[المعمول السعودي ] من مطبخ علياء السلفية

[علياء السلفية]

http://dc14.arabsh.com/i/02376/7um59dh63p65.gif


السلام عليكم ورحمة الله وبركاته,,,

كيف حالكم , هادي اول مشاركة ليا هني مع اني نخش هلبا كنت بس كضيفة مش عضوة .

طريقة المعمول السعودي خديتها من منال العالم وجتني ماشاءالله يدوب في الفم

مقادير العجينة:

كوبين وربع دقيق ,ملعقة خميرة بيكنج باودر,رشة ملح ,نص كوب سكر ناعم او اقل لانه حيتغطى سكر ناعم, تلاتة ارباع كوب زبدة او انص زبدة وربعها سمن, بيضه صغيرة الحجم , فانيليا.
للحشوة تمر عجين ادا كان يابس حطي شوية زبدة وسخنيه في المايكرويف او عالغاز شووووية باش يلين وتقدر تخلطي معاه لوز مهروش اني ما حطيتهاش تمر بس درت.

والطريقه :

تخلطي جميع المكونات وتعجنيها اهم شئ ما تخلطيش الزبده والسكر وتضربيهم زي الكيك لانه مش حيعطيك نتيجة كويسة هنايا اخلطي المكونات كلها تكون العجينة تشبه عجينة الغريبة وفي حالة جت ياسبة زيدي زبدة لانه يرجع لنوع الدقيق .


http://www.libyan-kitchen.com/kitchen/attachment.php?attachmentid=1117&d=1354202889


http://www.libyan-kitchen.com/kitchen/attachment.php?attachmentid=1118&d=1354202893

[مغتربة 7]

ماشاء الله معمول ايجي فى الخاطر
تسلم الايادي
جاري التقييييييييم
ونورتي المنتدى وخيتي
فى انتظار المزيد من مشاركاتك الراائعة

[زينب محمد]

ماشاء الله معمول يسهف ويسحتق التقييم

الله يسلم ايديك ويعطيك الصحة والعافية حبيبتي

صحتين وهناء على قلوبكم

نورتي المنتدى وبانتظار المزيد من المشاركات والموضوعات والتطبيقات

[رميساء]

السلام عليكم
ماشاء الله الِبدايه بالحلويات موفق يا علياء
بالصحة عليكم
وبارك الله فيك علي المعمول
مشكورة

[om_adnan]

سلم إيديك علياء,فعلا طرق منال كلها حلوه,شكرا على ملاحظة العجن لانها فعلا تأثر فى الطعمه,تقديمك للموضوع ممتاز والصور تتكلم,صحتين وعافيه وفى انتظار المزيد.

[علياء السلفية]

بارك الله فيكم , فرحتوني بالردود المشجعة انا نحب المطبخ والطبخ هلبا ان شاءالله نفيد ونستفيد منكم .

[نسمه ليبيه]

الله اكبر معمول يسهف بصراحه ربي يسلم ايديك ولك احلى تقييم

[luba]

ماشاء الله بصراحه داخله معانا بقوة
ربي يعطيك الصحه قلنا طاجين وبنطبقوه وطلعلي معاها
اللي بنهبل عليه المعموووووول
جاري التطبيق ان شاء الله لانه في بالي واندور علي هش ويدوب
وشكرا علي الشرح الواضح وخاصه في العجن ربي ينجيك
وخليك بالقرب معانا شكله مطبخك مبهر
بارك الله فيك اكيد تم التقيييم

[علياء السلفية]

الله يسلمك وخيتي نسمة ليبيا, ووخيتي لوبا جربيها بجد حتفرحي بالنتيجة بادن الله وان شاءالله عندي المزيد .

[الصابرة]

ماشاء الله معمول يسهف
الله يسلم ايديك ويعطيك الصحة والعافية وخيتي
وفعلا معمول مش عادي يذوب في الفم
عن سابق تجربة اكثر من مرة
لك تقييمي

[بنت حواء]

ماشاء الله معمول يشهههههههي
تسلم يديك
ولك أحلى نجووووووم

[علياء السلفية]

السلام عليكم ,,,
بارك الله فيكم وخياتي تسلموا على مروركم الطيب وردودكم المشجعه.

[sweet nona]

ممممممممممم

معمول ايجنن ايجى فى الخاطر

تسلم ايديك جارى التقيييم

والحفظ والتطبيييق

[بنت الاشراف]

سلمت يداك

[المصراتيه]

ماشاء الله تسلم الايادي

بارك الله فيك

لك تقييمي