[ملف ] شاركينا بتوابلك من بيتك [الأرشيف] - المطبخ الليبي لزينب محمد

مغتربة 7

11-23-2012, 06:23 PM

السلام عليكم ورحمة الله وبركاته

http://t0.gstatic.com/images?q=tbn:ANd9GcSIsj2AYNNRAciI4UoFRXehSIaK3WvbR xd90AvO8INnCDzp2_Nptg

أسعد الله اوقاتكم اخواتي الغاليات

في هذا الموضوع سوف يتم التعرف على انواع التوابل والبهارات الموجود عندنا واستخداماتها

في منها البودرة والاعشاب والحبوب

http://t3.gstatic.com/images?q=tbn:ANd9GcTVDWqKx3xNinWUg_YwI91KjFE7OwOH4 i4B9GoKKE9QI2LYOKGq

وفي الجاهزة من العطارين نشروها وفي يلي تحب تصنع توابلها بأيديها

http://t3.gstatic.com/images?q=tbn:ANd9GcSh70o35GSGtsNOnwqWwdruHPhV3hcxJ AWDtpzaAmMYxGaJ7kcy

وتوا كل وحدة اتصور توابلها وتعرفنا على عليهم وعلى استخداماتهم

فى انتظار تفاعلكم اخواتي

فى حفظ الله

ام ساره وعبدالعزيز

11-23-2012, 07:24 PM

موضوع رائع ولي عودة ان شاءالله

آمال

11-23-2012, 09:07 PM

بارك الله فيك
لي عودة بإذن الله موضوع رااائع

بنت حواء

11-23-2012, 09:36 PM

موضوع رائع ومفيد
حتكون لي مشاركة ان شاء الله
ربي يوفق الجميع

نسمه ليبيه

11-23-2012, 09:40 PM

انتظرونى قريبا معاكم ان شاء الله

مشكوره غروبه على مواضيعك النايس

لوتي

11-23-2012, 09:59 PM

ملف رائع تسلمي غروبة لي مشاركة بإذن الله تعالى

المصراتيه

11-24-2012, 07:36 AM

موضوع مفيد وراااااااااااااااائع جدا
بارك الله فيك
وحنشارك معاكم بادن الله

همسة حنان

11-24-2012, 01:55 PM

موضوعك حلو اوخيتي مغتربة تستحقي تقييم

الصابرة

11-24-2012, 06:34 PM

موضوع قيم ومفيد
بارك الله فيك على افكارك الرائعة والمفيدة

حبيبتهم

11-24-2012, 06:59 PM

تسلمينا يا مغتربة عالافكار الحلوة

ان شاء الله نشارك معاكم في الموضوع

ونتعرفوا مع بعض على التوابل
وكل وحدة فينا في ايش تستخدمها

أمة الله

11-24-2012, 09:31 PM

موضوع رائع ان شاء الله لي عودة

نسمه ليبيه

11-24-2012, 10:42 PM

غروبه

مشاركتنا نحطوها هنا والا موضوع بروحه ونحطوا هنا الرابط

آمال

11-25-2012, 12:18 AM

السلام عليكم ورحمة الله
بالنسبة لي فأنا عندي رف كامل بخصوص التوابل
هذه صورة الرف مع العلم الرف من زجاج والفازوات صانعتهم بنفسي اي عندي حوالي 15 فازو تقريبا
وهذه الصورة

1116

أمـ ساره

11-25-2012, 12:25 AM

ماشاء الله على الافكار الحلوة غروووبة

التوابل شيء أساسي في كل مطبخ

وأكيد لكل وحدة طريقة في التتبيل التنكيه وخلط التوابل

وان شاء الله نشارك معاكن

وياريت نشوف مشاركات من كل العضوات

مغتربة 7

11-25-2012, 10:40 PM

نورتوا وخياتي فى انتظار مشاركاتكم

نسومة تحطي صور توابلك فى هذا الملف

امولة خسارة الصورة مش واضحة ياريت تعيدي وضعها وخيتي

فى انتظار مشاركاتكم

مغتربة 7

11-25-2012, 10:51 PM

هذه صور لبعض توابلي

http://www.libyan-kitchen.com/gallery/images/pb252047.jpg

ورق الغار

http://www.libyan-kitchen.com/gallery/images/pb252048.jpg

سماق

http://www.libyan-kitchen.com/gallery/images/pb252049.jpg

ملح خشن

http://www.libyan-kitchen.com/gallery/images/pb252053.jpg

فلفل اسود حب ومطحون

http://www.libyan-kitchen.com/gallery/images/pb252051.jpg

http://www.libyan-kitchen.com/gallery/images/pb252050.jpg

حبيبتهم

11-26-2012, 01:19 PM

السلام عليكم
هذي بعض توابلي

صورة جماعية

http://im13.gulfup.com/S51R1.jpg (http://www.gulfup.com/?Wo3TVi)

فلفل اسود حبوب ( نستعمل فيه ايضا مطحون )

http://im13.gulfup.com/dwvF2.jpg (http://www.gulfup.com/?EypTSl)

بهار شبيه بالزعفران فيه ريحة عطرية خفيفة ويعطي في لون لما تنقعيه في امية يستخدم لتلوين الارز مانعرفش اسمه

http://im13.gulfup.com/RiKT3.jpg (http://www.gulfup.com/?pcw21b)

ورق غار ( ورق لوري ) طازج ( غسلته وجففته ووضعته في كيس نايلون في الفريز ) نستخدم فيه حتى مجفف حسب المتوفر

http://im13.gulfup.com/OF6p4.jpg (http://www.gulfup.com/?flpwX8)

اعواد قرفة ونستخدم فيها حتى مطحونة

http://im13.gulfup.com/kXRg5.jpg (http://www.gulfup.com/?gZteO8)

حبوب هيل او هال او حبهان استخدامي ليه مطحون للقهوة فقط

http://im13.gulfup.com/Odbz6.jpg (http://www.gulfup.com/?9OcLZe)

وان شاء الله البقية في مشاركات اخرى

مغتربة 7

11-26-2012, 04:04 PM

ماشاء الله ياحبيبتهم توابل رووووووووعة خاصةالبهار يلي زي الزعفران خاطري نعرف اسمه

والهيل اخضر يسههههههههههههف حنى هني فى كندا التوابل مش فرش زيكم ورق الغار يشوف

منورة حبيبة اهو زدت لقاموس التوابل بهار جديد لكن لو نعرف اسمه

فى انتظار المزيد من المشاركات

حبيبتهم

11-26-2012, 11:20 PM

السلام عليكم
وخيتي مغتربة البهار شبيه الزعفران هذا تفكرت اسمه وتاكدت منه بالجوجل هذا ايقولوا له عصفر لكن مانعرفش هل موجود في ليبيا او لا

و ورق الغار هذا طازج من الشجرة مباشرة مش عارفة ايبيعوا فيه طازج هنا او لا لكن في تونس ايبيعوا فيه طازج وايبيعوا فيه شتل

luba

11-27-2012, 05:11 AM

ماشاء الله مغتربة وحبيبتهم
تعريف رااائع بالتوابل
بارك الله فيكم ولي عودة للمشاركه باللي عندي
مع انه اغلبه فلفل حلو وحار وملح ههههه

om_adnan

11-28-2012, 08:28 PM

موضوع رائع مغتربه,توابل حبيبتهم تحسى بيهم فرش,حيكون لى مشاركه,بالنسبه للتوابل بصفه عامه ينصح دائما باستعمالها بكمية بسيطه لان خطورتها فى اضرارها لا تكون واضحه,بالنسبه لورقة الغار فى قديم الزمان كانت لها مكانه اعظم من ورق الزيتون وللحصول على الفائده منها يفضل وضعها تسخن مع الزيت واستعمال ورقة واحده,والناس الاوله كانت تستعمل فى كلمة -امقيبيص-الكميه التى يمكن وضعها بين الابهام والسبابه,لى عوده.

om_adnan

12-01-2012, 05:31 PM

http://www.tirakita.com/food/Photos/id_spc_43_2.jpgانحب نحكى ليكم على المسترده والافضل حبوب وهى ليس من بهاراتنا ولكن لها قيمه عاليه لانها غنيه بالمعادن والاهم اوميغا 3 ,انا اذا كان فيه رز زايد,نقلى كمشه من المسترده فى الزيت شويه وانضيف فلفل اخضر وبعدين الرز وشويه كركم وعصره ليمون,فيها تغير.

رميساء

12-01-2012, 08:25 PM

السلام عليكم ورحمة الله وبركاته
شكراً اختى مغتربة 7 على هذا الملف
اخواتى فى منتدى المطبخ الليبى هناك انواع للبهارات
(بهارات اللحم - بهارات دجاج - بهارات سمك )
وهناك توابل مطحونة وغير مطحونة
وهذه الصور غير مطحونة

حبة البركة
http://www.libyan-kitchen.com/gallery/images/img037eke.jpg

كمون
http://www.libyan-kitchen.com/gallery/images/img036ici.jpg

ورق الغار (لاورا)
http://www.libyan-kitchen.com/gallery/images/img035hjh.jpg

زعتر
http://www.libyan-kitchen.com/gallery/images/img036ntn.jpg

هيل
http://www.libyan-kitchen.com/gallery/images/img035krk.jpg

قرنفل
http://www.libyan-kitchen.com/gallery/images/img035jvj.jpg

نعناع جاف
http://www.libyan-kitchen.com/gallery/images/img037vgv.jpg

عود قرفة

http://www.libyan-kitchen.com/gallery/images/img036hkh.jpg

رميساء

12-01-2012, 10:02 PM

السلام عليكم ورحمة الله وبركاته
اخواتى فيه بعض البهارات وتوابل توضع فى المرحلة الاخيرة من الوصفات
وبعضعها فى المرحلة الاولى حسب خطوات الوصفة
وهذه الصور البهارات المطحون

قرنفل
http://www.libyan-kitchen.com/gallery/images/img037bgb.jpg

قرفة
http://www.libyan-kitchen.com/gallery/images/img036ppp.jpg

فلفل أسواد
http://www.libyan-kitchen.com/gallery/images/img037tet.jpg

توابل لكافة الاغراض
http://www.libyan-kitchen.com/gallery/images/img036rjr.jpg

كزبرة
http://www.libyan-kitchen.com/gallery/images/img036hzh.jpg

مغتربة 7

12-02-2012, 12:34 AM

ام عدنان بارك الله فيك على المعلومة اول مرة نعرفه النوع هذا من التوابل فى انتظار المزيد من توابل بيتك .

رميساء بارك الله فيك على المشاركة الرااااائعة توابلك تسهف لونها فرش ماشاء الله

لكن ما عرفتش http://www.libyan-kitchen.com/gallery/images/img036rjr.jpg

هل تعرفي من شني متكون وفي شني يستخدم انتي كاتبة تابل لكل الاغراض

om_adnan

12-04-2012, 08:56 PM

http://mediaserver01.stockfood.com/wmpreviews/NTE4MzQ5MA==/00398730.jpgالزعفران يعتبر اغلى انواع البهارات ,تحتاج الى ٢٠٠ ورده لصناعه غرام منه,والى الان يحصد باليد,يحتاج الى 75,000 زهره لصناعه حوالى نصف كيلو,استعماله لاعطاء نكهه واللون الاصفر للارز.

حبيبتهم

12-05-2012, 12:54 PM

السلام عليكم

هذي مجموعة اخرى من توابلي

هذا نعناع جاف مطحون ناعم

http://im18.gulfup.com/YumG1.jpg (http://www.gulfup.com/?oTIPqn)

وهذي حرارات

http://im18.gulfup.com/FerQ2.jpg (http://www.gulfup.com/?mxNDJK)

وهذا زنجبيل مطحون ناعم

http://im18.gulfup.com/ALMH3.jpg (http://www.gulfup.com/?pYSRMb)

وهذا زنجبيل جاف مش مطحون اني نفضل الطازج لكن توا عندي الجاف بس

http://im18.gulfup.com/QeDw4.jpg (http://www.gulfup.com/?6LeJG9)

هذه قرفة مطحونة

http://im18.gulfup.com/sdqL5.jpg (http://www.gulfup.com/?iI6GcB)

فلفل اسود مطحون

http://im18.gulfup.com/bZsz6.jpg (http://www.gulfup.com/?KZPLIL)

هذا كمون حوت

http://im18.gulfup.com/bpMH7.jpg (http://www.gulfup.com/?HfA7CE)

وهذه كراوية مش مطحونة نستخدم فيها مطحونة لكن توا كملت ماعنديش الحبوب اللي مش مطحونة كويسة لوجع المعدة والغازات

http://im18.gulfup.com/BEsv8.jpg (http://www.gulfup.com/?adSH7Z)

هذا ينسون

http://im18.gulfup.com/PbXu9.jpg (http://www.gulfup.com/?r0SXkH)

هذي ثومة جافة مطحونة كيف حبات السميد ومعاها زعتر

http://im18.gulfup.com/ujDi10.jpg (http://www.gulfup.com/?Mqhjq9)

معليشي لو طلع في تلخبيط في الصور لكن النت عندي ضعيف
لو لقيتهن متلخبطات ان شاء الله انعدلهن لما يتحسن النت

أمـ ساره

12-07-2012, 01:54 AM

ماشاء الله على التوابل الفايحة والقنينة

توابلكم كلها حلوة ومن الوانها باين انها كويسة وفريش

حبيبتهم ورق الغار ماشاء الله مش عادي

يجي في الخاطر والله لونه أخضر ويشرح القلب

للأسف في ليبيا ما لقيت الطازج

أم عدنان

بارك الله فيك على المعلومات الحلوة

ودائماً ردودك مميزة وفيها فايدة كبيرة

ان شاء الله انزل لكم توابلي قؤيب اصبري عليا بس هههههههههه

مغتربة 7

12-07-2012, 03:29 PM

بارك الله فيكم يابنات على تفاعلكم

حبيبتهم ماشاء الله التوابل من كثر ما هم فرش لونهم يختلف ههههه
ربي يهنيك حبيبة لكن حسيت الحرارات لونها فاتح هلبة تعرفي شن مكوناتها ولا جاهزة ؟؟

حبيبتهم

12-07-2012, 11:16 PM

مساء الخير
ام سارة الغار الطازج ماااظنش تلقيه لان اني حصلته من ناس عندهم الشجرة زارعينها

غروبة بنقولك علي سر التوابل الفريش
اول شئ المكان اللي ناخذ منه كويس وعنده هلبه زبائن لذلك ديمة بيوفر بضاعة ومن كثرة الطلب مش حتطول عنده وبتكون ديمة جديدة
والتوابل المش مطحونة زي الفلفل الاسود والهيل والبذور زي الكمون والكراوية اول مانشريها نغسلها رنجففها وندسها في الثلاجة في فازوات زجاج والتوابل المطحونة ناخذ في كميات صغيرة مش كبيرة هلبه مثلا ربع كيلو كمون ونص كيلو حرارات وطول انغربلها وبعدها اندسها في حافظات او لو خديت كمية كبيرة اندسها في الفريز او الثلاجة
الا الفلفل الاحمر والبزار نحط فيهم في الدولاب والقرفة الاعواد انخلي فيها في فازو برا الثلاجة

والحرارات اللي سالتي علي لونها مش داكن هذي نشري فيها جاهزة ومانعرفش شنو خلطتها لكن المرة هذي نحس فيها مش حرارات ريحتها كانها عود لحم (هكي نسموا فيه واسمه الخولنجان وهو جذور يشبه الزنجبيل غير لونه ادكن ومش مسطح كيف الزنجبيل)

واسفة عالاطالة

luba

12-10-2012, 07:06 PM

ماشاء الله تعريف وصور من بيوتكم تهبل
بارك الله فيكم وفي مغتربه اللي فتحت لنا دواليبكم وتلاجاتكم
وغرفتونا منهم غرفات من توابلكم القنينات والله فرحت
شكرا ام عدنان علي المعلومات المفيدة
شكرا رميساء علي طرحك الرائع للموضوع والصور
شكرا حبيبتهم وخودي راحتك طولي كيف ماتبي احني المستفيدين من اطالتك

هادي من توابل بيتي ولي تكمله ان شاء الله في حلقة قادمه

http://www.libyan-kitchen.com/gallery/images/la794.jpg

http://www.libyan-kitchen.com/gallery/images/la795.jpg

http://www.libyan-kitchen.com/gallery/images/la796.jpg

http://www.libyan-kitchen.com/gallery/images/la797.jpg

هذي صورة للنعناع بعد لقيته في كندا وبنته قنين كيف متاعنا
في ليبيا قلت باك وحدة حاصله كيف حصلتي ادور عليه
لقيته في الديمينيون هداك اللي بدايته حرف دي كبيرة وفية احمر في شعارهم هههه
عرفتوه ؟؟؟؟

http://www.libyan-kitchen.com/gallery/images/la798.jpg

رميساء

12-10-2012, 09:02 PM

السلام عليكم ورحمة الله وبركاته
أم عدنان : جزاك الله خيراً على المعلومات
حبيبتهم : بارك الله فيك س/ هل ثومه الجافه جاهزة أو محضرتها بنفسك ؟
مغتربة 7 : فيكِ بارك الله جواب سؤال كيس التوابل لاوحته أسِفَ لعدم كتبت المكونات
يستخدم في المحاشي واللحوم والطواجين والحاجات الحارة .
لوبا: بارك الله فيك س/ هل زعتر البري هو زعتر الأخضر (الفلسطيني) ؟
س/ هل فيه إختلاف في الطعم بين الفلفل الاحمر وبابريكا ؟

مغتربة 7

12-10-2012, 09:43 PM

ماااااااااااشاء الله يالوبا على توابلك تهبل

حتى اني زي رميساء الزعتر البري اول مرة نعرفه وشكله زي النعناع الجاف

بنسئلك توابلك من ليبيا ولا كندا

ومشكورة على النعناع اني انجيب فيه من ليبيا الحق لكن توا انشوفه هذا

رميساء البابريكا فلفل احمر حلو مش حار اني نستخدم فيه فى البطاطا المشوية فى الفرن وان شاء الله لوبا اتزيد اتفيدك

وام عدنان خبيرة فى التوابل ديمة نسئل فيها

حبيبتهم

12-10-2012, 10:05 PM

مساء الخير
لوبا توابلك حلوة ماشاء الله ونراجوا في التكملة في الحلقة القادمة

رميساء الثومة الجافة اللي في الصورة اكيد جاهزة صورتها بالعلبة متاعها لكن مانعرفش هل موجودة في زجاجات او لا لاني خديتها من تونس واللي شفتها هنا قبل يبعوا فيها بالوزن

أمـ ساره

12-11-2012, 12:21 AM

ماشاء الله لوبا توابل اتهبل وخاصة الخضراء منها

زي الزعتر البري وورق الغار والنعناع الجاف

أما الكسبر الجاف مش عادي ريحتهم نحسها لعندي

ان شاء الله توابلي انزلها قريب سهفتوني وانتم تعرضوا في توابلكم

والله الوقت مافيه يستر الله وخلاص

luba

12-11-2012, 02:09 AM

بنات بارك الله فيكم

بالنسبة للزعتر البري شريته من اهني ومنعرفش بنته الفلسطيني
لكن نلقي فيه ديمة يبيعوا فيه بجانب السمك خديته ومانعرف شنو
روحت ترجمته لقيته الزعتر البري
واني نحط فيه علي السمك زيهم هدا ماجربته وقنين

وبالنسبه للببريكا نستعمل فيها اولا لزيادة اللون
وتانيا نخلط فيها مع الفلفل الحار لانه اللي لقيته اهني لونه باهت
وحار هلبه هلبه وخصوصا علي الصغار
وشكرا مغتربه علي الاضافة نفس الاستعمال في بطاطا الفرن
مع ريحان الاخضر المجفف والاكليل والزعتر

وتوابلي من كندا اغلبها ماعدا تابل الدجاج الهندي من ليبيا
والكمون والكراوية والزعتر المطحون هدا ريحته نفادة قوية
ورااائع في الاكل
وبالنسبة لي الكسبر المجفف تحت المدفأة والنعناع مرة جففته تحت المدفأة
افضل النتيجه وبنته وصنته احلي من الفرن

اسئلة لي ام عدنان

مرة بعتتلي صديقة كندية سمك مرشوش فوقة
حبوب صغيرات هلبه هلبه بس مش مطحونات حبوب
لونهم حسيتهم فيهم الاسود مع الابيض يشبه لون الملح الخشن الابيض
وحسيت بنته كيف الكمون
فياريت لو تعرفي تخبريني
ام عدنان اراجو في توابلك وخاصه اني ضرووووري
نمشي انلف نرفع وانزل وانروح ومرات نترجم ومايطلع معاي شي
في المترجم ومرات نشري ونرمي بالله ساعدينا في هالموضوع
سمكهم اللي يطيبوا فيه روووعه بس شنو فوقه مش عارفه

أمـ ساره

12-16-2012, 09:49 AM

السلام عليكم ورحمة الله وبركاته

وأخيراً ربي كتب وبنزل بعض توابلي وهي عادية

بس حبيت نشارك بيها

الملح الخشن لأنه أفيد طبعاً والفترة الأخيرة بديت نستعمل فيه

http://i1159.photobucket.com/albums/p637/the_faithe/tawabeel8_zpse14a8e12.gif

وهذا عشقي البزار

نحب نضيفخ لكل شيء الا الحلو طبعا بس المعجنات الحارة عادي

http://i1159.photobucket.com/albums/p637/the_faithe/tawabeel7_zps69b68992.gif

وهذه أيضاً نحبها هلبة القرفة

للحلو وللحار الدجاج واللحم بصراحة نكهتها حلوة

http://i1159.photobucket.com/albums/p637/the_faithe/tawabeel9_zpsfdc0b8c8.gif

فلفل أحمر حار وحلو

http://i1159.photobucket.com/albums/p637/the_faithe/tawabeel10_zps961aa3cb.gif

الحرارات

مشكلتها ان كل خلطة تجيني شكل لما نشريها

مرة حسبت راجلي غالط وجاب لي كمون حوت بدل الحرارت من كثر ما مكثرين منه فيها

http://i1159.photobucket.com/albums/p637/the_faithe/tawabeel6_zps3bf94ab9.gif

وهذا الزعفران

ماعندي حظ معاه لحد توا ما لقيت نوعية طويسة منه في ليبيا

http://i1159.photobucket.com/albums/p637/the_faithe/tawabeel4_zps71ef734f.gif

وهذه توابل منوعه

الهيل أو حب الهان

نستخدم فيه حبوب بس وأكثر شيء للرز والدجاج واللحم

وورق الغار

حتى هو نفس الاستخدامات

وفلفل أسود حب ومرات نستخدم في المرحي

والقرنفل

أكثر شيء في الرز مع انه فيه من يشتخدم فيه في الكسكسي المسقي

http://i1159.photobucket.com/albums/p637/the_faithe/tawabeel11_zps42f5c1a3.gif

هذه تتبيلة دجاج جاهزة

للأسف نسيت مكوناتها لكن ريحتها ونكهتها حلوة مش عادية

http://i1159.photobucket.com/albums/p637/the_faithe/tawabeel5_zps2d3db6d3.gif

وهذه نوعية جديدة من التوابل استعملتها مؤخراً

لكن بصراحة اتهبل وريحتها فايحة تقول طازجة

خذيت منها خلطة للأرز

بالضبط ما نتفكر في مكوناتها لكن ما نستعمل معاها الا في الملح وورق الغار والهيل

تقريباً فيها الزنجبيل وعود لحم وقرفة وبهار أبيض والباقي نسيته

http://i1159.photobucket.com/albums/p637/the_faithe/tawabeel2_zpsfcea141b.gif

ونفس النوعية خذيت كزبرة ناعمة

http://i1159.photobucket.com/albums/p637/the_faithe/tawabeel_zps123a3f16.gif

وكروية

http://i1159.photobucket.com/albums/p637/the_faithe/tawabeel1_zps7544adf6.gif

وأيضاً خذيت بهارات برجر للدجاج

http://i1159.photobucket.com/albums/p637/the_faithe/tawabeel3_zps4dee31af.gif

http://i1159.photobucket.com/albums/p637/the_faithe/tawabeel13_zps1e62ff69.gif

وكان فيه للكباب بس ما لحقت نشريه تم قبل

وأعشاب بيتزا

http://i1159.photobucket.com/albums/p637/the_faithe/tawabeel12_zps30c73e3f.gif

http://i1159.photobucket.com/albums/p637/the_faithe/tawabeel15_zpse695fea6.gif

وبهار حلو

شنو هو بالضبط ما نعرفه لكن هذا المكتوب عليها

ولاحظت انه مدخلينه في أغلب التوابل

http://i1159.photobucket.com/albums/p637/the_faithe/tawabeel14_zps68481289.gif

وان شاء الله المرات الجاية نزيدكم

لأن عندي توابل ناقصة هالفترة نكملهم وانزلهم باذن الله

يا بنات ياريت كل وحدة تكتب لنا في أي شيء تستخدم

بهاراتها مش قصدي الاستخدام العادي

قصدي اضافات أو اختراعات من عندها

ولو ادير في تتبيلات خاصة تكتبها لنا حتي يكون الملف مفيد أكثر

رميساء

12-16-2012, 12:41 PM

السلام عليكم.
ماشاء الله عليك يا أم ساره
مشكورة علي الصور رووووعه
بارك الله فيك
س : أعشاب البيتزا توضع في الصلصة أو فوق البيتزا وهل تستخدم في أشياء أُخرى ؟؟

المصراتيه

12-16-2012, 12:48 PM

لوبا ماشاءالله علي توابلك عجبني بس نبي نسالك كيف تجففي فيه الكسبر؟؟؟ اني ماعنديش دفايه واول مره ان نسمع الكسبر يجففو فيه ياريت تقوليلي عندي كسبر وخاطري ندير زيك
وشن الفرق بين الكاري والكركم اني قبل نعرف ان الكركم عربي والكاري انجليزي ولون يختلف شويا وجبت معايا من ليبيا وخلطهم جميع

وشكرا علي النعناع ان شاءالله حنشريه لان جايبه معايا من ليبيا مجفف بس حسيته صنه خفيفه ماعجبنيش

ام ســــــــــاره اي ده كله
ماشاءالله لامه السوق

نبي نسالك علي بهار البتزا اول مره نسمع بيه وياريت كان جربتيه في البيتزا تقوليلي علي البنه حسه عجبني وسجلت اسمه الانجليزي وان شاءالله نلقاه هنا
والزعفران كان ابتضحكي عليا دورته في مصراته مالقيتاش جبته من تونس فرحانه بيه وبعد جيت هنا مانعلمش علي روحي كيف خلطته مع الفلفل الاحمر وجعنييييييييييييي
يا حلوات كندا اللي عندها منا ياريت تعطيني اسمه او تصوري الحكه امتعه وبارك الله فيكم
والحرارات علي قولتك الوان واشكال

اني صورت بهاراتي وان شاءالله يومين وانزلهم انتظرووووووني

أمـ ساره

12-16-2012, 03:49 PM

رميساء

المصراتيه

الله يسلمكم يا حلوات ويبارك فيكن

وين يا مصراتيه اني توا ما عندي شيء نحس هلبة حاجات ناقصتني وأولها النعناع وكمون الحوت

ضروريات هلبة عندي

بالنسبة لسؤالكم عن أعشاب البيتزا

جربتها مرة في شربة الخضار بالشوفان وأعطت بنة ونكهة حلوة

وهي المفروض توضع فوق البيتزا بعد الجبنة قاعدة ما درتها البيتزا

لكن اني استخدمتها مع الشوربة ومع الدجاج

وان شاء الله لو جربتها في شيء ثاني نقوللكم

وريحتها قوية وحلوة حتى اني اول مرة نشريها

لأن ما عندي زعتر للبيتزا ولما جربتها عجبتني

وخذيتها من مجمع الخمس التجاري لقيتها بالصدفة هالنوعية من التوابل

ميرولاكى

12-16-2012, 07:48 PM

السلام عليكم ورحمة الله وبركاته
مااااااااااشاااااااااااء الله على الصفحه اللى تهبل
طبعا ديمه (طايحه من الزفه)ههههههههه ومكتشفه متأخره
بس بجد سلم دياتكم فكره تهبل وتوابل حلوووووووووه وانا نمووووووووت فى التغيير فى الاكل بالتوابل
ان شاء الله نشارك معاكم بتوابلى المفضله

om_adnan

12-16-2012, 08:26 PM

والله أستاحشتكم هلبا يا بنات,بالنسبه لى ديما انحب انجرب اى حاجه حتى لو ما نعرفها,بالنسبه للتوابل ليس لها حصر,الغربه اتعرفك على انواع مختلفه,لوبا بالنسبه لتوابل السمك,اللى يكون حبوب مهرمشه ,فيه نوعين انفضلهم montreal style,chicken spices,هما فقط حتى انك لا تحتاجى اتضيفى ملح,وطبعا حكيت من قبل على cajun,تقدرى اتحطيه على البطاطا المقليه والبيتسا, مصراتيه بالنسبه للزعفران تلقيه فى محلات الهنود ووعند المحلات اللى تبيع التوابل بالكليو,نحن ايكون جنب الكاشير, وين ما تخلصى فى علبه صغيره واسمهsaffron,بالنسبه للكركم او البزار هو من نبات,اما الكارى عباره عن خليط من التوابل ,لى عوده .

أمـ ساره

12-16-2012, 10:59 PM

ميرولاكي

مافاتك شيء حبيبة الملف مفتوح ومتجدد ان شاء الله

وهي نستنوا في توابلك الحلوة

أم عدنان

لك وحشة كبيرة والله وين مغطسة

وماشاء الله عليك دائما اضافاتك وردودك مفيدة وقيمة

ونستنوا فيك ما تحرمينا طلتك وخبرتك حبيبة

ميرولاكى

12-19-2012, 12:40 AM

السلام عليكم ورحمة الله وبركاته
حبيت نشارك معاكم اليوم بمجموعه من توابلى
http://www.libyan-kitchen.com/gallery/images/002eee.jpg
هذى صوره جماعيه بس ان شاء الله نوضح كل شى فى شن نستخدم فيه
حنبدا من اعلى الصوره على اليمين
بهار البريانى ( للبريانى الهندى +للرز +احيانا مع تتبيلات الدجاج يعطى طعم مميز)
كارى(للدجاج+لصوص المايونيز +طاجين البطاطا بالدجاج+للبريانى +ارز بالكارى+تتبيلات الشيش)
حرارات (حرارات العاديه نجيب فيها من ليبيا معروفه استخداماتها
الهيل(شوربة الخضار +مرقة اللحم+بعض انواع الحلويات+الدجاج)
الريحان(الحبق) (من كتر مانحبه شبه داخل فى كل شى متلا الرز بالمفروم والريحان+مكرونه بالجمبرى والريحان+مكرونة صالصه بالريحان+البيتزا+العصبان+فطائر بالجبنة والريحان)
قرفه(للحم المفروم +للحلويات+للمرقه+عندها اخيارات وااااااااااااجد )
شبت مجفف(العصبان+المكرونه بالخضره+المكرونه بالصالصه والبرميزان+طاجين دجاج+بطاطا مشويه فى الكوشه +الارز الاخضر بالشبت+صوصات الاسماك+طاجين سمك+تتبيلات السمك)
كمون حوت (الاستخدامات المعروفه+احيانا نحبه مع الفاصوليا والطماطم المخلل)
البزار(معروف عندنا وانا نحبه وديمه مدخلته فى اكلى )
ورق غار (الاستخدامات المعروفه ونحبه مع صلصة المفروم
الكسبر (الاستخدامات المعروفه) ونحبه مع السبانخ
السماق(على السلطات +مع المقبلات+الدجاج+الصوصات +المتبلات +الطحينه)
بهار الدجاج(بهار خاص بالدجاج وتقريبا مكوناته عباره عن فلفل احمر حار واكليل الجبل وكارى وبودرة توم)
اكليل(مع الدجاج+تتبيل الشيش+طاجين الدجاج بالليمون)
زعتر برى(نحبه فى الحساء+الدجاج+السلطات+البيتزا+بعض المعجنات)
توم بودى(عادىنكهته توم عاديه ممكن تستغنى عن التوم فى بعض الاكلات وتستبدليها بالبودر حتى طعمها اخف (نستخدم فيها فى سلطة الزبادى+تتبيلات الكباب +الكفته+بعض الصوصات +الطواجين )
خلطة سلطات(تستخدم لجميع انواع السلطات وممكن تستخدم حتى على الخضار المطبوخه)
اللومى (الليمون المجفف) يستخدم للكبسه الخليجيه وممكن للبريانى ولمرقة اللحم +للرز)
خلطة شوربات(تستخدم للشوربات وهى عباره عن خلطة خضار مجففه طعمها روووووووعه فيها بصل وجزر ومعدنوس وزنجبيل وكوسه)
فلفل احمر(الاستخدامات المعروفه)
جوز الطيب(للبشاميل+للبطاطا المطبوخه+بطاطا فى الكوشه+بعض الحلويات+للبطاطا بيوريه)
قرنفل(للحلويات+للبريانى+المرقه احيانا)
اسفه اطلت عليكم بس مزال عندى جزء تانى للبهارت لانى دولابى هذا صغير مش شايل كل شى لى عوده بمجموعه تانيه ان شاء الله

luba

12-19-2012, 01:00 AM

شكرا ام عدنان علي المعلومة المهمة جاري البحت بارك الله فيك

ميمي تلقي الزعفران في الديمينيون في فازو زجاج
زي متاع النعناع اللي نزلته بس هوا ملفوف بالداخل في ظرف ابيض داخل الفازو
وهو كميتة صغيرة

ميرولاكي يا ميرو ماحلالالالاهم بارك الله فيك استفدت مننك ومن النبدة الحلوة اللي حطيتيها ماشاء الله
بارك الله فيك ربي يسلمك ويخليك

luba

12-19-2012, 01:01 AM

ام سااااره رووووووووووووعه بهاراتك
ويأتي الجديد والغريب من ام ساره
بارك الله فيك ومنك نستفيد تسلمي علي المشاركة الاكتر من الرائعة

أمـ ساره

12-19-2012, 01:12 AM

ماشاء الله لاقوة الا بالله ميرولاكي

بهارات اتهبل وتاخذ العقل

وبارك الله فيك على الشرح والتوضيح حبوبة

نبي نسألك في الصف الثاني على اليسار قبل القرفة 2

كاتبة كمون شنو هو هذا كمون حوت أو حاجاة ثانية ياريت توضحي لي

ونستنوا في الباقي يا حلوة

وربي يبارك في غروبة الي فتحت لنا هالموضوع المفيد

وان شاء الله في ميزان حساناته هي وكل واحد اضيف لنا معلومة وتفيدنا بالي تعرفه

ميرولاكى

12-19-2012, 01:24 AM

شكراااااااااااا لوبا وام ساره على الكلام الحلووووووووو
ام ساره
هو نفس الشى بس كتبت عليه من جديد للتوضيح بس لانهن علبتين عندى هههههههههههه

حبيبتهم

12-19-2012, 02:20 AM

السلام عليكم
ماشاء الله توابلكن روعة وشكرا لمشاركتنا بيهن

يا بنات عندي معلومتين وبنقولهن

اول شي علي تحريم استخدام جوزة الطيب
وهذا التحريم فيه قولين
الاول يحرم استخدامها لانها مادة مسكرة تذهب العقل محرم استحدامها باي كمية كبيرة او صغيرة
القول الثاني يحرم تستخدامها لوحدها ويجوة استخدامها تذا خلطت مع مواد اخري بكميات قليلة

المعلومة الثانية
ملح الحب او الملح الصخري او مايسمي ايضا الملح الحيدري هذا الملح مش مفيد والقول بانه افبد من الملح البحري غير صحيح
الملح المفيد هو الملح البحري او المعزز باليود لفائدة مادة اليود ومن فوائدها للاطفال وللاجنة انها تمنع التخلف العقلي

وعذرا عالاطااة

ميرولاكى

12-19-2012, 11:42 AM

حبيبتهم
باااااااااااارك الله فيك تعرفى اول مره تمر عليا معلومة جوز الطيب
ان شاء الله نفتش ونتاكد منها وشكرا على التنبيه

المصراتيه

12-19-2012, 12:51 PM

حبيبتهم بارك الله فيك معلومات حلوه ورائعه

ميرولاكي
شن قلتي مزال فيه دولاب تاني
اني لما شبحت هدينا وقلت ماشاااااااءالله شنو هدا كله وانتي تقولي مزال
ماشاءالله لكن باين عليك من تطيبك كله يهبل ربي يكمل عليك النعمه

ميرولاكى

12-19-2012, 03:17 PM

المصراتيه
باااااااااااااارك الله وفيك وحتى انت ديمه مسهفنى تطيبك وحلوياتك ماشااااااااااااااء الله
بس هذا الجزء الاكبر يعنى دولاب البهارات الرسمى بس لانه صغير مزال شوى حاجات فى دولاب تانى هههههههه يعنى مش دولاب كامل
ان شاء الله انزلهم قريب

مغتربة 7

12-19-2012, 05:22 PM

ماشاء الله على الفالحات والمنورات

مشاركاتكم تجنن ميرولاكي ماشاء الله عندك محل عطارة جميع التوابل عندك تبارك الرحمن ربي ايزيدك من نعيمه

لي عودة ان شاء الله لعرض بعض التوابل

أمـ ساره

12-19-2012, 05:50 PM

الله يسلمك لوبا حبيبة على كلامك الحلو

ميرولاكي

ايه استغربت حسبته نوع ثاني وما نعرفه

حبيبتهم

اني حسب ما نعرف انها محرمة وهذا الارجح والله أعلم

فيه حديث بالضبط ما نذكره لكن بما معناه ماحرم كثيره فقليله حرام

اني سيبتها وما عاد استخدمتها والحمد لله مع اني نحبها خاصة في الباشميل

بالنسبة للملح كيف نعرف أما هو الكويس انتي حيرتيني توا

وبارك الله فيك على المعلومة المفيدة

غروبة

ماشاء الله مازال عندك توابل

هيا اتحفينا بيهم حبوبة

ميمي يا حلوة

وين توابلك دهشتينا واحني نستنوا فيك وخيتي هيا بلا كسل انشطي ونزليهم

حبيبتهم

12-19-2012, 06:34 PM

السلام عليكم

ام سارة الملح اللي يكون مفيد هو الملح البحري او الملح المعزز باليود وهو غالبا تلقيه في اكياس في محلات المواد الغذائية بعضها مكتوب عليها معزز او مدعم باليود
اما الملح اللي مش مفيد هو الملح الصخري اللي ايبيعوا فيه بالوزن ويكون حبوب كبيرة وغالبا اللي يستعملوا فيه يغسلوا فيه قبل الطحن للتخلص من الاتربة العالقة بيه ومرات ايبيعوا فيه مطحون ويكون مخلط خشن وناعم مش نفس الحجم بعد الطحن
ان شاء الله لما تسمح الفرصة انزل صورة كيس الملح المعزز باليود

أمـ ساره

12-19-2012, 11:38 PM

بارك الله فيك حبيبتهم على الافادة

صار الي عندي مش ملح بحري اني شارية متاع الوزن

وياريت تنزلي لنا صورة الملح المعزز خلي نستفيدوا منك

ومشكورة حبيبة على المعلومات

حبيبتهم

12-20-2012, 11:55 PM

ام سارة هذا نوع ملح مدعم باليود وفي انواع غيره بس اني هذا اللي عندي توا في الحوش

http://im16.gulfup.com/90pk1.jpg (http://www.gulfup.com/?s6JqOK)

أمـ ساره

12-21-2012, 01:20 AM

بارك الله فيك حبيبتهم على الصورة

وان شاء الله المرات الجاية نركز على هالنقطة هذه

حبيبتهم

12-22-2012, 04:18 PM

السلام عليكم

الزنجبيل الطازج نستعمل فيه كتابل في الطعام

في تتبيل اللحوم والدجاج
ونحب حتى نغليه ونشربه

نحفظه في الفريز بعد تقطيعه لقطع صغيرة مثل الصورة وكل مانحتاج ناخد قطعة او اكثر حسب المطلوب

http://im24.gulfup.com/KHgs1.jpg (http://www.gulfup.com/?IglKX1)

بنت حواء

12-23-2012, 10:00 AM

السلام عليكم ورحمة الله وبركاته

ماشاء الله توابلكم حلوة وعرضكم ليها يسهف
تحمست وقلت خلي حتى أنا نعرض توابلي
مع أن مافيها شيئ جديد عليكم لكن حبيت نشارك
وبالنسبة لكلام حبيبتهم على الملح
مافهمتش ليش الملح الصخري مش كويس؟؟
نسحابه طبيعي 100 %

وتوا نبدا:

http://im14.gulfup.com/BOn510.gif (http://www.gulfup.com/?tswnAa)

http://im15.gulfup.com/uNEq10.gif (http://www.gulfup.com/?uhOo36)

بالسبة للتوابل هذه كلها وهي:

ورق غار _ زنجبيل _ قرفة _ ورد جوري _ شيبة _ عود لحم
فلفل أسود _ حب هان _ قرنفل _ كبابة

نستعمل فيها في الحاجة البيضا
يعني
الرز بالخلطة
والمقلوبة وو.....
نطبخهم مع اللحم ولا الدجاج وناخذ المرقة
والمكرونة المبوخة البيضاء بالخلطة
والكسكسي بالخلطة
ونستعمل في البعض منهم في (الرز بالتقلية) (المكرونة المبوخة)

http://im17.gulfup.com/k7mU10.gif (http://www.gulfup.com/?Qkicqz)

بالنسبة لهذه التوابل وهي:

اكليل _ زعتر _ كروية _ كمون حوت _ نعناع مجفف

الاكليل: طبعا في تتبيل الدجاج بجميع أنواعه
ومرات ندير فيه في صلصة البيتزا بديل الزعتر

الزعتر: في البيتزا

الكروية: في المخللات وبعض أنواع السلطات
(وحتى الكسبر المطحون لكن مصورتاش مكانش عندي)

كمون الحوت: في شوربة العدس وطبيخة الفاصوليا والفول المدمس
وأي حاجة فيها بقوليات بكثرة

نعناع مجفف: في طاجين البطاطا بالدجاج والمحاشي وبعض الشوربات

http://im23.gulfup.com/ugvZ10.gif (http://www.gulfup.com/?QUXaLR)

هذه طبعا توابل معظم الأكل

كركم _ زنجبيل _ فلفل أسود _ حرارات _ قرفة.. مطحونات

وبارك الله في مغتربة 7 على الفكرة الحلوة......... سلااااااااااااام

حبيبتهم

12-24-2012, 03:37 PM

السلام عليكم
عذرا مغتربة على تغيير الموضوع

عزيزتي بنت حواء الملح الصخري طبيعي 100% ولكن مشكلته انه لا يحتوي عاليود

واليود عنصر مهم للجسم ونقصه يسبب عدة امراض
أن نقص اليود يؤدي إلي تضخم الغدة الدرقية وكذلك البلاهة والتخلف العقلي والتقزم عند الأطفال
ربي يحفظنا ويحفظكم

ان شاء الله فهمتوا قصدي

luba

12-25-2012, 12:28 AM

بنت حواء مااااشاء الله توابل تفتح النفس وعرض رااائع

وشرح ممتاز بارك الله فيك اول مرة نسمع عن الكبابة ونشوفها

توابلك سمحة وتفتح النفس في التطييب

om_adnan

12-25-2012, 07:04 AM

بصراحه اول مره نسمع بيها الكبابه وعلى طول ع الجوجل وكانت المحصله الكبابة أوحب العروس هي عشبة متسلقة دائمة الخضرة وتعطي ثماراً تشبه ثمار الفلفل الأسود، إلا أن البذرة لها زائدة في طرفها، والجزء المستخدم هو البذور، وتستعمل كمطهر، ومضاد لانتفاخات البطن، وتستخدم طبياً كوسيلة لمواجهة عدوى الجهاز البولي، وكعلاج للسيلان. كما تستخدم كمقشع في علاج التهاب القصبات المزمن. وللإشارة لا يجب استخدام حب العروس من قبل الأشخاص الذين يعانون من التهابات في الجهاز الهضمي. إضافة إلى ذلك، فالكبابة نافعة لأمراض اللثة والسعال ، ومشاكل المعدة، كما تساعد على تحليل الأورام.
طعم جميل جدا للاكل مقارب لطعم جوزه الطيب ,اسمه بالانجليزى all spice seeds

أمـ ساره

12-26-2012, 12:06 AM

ماشاء الله بنوتة

عجبني كيف ساردة التوابل وكيف مرتبتيهم وشارحة عليهم

ربي يبارك فيك حبيبة

حتى اني أول مرة نسمع بيها الكبابة

أم عدنان

كالعادة مداخلة مميزة وتوضيح روووووعه

المصراتيه

12-26-2012, 10:41 AM

ماشاءالله بنيت حواء
سامحيني نبي نسالك في حاجات اول مره نسمع بيها
طبعا اني في التوابل شيييييي
ورد جوري _ شيبة _ عود لحم
كبابة
هدينا الاربعه مانعرفهنش وبارك الله فيك

المصراتيه

12-26-2012, 11:01 AM

سامحوني علي التاخير والله التصوير كان في نفس في بدايه الموضوع ولكن هدا وين سخر ربي ونزلت الصور
طبعا اني البهارات مش واجد عليهن
ونخليكم علي عندي توا

http://up.arabseyes.com/uploads/26_12_1213565116706.jpg (http://up.arabseyes.com/)

http://up.arabseyes.com/uploads/26_12_1213565116705.jpg (http://up.arabseyes.com/)

كاري وكركم مخلطات طبعا اني نحسابه الكركم هوا الكاري فخلطهن:cool:
فلفل احمر حلو مخلط مع حار

http://up.arabseyes.com/uploads/26_12_12135651136510.jpg (http://up.arabseyes.com/)
خلطه للمكرونه ولازانيا ووو

http://up.arabseyes.com/uploads/26_12_1213565113659.jpg (http://up.arabseyes.com/)
فلفل اسود وقرفه

http://up.arabseyes.com/uploads/26_12_1213565113651.jpg (http://up.arabseyes.com/)
حرارات وكمون حوت جبتهم معايا من ليبيا

http://up.arabseyes.com/uploads/26_12_1213565116707.jpg (http://up.arabseyes.com/)
نعناع وحبق مخلط ومجفف ومزال مش مغربل

http://up.arabseyes.com/uploads/26_12_1213565116708.jpg (http://up.arabseyes.com/)
كرويه من ليبيا

http://up.arabseyes.com/uploads/26_12_1213565113657.jpg (http://up.arabseyes.com/)
قرنفل

http://up.arabseyes.com/uploads/26_12_1213565113658.jpg (http://up.arabseyes.com/)
زعتر

http://up.arabseyes.com/uploads/26_12_1213565113652.jpg (http://up.arabseyes.com/)
حبة البركه مطحونه وحب

http://up.arabseyes.com/uploads/26_12_1213565113653.jpg (http://up.arabseyes.com/)
ورق الغار

http://up.arabseyes.com/uploads/26_12_1213565113654.jpg (http://up.arabseyes.com/)

كسبر

http://up.arabseyes.com/uploads/26_12_1213565113655.jpg (http://up.arabseyes.com/)
اكليل الجبل من كليلة امي قطعتهلي واكيد ليها طعمه خاصه هههه

http://up.arabseyes.com/uploads/26_12_1213565113656.jpg (http://up.arabseyes.com/)
تتبيله للدجاج " الكنتاكي وغيره

http://up.arabseyes.com/uploads/26_12_1213565116691.jpg (http://up.arabseyes.com/)
تقريبا زعتر بري ماتضحكوش عليا ندير فيه بالصنه

http://up.arabseyes.com/uploads/26_12_1213565116692.jpg (http://up.arabseyes.com/)
زنجبيــــــــــل

http://up.arabseyes.com/uploads/26_12_1213565116703.jpg (http://up.arabseyes.com/)
خلطه من البهارات والجلجلان وحبه البركه ونحط فيها امتي مايخطرلي مانعرفش بالزبط في شنو

http://up.arabseyes.com/uploads/26_12_1213565116704.jpg (http://up.arabseyes.com/)
هدي خلطه للمشاوي طعمتها حلوه وهدي نهايتها

بارك الله فيكم استفدت منك كلكم وبارك الله فيك غروبه علي الموضوع ويارت تفتحينا موضوع انواع الصوص نحبببه ونبي نستفيد منكم،،
والسلام عليكم