارة لاتحتاري ولاشئ
معاش عندي ثقة بهذه الكلمة مرات نصدقها ونجري وراها وتطلع وهم
ومرات نفوتها وتطلع صدق (اللي قصدته محبة الناس )
فاصبحت معاش تهمني
لاني عندي العلاقات الانسانية اخذت مسمى ثاني
العشرة المودة الالفة
وخصوصا بعد الزواج ربي اعطاني رجل كلمة احبك مايقولهاش
لكن تشوفيها في تصرفاته وافعاله
فلهذا هذه الكلمة لاتعني لي شئ

الصابرة

11-20-2012, 06:07 AM

عجبني تحليلك لبنى
وردروك حلوة ومعقولة

وانتي يامصراتية منقلبتنا فيها عصام الشوال
شنو اللي ما علقتيش عليه هههههههههه

لكن فعلا سويت تشكر على الموضوع اللي عرفنا على بعض اكثر
وهيا وين باقي العضوات

حبيبتهم

11-20-2012, 03:03 PM

السلام عليكم ورحمة الله وبركاته
كيف حالكن يا حلوات وشنو جوك يا سويت وانتي امنزلة هالاختبار صحيتي عليه

حتى نتعرفو على بعض اكثر..

1.مااهم شي في حياتك؟

رضا ربي وتربية ولدي احسن تربية

2.هل انتى عاطفية زيادة عن اللزوم ؟
لا

3.ماهي قناتك المفضلة ؟
كنت نحب قناة fox لكن بعد غيروها بالعربي ماعاد نحبها هلبه ونحب فتافيت وبداية
مع اني مش من متابعي التلفزيون هلبه لان ولدي طول الوقت يتفرج على براعم وطيور الجنة

4.اتحبي لما تزوجي مع اهل زوجك تسكني أو فى بيت بروحك؟
بيت بروحي والحمد لله اني تزوجت في بيت بروحي

5.ماذا تعني لك كلمة احبك؟
الاطمئنان

6.اصعب شي مر عليك؟
استشهاد و فقدان اشخاص اقارب في حرب التحرير

7.اتحبى التغيييير؟
نص نص عالجو

8.هوايتك شنو؟
زمان هواياتي الكروشيه والتطريز توا ماعنديش هوايات ههههه

9.شن تقوولى للى خانك او باعك بعد حب شن ماكانت نوع علاقتكم او ذكر أو أنثى ؟
الله يسامحك

10.هل انتى غيورة على حببيبك او اى أحد تحبيه او تتعلقى بيه ولو كانت صديقتك ؟
لا

11.هل كنت شطووورة ايام الدراسة أو كسلاااانة وماتحبى تقرى الا بالعصا ههههه؟
في الابتدائي والاعدادي والثانوي عادي القراية ماعنديش معاها مشاكل لكن في الجامعة قريب سيبتها مع اني كملتها بمعدل كويس

12. هل انتى رومانسية؟
نص نص

13.مارأيك بالزواج بعد الحب ناجح ام لا؟
ان شاء الله ناحج اعتقد يعتمد عالطرفين هل في عوامل تخليه ناحج او لا

14.المن مشتاقة اكثر شي؟
مشتاقة لبنت عمي حبيبتي
ومشتاقة للاستقرار

15.هل تحبى الهدايا المفاجئة أو فى المناسبات احلى ؟

انحبها في الحالتين

16.اتحبى اتديري نيو لوك دائما أو لا؟
انحب لكن مش كيف مانبي

17. اتحبى الشخص المغرور أو العادي أو الدلوع ؟
اي طبع كويس الا الانانية وحب النفس واللي يحب يفرض رايه عالاخرين واللي يفكر في نفسه بس

18.اتشجعى العلاقة العاطفية ام لا؟
حقيقة لا بالذات لو تكون الطرفين صغار هلبه في السن والا اي طرف منهم مايقدرش يتحمل المسئولية

19>لما كنتى طفلة كنتى اتحبى امك او أبوك أو أى أحد من عيلتك يحكيلك حكاية؟
ايه زمان جدتي ربي يحفظها تحكي لنا في حكايات تقول عليها خرافات ونتفكرهن بعض منهم الى الان

20.كل يوم اتعبى فى رصيد موبايلك أو يطول عندك؟
على حسب الاحوال لو مكالمات خارجية بيكمل ولو داخليه غالبا نتكلم بالهاتف الريفي لكن مانحبش نتكلم في التليفون هلبه

:cool::cool:ارجو الاجابة على جميع الاسئلة:cool::cool:

اهو جاوبت ان شاء الله ننجح هههههه

وتحياتي لكن جميعا

sweet nona

11-20-2012, 10:41 PM

sweet nona

11-20-2012, 10:53 PM

حبيبتنا هلااااا حبوبة

ربى يخليلك ولدك واتشوفيه زى ماتبى يااارب

والله يرحم شهداء لييبيا جميعا ويصبر اهاليهم

قلبك كبييييير

بس اللى يخون ويبيع مانقدرش انسامحه الحق

لا اما فى موضوع الغيرة مانوافقكش مافى انثى ماتغارش بس ممكن اتكون مش هلبا عندك

والمهم كملتى ونجحتى وخديتى الشهادة فى الاخير

ان شالله تلاقى بنت عمك حبيبتك عن قريب

بس التغييير حلوووو فى كل شى ولا شن رايكم يابنات

شكرااا لمشاركتك فى الموضوع ..واسلوبك الدافى

وتمام التمام الاجابات كلهم شطوووووووورة ههه

ماتغيبى علينا

luba

11-20-2012, 11:06 PM

مسااااااااااااالخيرات عالحلوات

نورتو والله زارتنا البركة هههه بالشحتة عاااد ماتعودتها منكم هههه ولا توتو للصقع

لولو ياعسولة كيف جنوبية ؟؟؟هادا تحليل جديد اول مرة نسمع بيه هيا فهمينى

ياجدية انتى ...خطرتى عليا الابلات الواعرات هههه شن هيا قناة البراعم

السباحة هواية حلوة وخبرينا كم تسبحى مرة فى الاسبوع عاد جوكم مليح براا

العقبة لبلادنا تتطور

من الاخير نوعي شرقي شمالي وفيه شوية جنوبي
فالطابع الشرقي يغلب عليا
في حياتي وافعالي ماتنسيس هالنقطة ههه عششت ولا ههه

هاااااااااا من غيرك الى مش مخليك فى حالك خبرينا مافهمتش زوجك متلا مايبيكش اتقصى شعرك احكى

ههههههههههههه صار باهى الا فى ارضى

شكرااااااااااااااااااا على المشاركة فى الموضوع

اجابات صريحة وتعرفنا على شخصيتك اكتر نورتى من تانية

من قبل نبي انجاوب غير صارت مشكله في البرنامج متاع الكمبيوتر

ونشكر بنت عمي علي المساعده

قناة براعم قناة الاطفال من اللي مايعرفهاش يعطيك السلامه

تعرفي السباحه مش هوايه عشق كان نلقي يخلوني 3 ايام في البحر وفي العميق

و بره ياحسرتي حتي صبعي مانقدر نحطه من سقوعيتها كانك مدوبه فيها تلج

سواء صيف او شتي غير اروح لي ليبيا نخلي روحي كيف الفوله المنقعه

انت ياخطيره صح طبعه يحب الانسان كيف ماهو لايزيد ولاينقص

عمري ماصبغته الا مرة وخصلات وبالخنبه

ولاعمري قصيته

وياحبيبتهم انت جنوبية شرقيه هههههههه قولي الحق
ام ساره صح فاتت عليا مش انت الشرقيه انت الشماليه لانك ديمه تقولي عصبيه
والشرقيه اظنها الصابره

بالنسبة لي الانماط اللي دكرتهم تعرفي عن طريقهم شخصيات الناس
وكيف تتعاملي معاهم
واني استفدت منهم بشكل كبير وخاصه مع زوجي واغلب اقاربي
وابني لتوا مافهمتاش مع انه يدخلوا فيها حتي الاطفال

وهدي الانماط حددوها عن طريق حديت للرسول
والاجانب حددوها عن طريق دراسه طويله عريضه
واحني قدانه السر من النبي المصطفي عليه الصلاة والسلام

المهم هدي جزء من الانماط ولكن توجد الكتير من النقاط لتعرفي
عن طريقها نمطك ومنها العصبيه والرومانسيه و حب الهووايات
و العمل والكسل و حب الجماعه والوحدة وغيرها الكتير ....

(بوصلة الشخصية) للمؤلف: دايان تيرنر وثلما جريكو ..

تفسير الأنماط في هذا الكتاب جاء عن خطبه لـ الرسول صلى الله عليه وسلم في التحذير من الفتن:
((ألا وإن منهم البطيء الغضب سريع الفيء ومنهم سريع الغضب سريع الفيء
فتلك بتلك ألا وإن منهم سريع الغضب بطيء الفيء
ألا وخيرهم بطيء الغضب سريع الفيء ألا وشرهم سريع الغضب بطيء الفيء
ألا وإن منهم حسن القضاء حسن الطلب ومنهم سيئ القضاء
حسن الطلب ومنهم حسن القضاء سيئ الطلب فتلك
بتلك ألا وإن منهم السيئ القضاء السيئ الطلب ألا وخيرهم الحسن
القضاء الحسن الطلب ألا وشرهم سيئ القضاء سيئ الطلب))..

( أخرجه أحمد، والترمذى، والحاكم، والبيهقى )
أربعة أنماط حددها بوضوح:

~ سريع الغضب سريع الفيء.
~ سريع الغضب بطيء الفيء.
~ بطيء الغضب سريع الفيء.
~ بطيء الغضب بطيء الفيء.

و معنى الفيء..............؟؟؟

هو( العودة والتسامح )
أي سريع التسامح والعودة للتواصل،
ومن هنا يتضح لنا بشكل فاصل أن فيه أنماط خاصة،
تعتمد على تكوين الإنسان الجسدي ..

ونقدر نقسمها كالتالي:1- بطيء الغضب سريع الفيء.( شخصية جنوبية )
وهو الذي قال عنه الرسول عليه الصلاة والسلام "خيرهم" ..

2- سريع الغضب سريع الفيء. ( شخصية شمالية )
أي أن سرعة الغضب مذمومة لكن سرعة الفيء محمودة، فتمسح الثانية الأولى.

3- بطيء الغضب بطيء الفيء. ( شخصية شرقية )
أي بطيء الغضب صفة محمودة، وبطئ التسامح صفة مذمومة،

4- سريع الغضب بطيء الفيء. ( شخصية غربية )
وقد وصفه عليه الصلاة والسلام بكلمة "شرهم"،

لأنه يحمل صفتين مذمومتين، سرعة الغضب والإنفعال، مع بطيء التسامح.

وهدي من اهم النقاط اللي تاتر في معرفه الشخصيه

شخصية الإنسان 50% منها بيولوجي وراثي ..
وهذا يبين قول الرسول صلى الله عليه وسلم قال: (تخيروا لنطفكم فإن العرق دساس)
والباقي 50 % هي التربيه والظروف البيئيه التي ينشأ ويتربى فيها الإنسان ..

sweet nona

11-20-2012, 11:14 PM

صبوووووووووووووووورة الصاابرة هه

مرحبااا..واكويس انك تتحكمى بعواطفك وتعرفى كيف تفصلى

ممم الجزيرة الرياضية مرة وحدة شن اتبعى فى الكورة وووه مانحبهاش

ان شالله ربى يجمعك بصاحباتك وجعتينى والله حلوة ايامات زمان وصعب انها ترجع

اوواافقك فى التغييير هلباا

ااا معناها هادا باش الجزيرة الرياضية اكييد عندك خوت اولاد اكتر من البنات ههه

الله يعطيك الصحة بالكروشيه هادا خااطرى فيه واديرى فى تناسق الوان حلو

هههه الاغلبية نفس الاجابات فى الاول شاطرات وبعدين انذهبت الشيرة فى الجامعة ههه

وان شالله اتشوفى صاحبتك الى مالقيتى متيلها

هادى دعوة من صاحباتك فى المنتدى ولما تتلاقو خبريها انه دعينالكم تتلاقو

ياعم ياواثق من نفسه

بس قصتك قصة مع التلفون هادا انى انحبه الحق ضروورى

ربى ايخليك وااالدك ويطولك فى عمره

نورتى اكييييد موضوعى

وفرحت بمشاركتك وشكراا ليك

وهيا نبو نتعرفو على بعض مااااااااااااازال المنتدى مليان خشو يابنات

وخل نسأل بعض ونتعارف اكتر

فى انتظار ردود جديدة

مغتربة 7

11-21-2012, 12:42 AM

اشيه ماشاء الله على الاعترافات
موضوع تحفة ياسوسو كالعادة
لي عودة ان شاء الله

الصابرة

11-21-2012, 12:58 AM

صحيتي ياسوسو على التعليقات الحلوة
صح سوسو اني عندي 6 خوت اولاد ربي يحفظهم لكن واحد منهم بس يحب الكورة وحبها مني
لكن اني عشقي للكورة حاجة ثانية غير الله يسامح الزواج راجلي مايحبش الرياضة بكل
ولما نبي نتفرج على مبارة مهمة نمشي لحوش اهل راجلي انتفرج عليها مع عمي وسلفاي
شفت العشق لوين

والهاتف امديرة معاه معاهدة لاتقربني ولانقربك
تخيلي اهلي يحكوا مع راجلي بيش يطمنوا عليا عشان عارفين اني مانحبش انهدرز فيه هلبة

sweet nona

11-21-2012, 01:27 AM

هلالالالا ببنت حواء نورتينا ولبنى مشكورة كلك ذوق
وغى غى ليك وحشة كبيييييرة

هيا نستنو فى استماراتكم

الصابرة ..مشكوووووووورة لتفاعلك ان شالله ماتغيبى هههه هادا عشق كبير والله

انى انحب الرياضة صح بس لياااااااااااا فترة عليها بس مانحبش نحضرها

لولو بارك الله فيك عالمعلومة انى انحب علم النفس والبرامج اللى تتكلم عن كيفية تطوير الذات ووالتنمية البشرية

تحت طابع دينى بس هادى اول مرة نسمع بيها

شكراااااااااااا ..لكن صقع عليك فهمتها ولا هههه متقدريش ادسى عليا شى هه

فرحت بردودكم وبانتظار الباقيات