[ استفسار ]الكريمة السائلة

[لوتي]

السلام عليكم ورحمة الله وبركاته
نبي نستفسر علي الكريمة السائلة اليوم فتحت باكو و مستعملتاش كله رديته في الثلاجة قديش يقعد صالح للإستعمال يعني كم يوم وهكي طريقة الحفظ صح وإلا لا ومشكور كل من بيرد عليا

[أمـ ساره]

وعليك السلام ورحمة الله وبركاته


مراحب لوتي

حبوبة المفروض مكتوب على العلبة كم تقعد معاك

ويفضل لما بدسيها تسكريها كويس خاصة لو ما كان فيها غطاء

يعني تقدري تغيريه في حافظة أو زجاجة محكمة الاغلاق أفضل

ويكون في أبرد مكان في الثلاجة

[المصراتيه]

هلا وغلا
نوافق كلام ام ساره
وننصحك ماتخليهاش اطول
لان اني مره صارتلي استعملت منها شويا وبعد اسبوع تقريبا جيت بنستعملها لقيتها محممممضه استغربت

[luba]

بارك الله فيك لوتي علي السؤال المهم
ومشكورات وربي يبارك فيهن البنات

به ممكن نقدروا ندسوها في الفريز ونطلعها نراجيها ادوب والا لا
يالوتي لو مش حتستعمليها هالاسبوع
جربي دسينا في الفريز حتي شوية وطلعيها تاني يوم وخبرينا شنو صار فيها
لو ماعندك مانع ولو تقدري سوري علي التطفل ههههه

[الصابرة]

ماشاءالله البنات ماقصرن
بالنسبة لحفظها ردي بالك تحفظيها في الفريز تفسد راهي وعن تجربة
ام لفترة استعمالها اذا النوع تركي فمدتها 3 ايام بعدها تحمض
واذا ايطالية اسبوع
وضروري اديري زي ماقلت ليك ام سارة
وعن تجربة

[لوتي]

وعليك السلام ورحمة الله وبركاته


مراحب لوتي

حبوبة المفروض مكتوب على العلبة كم تقعد معاك

ويفضل لما بدسيها تسكريها كويس خاصة لو ما كان فيها غطاء

يعني تقدري تغيريه في حافظة أو زجاجة محكمة الاغلاق أفضل

ويكون في أبرد مكان في الثلاجة






مشكورة أم سارة إجابة كافية تسلمي

[لوتي]

هلا وغلا
نوافق كلام ام ساره
وننصحك ماتخليهاش اطول
لان اني مره صارتلي استعملت منها شويا وبعد اسبوع تقريبا جيت بنستعملها لقيتها محممممضه استغربت




تسلمي ميمي وقتيني قبل منخليها

[لوتي]

وفيك بارك الله لوبا قبل بنجرب الفريز علي خاطرك لكن اهي الصبورة جاوبت قبل التجربة لاتطفل لا سو وخيتي


ماشاء الله عليك صبورة كفيت ووفيتي والصراحة تجاربكن علمتني ربي يسلمهن اللي ساعدني بارك الله فيكن جميعا

[أم عدى]

شكرا لكم

أستفدت منكم اليوم معلومة جديدة


جزاكم الله خيرا جميعا

[لوتي]

الشكر لله وحده أم عدي الحمد لله إن موضوعي أفادك نورتي موضوعي بمرورك وبارك الله في الأخوات اللي ردو علي الموضوع وزينب محمد اللي كانت سبب من بعد الله عز وجل في جمعتنا الحلوة هادي

[om_adnan]

وعليك السلام لوتى,الكريمه السائله بعد ما تفتحى العلبه ,عمرها قصير,اكثر شويه من اسبوع,كيف ما قالت المصراتيه,حتكون الريحه باينه,طبعا يعتمد على النوعيه,اذا حفظ بطريقه جيده,وكيف ما قالت الصابره اذا وضع فى الفريز,لا يمكن استعمالها ككريم و لكن يستعمل للطبخ فقط,مثلا فى الشوربه ويفضل تقسيمه.

[نسمه ليبيه]

شكرا لوتى حتى نحن استفدنا فى جرتك

[لوتي]

أم عدنان تسلمي علي معلومة الكريمة واستعمالها للشوربة وهيا جامدة جديدة عليا واستفدت منها
العفو نسومة بارك الله فيك
نورتو موضوعي شكرا لكن

[طُقاشه النواره]

اختي متنحطش في الفريز ....لانها تفسد لما اطلعيها ...
اني شن اندير ....انغلف الكيك ..وتاني يوم اندير كب كيك ..
واللي يفضل اندير بيه في كراميل :كوب سكر و3\4 كريمه 1\4 ماء بش منخسرش الكريمه والكراميل يصبر في التلاجه
ولما بتستخدميه .........دفيه شويه ........
وان شاء افادتك احبيبه ........

[لوتي]

شكرا جزيلا طقاشة النوارة علي المعلومات والمساعدة وطريقة الكراميل بارك الله فيك