[مفرمة اللحم من مولينيكس] من مطبخ أمـ ساره

[أمـ ساره]

السلام عليكم ورحمة الله وبركاته



مفرمة اللحم من مولينكس ماشاء الله لا قوة الا بالله

بصراحة عملية وحلوة ومفيدة جداً جداُ

تفرم اللحم بسرعة كبيرة

ومش لازم يكون اللحم صغير حتى يفرم



http://i1159.photobucket.com/albums/p637/the_faithe/maframa.gif




هذا الهيكل لها الجزء الفوقي يفتح وتوضع فيه بعض أدوات اللحم

فيه ثلاث مفاتيح

مفتاحين للتشغيل والقفل

والمفتاح الثالث لوحده يستخدم أثناء التشغيل بالعكس

حتى يخرج اللحم للأعلي بدل ما ينزل

وهذه تستخدم عندما تعلق قطعة شحم أو لحم



http://i1159.photobucket.com/albums/p637/the_faithe/meframa.gif




موس الفرم وقطعتي فرم اللحم بحجمين

كبير وصغير (واسع وضيق )

والقطعة الي تغلق بيها

وأيضاً قطعة حشو المرقاز (أو المصران الرقيق )


http://i1159.photobucket.com/albums/p637/the_faithe/meframa1.gif


http://i1159.photobucket.com/albums/p637/the_faithe/meframa5.gif




وهذه قطع الآلة


تحتوي على 5 قطع مجانية للخضار من بشر وفرم وتقطيع

وأيضاً على قطع فرم اللحم المعروفة




http://i1159.photobucket.com/albums/p637/the_faithe/meframa2.gif


http://i1159.photobucket.com/albums/p637/the_faithe/meframa3.gif




هذه القطعة تركب في حالة بشر أوقطع أو فرم

الخضار وممكن المكسرات


http://i1159.photobucket.com/albums/p637/the_faithe/meframa4.gif


http://i1159.photobucket.com/albums/p637/the_faithe/meframa6.gif



فرم 2 كيلو اللحم ما ياخذ منك دقيقة


وفيه حجم أقل منه شفته بالأسواق

بالنسبة للأخوات الي في طرابلس تلقوا منها بالحجمين

في المحلات الي في جنب العويطي(ان شاء الله تعرفوه)


أهم شيء أن الوكيل موجود في ليبيا وقطع الغيار متوفرة ان شاء الله

سعرها تقريباً 300 دينار وطبعاً يختلف من مكان للثاني




وان شاء الله نكون أفدنكم ببعض التوضيحات

[luba]

رووووووعه ماشاء الله ومنك نستفيد
بارك الله فيك علي دقة المعلومات والصور
ربي يعطيك راحة البال
الي التقييييم

[زهرة الحبق]

مبروك غليك المفرمة ممكن تكتبي مكان المحل بالشرح لاني مش من طراباس

[الصابرة]

ماشاءالله
مفرمة لحم تهبل وشرح مفصل
بارك الله فيك وعلى وقتك
تتهني بيها

[om_adnan]

عليك السلام ورحمة الله وبركاته ام ساره.....ماشاء الله,ولا حول ولا قوه إلا بالله,ان شاء الله تبيديها بالهناء,ماكينه مش عاديه.

[أمـ ساره]

الله يسلمكن ويبارك فيكن وخياتي

وربي يهنيكن ويعطيكن ما في بالكن يارب

مشكورة لمروركن الحلو

[أمة الله]

ماشاء الله اتبيديها بالهني أنا امتاعي مافيهاش القطع هدي كلها

[أمـ ساره]

الله يسلمك ويهنيك أختي أمة الله

هو الانواع هلبة وكل وحدة شكل

حتى المولينيكس نفسها تختلف من وحدة للثاني

وعدد القطع هو الي يحدد الثمن

[لوتي]

ماشاء الله ماكينة روووعة تتهني بيها وتبيديها بالهني ياربي ونبو منك أكلات حلوة بيها زي ماعودتينا ليك خمس نجووووم

[ام عبسي]

مبارك يا ام ساره
ان شاء تتهني بيها
نبي نسألك شن صناعتها

[أمـ ساره]

لوتي


الله يبارك فيك ويهنيك وخيتي ويرزقك ما تتمني يارب

ومشكورة على النجووم الحلوة



أم عبسي

الله يسلمك ويهنيك ويبارك فيك وخيتي

صناعتها فرنسية

[نسمه ليبيه]

مبروكه عليك ام ساره


بنسالك هل ممكن انك تديري فيها الكعك الحلو والكبه؟

[تعزيز]

تتهني بيها مكينة ماشاء الله

[بنت حواء]

ماشاء الله روعة تبيديها بالهنا
بارك الله فيك

[المصراتيه]

ماشاءالله حلوااا
تبيديها بالهني ان شاءالله
بارك الله فيك

[أمـ ساره]

الله يسلمكن ويبارك فيك وخياتي ويهنيكم يارب

نسومة سامحيني على التأخير

بصراحة مش عارفة تركب عليها أو لا لأن ماعندي الاداة الخاصة بالكعك

بالنسبة للكبة أكيد تقدري اديرها فيها

[بنت أبوها]

http://www.libyan-kitchen.com/kitchen/images/icons/icon1.png


ماشاء الله ولاقوة الا بالله

[سنابل]

ما شاء الله عليك وبالشرح المفصل ربي يهنيك بيهم