[بيتزا] من مطبخ ام عبسي

[ام عبسي]

السلام عليكم


http://www.libyan-kitchen.com/gallery/images/goodbasta.gif




كيف حالكم ان شاء الله الجميع اتكونوا بألف خير
وسامحوني ع الانقطاع المتكرر لأن العمل فارض علي هكي
جايبتلكم طريقتي في البيتزا بشكل مختلف وطيب وخاصة لمحبي الجبنة


العجينة

اي طريقة معتمدة عندك ولكن خليها متماسكة شوي علشان التشكيل
طبعا بالنسبة لعجينتي
دقيق تقريبا تلات اكواب
ملعقة ونصف كبيرة خميرة فورية
ملعقة كبيرة سكر
ملعقة صغيرة ملح
3 او4 ملاعق حليب نيدو بودرة اونصف كوب لبن (حسب المتوفر) اني عن نفسي نحب نعجنها باللبن
وكمون اسود او زعتر مطحون(اختياري)
وماء دافئ للعجن



http://www.libyan-kitchen.com/gallery/images/2012102528.jpg


وبعدين نحضر الصلصة(زيت ع النار ونحط فيه بصل مبشور +
ثوم مفروم+طماطم حب مبشور+نص ملعقة كبيرة طماطم معجون+كركم+ملح قليل+حراراتك اللي تحبيها )
تشويحة بسيطة وفي الاخير نحط المعدنوس المفروم ونطفي عليها



http://www.libyan-kitchen.com/gallery/images/2012110631.jpg



ونحضر مكونات البيتزا من فوق(جبن مبشور وافضل الانواع بالنسبة ليا جبنة الشمع الاحمر
+الموزاريلا ونبشر النوع الاول بشر رقيق والنوع الثاني بشر اكبر شوي+طماطم شرائح
+فلفل اخضرحلو شرائح في الصورة حاطة خيار لان الفلفل ماكان متوفر:Dعلشان الصورةبس:cool:+زيتون+تن)



http://www.libyan-kitchen.com/gallery/images/201210xxx.jpg
http://www.libyan-kitchen.com/gallery/images/201211ifi.jpg


ونبدا في تقريص العجينة الى قرصين او تلات اقراص دائريةكبيرة وبعدين نقص
العجينة من الخارج الى الداخل بدون مانكمل القص الى الداخل (مثل قص البيتزا العادية الى متلتات)
والصورة توضح اكثر ومن ثم نحط في كل نهايةللمتلت الخارجي جبنة مثلتات
(او اي فكرة تخطر علي بالك للحشوة )واني في الصورة درت تشكيلتين
وحدةكأنك تسكري في سمبوسة يعني تلاقي الطرفين مع بعض والتانية
زي القمع يعني تسكري طرف واحد ( اني ما نعرف نشرح مزبوط لكن ان شاء الله تكون الصورة وضحت اللي انقول فيه)




http://www.libyan-kitchen.com/gallery/images/201210hkh.jpg

وبعدين نحط مكونات البيتزا العادية الصلصة والتن والزيتون والفلفل
والطماطم وندخلها الفرن وبعد ما اطيب نحط الجبنة المبشورة وعلى طول ع الفرن الساخن اندوب الجبنة بس




http://www.libyan-kitchen.com/gallery/images/2012102529.jpg



وهنا لما قصيتها شفتو لوين نبي نوصل لما تقصي البيتزا يطلع
في نهاية كل طرف بيتزا متلت اوقمع محشي جبنة ومطيبها لما
تكون سااااااخنة والاحلى لما تكملي طرف البيتزا وتوصلي في
الجزء هذا


http://www.libyan-kitchen.com/gallery/images/201210vnv.jpg



وهذي بيتزا عادية درتها في يوم تاني غرقتها بالجبنةوعجبتني وديتكن بيها هي تفضلن صحتين

http://www.libyan-kitchen.com/gallery/images/2012110933.jpg
http://www.libyan-kitchen.com/gallery/images/201211jpj.jpg


وهذا لأول وحدة ترد


http://www.libyan-kitchen.com/gallery/images/201211xhx.jpg


ودومتن في حفظ الرحمن

[luba]

ماشاء الله لاقوة الا بالله
افكار حلوة بارك الله فيك
وربي يوفقكم في عملك وبيتك ووقتك
وعجبتني واليوم كان عشاي بيتزا كمهادا عيطت
جاري التقييم اكيد
http://www.libyan-kitchen.com/gallery/images/201211xhx.jpg

[بنت حواء]

http://www.libyan-kitchen.com/gallery/images/2012102529.jpg


ماشااااااااء الله ياأم عبسي بيتزا تشههههههي
تسلم يديك وصحة وهنا على قلبك
لك مني 5 نجووووووووم

[مغتربة 7]

http://www.libyan-kitchen.com/gallery/images/2012110933.jpg

باهي لحقت حتى اني
يميييييييييييييييييييييييي
شن ها الرعايش ياحبيبتي
بيتزا تهببببببببببببببببببببل ماشاء الله
وانواع الجبنة فيها يم يم
تسلم الايادي المبدعة
جاررررررررررررري التقيييييييييم
وربي يعينك يارب

[الصابرة]

ماشاءالله
تسلم الايادي بيتزا تسهف
واللي عجبني اكثر الحق لون الصلصة تهبل ومدهنة مش عادية

http://www.libyan-kitchen.com/gallery/images/2012110631.jpg

بارك الله فيك واعطاك الله الصحة
لك تقييمي

[محبة الكروشيه]

سلمت يداك يام عبسي

شكله حلوووووووووو اكيد طعمها احلى:o:o

[زينب محمد]

ماشاء الله بيتزا تسهف

وتستحق التقييم

الله يسلم ايديك ويعطيك الصحة والعافية حبيبتي

صحتين وهناء على قلوبكم

[نسمه ليبيه]

http://www.libyan-kitchen.com/gallery/images/2012110933.jpg

ماشاء الله
لاقوة الابالله

اكيد جارى التقييم والتطبيق

[Om Amory]

يسلموا ايديك حبيبه

[لوتي]

ماشاء علي البيتزا تشهي يسلموووو يأم أم عبسي تستاهلي التقيييم

[المصراتيه]

ماشاءالله لا قوه الا بالله
بيتزا تهبل والجبنه السايحه تسهههههههههف
يعطيك الصحه وتسلم يدياتك
احلي تقيم لاحلي بيتزا

[حبيبتهم]

ماشاء الله بيتزا تهبل
تسلم ايديك ام عبسي
وتم التقييم

[أم ميوسة]

ما شاء الله بيتزا تجنن

تسلم ايدياتك ام عبسي

احلى تقييم ليك

[ترهونيه حره]

بيتزا رااااائعه تسلم ايدك
احلى تقيييم

[ام عبسي]

بااااااااااااااااارك الله فيكن
والله من فرحتي بردودكن كل ماانخش
ع المنتدى انتفرج عليهن ونقراهن اكثر من مرة
الله يعلي مقدارقن كيف ما رفعتن معنوياتي

[sweet nona]

ممممممممممم

بيتزا مش عادية شكلها بالذات وهيا سخونة فى هالصقع هههه

نورتى بوصفاتك ام عبسى يلا المهم ماتغيبى علينا

تسلم ايديك بس خسارة بناويت المنتدى امكملينها كلها جيت متأخرة خاصة كان جت لوبا انسى هههه

الحى تقييم

[ام عبسي]

سلمك حبيبتي سويت وينور ايامك
ولايهمك علشان خاطرك نتعبوا وانديرها مرة تانية
ومش خسارة فيك ولافي بناويت المنتدى الحلو

[نسيبة]

تسلم الايادي غالية تستحقين اروع تقييم و احلى نجوم


مباش يمشي التقييم

دمت بخير

[ام عبسي]

سلمك حبيبتي نسيبه
عادي ولايهمك ردك يكفيني ومرورك ع الموضوع اكبر تقييم

[أمـ ساره]

رعاااااايش يا أم عبسي رعاااااااااااااااايش

بيتزا اتهبل واذوب وتجي في الخاطر

بكري نفكر ان غدوة ندير بيتزا

لكن بعد ما شفت موضوعك باذن الله غدوة نديرها

ربي يسلم ايدياتك الحلوة على الوصفات الرووووعة

تم التقييم لك وللموضوع اللذيذ

يالهني والعافية على قلب من كلاها

[أم خديجه]

ما شاء الله منظر جديد للبيتزا

وتسلم ايداتك و سلمك وداده



جاري التقييم

[ميرولاكى]

تسلم الاياااااااااااااااادى الحلوه
شكل حلووووووووووو وجديد
الله يبارك فيك
صحتين وعافيه

[نجوي]

تسلم الايادي علي احلي بيتزا