[عجينة بيتزا روعة] من همسة حنان

[همسة حنان]

السلام عليكم ورحمة الله


جبتلكم طريقة حلوة وساهلة لعجينة البيتزا بصراحة اني شايفتها في احد المنتديات

من زمان بس لما جربتها عجبتني هلبا فعلا روعة مع اضافات من عندي طبعا



المقادير:

دقيق (بصراحة اني الدقيق مانكيلش فيه علي حسب الكمية اللي نبيها اندير)

فنجان قهوة زيت

م ص ملح ملعقة

2ملعقة ص خميرة خبزة

ملعقة كبيرة سكر

زرف خميرة حلويات

ادا توفر بصل وثوم بودرا

وماء الي ان يتماسك العجين



الطريقة :-

تعجن جميع المكونات وتترك لمدة ساعة حتى ترتاح

ماتنسونيش بالدعاء جربوها مش راح تندمو روعة فعلا

[همسة حنان]

سامحوني مش متوفرة عندي الصور

[أمـ ساره]

سلمت ايدياتك على الطريقة الحلوة

واسمحي لي ننقل الموضوع للركن المناسب

وان شاء الله المرات الجاية نشوفوها مدعومة بالصور


شوفي ركن الدعم الفني فيه مواضيع ان شاء الله تساعدك

[الصابرة]

سلمت دياتك وبارك الله فيك

[مغتربة 7]

يسلموا على الطريقة الحلوة
ان شاء الله انجربها
فى انتظار المزيد من مواضيعك مع الصور

[لبنى]

ما شاء الله

يسلمو ايدياتك

[luba]

بارك الله فيك تسلمي علي الطريقة
ربي يحفظك ويسلمك ويحققلك مرادك

[نسمه ليبيه]

فرحانين بمشاركتك معانا والمره الجايه نبوا صور

[sweet nona]

مشكورة عالمشاركة

بس نبو الصور باش توضح أكتر

ننتظر المزيد من المشاركات

[المصراتيه]

بارك الله فيك
تسلم الايادي

[همسة حنان]

الله يبارك فيكم اخواتي الفاضلات وبيكم زاد موضوعي نور