[ استفسار ] نوع شوكلا وجلوكوز

[الصابرة]

السلام عليكم

الطلب الاول
يا اخواتي هذا شوكلا نوع خام سادة لون قهوي اسمها ( سان بيتر )
شوكلا خام مش عادية وراقية رغم انها صناعة مصرية
وبصراحة من قبل الزواج استعمل فيها لكن كانت متوفرة في بنغازي
وفي طرابلس لم اجدها
وهذه موصية عليها من بنغازي
فأتمنى منكن من صادفتها في طرابلس ان تدلني على المكان او اي نوع شوكلا يكون ذا جودة عالية


http://www.libyan-kitchen.com/gallery/images/file0896.jpg



http://www.libyan-kitchen.com/gallery/images/file0897.jpg


الطلب ثاني

محل لبيع الجلوكوز ولكم جزيل الشكر مقدما

[لوتي]

الصراحة أني منعرفش لكن إن شاء الله الأخوات يفيدوك ونستفيد معاك لكن وين في بنغازي يبيعو فيها بيش حتى أني نوصي عليها

[مغتربة 7]

اول مرة نعرفها الشوكلا هذه
ان شاء الله البنات يفيدوك يارب
تقبلي مروري

[الصابرة]

مشكورة غروبة ولوتي
لوتي ... في اي محل تلقيها في بنغازي اعطي اي حد الاسم يجيبها لك
وشوكلا مش عادية بصراحة روعة

وها مازالت نستنى حد يساعدني

[زاد الاسرة]

محل زاد الأسرة سوق الجمعة 15 الطير سابقا

[الصابرة]

مشكورة اختي زاد الاسرة لكن ماوضحتيش شنو اللي عنده الشوكلا او الجلكوز او الاثنين مع بعض

[نسمه ليبيه]

ان شاء تلاقى طلبك

بس حبيت نقولك انى حتى انا هى المعتمده عندى وعند عائلتى سانبيتر

[أمـ ساره]

صبورة


بصراحة أول مرة نشوفها وما قابلتني من قبل

لكن ان شاء الله اول ما نعرف مكانها نقول لك حبيبة

[الصابرة]

طبعا نسومة عاد كيف ماتكونش عندكم

ام سارة تعرفي لو تعرفي طعمتها وامكانيتها مش عادية
مع احترامي للبستان تو تزعل مني لاني ماعندي غيرها توا

شكلي بنبعت عليها وخلاص لاني تأملت اني نلقى حد يعرفها في طرابلس

[طُقاشه النواره]

والله مره اسالت صاحب محل ...اعطاني نعتة محل خاص بالشكلاته امتاع الحلويات ..
الراقيه وقالي تلقي عنده حتي الغالي ....
قالي في زاوية الدهماني ,,,, فيه محل ايبيع في الخزنات ...الشارع اللي لاصق فيه بالزبط خشي شويه تلقيه ...
محل متخصص بالشكلاته ....
المضحك في الموضوع ..قتله علاش متجيبهاش انت .. قالي زبايني يبو البستان بس ..
علاش الخساير انجيبها لين اتم صلاحيتها ... ميخدها حد
قالي هكي اريحلي يا اوخيتي .. والله ضحكني ..
المهم ان شاء الله انكون فدتك ..
او لاي استفسار عيوني ليك ...سلامات ي عسل
لان اول رد جاني منك لما شاركت ....

[الصابرة]

سلمك يارب
وطبعا اني مانفهم هلبة في طرابلس لكن النعتة توا انقولها لراجلي اكيد يزبطها
وتصدقي نفس الموقف صارلي حتى اني لما مرة سئلت صاحب محل قلت ليه خيركم تجيبوا غير في البستان فرد عليا نفس الرد
مع ان الله يسامحها البستان مانلقى الا فيها خير ماتزعل ومعاش نلقوها حتى هيا هههههه

[زوبة الطيوبة الحبوبة]

صابرة النوع هذا من الشوكلاتة اللي سألتي عليه شريت منه الاسبوع اللي فات من محل زاد الاسرة في سوق الجمعة شارع 15 الطير وعنده حتى الخام البيضاء ..

[الصابرة]

الله يبشرك بالخير يازوبة ويعطيك ماتتمني يارب

[زوبة الطيوبة الحبوبة]

الله يسلمك ويحفظك صبورة ... ويعطينا كلنا مانتمنوا

[أم عبادة الليبية]

بارك الله فيك زوبة انتي وصبورة أفدتينا كلنا ان شاء الله نشروها وانجربوها .

[الصابرة]

وفيك بارك الله

[كيميائيه]

هذا النوع من زماااااااااااااان متوفر فى المنطقه الشرقيه كلها وهو نوع عادى اما السعر مايزيدش عن 2 دينار

[الصابرة]

اختي كيميائية

انتي شكلك ماقريتيش كلامي كويس انا عشت عمري في المنطقة الشرقية وعارفتها متوفرة وسؤالي كان من قابلتها في طرابلس